Клиниката за гинекологија – Kurir.mk

Редок феномен на скопска Гинекологија, се случува еднаш на 80.000 раѓања (ФОТО)

Дарко Андоновски — Fri, 07 Aug 2020 07:28:27 +0000

Завчера, на Универзитетската клиника за гинекологија и акушерство во Скопје се случи несекојдневно породување. Станува збор за медицинско чудо и редок феномен, т.н. “en caul“ породување или раѓање на бебе во амнионска обвивка, кој се случува еднаш во 80.000 породувања. „Бебето во превез“ на свет дојде со помош на асс. д-р Елена Ѓоргиевска Николовска, гинеколог која заедно со својата колешка правеле породување со царски рез кај трудница која носела близнаци. „Како гинеколог-акушер со 18 годишно работно искуство на Универзитетската клиника за гинекологија и акушерство во Скопје, имав прилика заедно со мојата колешка асс. д-р Катерина Николоска да породиме пациентка во термин со близначка бременост со царски рез, при што, по породувањето на првото бебе, започна породувањето на второто бебе со „воден превез“. Целата екипа во операционата сала во еден момент беше благопријатно изненадена од овој природен феномен, и покрај големиот број на породувања кои ги правиме секојдневно. Навистина, тогаш сфаќаме колку е совршена природата и како ги создала совршено сите работи“, вели асс. д-р Елена Ѓоргиевска Николовска. Целиот текст можете да го прочитате на Педијатар.мк или ТУКА.

Екс државен директор тврди дека Рашковски бил дел од тендери во здравството

Дарко Андоновски — Sun, 30 Jun 2019 10:21:34 +0000

Поранешниот економски директор на клиниката за гинекологија во скопскиот клинички центар Валон Беља тврди дека генералниот секретар на Владата Драги Рашковски бил инволвиран во тендери на неговата клиника, објавува Експрес.мк Обвинувајќи го за корупција Беља го навредува Рашковски користејќи го зборот „дебил” во својот коментар на албански јазик. На прашањето како можел да биде инволвиран во тендери во здравство кога Рашковски е генерален секретар на владата Беља ја објаснува шемата. -Тие имаат директор таму. Компаниите кои што се избрани со поставување на посебни спецификации (каде други компании не можат да конкурираат) му даваат процент на него и на други како него за да излезе дека директорот нема врска со овие компании. Само во Македонија тој што ќе го објави криминалот е сменет а во развиените земји објавувачот на криминал ќе добие државна заштита, вели Беља. Тој минатиот месец кој откако беше сменет од позицијата во Гинекологија од страна на министерот Филипче поднесе повеќе кривични пријави до директорката за која медиумите пишуваа дека е блиска на сопругата на прениерот Заев.

Тепачка на Клиниката за гинекологија

Ивона Петрова — Mon, 02 Jul 2018 12:29:20 +0000

Во Клиниката за гинекологија вчера попладне бил нарушен јавниот ред и мир со тепачка помеѓу Б.С.(51) и С.С.(33) од една страна и А.А.(30) и А.С.(27) од друга страна. Лицата како што информираат од МВР од размениле удари со раце и нозе во пределот на главата и телото. Сочинети се четири записници за констатиран прекршок по член 11 од Законот за прекршоците против јавниот ред и мир.