кочо рацин – Kurir.mk

Во Куќата на Рацин одбележани 83 години од печатењето на „Бели Мугри“

Тале Кристо — Fri, 25 Nov 2022 16:23:23 +0000

На денешен ден се навршуваат 83 години од 25 ноември 1939 година кога во печатницата на Драгутин Шпулер во Самобор, Хрватска за првпат од печат излезе стихозбирката „Бели мугри“ на поетот и револуционер Коста Солев Рацин. По тој повод Општина Велес денеска одржа програма во неговата родна Спомен куќа во стариот дел на Велес За неговиот живот и дело говореше историчарот и виш кустос Марин Клифов, а за големината и значењето на издавањето на антологиското дело „Бели мугри“ беседеше професорката Соња Карбева од велешката гимназија „Кочо Рацин“. Ученици од гимназијата што го носи името на великанот, рецитираа стихови од Рациновата „Ленка“, „Татунчо“, „Денови“, „Елегии за тебе“. Сиховите на Рацин одекнаа во неговата родна куќа во Велес. Неговите потомци го оживеаја споменот на безвременото дело на големиот поет и револуционер Коста Солев Рацин. Настанот беше збогатен со музички изведба на виолини на ученички од Основното музичко училиште „Стефан Гајдов“ . Од куќата на поетот и револуционер Рацин,учениците – учесници на настанот потоа се упатија во Младинскиот центар при Градската библиотека каде твореа свои дела инспирирани од творештвото на Рацин. Инаку стихозбирката на Коста Солев Рацин еден од најпознатите велешани и Македонци во светот, е токму по неговата социјално ревоуционерна збирка „Бели Мугри напишана на македонски јазик, а преведена по војната до денес на сите официјални светски и голем број други јазици во Европа и светот. Интересен е податокот што велешките основци и средношколци во сите изминати години и денеска се уште целосно ја учат и знаат напамет целата стихозбирка „Бели Мугри“. Воедно пооделни стихови од неа како на пример од „Ленка“, Денови“ и „Копачите“ задолжително учат во наставата по македонски јазик и литература ученици во основните и средни училишта во земјава.

83 години од печатењето на „Бели мугри” на Кочо Рацин

Ивона Петрова — Fri, 25 Nov 2022 06:17:14 +0000

На денешен ден, 15 ноевмри во 1939 година во градчето Самобор, во непосредна близина на Загреб, во печатницата на Драгутин Шпулер, излегла од печат збирката песни „Бели мугри” од македонскиот поет и револуционер Кочо Рацин. Збирката, испечатена во 4.000 примероци, претставува извонредна поетска слика на најтипичните социјални појави во Македонија пред почетокот на Втората светска војна. „Бели мугри“ е составена од 12 песни, во 5 циклуси напишани на велешки дијалект со примеси од западно-македонските говори, во кои доминираат социјалните и револуционерните теми. Насловот на стихозбирката е симболичен – пејзаж кој е посакуван од работниците, аргатите и сите експлоатирани луѓе. Таа е антологија на болките и страдањата на македонскиот народ – експлоатацијата на тутунопроизводителите, на монополските работници и на надничарите. Покрај ова, таа е проткаена со борбеност и револуционерен дух. Таа претставува стремеж за афирмација на македонската национална култура.

22 години од смртта на „магичната муза“ на Кочо Рацин, Раца

Ивона Петрова — Wed, 26 Jan 2022 07:52:55 +0000

Денеска се одбележуваат 22 години од смртта на Рахилка Фирфова Ѓоргова – Раца, „магичната муза“ на Кочо Солев. Таа починала на 26 јануари во 2020 година во Скопје. Македонскиот поет Кочо Солев на 6 октомври 1928 година како псевдоним го зел нејзиното име и станал познат како Рацин. Родена била во Велес, во 1911 година. Во интервју за Дума.мк. Рахилка открива дел од картичките што Кочо и ги пишувал. „Го земам твоето име како мое, а затоа ти подарувам бесмртност, кондензиран воздив по тебе. Антологија на болката… и мое портре ако побараш… Капка крв од моето тело и душа – ја имаш веќе… Моето идно име – ме врзува засекогаш со тебе…. … Прости ми или проколнувај – сеедно. А јас се љубам, се проштевам, и се заборавам… Едно само жалам: што не ја чув Смислата преку звукот на твоите зборови… или барем нивната трага со мастило…“, стои во текстот на картичката објавен од Дума.мк.

Во Пехчево чествување на великаните на македонската литература Блаже Конески и Кочо Рацин

Ивана Ефремовски — Fri, 17 Dec 2021 10:03:24 +0000

Во Пехчево се чествуваше ликот и делото на великаните на Македонската литература Блаже Конески и Кочо Рацин. Настанот го орзанизираше матичната библиотека ,,Кочо Рацин” во соработка со љубители на пишаниот збор од Пехчево. -Со литературно-поетско читање во нашата библиотека се одржа чествување на ликот и делото на великаните на македонската литература Блаже Конески и Кочо Рацин. Одбележавме 100 години од раѓањето на македонскиот поет, критичар, есеист, книжевник Блаже Конески и 113 години од раѓањето на македонскиот поет и револуционер Кочо Рацин, како и 82 години од излегувањето на неговата стихозбирка „Бели мугри” на македонски јазик. Во нивна чест читателите на библиотеката презентираа стихови од нивното творештво, истакнаа од библиотеката. Оттаму додадоа дека овој настан е меѓу последните во рамки на тековната година. -Во делот на културните збиднувања во наша организација и годинава поради пандемијата, настаните ги организиравме со помал број учесници. До нова година планираме уште неколку активности со најмалите на кои сакаме да им ги честитаме празниците, додадоа од библиотеката во Пехчево. Изразија надеж дека во 2022 година пандемијата ќе стивне со што ќе се зголемат можностите за организирање настани со поголем број учесници.

82 години од печатењето на „Бели мугри” на Кочо Рацин

Ивона Петрова — Thu, 25 Nov 2021 06:22:39 +0000

На денешен ден, 15 ноевмри во 1939 година во градчето Самобор, во непосредна близина на Загреб, во печатницата на Драгутин Шпулер, излегла од печат збирката песни „Бели мугри” од македонскиот поет и револуционер Кочо Рацин. Збирката, испечатена во 4.000 примероци, претставува извонредна поетска слика на најтипичните социјални појави во Македонија пред почетокот на Втората светска војна. „Бели мугри“ е составена од 12 песни, во 5 циклуси напишани на велешки дијалект со примеси од западно-македонските говори, во кои доминираат социјалните и револуционерните теми. Насловот на стихозбирката е симболичен - пејзаж кој е посакуван од работниците, аргатите и сите експлоатирани луѓе. Таа е антологија на болките и страдањата на македонскиот народ – експлоатацијата на тутунопроизводителите, на монополските работници и на надничарите. Покрај ова, таа е проткаена со борбеност и револуционерен дух. Таа претставува стремеж за афирмација на македонската национална култура.

Типографот Ласко Џуровски изработи фонт од ракописот на Кочо Рацин

Super Admin — Thu, 22 Jul 2021 12:53:04 +0000

Дигитализација на ракописот и изработка на фонт со 24 мали кирилични букви врз основа на оригинални документи напишани од македонскиот книжевник Кочо Рацин, е најновиот проект на типографот и графички дизајнер Ласко Џуровски.

„Се обидувам максимално да ја задржам автентичноста на неговиот ракопис, се разбира, со мали модификации неопходни за негова употреба во нашава, дигитална сегашност“, соопшти тој.

Џуровски на својот Фејсбук сподели пример од процесот на работа. На сликата лево е оригиналниот ракопис на Рацин, напишан во неговиот бележник, најверојатно со молив, а десно од него е дигитализацијата на ракописот.

„Да го чуваме и надградуваме македонското културно наследство, да го запишеме во вечноста каде што никој не може да го избрише“, порачува Џуровски.

Тој се занимава со графички дизајн и типографија над 30 години. Автор е на бројни фонт фамилии. Џуровски неодамна работеше и на кириличен фонт за лицата со дислексија „DyslexicFZF“.

Концерт за 40-годишниот јубилеј на Центарот за култура „Кочо Рацин” во Кичево

Тале Кристо — Sat, 10 Oct 2020 09:18:15 +0000

Во Кичево вечер ќе бидат одбележани четири децении постоење, работа и создавање врвни уметнички дела на Центарот за култура „Кочо Рацин“ – институција од културата формирана во 1980 година. Организиран е свечен концерт кој ќе се одржи според здравствените протоколи за јавни настани за заштита од Ковид-19. Сите поканети треба да дојдат навреме, да носат заштитна маска и да се почитува физичката дистанца, изјави Маја Николовска-Силјаноска од Центарот за култура. – На програмата ќе има 15 изведби на македонски и на албански јазик. Уметничкиот тим вечерва ќе биде составен од модератор Сихана Јакупи, пијанистот Андреј Наунов, режисер Десанка Глигоријевиќ и светло-дизајн Милчо Александров, рече Николовска-Силјаноска. На концертот ќе има ограничен број посетители и ќе се влегува со покани кои се веќе поделени. Концертот е под покровителство на Министерството за култура и ќе почне во 19 часот.

Трибина „Возможен ли е Рацин денес?“

Ивона Петрова — Wed, 18 Dec 2019 07:19:26 +0000

По повод 80 години од издавањето на стихозбирката „Бели Мугри“ од македонскиот поет и револуционер Кочо Рацин, денеска во Центар за дизајн и иновации Јавна соба, ќе биде одржана јавна трибина на тема „Возможен ли е Рацин денес?“. На трибината излагања ќе имаат македонските филозофи, професори, поети/поетеси и колумнисти, Љубомир Цуцуловски, Мимоза Рајл, Давче Насев, Елена Пренџова и Стефан Марковски. Наратор на трибината ќе биде поетот Филип Клетников.

Реконструирани јаслите во градинката Кочо Рацин – клон Бели Мугри

Матеја Петровски — Sat, 01 Sep 2018 08:38:49 +0000

Општина Центар започна со комплетна реконструкција на три занимални за деца од најмала возраст (јасли) во градинката Кочо Рацин, клон Бели Мугри. Како што информираат од општина Центар, во трите занимални со најсовремени материјали се реконструираат ѕидовите и таваните и се поставува нов паркет, а старите и дотраени врати и прозорци се заменети со нови и поквалитетни. По реконструкцијата на капацитетите, градинката ќе може да прими до 70 дечиња во новите јасли. Од општина Центар најавија реконструкции и во градинките Раде Јовчевски Корчагин и 13-ти Ноември. (Миа)