коалиција – Kurir.mk

Коалиција „Менуваме“ бара реверзибилна инклузија и агенција за образовни асистенти за деца со попреченост

Тале Кристо — Fri, 30 Jun 2023 13:15:47 +0000

Реверзибилна инклузија и агенција за образовни асистенти за деца со попреченост се предложените мерките од страна на Коалицијата „Менуваме“ за кои, како што информира Суаред Алишан, било разговарано на денешната средба со Министерот за образование и наука Јетон Шаќири во просториите на МОН. -Поднесовме предлог нацрт-план прво до УНИЦЕФ, каде што побаравме нивно изјаснување во однос на реверзибилна инклузија, истакна Алишан и појасни дека под реверзибилната инклузија се подразбира постоечките училишта кои што работат со деца со попреченост да останат и понатаму во тој работен однос со проширување на нивните капацитети, со цел и тие да учат со останатите деца, бидејќи програмата за сите е иста. Алишан, исто така, посочи дека добиле големо разбирање од министерот и дека ќе ја прошират програмата и ќе ја достават во најбрзо време. -Овој предлог го доставуваме и до Европската делегација и до комитетот за имплементација на Конвенцијата за правата на лицата со хендикеп, каде што бараме и нивно изјаснување, рече Алишан. Тој нагласи дека второто барање се однесува на образовните асистенти кои што ги користат децата со попреченост во образованието. Коалиција „Менуваме“ бара тие асистенти да не бидат под ресурсните центри, туку да бидат под национална агенција за образовни асистенти од каде што ќе можат најдобро да ја детектираат состојбата и да се надградува самата агенција согласно демографската потреба. -Досегашните асистенти не ја задоволуваа потребата кај децата бидејќи се случуваше еден асистент да работи со три деца и истовремено да не успее да ја задоволи потребата на децата, со што повторно тие и нивните родители остануваа сами на себе, додаде Алишан. На прашањето дали има некакви гаранции дека бројот на образовни асистенти ќе порасне за следнава школска година, со оглед на тоа што тој број оваа година е зголемен во однос на минатата, Алишан истакна дека за тоа не добиле одговор, и нагласи дека за да се зголеми бројот потребно е Меѓународна класификација на функционалност (МКФ) да работи навремено. -МКФ не може во текот на целата година да ги стави овие лица да чекаат и кога ќе дојде време тие да го поднесат документот за дозвола за асистент, МКФ да не им го овозможи тоа, рече Алишан и додаде дека потребно е МКФ да ги зајакне службите и начинот на закажување за проценување на функционалност на децата со попреченост да не биде директно преку нив, туку преку мој термин, со што лицето ќе си го оствари правото на решение за асистент. Коалицијата „Менуваме“ на 12 јуни годинава одржа прес-конференција пред Собрание на која ги поздравува предлог законските измени во Собранието и побара лицата со попреченост да бидат дефинирани во Уставот.

Ескобар за коалицијата Мета-Бериша: Граѓаните да не се враќаат назад, кога можат да гледаат во иднината

Тале Кристо — Wed, 03 May 2023 19:21:48 +0000

Да гласаш за коалицијата Бериша-Мета за САД е враќање назад на земјата, оценил специјалниот пратеник на САД за Западен Балкан, Габриел Ескобар, во изјава за ТВ Репорт. Во врска со оваа изборна коалиција која настапува на претстојните локални избори, тој додал дека „Не знам зошто луѓето треба да се гледаат назад во минатото, кога можат да гледаат кон иднината“. На констатацијата дека е голема веројатност а тоа е потврдено и во анкетите, сојузот меѓу Сали Бериша и Илир Мета е главната опозициска сила во земјата и на прашањето дали САД ќе соработуваат со Бериша како лидер на опозицијата, Ескобар јасно кажал дека „не разбира зошто Албанците треба да гледаат назад“. Додал дека „би сакал да не го коментирам премногу изборниот резултат, но сакам јасно да кажам и да го свртам вниманието на напредокот што Албанија го постигна во овие 30 години“. -Албанија напредуваше во евроатлантските интеграции и го подигна нивото на кредибилитет на меѓународната арена што никогаш досега го немаше, а има многу предизвици кои треба да бидат вклучени во програмирањето на агендата, нагласил Ескобар. Во средината на април Ескобар беше во посета на Тирана кога избегна средба со Бериша. Тој имаше средби со премиерот Еди Рама, претседателот Бајрам Бегај, вршителот на должноста претседател на ДП, Енкелејд Алибеај, како и со Мета, на кои разговарале и за изборите. Според телевизијата претходно и американската амбасадорка во Тирана, Јури Ким, ги повикала албанските граѓани да не го гласаат Сали Бериша потсетувајќи дека „тој е меѓународно изолиран“. Американскиот Стејт департмент Бериша и неговото семејство, сопругата, синот и ќерката, за непожелни ги прогласи во мај пред две години, а во јуни минатата година Бериша стана непожелен и за Велика Британија. Бериша и Мета се во изборна коалиција „Заедно победуваме“ со уште неколку помали партии. Коалицијата ја предводи Партијата на слободата на Мета, под чие лого настапуваат демократите на Бериша.

Партијата на Грците во Албанија во изборна коалиција со Бериша

Тале Кристо — Sat, 28 Jan 2023 17:43:26 +0000

Се окрупнува опозицијата предводена од демократот Сали Бериша за локалните избори што во Албанија ќе се одржат на 14 мај, 2023 година. По договорот со Партијата на слободата на Илир Мета, за заеднички настап, Бериша постигна ваков договор и со Партијата за единство и заштита на човековите права на Вангел Дуле, инаку партија на Грците во Албанија. – Заедно одиме кон изборен триумф. Слободно дадениот глас ќе ја врати демократијата во земјата. Според договорот, Демократската партија нема свои кандидати во општините каде Партијата на нашиот сојузник Дуле веќе утврди свои кандидати, објави Бериша. Претходно Партијата на Дуле и грчкото друштво “Омонија” ги утврдија кандидатите за градоначалници во Финиќ, Дропул и Химара, во јужниот дел на земјата, населени главно со Грци. Во Финиќ кандидат ќе биде актуелниот градоначалник Леонида Кристо, во Дропул, Танас Манека, додека во Химара, Фреди Белери. Леонида Кристо, кој довербата ќе ја бара по вторпат, на минатите избори беше единствен кандидат кој освои градоначалничко место во вкупно 61 општина, останатите беа од владејачката Социјалистичка партија, бидејќи здружената опозиција ги бојкотираше истите.

Мицкоски за можното коалицирање на Алијанса во власта: Секоја партија си одлучува за себе, народот ќе знае како да одлучи на денот избори

Магдалена Андонова — Fri, 18 Nov 2022 08:34:39 +0000

Тоа е јавна тајна дека се преговара за влез во владата, и не е нешто кое што нас не изненадува, за тоа се зборува недели наназад. Но, јас сум кажал дека секоја политичка партија има свое автономно и автохтоно одлучување, вели претседателот на ВМРО-ДПМНЕ Христијан Мицкоски откако денеска медиумите информираат за средба помеѓу Арбен Таравари в.д претседател на Алијанса за Албанците и Димитар Ковачевски за можен влез на Алијанса во влада. На коментарот дека единствени политички партии во опозицијата ќе останат ВМРО-ДПМНЕ, БЕСА и Левица, Мицкоски рече дека ова е доволна порака за граѓаните како да постапуваат за следните парламентарни избори, посочувајќи дека тој очекува политиките на владата да бидат девастирани од народот. Тоа е доволна порака до граѓаните како да постапуваат за следните парламентарни избори. Ако го имате СДСМ како малцински фактор во владата кој што се ќе направи за да остане ден повеќе за да може да поминат неколку тендери во четири очи, за да може повеќе да краде, за да може повеќе да се уживаат привилегиите и да се создаваат вакви паразити за кои што објавуваме деновиве, тогаш единствен суверен за да го спречи тоа, покрај ние политичарите во опозицијата, е народот. И на следите парламентарни избори јас очекувам да бидат девастирани политиките на оваа влада предводена од СДСМ, потенцираше тој. Мицкоски смета дека доколку Алијанса за Албанците стане дел од владата на СДСМ и ДУИ, тогаш тоа е комплетно политичко скршнување од тезите кои беа кажувани изминатиот период, нагласувајќи дека доколку еден политичар ја обвинува владата дека работи погрешно, коруптивно и криминално, а подоцна стане дел од неа, тогаш тоа значи легитимирање на сите погрешни политики и единствено нешто за кое што сте се грижеле е само да се дограбат до одредена функција и фотелја. Ако мене ме прашувате за мое мислење за евентуалниот влез на Алијанса за Албанците во владата, тоа значи едно комплетно политичко скршнување од сите оние тези кои што изминатите години беа кажувани. Суштината е поинаков, ако вие велите дека оваа влада работи погрешно, ако велите дека оваа влада е виновна што многу Албанци ја напуштале државата, ако вие велите дека оваа влада е криминална и коруптивна и дека не ја бидува и потоа влегувате во таа влада значи тогаш дека вие ги легитимирате тие политики, самите за себе признавате дека сте лажеле односно не сте ја говореле вистината и единственото нешто за кое се грижете е да се дограбите на некаква функција и фотелја, изјави Мицкоски. Мицкоски смета дека ќе преовлада разумот кај Таравари и Алијанса за Албанците, но што и да одлучат за евентуален влез во владата на СДСМ и ДУИ тоа ќе биде нивна одлука. Јас сепак мислам дека на крај би преовладал разумот кај Таравари и Алијанса на Албанците, но тоа е нивна одлука, дециден е Мицкоски.

Пратеникот на ГРОМ не ја следи политиката на Јакимовски: Останувам во коалицијата со ВМРО-ДПМНЕ!

Тале Кристо — Wed, 08 Jun 2022 15:55:47 +0000

Градоначалникот на Карпош, Стевчо Јакимовски денеска соопшти дека ја прекинува коалициската соработка со ВМРО-ДПМНЕ по 99 месеци, но и покрај тоа единствениот пратеник на ГРОМ, Љупчо Пренџов останува во коалицијата. Одлуката на Јакимовски нема да влијае и на пратеникот кој потврди дека останува во коалицијата на ВМРО-ДПМНЕ. Пренџов кажа дека имал одлична соработка со ВМРО-ДПМНЕ и продолжува во мисијата за рушење на оваа власт

Заев ги собра коалиционите партнери да им ги објасни приоритети по приклучувањето на Алтернатива во Владата

Ивана Ефремовски — Mon, 06 Dec 2021 18:06:23 +0000

Претставниците на помалите политички партии од владината коалиција очекуваат на вечерашната средба со премиерот Зоран Заев да чујат кои се владините приоритети по приклучувањето на Алтернатива во Владата. Претседателот на Демократскиот сојуз Павле Трајанов пред почетокот на средбата изјави дека треба да се видат програмските определби на Владата. Нагласи дека се прават пошироки консултации по што ќе се донесе некаков координиран заеднички став, но според неговите очекувања тој процес ќе трае уште најмалку месец дена. -Демократскиот сојуз нема намера да уценува и да притиска. Сега Владата на СДСМ ќе биде малку покомотна, ќе има 64 пратеници во мнозинството, така што некои од коалициските партнери кои не се задоволни можат слободно да ја напуштат коалицијата, рече Трајанов, посочувајќи дека очекува да види во кои правци ќе се движи новата влада, како ќе се одвиваат разговорите со Бугарија, како и дали ќе се даде фокус на стратешките прашања. За ДОМ, пак, како што изјави претседателката на оваа партија Маја Морачанин, важно е да се види кои ќе се програмските приоритети на новата Влада. Претседателот на НСДП, Тито Петковски рече дека засега нема аргументи ниту „за“ ниту „против“, и додаде дека ќе даде изјава откако ќе слушне од премиерот за постигнатиот договор со Алтернатива. (МИА)

Додека Заев со Гаши ја „крпи“ владата, со останатите коалициони партнери власта „му пука по шевови“?

Ристе Здравков — Mon, 06 Dec 2021 09:07:38 +0000

Алтернатива на Африм Гаши, вчера влезе во владата како нов коалиционен партнер, а за возврат на тоа од Заев доби голем „подарок“. Имено Гаши ги доби министерството за здравство кое го раководеше Венко Филипче кој патем е и еден од најистурените играчи на СДСМ, потоа го доби МИОА, министерство под кое се наоѓа целата јавна администрација и доби едно министерство без ресор. Гаши исто така доби и бројни директорски места како МЕПСО, ПИОМ, МЖ Транспорт, Агенција за странски инвестиции... Премиерот во заминување, Зоран Заев, по објавувањето на коалициониот договор со Алтернатива на Албанците рече дека очекува дека во следниот период владата да има стабилни одлуки и носење на битни закони. – Убеден сум дека со 64 пратеници ја имаме најсилната гаранција за стабилно парламентарно мнозинство, а верувам и дека може да расте. Моето останување во овој дополнителен период е заради обезбедување на мнозинството и мислам дека оваа работа ја завршувам. На 12 декември мојата партија СДСМ ќе има нов претседател, истакна Заев. Но, по ваквиот коалиционен договор со реакција излегоа и други политички партии кои исто така се во коалиција со СДСМ. ЛДП и ДОМ кои на локалните избори настапија сами, а освоија приближно 30.000 гласови по се изгледа не се задоволни од договорот кој го направија Заев и Гаши во саботата. – Немаше потреба да се прават овие театри еден месец и да се фокусира јавноста бидејќи државата има еден силен предизвик во декември, а тоа е почеток на преговори и целата енерија на политички чинители треба да се насочи кон решавање на овој проблем којшто ќе значи подобар животен стандард на граѓаните наместо да се занимаваме со личните позиции и кадровските решенија коишто очигледно се договорени. Очекуваме премиерот Заев и јавноста и нас како коалициони партии да не извести, да знаеме во каква нова влада влегуваме, дали тоа за ЛДП е прифатливо или не. Се разбира тоа е наша заедничка одлука со ДОМ, изјави лидерот на ЛДП, Горан Милевски. ЛДП и ДОМ имаат три пратеници, а едно министерско место во владата. Сите останати помали коалициски партнери на СДСМ и ДУИ во власта имаат двојно повеќе пратеници отколку Алтернатива на Африм Гаши, а речиси двојно помалку министерски и други раководни функции во владејачката коалиција. Заев пак, вчера потврди дека Алтернатива добива повеќе значајни одговорности во извршната власт бидејќи така им било понудено. -Заради тоа што ние сме веќе утврдено друштво на коалициони партнери и каниме некој да ни се приклучи, не е исто кога одиме заедно на избори. Кога каните некој треба да имате разбирање дека тој некој има сосема легитимни дилеми дали да влезе и да го крепи тоа парламентарни мнозинство или не, затоа што позиционирал претходно како опозиција. Кога некого каните тогаш нудите соодветно на неговите очекувања и разговарате за да го избалансирате. Водев грижа за Алтернатива, како што и Алтернатива водеше грижа за постојните партнери. Точно е дека тие се повеќе од она што БЕСА го имаше како коалиционен партнер, изјави денеска Заев. Дали со овој потег Зоран Заев сакајќи да го зацврсти парламентарното мнозинство, направи поголем проблем? Дали пратениците кои не се дел од СДСМ, а коалицираат со нив ќе се почувствуваат изневерени од Заев и СДСМ, а со тоа и да ја напуштат владината коалиција останува да видиме во периодот кој следи?

Беса денеска одлучува дали ќе ја напушти коалицијата со СДСМ

Тале Кристо — Fri, 05 Nov 2021 07:48:30 +0000

По вчерашната одлука на ДИК дасе прегласува во Желино, каде во вториот круг со минимално победи кандидатот за градоначалник на БЕСА, партијата денеска на централното претседателство ќе одлучува дали да ја напушти владејачката коалиција, пишува порталот Република.мк. Разликата во гласови во предност на кандидатот на Беса пред кандидатот на ДУИ во Желино беше 69 гласа. По поднесените приговори на ДУИ, ДИК одлучи во Желино да има прегласување. БЕСА има право на жалба до Управниот суд но не се знае дали одлуката на судот ќе влијае на нивната одлука за напуштање на колацијата со СДСМ. Беса има четири пратеници и нивното излегување ќе значи дефинитивен пад на владата.

Пренџов: Синоќешната дебата на кандидатите за градоначалник на Скопје на виделина го извади “коалициониот капацитет” на СДСМ, за еден час се сруши како кула од карти

Тале Кристо — Thu, 14 Oct 2021 09:06:22 +0000

Синоќешната дебата на кандидатите за градоначалник на Скопје, на виделина го извади “коалициониот капацитет” на СДСМ, пишува на социјалната мрежа на Фејсбук пратеникот Љупчо Пренџов. Она за кое зборуваат со години дека им е главен адут, за еден час се сруши како кула од карти. Синоќа над главата на Шилегов, утре врз главата на Заев, пишува Пренџов во својата објава.

Аналитичари за Сител: Коалицијата на ВМРО-ДПМНЕ со албански партии ќе ги смени математиките на СДСМ и ДУИ

Тале Кристо — Sat, 28 Aug 2021 17:45:31 +0000

Логичен, прагматичен и политички исправен чекор е коалицијата на Мицкоски со Села и Гаши, сметаат експертите. Според нив, таа носи значителна промена на политичката сцена рушејќи го последното табу во македонската десница и етничката поларизација во македонската опозиција, објавиСител телевизија. За аналитичарите нема дилема дека заедничкиот настап на Мицкоски Села и Гаши значително ќе им ги смени пресметките на Заев и Ахмети. За изјавата на премиерот Заев дека нема сила која ќе ги натера гласачите на ВМРО-ДПМНЕ да гласаат за кандидатите на Села и Гаши и обратно, Небиу вели дека е класичен предизборен фолклор. Аналитичарите сметаат дека сега и двата политички блока тргнуваат од иста стартна позиција па на овие избори очекуваат големо влијание на резултатите да има квалитетот на кандидатурите и начинот на кој ќе се води кампањата. Мицкоски, Села и Гаши вчера се договорија за заеднички настап на изборите уште во првиот круг на начин што нема да кандидираат свои кандидати во општините со мешан етнички состав каде што реално, немаат шанси за победа.