клиники – Kurir.mk

Мицкоски: Имаме индиции дека тоа што се случува на Онкологија е случај и на други клиники, истражуваме, а на канцер мафијата мора да и се стави крај

Тале Кристо — Sat, 04 Nov 2023 12:37:02 +0000

Претседателот Христијан Мицкоски за време на денешната посета на Прилеп се осврна на случајот Онкологија или скандал Диво месо укажувајќи дека институциите како Универзитетска клиника за радиотерапија и онкологија (УКРО) и Министерството за здравство, не само што не постапуваат по наодите на Државна ревизија, туку неправилностите само се продлабочуваат. „Имаме индиции дека тоа што се случува на Клиниката за онкологија, се случува и на други клиники“, кажа Мицкоски за време на посетата на Прилеп која е во рамки на кампањата „Важно е! Од тебе зависат промените!“. Претседателот Мицкоски информираше дека се истражуваат наоди и за УКРО и за други клиники. „Истражуваме и скоро и за тоа ќе излеземе во јавноста. На канцер мафијата мора да и се стави крај“, заклучи Мицкоски.

Жена тешко повредена на Комплекс клиники „Мајка Тереза“

Тале Кристо — Tue, 31 Oct 2023 15:09:51 +0000

На 30.10.2023 во 18.00 часот во СВР Скопје било пријавено дека во Комплексот клиники „Мајка Тереза“, П.Д. од Скопје, при извршување работни задачи во комплексот се здобила со тешка телесна повреда. Увид бил извршен и бил известен трудов инспектор.

Ќе се укинат организациските директори на клиниките, а медицинските ќе бидат раководители

Ивана Ефремовски — Mon, 05 Jun 2023 13:44:28 +0000

Министерот за здравство Фатмир Меџити денеска најави дека покрај разрешување на организациските директори во Клиничкиот центар во Скопје, медицинските директори ќе се пренаменат во раководители на соодветните клиники. За иницијативата за разрешување на организациските директори, Меџити образложи дека таму немало кабинети, возачи, туку секретари, кои, како што рече, ќе работат за матичните клиники. -Ова се однесува само на Клинички центар. Не дека ќе ги снема само организациските, туку и медицинските директори, кои ќе се пренаменат во раководители на тие клиники. Како што е ЈЗУ Универзитетска клиника за трауматологија, ортопедски болести, анестезија, реанимација, интензивно лекување и ургентен центар (ТОАРИЛУЦ). Тоа е успешна приказна и супер функционира, изјави денеска министерот за здравство Фатмир Меџити по промоцијата на новата онлајн услуга: електронска регистрација на новороденче во Специјалната болница за гинекологија и акушерство „Мајка тереза“-Чаир. Според него, финансиската импликација од оваа мерка е многу голема. -Не само платите на директорите, па и снадувањето и тендерирањето, секој сам го прави. Тогаш ќе го прави една куќа и ќе се добие со најниска цена со цел буџетот да не се оштети и пациентите да добиваат подобра услуга, рече Меџити. Функционирањето внатре, од медицински, здравствен аспект, посочи, сега е потежок. Кога ќе биде еден правен субјект, ќе функционира многу подобро и ќе има термини, смета министерот за здравство. (МИА)

Во Грција повторно отвораат клиники за лекување пациенти со коронавирус

Тале Кристо — Mon, 26 Jul 2021 08:14:04 +0000

Клиники за лекување пациенти со Ковид-19, што беа затворени по затишјето во пандемијата на почетокот на летото, од денеска се повторно отворени во Грција, изјави за Скај ТВ, Матина Пагони, претседател на Унијата на болнички лекари во Атина и Пиреја. Таа нагласи дека хоспитализациите на лица со Ковид-19 во болниците се зголемуваат и за една недла се зголемиле од 5 на 45. Таа додаде дека „работите воопшто не одат добро и ако не се вакцинираме, никој не може да предвиди што ќе се случува со вирусот во иднина“. Според неа, ако развојот на колективен имунитет трае до декември, како што предвидоа некои набљудувачи, во болниците „ќе биде застрашувачки“ во октомври. Што се однесува до потребата од трета доза на вакцина, Пагони рече дека веројатно ќе биде потребна за 80 до 90 проценти од вакциниранитеи дека на оние кои неодамна се вакцинирани, ќе им треба трета доза следното лето. з

По колку пациенти со коронавирус се хоспитализирани во градовите ширум Македонија?

Ивана Ефремовски — Sat, 30 Jan 2021 14:49:36 +0000

Во изминатите 24 часа во ковид центрите во болниците низ земјава е пријавено дека се лекуваат вкупно 359 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 28 пациенти позитивни и суспектни на КОВИД-19. Во болницата во Штип е хоспитализиран 39 пациенти. На инфективното одделение во Тетово има 23 пациенти, во Велес се лекуваат 23 болни, а во Куманово 52 пациенти позитивни и суспектни на КОВИД 19. Во ковид центарот во Охрид има хоспитализирано 60 пациенти, во Прилеп 20 во ковид центарот во Гостивар 20, а во Струга 24 болни. Во болницата во Струмица хоспитализирани се 21 пациент, во Кочани 5 во Кичево 8, Кавадарци 13, во Гевгелија 5 лица, а во Дебар 13 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 611 и има околу 530 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

Во Скопје се лекуваат 290 лица сомнителни и потврдени за КОВИД -19

Ивана Ефремовски — Mon, 25 Jan 2021 11:27:42 +0000

Во изминатите 24 часа во ковид центрите во Скопје се хоспитализрани 8 нови пациенти поради компликации од корона вирусот. Вкупно 290 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники имало 2 приеми. Во ковид центарот во ГОБ 8 Септември имало 4 нови приеми на пациенти, а на Инфективната клиника 2 во текот на вчерашниот ден. Во изминатите 24 часа дома се пуштени 8 оздравени пациенти. Во моментов на Кожната клиника во ковид центарот се лекуваат 21 пациент, на Клиниката за неврологија 23 болни, а на Институтот за ТБЦ се примени вкупно 24 пациенти со симтоми на корона вирусот, во ковид центарот на Клиниката за нефрологија во моментов се сместени 21 пациент. На Клиниката за Гастроентерохепатологија лежат 16 пациенти. Во ГОБ 8 Септември има вкупно 94 болни, а на Клиниката за инфективни болести лежи 82 пациенти, додека во Иститутот за белодробни заболувања кај деца Козле има 8 пациенти. Вкупно 290 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 109 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Во следните две недели се очекува нормално функционирање на клиниките и болниците

Дарко Андоновски — Tue, 12 May 2020 11:54:19 +0000

Министерот за здравство Венко Филипче очекува во следните две недели да почнат со нормално функционирање сите клиники и болници. Одговарајќи на новинарско прашање на прес-конференцијата во Владата, Филипче рече дека дел од клиниките веќе се вратени на работа, а дел се подготвуваат. – Дел од клиниките се вратија во функција, дел сеуште ги подготвуваат капацитетите и во следните две недели ќе бидат во функција сите клиники и болници, рече Филипче. За стоматолозите, рече дека има соодветен протокол и ори дел од нив се подготвени и може да почнат со работа. Апелираше сите да ги почитуваат препораките за заштита особено носењето на заштитна маска и држењето на растојание. – Носењето на маска е мерка која го спречува ширењето на вирусот, Со таа мерка ние постепено се враќаме во живот. Доколку не би ја имале оваа мерка, тогаш сигурно дел од рестриктивните мерки ќе продолжеа. Мерките ги носиме имајќи го предвид пакетот на препораки кои е веќе на сила. Без разлика каде сме, тоа се препораките кои треба да се почитуваат. Така ќе продолжи и во следните месеци. Ќе биде потешко во летните месеци, но така е секаде.Ако тоа не се почитува може да има зголемување на бројот на пациенти, рече Филипче. Најави дека во следниот период е планирано да биде награден целиот медицински персонал кој во работеше со пациентите заболени од корона вирусот во изминатиот период.

Иницијатива за почит: Заштитни маски испечатени на 3D принтери за болниците, само вчера доставени 500 визири

Ивона Петрова — Fri, 27 Mar 2020 07:32:21 +0000

Во изминативе два дена екипата на иницијативата за печатење медицинска опрема работи со полна пареа. Целата иницијатива започна со неколку 3D принтери, а моментално се работи со над 50. Со ова темпо планот е да се изработат најмалку 6.000 заштитни маски со визири во најкраток можен рок. Во текот на вчерашниот ден беа доставени околу 500 маски во следниве институции: ЈЗУ Урологија, ЈЗУ УГАК, Институт за трансфузиона медицина, ЈЗУ Гастроентерохепатологија, Клинички Лаборатории, ЈЗУ Хематологија, ЈЗУ ОРЛ, ЈЗУ Кардиологија, ЈЗУ Неврологија, ЈЗУ Неврохирургија, ЈЗУ Радиологија ЈЗУ Онкологија, ЈЗУ Пулмологија, ТБЦ Институт, ЈЗУ Дигестивна хирургија, ЈЗУ Торакална хирургија, Општа Болница Куманово и Итна Помош Куманово. -Покрај готови маски материјал за работа е испратен до сите помали производствени групи по градовите низ државата. Планот за текот на денешниот ден е да се завршат сите Јавни здравствени установи во Скопје и согласно со ресурсите да продолжиме и реализираме што повеќе Јавни здравствени установи низ цела Македонија. Во целиот процес нема да бидат изоставени и матичните лекари и колку што сме во можност ќе помогнеме и кај приватните здравствени установи, информираат од Иницијативата. Иницијативата на facebook групата: https://www.facebook.com/groups/930629214035361/?ref=share