клуб – Kurir.mk

Оценето негативно барањето за регистрација на клуб со името Цар Фердинанд од советодавното тело

Катерина Бојаџиева — Mon, 31 Oct 2022 18:09:16 +0000

Владиното советодавно тело за употреба на имиња на историски личности го оцени негативно барањето за регистрирање на клуб со името на Цар Фердинанд. Ова тело излезе со став дека нема позитивно мислење за да се формира културен клуб со ова име, со оглед на тоа што, како што изјави за МИА Бобан Петровски, претседател на телото, самата средина во македонската историја, како и во перцепцијата на македонските граѓани не е позитивна личност. – Тој владее со Бугарија во 19 и 20 век, ја спроведува Бугарија во три војни кои за Македонија се со девастирачки карактер, поради тоа сè уште има спомени во населението на Македонија дека ова не може да се смета за позитивно и да се даде позитивно мислење, рече Петровски. Петровски посочи дека нивното советодавно мислење ќе биде доставено до Министерството правда, кое, потоа ќе одлучува по него.

Увид во просториите на клубот „Ванчо Михајлов“ во Битола од Комисјата за спречување на дискриминација

Ристе Здравков — Thu, 04 Aug 2022 13:59:13 +0000

Ескпратеничката Весна Бендевска, сегашен член на Комисијата за заштита и спречување на дискриминација, денес изврши увид во бугарскиот клуб „Ванчо Михајлов“ во Битола. Таа рече дека увидот е по претставка на Здружение на граѓани кое го пријавело Клубот за дискриминација, но не откри кое однесување е пријавено за дискриминирачко. „Ова е увид согласно член 29 од Закон за спречување и заштита од дискриминација. Работиме на претставка поднесена од Здружение на граѓани со оправдан интерес. Должни сме да ја сослушате и другата страна. Овој пат дојдовме на најавен увид од пред една недела во просториите на потенцијалниот дискриминатор, како што наведува во поднесената претставка. Комисијата не дава и не прејудицира наводи. Ќе се произнесе штом претставката заврши. Има уште неколку институции што ќе мора да ги посетиме, да пријавиме документи , потоа мислењето ќе го објавиме пред јавноста и ќе биде јавно достапно на веб-страницата’, рече Бендевска. За време на увидот во клубот имаше само една полицајка, а присутен беше и бугарскиот конзул во Битола Димитар Иванов. Од бугарскиот клуб не сакаа да дадат официјална изјава, само рекоа дека увидот бил коректен и извршен врз просториите. Во внатрешноста на клубот поставени се портрети од Ванчо Михајлов, Тодор Александров, Владо Черноземски, Мара Бунева и други контроверзни историски личности, но и на македонските војводи Гоце Делчев и Даме Груев. На еден од ѕидовите врамен е и извадок од текст на Михајлов во кој се негира постоењето на македонската нација. Во него пишува „Можеме да се гордееме, бидејќи знамињата на ВМРО и Илинден беа и остануваат човекови права и слободи. Значи, залудни се сите напори на маскираната македонска „нација’’ да го лаже светот’’. Бугарскиот клуб „Ванчо Михајлов“ беше отворен на 16 април годинава во присуство на поранешниот бугарски премиер Кирил Петков и други претставници од бугарскиот државен врз. Од отворањето тој ја бранува јавноста зашто го носи името на Михајлов кого македонскиот народ го препознава за соработник на фашистите во Втората светска војна. Па, влезната врата на клубот ја опожари познатиот пејач Ламбе Алабаковски. Клубот изгорената влезна врата ја замени со нова, но на неа го нема натписот од порано „Клуб Ванчо Михајлов ВМРО“, остана само светлечката реклама со името на Културниот центар Иван Михајлов.

Клубот за бугарско-македонско пријателство застана во одбрана на Катерина Колозова

Тале Кристо — Wed, 06 Jul 2022 17:03:16 +0000

Членовите на Клубот за бугарско-македонско пријателство излегоа со став дека со загриженост ги следат настаните од последните денови во Северна Македонија. Во посебен став до кој имаше пристап дописникот на МИА од Софија, се вели дека меѓу членовите на Клубот, како и меѓу двете здруженија и двата народа, има различни мислења за предлогот на Европската унија до Софија и Скопје, кој и во двете земји стана познат како „француски“ предлог, во врска со укинувањето на бугарското вето и почетокот на преговорите на Република Северна Македонија за членство во Европската Унија. – Водечките принципи за бугарско-македонскиот Клуб за пријателство остануваат европски вредности, како и посветеност на Договорот за добрососедство меѓу Софија и Скопје за пријателство и соработка од 2017 година, се наведува во соопштението. Сепак, според нив, недозволиво е мислењето на нивните членови во јавниот простор и социјалните мрежи да бидат предмет на говор на омраза, како што е случајот со нивната членка, македонската филозофка Катерина Колозова, за која „во последните денови имаше повици за самоубиство, па дури и за убиство“. Клубот ги осудува овие постапки и стоиме зад правото на изразување на нивниот член, граѓански активист и научник со меѓународна слава. – Водени од идејата за взаемна чест и почит меѓу бугарскиот и македонскиот народ, Клубот за македонско-бугарско пријателство ќе продолжи да ги поддржува искрените напори на двете влади, како и на оние сили во нашите општества кои се борат да ги поддржат европските вредности и Договорот за пријателство, додаваат од Клубот.

„Ковачевски и СДСМ да не глумат загриженост пет дена по настанот, да кажат зошто дозволиле формирање на клубот Ванчо Михајлов“

Тале Кристо — Thu, 21 Apr 2022 07:02:42 +0000

Ковачевски и СДСМ да не глумат загриженост пет ден по настанот, да кажат зошто дозволиле формирање на клубот Ванчо Михајлов, велат од ВМРО-ДПМНЕ. Ковачевски и СДСМ не можат да ги манипулираат граѓаните. Пет дена молчеа за отворањето на клубот Ванчо Михајлов во Битола, за кога видоа дека јавноста е целосно против фашистичките тенденции да излезат со наводни осуди. Ковачевски и СДСМ дозволиле формирање на клуб со името Ванчо Михајлов, тие знаеле и дека Петков ќе дојде на отворање на истиот, и молчеа во надеж дека се ќе помине без поголема реакција на јавноста. Ковачевски и СДСМ се организатори на срамот кој го претрпе Македонија и Македонците. Ковачевски и СДСМ да не глумат загриженост, туку веднаш да побараат писмени гаранции за македонскиот идентитет, јазик историја, пред се поголемите налети на фашизам на кои сме сведоци, се вели во соопштението на ВМРО-ДПМНЕ.

НАПАД ВО КЛУБ НА ФЛОРИДА: Две лица се убиени и над 20 се ранети (ФОТО)

Магдалена Андонова — Sun, 30 May 2021 12:37:50 +0000

Две лица се убиени и над 20 ранети во напад во клуб во Хајалија во американската држава Флорида. Тоа го објави на Твитер шефот на полицвијата во округот Мајами-Дејд, Алфредо Рамирес. – Уште еден акт на насилство во кој е употребено огнено оружје и ранети над 20 лица, и две се убиени, објави тој. Рамирес додаде дека станува збор за организиран напад. На местото на нападот запрел џип Нисан од кој излегле три лица и почнале да пукаат во толпата која се собрала за да проследи концерт. (МИА)

LATEST: **NWMD mass shooting** - MDPD: “targeted act of violence” - 20-25 people shot, 2 dead - Happened at El Mula Banquet Hall. Concert was happening - 3 ppl pulled up & started shooting - Police looking for white Nissan Pathfinder @WPLGLocal10 pic.twitter.com/2nyw3P1vzS
— Alex Finnie (@alexfinnieWPLG) May 30, 2021

Конте: Не добивме никаква поддршка од клубот

Магдалена Андонова — Sun, 02 Aug 2020 08:24:35 +0000

Тренерот на Интер, Антонио Конте ги предводеше „нероазурите“ до второто место во Серија „А“, откако неговиот тим заврши со само еден бод зад шампионот Јувентус. Сепак, тренерот смета дека разликата меѓу двата клуба останува сериозна и неговиот тим има уште многу работа да направи за да се израмни со „бјанконерите“. Конте исто така ги нападна шефовите на Интер поради тоа што не обезбедиле доволно поддршка на тимот во последните месеци. – Момчињата и тренерскиот персонал заслужуваат пофалби за тоа што го постигнаа оваа сезона. Интер нема освоено толку многу поени долго време. Ние сè уште сме зад Јувентус и разликата не е мала. Мора да бидеме интелигентни и да не се нишаме помеѓу депресија и еуфорија, затоа што и двете се штетни и премногу крајни. Јас би рекол дека ја завршивме нашата работа во Серија „А“, ги подобривме нашите перформанси за Купот на Италија, стигнувајќи до полуфиналето, а сега се надевам дека ќе завршиме позитивно и во Лигата на Европа. Ова беше тешка година за мене, но мило ми е што работев со овие момци кои се вистински професионалци и дадоа се од себе, рече Конте. Тренерот потоа започна да го напаѓа раководството. – Годината беше тешка за мене, беше многу тешка. Мислам дека работата на играчите не беше ценета. Тие добија скоро никаква поддршка од клубот. Мораме да продолжиме да растеме и да се подобриме на секој начин, вклучително и надвор од теренот. Голем клуб мора да ги брани своите играчи Јас ќе разговарам со газдите за ова по крајот на сезоната, треба да се сретнам со претседателот кој моментно е во Кина. Последниве месеци бевме преплавени со критики, но немаме добиено никаква заштита од клубот. Проблемот е што имам визија за клубот, го знам патот што треба да го преземеме и што треба да направиме. Неодамна гледав интервју со Спалети во 2017 година. Сега сме 2020 година и ништо не е променето, можам да дадам насока во првата година, но ако не ги научиме лекциите и продолжиме да ги правиме истите грешки, тогаш едноставно сме луди. И сакам да е јасно – не зборувам за работата на пазарот и трансферите во клубот, додаде стручњакот. (МИА)

Атлетико одбиле 150 милиони за Феликс од клуб од Премиер лигата

Тале Кристо — Fri, 19 Jun 2020 13:07:04 +0000

Атлетико Мадрид ја одби понудата од 150 милиони евра од клуб од Премиер лигата за Жоао Феликс. Според goal.com, ова се случило пред пандемијата на КОВИД-19. Одговорот на „јорганџиите“ бил моментален. Португалецот беше привлечен во Атлетико минатото лето кога клубот од шпанската престолнина и плати на Бенфика 126 милиони евра за него. Феликс не успеа да ги покаже своите можности со екипата од Мадрид досега. Од почетокот на сезоната тој има осум гола и три асистенции на 29 одиграни натпревари за Атлетико, а повредите на глуждот исто така го спречија. Во првиот натпревар по продолжението на сезоната, Феликс настапи импресивно, постигнувајќи два гола во победата од 5:0 над Осасуна.

Клуб од МЛС одби да го купи Бејл

Тале Кристо — Tue, 19 May 2020 07:17:06 +0000

Агентите на напаѓачот на Реал, Герет Бејл, го понудија фудбалерот на еден од клубовите на МЛС, јави „Атлетик“. Според изворот, неименуван клуб одбил да го купи 30-годишен Велшанец. Претходно, самиот Бејл изјави дека е заинтересиран да ја продолжи кариера во Соединетите Американски Држави. Оваа сезона Бејл има три гола и две асистенции на 18 натпревари за Реал Мадрид. Порталот „Transfermarkt.com“ ја проценува вредноста на Велшанецот на 32 милиони евра.

Мурињо: Тешко е да одбивам понуди, но имам право на избор

Ивона Петрова — Wed, 31 Jul 2019 08:44:48 +0000

Жозе Мурињо инсистира на тоа дека ќе преземе клуб, каде што навистина го сакаат како менаџер. Португалскиот тактичар е без тим, откако Манчестер Јунајтед го отпушти минатиот декември и го замени со Оле Гунар Солскјер. Иако веќе доби неколку понуди, поранешниот ментор на Челзи, Реал Мадрид, Интер и Порто сè уште не брза да се врати во тренерската професија. 56-годишниот Мурињо инсистира на тоа дека ќе се врати само ако тој е навистина посакуван од конкретниот клуб. – Најтешко е за мене е да кажам „не“ на сите предлози. Морам да работам, затоа што внатрешно, секогаш сум импулсивен во однос на работата. Ако имам можност да работам, сакам да кажам: „Почнуваме“. Да одбивам предлози е нешто многу, многу, многу тешко, вели Специјалниот за „Скај Спортс“. На прашањето зошто одбива, стратегот вели вака: „Затоа што тоа не е предизвикот што го сакам. Но, со сета почит кон предлозите што ги добив од клубовите, сакам да имам право да бирам луѓе кои се „Мурињовци“ – како што сакаат да кажат луѓето во Португалија, Шпанија и Италија – „Мурињовец“ е личност, кој е фан. Тие сакаат јас да бидам таму, каде што припаѓам, така што кај мене не станува збор да кажам „добро, еве ја мојата понуда и ќе ја прифатам“. Морам да бидам трпелив и да чекам на вистинската можност, и таа да одговара на моето ниво како менаџер“.

Сопственикот на клубот во Германија ги откри последните зборови што му ги кажал Шабан

Дарко Андоновски — Sun, 24 Feb 2019 09:40:11 +0000

Сопственикот на клубот „ВИП“ во Минхен присуствуваше на погребот на кралот на народната музика, Шабан Шаулиќ, со ел да го позрави за последен пат гдолгогодишниот соработник и да го испрати пријателот во неговиот вечен дом. Иван раскажал дека пејачот ги срушил сите рекорди и дека 30 години по ред го полнел клубот, како и тоа дека неговото заминување остава голема болка кај оние што го сакаа како човек и уметник. -На 4 мај требаше да прославиме 30 години успешна соработка, за жал, кралот не напушти, а ние на тој ден во знак на негово сеќавање ќе организираме голем настан, каде што ќе пуштаме само негови песни и снимки кои што ги одбележаа овие 30 години соработка, вели сопственикот на клубот и додава: -најмногу жалам што замина на ваков начин, затоа што тоа не го заслужува. Тој беше голем човк, голем пријател, како и голем уметник... Се сеќавам на неговите зборови кога и да дојдеше „Ивек само да одработам, а утре дома со трската и на пецање, тоа му беше животот, рекол Иван.