клинт иствуд – Kurir.mk

Популарниот актер објави крај на својата 62-годишна филмска кариера

Тале Кристо — Tue, 20 Jul 2021 07:15:07 +0000

Клинт Иствуд на својот интернет-простор објави дека се простува со својата богата филмска кариера која трае повеќе од 60 години. Глумецот има 92 години. Легендарниот актер на Твитер напиша: „Мислам дека она – грациозно да се остари, е многу важен талент. За мене е предоцна“. Покрај глума, тој се занимаваше и со режија и дури пет пати ја освои наградата на Американската филмска академија, Оскар. Клинт Иствуд е на големото платно од 1959 година, но почетокот на неговата кариера не бил толку блескав. Поради договорот со „Јуниверзал“, според кој имал ниски примања, тогаш младиот глумец морал да се занимава и со други работи… Па, бил пожарникар, продавач и спасител на плажа. Почнал да глуми во каубојски филмови, бидејќи на продуцентите им изгледал како каубоец. Така, се памети славната трилогија „Грст долари“ од 1960-тите, но и неговата улога како детективот „Валканиот Хари“ потоа. За време на неговата кариера, тој честопати се обидуваше да се занимава со политика и го поддржуваше Доналд Трамп во неговата трка за Белата куќа. Во 1986 година, тој се кандидираше за градоначалник на малиот град Кармел-Бај-Д-Си во Калифорнија и победи. Негов најголем успех беше укинувањето на забраната за продажба на сладолед во градот по долго постоење на тој бизарен закон. За време на неговата кариера, тој беше еден од најплатените глумци во Холивуд, а беше и подеднакво успешен и како режисер. Најголемиот успех, сепак, му беше оној во 2004 година, кога доби четири од седум номинации за Оскар за филмот „Девојка од милион долари“. Тој во тоа време имаше 74 години и стана највозсрасната личност досега, која освоила Оскар за најдобра режија. Иствуд, инаку, беше пребирлив при изборот на улоги и одбиваше големи филмови, како оние за Супермен и Џејмс Бонд. Неговиот последен филм е годинашниот „Нежниот Мачо“ (Cry Macho), од жанрот „нео-вестерн“, со приказна сместена во Тексас (САД), 1970-тите. Клинт Иствуд глуми, го режира и продуцира филмот, а прикажувањето е закажано за 17 септември оваа 2021 година.

Клинт Иствуд наполни 91 година, но тој не е ни во првите 10 најдолговечни актери

Магдалена Андонова — Tue, 01 Jun 2021 07:23:20 +0000

Ѕвездата од „Мостовите на Медисон“, Клинт Иствуд наполни 91 година. Актерот и режисер е икона на американската филмска индустрија. Неговата работа го направи едно од најважните имиња во Холивуд, додека неговиот конзервативизам го направи еден од најконтроверзните. Денес тој е на списокот на актери со најдолг стаж, пренесува РТВЕ. Иствуд има 91 година, исто како и Џин Хакман, кој е следен на листата од „топ десет“ ветерани од седмата уметност. Со смртта на Оливија де Хавиленд на 104 и Норман Лојд на 106 години, останавме без најстарите изведувачи на класичното кино. Тие се последните од златното доба на Холивуд, вечните продукции што ја видоа светлината помеѓу 1920-тите и 1960-тите и најубавата ера на киното. Помладите можеби не ги паметат, но тоа се ѕездите кои, сепак, го чуваат споменот на тие години од прва рака: Десетте најстари актери во Холивуд. Клинт Иствуд не се рангира во оваа десетка и се наоѓа на 12-то место. Марша Хант, 103 години Марша Хант моментално ја има титулата најдолговечна актерка во Холивуд, со 103 години. Таа е една од последните од класичното кино и покрај тоа што е актерка, таа е и модел и активист. Хант глумеше во многу филмови, но нејзината кариера беше обележана и буквално уништена во 1950-тите од познатата „црна листа“ на Холивуд во која се наведени членови на филмската индустрија, поддржувачи на комунизмот. Нимаја Персоф, 101 година Роден во Ерусалим, емигрирал во САД во 1929 година, тој е вториот најстар актер во Холивуд. Тој ја играше улогата на таксист во „Законот на тишината“ на Елија Казан и претежно играше негативци поради неговиот импозантен изглед. Кон крајот на 90-тите години, тој се откажа од актерството за да се занимава со сликарство и сè уште живее во Калифорнија со неговата сопруга Тија. Бети Вајт, 99 Бети Вајт е една од најомилените американски филмски легенди. Таа стана икона на комедијата и глобална фигура благодарение на серијата „Златни девојки“, која беше успешна во нејзините шест сезони. Од четирите главни ликови, Бети е единствената што сè уште е жива. Глинис Џонс, 97 години Британскиот аналог на Мерлин Монро, Глинис Џонс е филмска и музичка ѕвезда од 60-тите и 70-тите години на минатиот век. Таа играше во „Мери Попинс“, ја освои наградата „Тони“ за нејзината изведба во мјузиклот на Бродвеј „Мала ноќна музика“, напишан од легендарниот Стивен Сондхајм, а до 1999 година се појави во речиси 70 филмови и повеќе од 20 театарски продукции. Лесли Филипс, 97 Тој глумеше во „Хари Потер“ и е еден од најомилените актери во Велика Британија. Филипс, кој беше ранет во Втората светска војна, се појави во „Надвор од Африка“ и играше во „Империја на сонцето“ од Стивен Спилберг. Анџела Лансбери, 95 години Уникатната Анџела Лансбери е позната по својата улога во серијата „Убиство по сценарио“. Таа доби почесен Оскар во 2013 година и има освоено шест Златни глобуси, пет награди Тони и Греми за нејзината работа во различни филмски, театарски и телевизиски продукции. Дик Ван Дајк, 95 години Вечниот чистач на оџаци на Мери Попинс ја започна својата кариера на Бродвеј и во хумористичната серија „Шоуто на Дик Ван Дајк“, за што ја доби наградата „Еми“. Ева Мари Сен, 96 години Таа е најдолговечна актерка добитничка на Оскар, пополнувајќи ја празнината што ја остави Оливија де Хавиленд. Дебитираше со филмот „Законот за тишината“ со Марлон Брандо, а работеше и со Пол Њуман и со Алфред Хичкок. Мел Брукс, 94 Иконата за комедија, Мел Брукс, сценарист, актер и режисер кој ги создаде „Продуцентите“, „Мистеријата на дванаесетте столови“ или „Младиот Франкенштајн“, е една од живите легенди на жанрот. Сидни Поатие, 93 Актерот, филмски режисер, писател и дипломат, роден на Бахамите, Сидни Поатие, беше првиот Афроамериканец кој освои Оскар за најдобра машка улога за неговото дело во „Лилјаните на долината“. Џин Хакман, 91 година Хакман, број 11 на листата на најдолговечни актери, се појави само неколку месеци пред Клинт Иствуд. Некои од неговите најважни улоги се во митската „Француска врска“ (со која го освои својот прв Оскар за најдобра машка улога), „Супермен“, „Непростливо“… (МИА)

Клинт Иствуд тужи повеќе компании поради реклама за производи од канабис

Ивона Петрова — Thu, 23 Jul 2020 11:07:27 +0000

Познатиот глумец и режисер Клинт Иствуд поднесе тужба против повеќе американски компании за канабидиол како додаток во исхраната. Тие, наводно, го злоупотребиле името на холивудската ѕвезда и ликот во маркетинг-цели без негова согласност. Канабидиолот е хемиска супстанција која се добива од марихуана, а често се продава како додаток во исхраната, но и во креми за мачкање и лековити масти. Во две тужби поднесени во Федералниот суд во Лос Анџелес, Калифорнија, САД, меѓу другото, се вели дека компаниите стојат зад написи во коишто лажно се тврди дека 90-годишниот Иствуд ја напушта филмската индустрија за да се посвети на работни места поврзани со инустријата за канабидиол. Исто така, се наведува дека Иствуд не учествува на кој било начин во производство, продажба или промоција на канабидиол. Како компензација, како што јавуваат западните медиуми, тој бара „повеќе милиони долари“ од скоро 20 помали компании од повеќе американски сојузни држави. Во тужбите се опфатени уште 60 правни лица чијшто идентитет сè уште не е објавен.

Легендарниот американски глумец го прослави својот 90-ти роденден

Ивана Ефремовски — Mon, 01 Jun 2020 06:48:25 +0000

Легендарниот американски глумец, режисер, продуцент и филмски композитор, Клинт Иствуд вчера го прослави својот 90-ти роденден. Роден во Сан Франциско на 31 мај 1930 година, Иствуд почнал да ја гради својата знаменита кариера во филмската индустрија во 1960-тите и 70-тите години, играјќи прво во италијанските тн. „шпагети вестерн“ филмови на Серџо Леоне. А, белег остави и улогата на тврдоглавиот американски полицаец Хери Калахан во филмот „Валканиот Хари”. Во својата богата кариера играше во голем број реномирани воени, криминалистички и драмски проекти. Својата режисерска кариера ја започна 1971 година со филмот „Морничава ноќ“ (Play Misty for Me). Иствуд е номиниран за осум Оскари за режија и продукција, освојувајќи ја статуетката за филмовите „Непростено“ и „Девојка од милион долари“.Тој беше и двапати номиниран за Оскар за најдобар глумец (во двата филма), но не го доби. Други позабележителни филмови се „Мистична река“ и „Писмата од Иво Џима“. Иствуд е носител и на највисокото француско граѓанско одличје – Легијата на честа. Голем обожавател е на џезот, а кон крајот на 1980-тите, како независен кандидат беше избран за градоначалник на гратчето Кармел-Бај-д-Си, во округот Монтереј, Калифорнија, САД. (МИА)

Познатиот актер ги собра осумте деца на едно место (ФОТО)

Предраг Кукиќ — Sun, 16 Dec 2018 08:37:59 +0000

Славниот актер Клинт Иствуд (88) успеа да го направи невозможното и ги собра сите свои осум деца на едно место. Повод за тоа беше премиерата на неговиот нов филм „Шверцерите“ во Лос Анџелес во понеделникот вечерта. Актерот се појави со целиот свој достоинствен сјај на црвениот тепих во друштво на сите свои наследници, за да ги овековечи во еден прекрасен кадар сите свои чеда – композиторот и актер Кајл (50 години), актерот Скот Иствуд (32 г), Кимберли Лин (54 г.) и Кетрин (30 г.) од неговата врска со актерката Роксан Тунис (мајка исто на Кајл, Скот и Алисон), Франческа (25 години) – плод на неговиот однос со уште една филмска ѕвезда – Френсис Фишер и Морган (21 г.) од бракот со новинарката Дина Руиз. Изненадување за сите беше присуството и на најголемото од неговите деца – 68-годишната Лори која Иствуд ја дава за посвојување, уште пред да се прослави. Едвај неодамна таа беше официјално призната како негова законска ќерка. Осумте деца на Клинт Иствуд се од шест различни жени, при што само две имаат чест да бидатнегови сопруги. Најпознатиот наследник, моделот и актер Скот Иствуд, е едно од двете деца, коиактерот ги има од стјуардесата Жаклин Ривс. Со нив таа го дарува за време на нивната тајна афера,која траеше неколку години. Тие имаат врска во периодот кога Клинт е во врска со Сондра Локи, закоја денеска се дозна дека починала пред еден месец. Иствуд го признава постоењето на двете деца, кои тој ги признава официјално доста подоцна, дури во 2002 година. Друго од децата на Клинт Иствуд дури учествува во предметниот филм и тоа е 46- годишната ќерка Алисон, која исто така е актерка. Холивудската легенда, исто така, уживаше во присуството на неговата 24-годишна внука, Грајлен, која, освен како актерка, исто така се појави како сценарист. Другите дами, кои го следеа актерот, беа неговата прва сопруга, Меги Џонсон и нејзината долгогодишна партнерка, Кристина Сандера.