коала – Kurir.mk

Дали можете да ја забележите коалата која се разликува од другите? Еден детал ја прави поинаква

Ристе Здравков — Wed, 26 Jul 2023 13:10:56 +0000

Нов предизвик е пред вас. Додека некои криенки се многу лесни за решавање, има и такви кои можат да ви зададат главоболка. Оваа, која ви ја подготвивме денес, ќе можат да ја решат само оние кои имаат изразена моќ на набљудување. Имено, на илустрацијата се нацртани панди, но само една се разликува од другите. Еден мал детал ја прави уникатна, а вие обидете се да ја најдете за помалку од 20 секунди. Доколку не можете да ја забележите коалата која се разликува од другите, погледнете го решението подолу.

Се шокирал: Оставил вклучена клима во автомобилот, а кога се вратил го дочека необичен гостин (ВИДЕО)

Ивана Ефремовски — Sun, 24 Mar 2019 11:52:38 +0000

Враќајки се од обиколка на виноград, австралискиот винар Тим Витроу во својот автомобил затекнал коала како се лади покрај клима уредот. Винарот Витроу пред обиколката на виноградот Њу Алука Вајн во Австралија го оставил паркиран својот автомобил со отворени врати и вклучен клима уред, за да може неговото куче да се прошета и разлади. Кога се вратил, го дочекала неверојатна сцена – на задното седиште седела коала која се ладела покрај климата. “Ми требаше доста време за да ја убедам коалата да излезе од автомобилот”, вели Тим. Тој на својот Фејсбук профил објавил фотографии и видео записи на кои се гледа како пробува да ѝ даде вода на коалата. Коалите поради своето дебело крзно тешко ја поднесуваат топлината, а за да се разладат, тие често го прегрнуваат долниот дел од стеблата или во овој случај, заминуваат во некој автомобил да се разладат под клима уредот.

На коалите им се заканува исчезнување од Австралија?

Ивона Петрова — Sat, 08 Sep 2018 13:01:42 +0000

Поради уништувањето на шумите за добивање на земјоделско земјиште до 2050 година може во целост да исчезнат коалите во сојузната австралиска држава Нов Јужен Велс. Според извештајот на Светскиот фонд за заштита на природата (WWF) научниците употребиле сателитски снимки за мерење на зголеменото сечење на шумите за да го измерат влијанието врз ранливите и загрозени видови.

- Се проценува дека во Нов Јужен Велс има помалку од 20.000 коали и дека со ова темпо на сечење ќе исчезнат до 2050 година. Мораме да го спречиме уништувањето на шумите, ако сакаме коалите да опстанат во дивината, истакна екологистот Стјуард Бланч.

Но властите на Нов Јужен Велс негираат дека сечењето на шумите го загрозува опстанокот на коалите и дека нивната бројка во дивината е многу поголема отколку што се претпоставувало. Според австралискиот Фонд за заштита на коалите на целата територија на Австралија нивната бројка е под 100 илјади, а и тие се под постојана закана бидејќи се загрозени од губење на природните живеалишта, нападите од кучиња, пожарите и сообраќајните несреќи. Во моментов коалите се класифицирани како „ранливи“, но екологистите бараат да се зголеми нивниот степен на заштита во „критично загрозени“.