клиника – Kurir.mk

Министерот Меџити: Заедничките служби на Клинички центар ништо не работат, а сите 66 директори треба да се разрешат!

Ивана Ефремовски — Tue, 17 Oct 2023 16:32:50 +0000

Приорите од првиот ден ми е спојување на клинички центар, што како пример и референтен центар ми е Словенија и Љубљана како клинички центар, истите жители, истата географска големина. Ние не сме ни по паметни, ни побогати од нив и мислам дека треба да следиме нив, не треба да откриеме топла вода, вели министерот за здравство Фатмир Меџити од денешната седница на Анкетната комисија за случајот си клиниката за онкологија, во македонското Собрание, додавајќи дека ние сме земја која што има 66 директори на еден метар квадратен. Меџити истакна дека овие 66 директори на универзитетските клиники во Клиничкиот центар во Скопје треба да се разрешат и дека треба да се укине и Службата за заеднички работи која во изминатиот период ништо не работи освен што од година во година ги зголемува долговите. „Јас сум за тоа дека треба да се тргнат овие директори и сите тие јавни набавки да бидат на ниво на еден заеднички клинички центар а не со Заеднички служби кои ништо не работат, не ги знаат одговорностите, само се загубари и од година во година ги зголемуваат долговите. Затоа ова е конкретна јасна мерка и во иднина ќе видите дека ова ќе биде реалност и како ќе се справиме со сите овие нерегуларности и за кои и јас потполно се согласувам“, рече министерот Меџити.

Маж повреден со огнено оружје, пукале на семејна веселба

Ивана Ефремовски — Thu, 14 Sep 2023 14:10:46 +0000

На 13.09.2023 во 21:23 часот во СВР Скопје, од Комплексот клиники „Мајка Тереза“ било пријавено дека кај нив со повреда од огнено оружје било донесено машко лице. Полициски службеници излегле на местото и било утврдено дека станува збор за М.И.(31) од Арачиново, скопско, кој според првичните информации бил повреден на семејна веселба во скопско. Се преземаат мерки за расчистување на случајот.

Скопјанец излетал од коловозот, тешко е повреден

Ивана Ефремовски — Sun, 28 May 2023 10:57:53 +0000

На 27.05.2023 во 21:15 часот било пријавено дека во Скопје на крстосница од бул.“Христијан Тодороски-Карпош“ и ул.“Натанаил Кучевишки“ патничко моторно возило “ауди“ со скопски регистарски ознаки, управувано од М.В.(43) од Скопје, излетало надвор од коловозот. Во несреќата со тешки телесни повреди се здобил возачот, а со телесни повреди се здобил сопатникот Ф.Е.(34) од Скопје констатирани во Комплексот клиники “Мајка Тереза“. Извршен бил увид од увидна екипа од СВР Скопје.

Млад скопјанец опериран на клиника: Пријавил дека паднал во двор, а од телото му бил изваден куршум

Ивана Ефремовски — Tue, 23 May 2023 15:21:21 +0000

На 22.05.2023 во СВР Скопје било пријавено дека во Комплексот клиники „Мајка Тереза“, при хируршка интервенција бил изваден проектил од огнено оружје од пациентот Д.П.(21) од с.Бразда, скопско. Имено, на 18.05.2023 тој бил пренесен во Комплексот клиники „Мајка Тереза“, при што изјавил дека паднал во дворот, и, како што рекол, се повредил од метален предмет. Се преземат мерки за расчистување на случајот.

Скопјанец пренесен на клиника, тешко е повреден во сообраќајка

Ивана Ефремовски — Fri, 05 May 2023 10:50:54 +0000

На 04.05.2023 околу 13:15 часот во СВР Скопје било пријавено дека на крстосница од ул.„Борис Сарафов“, ул.„Ѓорѓи Казепов“ и ул.„Апостол Петков“ во Скопје се случила сообраќајна несреќа помеѓу патничко моторно возило „мерцедес“ со скопски регистарски ознаки управувано од С.В.(37) од Скопје и мопед „априлија“ со скопски регистарски ознаки управувано од Ф.Т.(30) од с. Визбегово, скопско. По несреќата, Ф.Т. бил пренесен во Комплекс клиники „Мајка Тереза“ каде му биле констатирани тешки телесни повреди. Увид на местото на настанот извршила екипа од СВР Скопје.

Трагедија: Затвореник починал на скопска клиника, познат неговиот идентитет

Ивана Ефремовски — Wed, 18 Jan 2023 15:01:56 +0000

На 17.01.2023 околу 05:35 часот во СВР Скопје е пријавено дека во Клиника за токсикологија - Скопје починал Г.С.(51) од Велес, осуденик од Казнено-поправната установа Идризово, кој кај нив бил донесен претходниот ден. Лекар констатирал смрт без траги на насилство. За настанот е известен Јавен обвинител по чија наредба телото било предадено на обдукција.

Обвинителство со детали за обвинението за измама во приватната клиника Жан Митрев

Дарко Андоновски — Tue, 10 Jan 2023 11:15:06 +0000

По спроведена претходна постапка, јавен обвинител од Основното јавно обвинителство Скопје денеска до Основниот кривичен суд Скопје поднесе – Обвинителен акт против едно физичко лице и Обвинителен предлог против правно лице кои се товарат за продолжено кривично дело – Измама од член 247 од Кривичниот законик. Во текот на постапката првично оформена по допрен глас, јавниот обвинител обезбеди докази за поткрепа на основаните сомненија дека обвинетиот, во периодот од јуни 2020 година до јуни 2022 година, со намера за правното лице – приватна здравствена установа да прибави значителна противправна имотна корист, со прикривање факти ги довел во заблуда оштетените пациенти лекувани во болницата од Covid – 19 кај кои е извршена хемофилтрација и членови на нивните семејства, со што ги навел секој од нив да стори штета на својот имот во различни износи, а во вкупен износ од 97.461.600 денари. Обвинетиот на пациентите и во јавноста прикажувал дека методот хемофилтрација е одобрен да се применува и е ефикасен за лекување од Covid – 19, притоа користејќи ги приликите на здравствената криза предизвикана од пандемијата. Тој се повикувал на документ издаден од Американската управа за храна и лекови во април 2020 година, со кој на компанијата „Бакстер“ и било издадено овластување за вонредна употреба на Оксирис сетот (Oxiris Set Device), како медицинско средство со кое се спроведува постапката за хемофилтрација кај пациенти со потврден коронавирус, на возраст од 18 години или повеќе кои се на интезивна нега со потврдена или итна респираторна слабост и потреба за прочистување на крвта. Меѓутоа, можноста за употреба на методот кај пациенти заболени од Covid – 19 тој не смеел да ја промовира, истовремено прикривајќи го фактот дека методот не е одобрен во третманот на оваа болест, ниту од издавачот, ниту во нашата земја, како и дека овластувањето за медицинското средство е издадено само во вонредна постапка поради пандемијата, со дефинирани критериуми и опсег на примена. Исто така, покрај потенцијалниот бенефит, третманот имал и сериозни потенцијални ризици за кои пациентот морал да биде запознаен, па средството не смеело да се прикажува како безбедно или ефикасно во третманот или превенцијата од Covid – 19. На овој начин обвинетиот кај секој од оштетените создал лажна претстава и заблуда, па најголем дел од нив при приемот на конкретен пациент во болницата, однапред уплаќале средства за по два циклуси на хемофилтрација како дел од болнички пакети, без да им биде објаснет овoj метод и потенцијалните ризици од него и без да се прибави соодветна согласност за примената на таква процедура кај пациентите, што е спротивно на условите утврдени во овластувањето и на здравствените прописи и стандарди.

Клиниката за радиотерапија и онкологија формираше онколошки конзилиум за подобрување на услугите

Тале Кристо — Fri, 25 Nov 2022 15:06:30 +0000

Новата в.д. медицинска директорка Виолета Клисаровска на Универзитетската клиника за радиотерапија и онкологија формираше онколошки конзилиум, надлежен за правилна и подобрена покриеност на пациентите со биолошка терапија. Исто така, во тек е обновување на онколошките протоколи за лекување, согласно медицина базирана на докази, но адаптирани во рамките на актуелните можности на буџетот на клиниката, информираат од Универзитетската клиника. -Биолошката терапија, односно лековите кои не се на позитивна листа, ги обезбедува клиниката преку условен буџет, кој е дефиниран во соработка со надлежните институции. По насока на Владата и Министерството за здравство, спроведуваме ревизија која очекуваме во брз рок да даде анализа и јасен пресек на состојбата. За овој дел, јавноста ќе биде дополнително информирана се со цел заштита на јавниот интерес, се наведува во соопштението. Од Клиниката додаваат дека се работи и на анализа која дополнета со наодите од ревизијата ќе биде основа за преземање на други чекори и активности за креирање ново системско решение кое ќе оневозможи каква било злоупотреба на процесите, во интерес на пациентите и граѓаните.

Турчин со тешки повреди пренесен на скопска клиника

Ивана Ефремовски — Tue, 15 Nov 2022 15:36:17 +0000

На 14.11.2022 во Полициската станица Центар, од Комплексот клиники „Мајка Тереза“ било пријавено дека кај нив со тешка телесна повреда бил донесен З.К.(57) од Република Турција, со престој во Скопје. Според пријавеното, тој се здобил со повредата додека извршувал градежни работи на објект во изградба на бул„Кирил и Методиј“. Увид бил извршен, а за настанот бил известен Државен инспекторат за труд.

Тепачка на скопска клиника, вработена нападната од колешка

Ивана Ефремовски — Tue, 08 Nov 2022 15:34:30 +0000

На 07.11.2022 во 13:35 часот во Полициската станица Центар, С.М.(47) од Скопје пријавила дека околу 12:00 часот на работното место во една од клиниките во Комплекс клиники „Мајка Тереза“ била физички нападната од нејзината колешка В.М.. Се преземаат мерки за расчистување на случајот.