коалициони партнери – Kurir.mk

Ковачевски: Дел од коалиционите партнери изразија позитивни ставови по однос на францускиот предлог

Ивона Петрова — Sun, 03 Jul 2022 16:47:04 +0000

Дел од коалиционите партенри на кои им беше презентиран францускиот предлог изразија позитивни ставови, останатите треба да се изјаснат периодот што следи, истакна премиерот Ковачевски на денешната прес-конференција по средбата со лидерот на ВМРО-ДПМНЕ, Христијан Мицкоски. -Во однос на консултациите, ние веќе имавме првична средба со коалиционите партнери на кои што им беше презентирано, дел од тие коалициони партнери веќе изразија позитивни статови во однос на предлогот кој го имаме добиено, дел тоа ќе ги кажат своите ставови во идниот период ние нормално имаме комуникација со нашите коалициони партнери. Остана за консултација уште дел, јас утрово имав телефонски разговор со Зијадин Села, најверојатно утре ќе се видиме со вицепремиерот за европски прашања да му биде претставен, објаснет во сите делови, изјави Ковачевски. Во однос на консултациите со Собранието и тоа кога одлуката ќе биде претставена во Влада, премиерот рече дека дискусијата во Собранието ќе се одвива во согласност со собраниските процедури, бидејќи како што рече, „Владата не може да наложува на кој начин ќе се води расправата“.

Пренџов: Коалиционите партнери на Заев не се согласуваат со неговата политика, знаат дека „Најдоброто за мојата општина“ е голема лага

Магдалена Андонова — Tue, 19 Oct 2021 09:50:58 +0000

Како пратеник и колега со сите пратеници од власта и опозицијата, можам да ви кажам дека поводите за ново парламентарно мнозинство не доаѓаат од страна на опозицијата, туку напротив доаѓаат од пратениците кои што партиципираат учество во власта, така што јас тоа што можам да го видам а се разбира никогаш нема да споменам имиња и презимиња, таму има многу политички партии, не една или две, кои што се незадоволни од третманот на Заев и СДСМ кон нивната коалиција, истакна во денешното гостување во Студио 10 на ТВ24, Љупчо Пренџов пратеник во Собранието на Република Македонија. Тој посочи дека коалиционите партнери на Заев во самите разговори се гледа дека не се согласуваат со политиката на премиерот, дека се подготвени за промени, знаат дека на Република Македонија и требаат промени, знаат дека „Живот за сите“ беше една голема лага, знаат дека „Најдоброто за мојата општина“ исто така е голама лага. - Тоа го зборуваат пратениците во Собранието, а народот гласно зборуваше во неделата така што генерално мислам дека работите ќе одат на подобро, пред се во интерес на граѓаните на Република Македонија.

Дел од коалиционите партнери бараат средба со Заев по интервјуто за БГНЕС

Дарко Андоновски — Fri, 27 Nov 2020 14:18:42 +0000

Либерално-демократската партија бара премиерот Зоран Заев да свика средба на коалиционите партнери по интервјуто за бугарски БГНЕС. Ваква одлука донел извршниот одбор на ЛДП на вчерашната седница. „ЛДП бара средба на коалиционите партнери за да се разговара за еу перспективите, особено во контекст на ветото од Бугарија и интервјуто на премиерот за БГНЕС“ – стои во партиското соопштение. Претходно со осуда за интервјуто на Заев излезе и поранешната претседателка на дом, Лилјана Поповска.

Заев ги чека одговорите од потенцијалните коалициски партнери

Ивана Ефремовски — Thu, 10 May 2018 09:53:42 +0000

Премиерот Зоран Заев денеска изјави дека кон почетокот на мај доставил предлози до потенцијалните нови коалициски партнери и оти го очекува одговорот од нив. - Синоќа се слушнав со лидерот на една од овие парламентарни партии, а денеска имам намера да зборувам телефонски со другите за да видам како се одвиваат работите и дали нешто може да се допрецизира. Сакам да се зголеми парламентарното мнозинство и да добиеме нов квалитет во Владата и преземање на нова одговорност која ќе помогне во вака значајни моменти, рече Заев, одговарајќи на прашања на заедничката прес-конференција со германскиот државен секретар за европски прашања во МНР, Михаил Рот. Прашан за тоа што не е усвоен записник од седницата на која што Талат Џафери е избран за претседател на Собранието, премиерот Заев рече дека тој е избран со мнозинство гласови. - Видливо беше како се направи изборот во услови кога по 32 дена блокирано Собрание, со должно внимание и водење грижа за сите аспекти, се спроведе процедурата и се гласаше со мнозинство за избор на претседател на Собранието. Доказите се гледаат и достапни се до јавноста. Верувам дека тој записник може да се преточи на хартија затоа што тоа е визуелно евидентно и верувам дека Собранието ќе ги формализира своите постапки, нагласи Заев. (МИА)