коали – Kurir.mk

Коалите се слатки додека не им го слушнете гласот: Звукот кој го испуштаат нема да ви се допадне (ВИДЕО)

Ивана Ефремовски — Wed, 30 Sep 2020 10:48:21 +0000

Коалите со сигурност се едни од најслатките животни во светот. Но, ако некогаш сте го слушнале звукот кој тие го испуштаат, нема да ви бидат веќе мили и слатки. Освен страшните звуци кои ги испуштаат, коалите имаат поголем проблем, а тоа е миризбата која ја испуштаат. Природниот мирис им служи како одбрамбен механизам, а луѓето кои биле блиску до коала велат дека е неиздржливо. Да се вратиме на звукот кој го испуштаат. Слушнете како звучат коалите:

Куче-херој: Трага по преживеани коали во пожарите во Австралија (ФОТО)

Ивана Ефремовски — Mon, 02 Dec 2019 21:18:01 +0000

Австралиските држави Нов Јужен Велс и Квинсленд се опустошени од пожарот. Куќите се уништени, а освен луѓето страдаат и животните. Коалите се најтешко погодени, па разни екипи ги бараат оние кои го преживеале огнот. Во една таква екипа е Бер – куче обучено да пронајде коали. -Нашето куче Бер им носи надеж на коалите кои ги преживеаја смртоносните пожари во Австралија, но на овие животни им требаат повеќе херои за да се спасат од оваа катастрофа. Бер неодамна е префрлен во Квинсленд и во најтешко погодениот дел на Нов Јужен Велс каде што пожарите значително влијаат на популацијата на коалите. Бер е само едно од неколкуте кучиња кои можат да откријат преживеани коали врз основа на мирисот на крзното, соопшти Меѓународниот фонд за благосостојба на животните.

Во пожарите во Австралија настрадаа околу 350 коали

Катерина Бојаџиева — Fri, 08 Nov 2019 12:18:04 +0000

Во шумските пожари во крајбрежниот резерват во Нов Јужен Велс, Австралија, настрадаа половина од коалите што живеат таму, објавија денеска експертите. Раниот почеток на сезоната на пожари донесе пожари во природниот резерват на езерото Инес, во кој минатиот месец се уништени две третини од живеалиштата на коалата, а останатиот дел беше загрозен од 15 големи пожари во државата. Околу 350 коали кои живеат во резерватот во крајбрежниот град Макуори настрадаа во шумски пожари, наведува групата „Да се зачува коалата во Австралија“. -Во резерватот имаше од 500 до 600 коали, изјави претседателот на групата Су Ештон. Негувателите на животни од болницата за коали во Макуори ги негуваат спасените коали и ги хранат со листови од еукалиптус.

Битка со природата: Коалите се пред изумирање

Ивана Ефремовски — Mon, 20 May 2019 06:36:07 +0000

Коалата е „функционално изумрена“, тврди Австралискиот фонд за коали (АКФ). Имено, како што тврди оваа научна невладина организација посветена на зачувувањето на коалата, само 80.000 примероци од ова прекрасно животно од семејството торбари се останати во дивината, што значи дека ги нема доволно за да се одржат и во следната генерација. Иако оваа бројка е драстично пониска од повеќето научни проценки досега, не постои сомнеж дека бројот на дивите животни коали нагло се намалува, објави „Њусвик“. Коалите, ендемичен вид од Австралија, се многу ранливи на заканите како што се уништување на шумите, зарази и последиците од климатските промени. АКФ ги прогласи коалите за „функционално изумрени”, што значи дека популацијата е толку ниска што веќе нема влијание врз животната средина или не е во можност да има улога во екосистемот. Меѓу коалите веќе нема доволно возрасни единки на полова возраст кои би можеле да го одржат овој вид и која било генетска болест или патоген би можел да претставува „последна шајка во ковчегот“. Тие сè уште се размножуваат, но генетската разновидност е премногу ниска Коалите милиони години беа клучни за здравјето на шумите на еукалиптусот, ги јадат нивните високи лисја, додека нивниот измет што паѓа на шумското тло придонесува за суштинско рециклирање на хранливите материи во екосистемот. Коалите се стари најмалку 30 милиони години, судејќи според фосилните остатоци, што значи дека некогаш биле и извор на храна за денес изумрат големи месојади, т.н. мегафауна. Функционалното изумирање на видот може да значи и дека преостанатата популација, иако сè уште се размножува, страда од парење на животните во блиско сродство. Тоа повторно ги прави поподложни на болести. Генетските студии на таканаречениот Брег на коали, 20 километри југоисточно од Бризбејн, веќе покажаа намалена генетска разновидност, а популацијата на коали во југоисточен Квинсленд доживеа катастрофален пад. Исто така, популацијата на коали во некои делови на Квинсленд и Нов Јужен Велс се намали за 80 отсто поради климатски екстреми, како што се големи суши и топлотните удари. Топлотните удари одеднаш убиваат по илјадници коали поради дехидрација. Според АКФ, во 41 од 128 познати живеалишта на коали веќе нема ниту една единка од овој вид. Бројот на коали е намален за 24 отсто и ќе продолжи да паѓа Директорката на АКФ го повика австралискиот премиер да се обиде да направи нешто за спас на коалата. – Го повикувам новиот премиер по изборите во мај да го донесе Законот за заштита на коалите, кој е напишан и подготвен од 2016 година. Судбината на коалите сега е на негови плеќи, рече Дебора Табарт. Бројот на коали е тешко да се процени, наведува „Њусвик“, бидејќи коалите не се стационарни животни. Покрај тоа, тие се расфрлани преку исклучително широк спектар на урбани и рурални области во четири австралиски држави и една територија. Утврдувањето дали некоја од овие расфрлани популации е функционално исчезната би претставувал потфат од големи размери. Панел-експерти за коали во 2016 година ги испитуваа популациските трендовите за коалите во четири австралиски држави и утврдија дека популацијата паднала 53 отсто во Квинсленд, 26 отсто во Нов Јужен Велс, 14 отсто во Викторија и три отсто во Јужна Австралија. Вкупниот број коали, според нивната проценка, изнесува 329 илјади, со можен опсег од 144 до 605 илјади, и со пад од 24 отсто во последните три, но и во наредните три генерации. Коалата официјално се води како ранлива во Квинсленд, Нов Јужен Велс и Австралиската Престолнинска Територија. (МИА)

Коалите масовно гладуваат поради неконтролирана сеча

Ивана Ефремовски — Fri, 03 Aug 2018 10:33:15 +0000

Заштитници на животините на Австралискиот континент укажуваат дека коалите масовно гладуваат оти луѓето ги сечат дрвјата заради заштита од пожар, уништувајќи го природниот извор на храна на овие животни. Прифатилиштето за коали на островот Рејмонд, на брегот на сојузната држава Викторија, неделно наоѓаат барем една изгладнета коала. А, цела Австралија, посебно Нов Јужен Велс е погоден од екстремни жештини и суша. - Тоа ги погодува коалите низ целата земја, не само на островот Рејмонд, истакнува Венди Хендриксен од прифатилиштето, каде што живеат 250 коали. На коалите на Рејмонд, кои се хранат главно со лисја од еукалиптус, им се заканува истребување и поради тоа што новодоселениците масовно ги ловат и продаваат поради крзното. - За нив загрозувачки се и шумските пожари, посебно оние во Викторија, смета проф. Валентина Мела од Универзитетот на Сиднеј. Коалите, според австралискиот закон, се „чувствителни" животни и во дивината ги има помалку од 90.000, а според некои извештаи - само 43.000 единки. (МИА)