Кливленд Кавалирс – Kurir.mk

Џејмс и Мичел прогласени за играчи на неделата во НБА

Ивона Петрова — Tue, 10 Jan 2023 07:16:17 +0000

Кошаркарот на Лос Анџелес лејкерс, Леброн Џејмс и членот на Кливленд кавалирс, Донован Мичел се прогласени за најдобри играчи минатата седмица во Западната, односно Источната конференција на НБА-лигата. Џејмс неделата ја заврши со просек од 35 поени, 8,7 скока и 7,7 асистенции по натпревар. Мичел имаше просек од 37,7 поени, 7,3 асистенции и 5,3 скока по натпревар, а неделата ја започна со 71 поен постигнат на средбата со Чикаго булс.

Донован Мичел има нов клуб

Бошко Тасиќ — Fri, 02 Sep 2022 05:35:09 +0000

НБА тимовите на Кливленд и Јута вечерва направија голема размена. Нов играч на Кливленд е феноменалниот бек Донован Мичел, а кон Солт Лејк Сити ќе тргнат дури три кошаркари и три пика од првата рунда на драфтот. Џез така за Мичел ги доби Колин Секстон, Лаури Марканен и Очаи Агбаи. Мичел комплетната досегашна кариера ја помина во Јута. Во НБА лигата пристигна во 2017 година и стана една од најголемите ѕвезди. Сепак во текот на минатата сезона беше забележително незадоволството.

Рашон Рондо се сели во Кливленд

Бошко Тасиќ — Sat, 01 Jan 2022 18:39:34 +0000

Ражон Рондо ќе биде нов плејмејкер на Кливленд Кавалирс, откако Лос Анџелес Лејкерс се решиja да го трејдуваат искусниот кошаркар. Лејкерси, од овој трејд ќе го добијат Дензел Валентин, 28-годишен кошаркар кој игра на позициите два и три и кој стрелаше 35,7% за три поени во текот на четирите сезони во Чикаго Булс.

Удар за Кливленд: Рики Рубио ги скина лигаментите

Бошко Тасиќ — Thu, 30 Dec 2021 17:22:38 +0000

Кошаркарот на Кливленд, Рики Рубио, доби ужасна вест и нема да може да биде на терените до крајот на сезоната поради тешка повреда на лигаментите. Шпанецот кој има 31 година ги скина предните вкрстени лигаменти на левото колено и го чека пауза од седум до девет месеци. Ова е голем проблем за Кливленд затоа што претходно и другиот плејмејкер Колин Секстон доживеа тешка повреда.

Феникс ја забележа 14. победа по ред

Тале Кристо — Thu, 25 Nov 2021 07:34:53 +0000

Екипата на Феникс санс ноќеска го совлада Кливленд кавалирс на негов терен со 120:115. За „Сонцата“ ова е 14-та победа во низа. Санс последен пат беа поразени на 27 октомври од Сакраменто кингс, кога Харисон Барнс го постигна победничкиот удар со звукот на сирената. Вицешампионот на Западната конференција ја започна НБА-сезоната со една победа од четири натпревари, а потоа врза 14 победи. – Само се случи да се вклопат коцките. Секако во нашите планови не беа 1-3 на стартот од првенството. Имаме одличен тим, и функционираме како едно семејство. Никогаш не сум играл за ваков тим, изјави најдобриот играч на Феникс, Крис Пол. Санс ја има својата најдолга победничка серија од 2006/07 година, кога направи клупски рекорд со 17 натпревари без пораз.

Лаури Марканен од Чикаго во Кливленд

Бошко Тасиќ — Sat, 28 Aug 2021 07:19:07 +0000

Финскиот кошаркарски репрезентативец Лаури Марканен е трејдуван во Кливленд Кавалирс, објави инсајдерот Адријан Воинаровски. Марканен ќе биде дел од тројниот договор, во кој учествуваат Чикаго и Портланд. На оваа размена, Марканен се сели во Кливленд, Чикаго го добива Дерик Џонс, идниот пик на Портланд од првиот круг на Драфтот и идниот избор на Кливленд од втората рунда на Драфтот. Портланд, пак, го доби Лери Ненси Џуниор како дел од оваа размена. Марканен беше избран за 7-ми „пик“ на НБА драфтот во 2017 година од Чикаго. Тој имаше просек од 13,6 поени, 5,3 скокови минатата сезона и беше еден од најдобрите кај Булс. Новиот договор на Марканен е за четири години, од кој би требало да заработи 67 милиони долари.

Леброн се запиша во историјата на НБА

Ивона Петрова — Wed, 28 Feb 2018 07:07:05 +0000

Кошаркарот на Кливленд Кавалирс, Леброн Џејмс забележа трипл-дабл остварување ноќеска во триумфот над Бруклин Нетс со 129:123 и стана првиот играч во НБА лигата со повеќе од 30.000 поени, 8.000 асистенции и 8.000 скокови. Леброн дуелот со Бруклин го заврши со со 31 поен, 12 скокови и 11 асистенции За Кливледн ова беше 36. победа наспроти 24 порази. Кавалирс е трет на Истокот. Бруклин со негативен биланс 20-42 (победи-порази) се наоѓа на 13. место на поредокот во Источната конференција.