коце трајановски – Kurir.mk

Трајановски се огласи по паѓањето на потпорниот ѕид во Пинтија

Катерина Бојаџиева — Mon, 30 May 2022 12:37:09 +0000

Во саботата по големото невреме и обилни дождови во Скопје падна потпорниот ѕид во Пинтија. Населба Пинтија е на стрмен терен наклонет према бул Борис Трајковски. За рушењето на дел од потпорниот ѕид на бул. Б.Трајковски, кај населбата Пинтија, сметам дека причината е немањето на целосна и соодветна атмосферска канализација и попречни решетки кои ќе ја прифатат атмосферската вода од улиците. Поради тоа целата количина на вода од огромните обилни дождови преку трите улични краци и преку дворовите удира директно на потпорниот ѕид, пишува на Фејсбук поранешниот градоначалник на Град Скопје, Коце Трајановски. -Тој не е проектиран да биде брана за надојдените води. Од сликата може да видите дека на улицата која е во правец на бул Б. Трајковски има река од вода и како последица на тоа срушен е зидот точно кај што трите краци од улицата водат према булеварот, додава Трајановски.

Трајановски: Забавниот парк може да работи следново лето 2022 година, а граѓаните да уживаат во неговото користење после четири изгубени години

Катерина Бојаџиева — Thu, 30 Dec 2021 07:26:55 +0000

Честитки до Град Скопје кој на последната седница на советот донесе одлука да се продожи со изградба на Забавниот Парк во Скопје. Додека бев градоначалник Забавниот Парк беше проектиран на површина на сегашниот без ниту еден метар дополнително да зафати од парковското зеленило, вели поранешниот градски татко Коце Трајановски. -Во 2017-та година кога беше избрана новата градска власт: - го прекина партерното уредување кое требаше да заврши за неколку месеци - го прекина поставувањето на 7-те реквизити кои ги набавив и за кои во цената добавувачот имаше обврска да ги направи фундаментите, да ги монтира и да ги пушти во употреба. - беа поставени и светеа повеќе од 100 канделабри кои се демонтирале и не се знае каде се. Ако претходната градска власт 2017-2021 не ги прекинеше започнатите работи летото 2018 година ќе почнеше да се користи првата фаза од Забавниот парк. Сега, после одлуката на советот ако се продолжат работите Забаниот парк може да работи за четири до пет месеци т.е следново лето 2022 година граѓаните да уживаат во неговото користење после четири изгубени години, пишува Трајановски на Фејсбук.

Трајановски: Делата оставени после секоја генерација остануваат да говорат, честит празник Скопје!

Катерина Бојаџиева — Sat, 13 Nov 2021 12:49:37 +0000

Поранешниот градоначалник на Град Скопје, Коце Трајановски, го честита „13- Ноември“ ден на ослободувањето на Скопје. -Денес навршуваат 77 години од херојскиот чин на плејадата борци кои ги заложиле своите животи за ослободување на Скопје. Скопје станува политички и културен центар на Македонија кој постојано расте и се развива. Да се заблагодариме на секоја генерација која допринела за Скопје да биде слободен и модерен град. Така и јас како градоначалник во двата мандата се трудев да допринесам за развојот на Скопје преку вложениот труд, многу работа и голема посветеност. Делата оставени после секоја генерација остануваат да говорат, честит празник Скопје!, пишува Трајановски на Фејсбук.

„Петре Шилегов продолжува да се фали со проекти на претходниот градоначалник од ВМРО-ДПМНЕ“

Тале Кристо — Mon, 11 Oct 2021 15:06:11 +0000

Петре Шилегов продолжува да се фали со проекти на претходниот градоначалник од ВМРО-ДПМНЕ, Коце Трајановски, реагираат од ВМРО-ДПМНЕ. Пешачкиот мост кој денеска Шилегов го пушти во употреба беше спремен за користење уште кога ја презема власта. Се прашуваме дали не му е срам ма Шилегов да промовира проекти на кои едно штрафче нема ставено. Шилегов нема реализирано ниту едно свое ветување. Каде му се тунелите под Кале, каде му е продолжувањето на булевар Илинден со мост преку Вардар? Каде е Зип лајнот од Кале до градски парк? До каде се ветувањата за повеќе зеленило? Секој ден гледаме како се сече некое ново дрво. Шилегов нема направено ништо, и мизерно се слика и прави спотови со проектите на ВМРО-ДПМНЕ по кои дехидрира од плукање, се вели од реакцијата на ВМРО-ДПМНЕ.

Трајановски: Македонија со СДСМ е во застој, затоа да се избориме за победа на ВМРО-ДПМНЕ да се подобрат условите за живот

Ивона Петрова — Wed, 08 Sep 2021 11:28:18 +0000

Локалната самоуправа е многу значајна во развојот на една држава, Европа се темели на локален и регионален развој, за жал кај нас не е така, изјави поранешниот претседател на ЗЕЛС, пратеник и градоначалник, Коце Трајановски на настанот организиран од ВМРО-ДПМНЕ под слоганот „30 години се грижиме за Македонија“ што се одржува во Битола. Трајановски посочи дека секогаш кога е СДСМ на власт, па така и сега локалниот развој е во застој, општините стагнираат и тонат во долгови, а парите завршуваат на непрофитабилни работи, само не кај граѓаните и за развој на општините. - Во 90-тите се укинаа сите ингеренции на општините, Македонија стана една од најцентрализираните држави, општините станаа месни заедници, им се земаа урбанизам, финансии, се она што значеше развој и добиваа минимална дотација од државата. Со новиот закон за територијални организации од 2005 година кога СДСМ беше на власт се прекрши Европската повелба за локална самоуправа и ги измени границите на општините без согласност од самите општини и граѓани, но со минималните приходи за општините јасно дадоа до знаење дека СДСМ не сакаше да има локална самоуправа и развој во Македонија, рече Трајановски. Тој истакна дека во 2006 година кога ВМРО-ДПМНЕ ја презеде централната власт, го намали ДДВ-то на општините, се простија каматите, а долговите на јавните претпријатија се даде да се отплаќаат со грејс период од 3 години и уште 10 отплата со што тие почнаа нормално да функционираат. - Се вратија сите долгови на училиштата, се вратија долговите на општините и почнавме нормално да функционираме. Се донесоа закони со кои се зголемија изворните приходи на општините, како на пример продажбата на градежно земјиште 80% од парите да одат кај општините, закон за минерални суровини, закон за закуп на земјоделско земјиште, грантови и тоа беше знак дека ВМРО-ДПМНЕ размислува за локалната самоуправа и да се подобрат условите на општините, изјави Трајановски. Трајановски нагласи дека сето тоа траеше до 2017 година кога СДСМ и за овие 4 години ништо не направија за подобрување на локалната самоуправа, немаат ниту еден закон за да ги зголемат приходите на општините за тие да бидат постабилни,. - Општините сега се во долгови, а парите одат кај невладини, манифестации, непрофитабилни и несоодветни инвестиции, од кои граѓаните не гледаат корист. Единствено вработуваат партиски луѓе. Македонија со СДСМ огромен застој во локалната самоуправа и затоа мора да се избориме да победи ВМРО-ДПМНЕ за да почнеме да работиме локалната власт да добие значење и да се подобрат условите за живот во секое населено место и општина, рече Трајановски.

Коце Трајановски со поддршка за Данела Арсовска: Ќе работи за интересите на скопјани со што ќе престане четиригодишната стагнација и уништување

Ивана Ефремовски — Tue, 31 Aug 2021 20:21:30 +0000

Поранешниот градоначалник на Град Скопје, Коце Трајановски, даде јавна поддршка за кандидатот за градоначалник Данела Арсовска. -Со одлука на извршниот и централниот комитет на ВМРО ДПМНЕ Данела Арсовска е поддржана како независен кандидат за градоначалник на град Скопје. Како долгогодишен член и функционер, пратеник, градоначалник, претседател на ЗЕЛС и давам поддршка за градоначалник на Скопје кој ќе работи за интересите на скопјани со што ќе престане четиригодишната стагнација и уништување на македонската метропола, напиша Трајановски.

Трајановски до Шилегов: Нас мал ни беше паркингот па моравме само двокатните да ги паркираме

Катерина Бојаџиева — Sun, 22 Aug 2021 16:33:42 +0000

Нас мал ни беше паркингот па моравме само двокатните да ги паркираме, напиша поранешниот градски татко Коце Трајановски, по изјавата на сегашниот градоначалник на Град Скопје Петре Шилегов дека се набавени над 130 комунални возила и автобуси во еден мандат.

Трајановски: Престанете да ја дефокусирате јавноста и ставете го Штабот за заштита и спасување на Град Скопје во мобилна состојба

Катерина Бојаџиева — Mon, 09 Aug 2021 17:24:49 +0000

Денеска читам уште една клевета кон мене односно, Коце бил крив за ниската плата на пожарникарите. Претходната клевета беше кога Шилегов ја покачи цената на водата воведувајќи нова давачка за одржување на зеленило. Тогаш изјави дека само ја спроведува одлуката на Коцe. Но, времето покажа дека дека тоа е лага и клевета, вели поранешниот градоначалник на Град Скопје Коце Трајановски. -Додека бев градоначалник имав постојана и непосредна соработка со синдикатот на пожарникарите и со пожарникарите. Благодарение на таа соработка уште во 2010г. им ја покачивме платата за 10% а потоа уште еднаш за 5% но и тоа не беше доволно. Затоа заедно со синдикатот на пожарникарите изготвивме измени на законот за пожарникарство и донесовме нов Колективен договор меѓу синдикатот и градот Скопје. Тоа создаде услови за пожарникарите да ја добијат потребната плата што им следува. Со доаѓањето на П. Шилегов голем дел од пожарникарите своите права за плата ги добиваа по судски пат. Правилникот кој е изготвен од градот Скопје е едностран акт ( донесен без консултација на синдикатот ) кој не ги решава проблемите на пожарникарите во целост и не ја добиваат потребната плата. Затоа престанете да клеветите и обвинувате. Престанете да ја дефокусирате јавноста туку гледајте како навремено да го организирате и да го ставите во мобилна состојба Штабот за заштита и спасување на град Скопје и навремено да се справите со пожарите. Она што треба да им го објасните на граѓаните на град Скопје е како набавивте скала која е скоро дупло поскапа од истата скала која ја набави град Загреб. Запомнете не ја спориме набавката на скалата туку цената која скопјани ја платија, пишува Трајановски на Фејсбук.

Трајановски: Според закон градоначалникот на Скопје формира Градски штаб за заштита и спасување притоа тој е командант и назначува началник и неколку помошници

Дарко Андоновски — Fri, 06 Aug 2021 17:44:24 +0000

Поранешниот градоначалник на градот Скопје Коце Трајановски преку статус на Фејсбук пишува дека градоначалникот на Скопје формира градски штаб за заштита и спасување и притоа тој е командант и назначува началник и неколку помошници. -Според закон градоначалникот на Град Скопје формира Градски штаб за заштита и спасување притоа тој е командант и назначува началник и неколку помошници ( помошник за пожари, помошник за поплави, ...). Во вакви критични моменти командантот го свикува Градскиот штаб ,прават оперативни планови за заштита и спасување и градоначалникот како командант по правило секогаш е во првите редови. Во период кога Македонија е во пламен и во текот само на вчерашниот ден на територијата на Град Скопје избувнаа дваесет и два пожари меѓу кои еден со многу висок ризик во кругот на фабриката "Охис". Командатот на бригадата за заштита и спасување на Град Скопје во слободно време градоначалник на Скопје во случајов Шилегов Петре никаде го нема на терен да командува и да застане рамо до рамо со пожарникарите кои се по неколку денови непрекинато на своите работни места. Ист е случајот и со командатот на противпожарната бригада на Град Скопје, но денес под притисок на јавноста истиот го прекинал одморот и се појави во јавноста. Додека некаде властите се одмараат,скопјани вчерашниот ден го поминаа во страв и паника. Петре ова ли е тоа поинакво Скопје?! Вака ли чекор по чекор го замислувате напредокот на Скопје?! Не може додека Македонија гори цела влада и градоначалникот на главниот град да се плажираат и да се кријат под дебела сенка. Ниту е етички, ниту е морално,ниту е нормално такво однесување за време на ваква кризна ситуација, стои во неговиот пост на Фејсбук.

Трајановски: МАКЕДОНИЈА гори, а одговорните си тераат прослави, па тек по реакциите на јавноста на полноќ се мобилизираат

Катерина Бојаџиева — Tue, 03 Aug 2021 19:01:48 +0000

Како човек што бил градоначалник на општина, на главен град, Претседател на ЗЕЛС и претставник на граѓаните во законодавниот дом точно знам како треба да функционира системот за време на кризни ситуации и со какви се аномалии се соочуваа системот за заштита и спасување во Република Македонија. Но никако не можам да разберам дека веќе втора година не е направен сервис на авионите за гаснење пожари и истите не се во функција, не можам да разберам како тоа војската не може да делува за време на ноќта, не можам да разберам како функционерите кои се поставени да раководат со институциите кои се одговорни за кризни ситуации, си дозволуваат доцна да реагираат во вакви ситуации како вчера во Кочани, вели Коце Трајановски. -Не можам да разберам МАКЕДОНИЈА гори а одговорните да си тераат прослави, па тек по реакциите на јавноста на полноќ да се мобилизираат. Тоа е недомакинско и крајно неодговорно однесување,ние како политичари сме сервис на граѓаните и во добро и во лошо ние сме тие што треба да ги сервисираме нивните потреби. 1. Градоначалник на една општина/град е во функција 24/7 365 дена во годината и за тоа треба да е свесен уште првиот ден кога граѓаните ќе му ја дадат довербата на избори. Истиот за време на кризни ситуации е командант на бригадата за заштита и спасување во својата општина/град. Градоначалникот и останатите одговорни лица од институциите се должни ситуацијата да ја контролираат, командуваат и да учествуваат во разчистување на проблемите од лице место,и дење и ноќе,не смеат да го напуштат местото каде што има непогода или друга кризна ситуација,(тоа сум го докажал со личен пример, без разлика на која функција сум бил избран од граѓаните за да ги претставувам),цело време да се во комункација со сите алки од системот. Кризниот штаб треба постојано да заседава на лице место. Должен е превентивно преку кампањи,едукација на населението и слично да делува за да спречи или ублажи било каква непогода. 2. Институциите кои се одговорни за кризни ситуации а се под ингеренции на извршната власт (владата) се должни веднаш да постапат и да помогнат по барање на градоначалникот во која општина има потреба. Истите се должни да ги опремуваат со механизација,возила,техничка и заштита опрема П.П.Е. 3. Владата е должна будно да ја следи ситуацијата и доколку процени дека потребна е помош од дополнителни ресурси (механизација,алати,работници)да се обрати и да побара помош од приватни компании или да се обрати веднаш до пријателските земји за помош. Владата е должна во текот на една буџетска година да предвиди средства за опремување на П.П.Е,институциите од системот за заштита и спасување,јавните претпријатија и останатите институции под нивна надлежност. Истата е должна да предвиди средства за оддржување и сервисирање на ресурсите со кои располагаат погоре споменатите институции и секако да ја контролира нивната работа. 4. Најважно е после секоја природна непогода или друга кризна ситуација да се извлече поука и веднаш да се реагира доколку има аномалии системот. Најлесно е да се бараат оправдувања или да се вперува прстот кон друг,а да се отргнува одговорноста од себе. 5. Минимална задоцнета реакција на било која алка од овој систем, кој треба да функционира како едно,може да чини многу. Затоа е важно навремена и превентивна реакција. ГРАЃАНИТЕ НЕ СМЕЕ ДА СЕ ДОВЕДАТ ВО СИТУАЦИЈА ДА НЕМААТ ДОВЕРБА ВО ИНСТИТУЦИИТЕ НА СИСТЕМОТ!, пишува Трајановски на Фејсбук.