коцкање – Kurir.mk

СКАНДАЛОЗНО: Неовластени проценувачи ја потпишале физибилити студијата за трите нови коцкарници на интернет

Super Admin — Thu, 26 Oct 2023 15:27:07 +0000

Физибилити студијата со која се правда потребата за основање на три нови друштва за приредување интернет игри на среќа е потпишана од неовластен проценувач, открива Плусинфо. Медиумот консултирал стручни лица и експерти кои работат на вакви студии за да добие прецизни информации како и на кој начин е направена студијата и дали истата „држи вода“. Според експертите, анализата на пазарот која треба да е една од клучните основи во секоја физибилити студија е оскудна, без релевантни извори на информации, наведени се низа паушални вредности и има целосна неконзистентност во изјавите. На пример, наведено е дека големината на пазарот на глобално ниво во 2021 година е 57,54 милијарди долари, се очекува раст од 11,7%, а подоцна во истата студија се наведува дека во 2023 година ќе изнесува 70 милиони долари!? Стручните лица посочуваат дека во студијата изостануваат сите суштински анализи и фази кои треба да ги содржи една ваква сериозна анализа. Така на пример воопшто нема фаза на припрема, односно подготвителни активности и во неа не се наведува што треба да содржи и кој дел од планираните инвестиции и тековни трошоци, нема фаза на реализација на проектот ниту фаза на ефектуирање. Исто така ја нема последната значајна фаза, а тоа е фаза на приклучување во систем. Според објавените информации финансиските анализи се исто така во голема мера погрешни и непрецизни.

„Во изготвените проектирани финансиски извештаи во студијата, основните претпоставки се паушално изразени, без повикување на извор на информации, без анализа на историски податоци, без презентирани компаративи и споредливи податоци, како и без наведување на никакви пазарни показатели.“ - вели еден од експертите консултиран на темата.

Истражувањето покажа дека физибилити студијата на новата видеолотарија формирана со амин на Артан Груби, ја изготвила и потпишала извесна Благица Сотировска. Таа е потпишана како изготвувач на Физибилити студијата за основање на три друштва за приредување на игри на среќа во Мај 2023 година. Лицето Благица Сотировска е проценувач од областа на Недвижен имот и трговско друштво, јавно претпријатие и други правни лица, меѓутоа не е овластен проценувач. Овластен проценувач е „Друштво за ревизија,проценка и финансиски консалтинг ЕЛИТ Данче ДООЕЛ Скопје“, каде што Благица Сотировска е вработена како проценувач. Согласно наведеното, проценувач ја има изготвено физибилити студијата, а не овластен проценувач, иако самата физибилити студија од страна на Благица Сотировска е потпишана како овластен проценувач. Во регистарот на овластени проценувачи од областа на Недвижен имот и трговско друштво, јавно претпријатие и други правни лица, воопшто не е наведена Благица Сотировска, туку правното лице каде што е вработена. Со тоа се заклучува дека неовластен проценувач ја прави физибилити студијата што е спротивно на законот. Анализата открива дека Благица Сотировска во студијата е потпишана како овластен инвестициски советник. Но, на интернет страницата на Комисија за Хартии од Вредност, во регистарот на инвестициски советници нема такво лице. https://www.sec.gov.mk/ucesnici Според добиените податоци од истражувањето Благица Сотировска е исто така потпишана како ревизор, но во регистарот на ревизори и во регистарот на овластени ревизори, исто така, нема такво лице. https://iorrm.org.mk/registers Скандалите очигледно не прекинуваат и нема да прекинат се додека конечно не се истражи овој случај од страна на истражните органи кои засега молчат и не реагираат. Неодамна други медиуми објави низа скандали во однос на други спорни постапки, јавни набавки и договори кои ги склучила новата Лотарија формирана од Владата во текот на летото, која очигледно одма се зафатила со многу работа. И додека јавно Груби и ДУИ се залагаат за намалување на штетните последици од игрите на среќа, во позадина дебело ќе се офајдат од овој бизнис притоа кршејќи низа закони за кои апелираат здруженијата на лиценцирани приредувачи со месеци наназад. СДСМ пак во целата оваа ситуација е во глувчешка дупка. „Очигледно дека сите заедно од власта имаат интерес за ваквите спорни постапки да се избуткаат до крај“- велат познавачите на индустријата за игри на среќа во објавената анализа.

ПРОКОЦКАЛ ПАРИ КОЛКУ ДА КУПЕЛ ЦЕЛА НАСЕЛБА И НЕ МУ Е КРИВО – Аца Лукас не жали за изгубените милиони, добро слушнавте МИЛИОНИ!

Дарко Андоновски — Tue, 13 Jun 2023 20:24:54 +0000

Фолкерот Аца Лукас изјави дека изгубил повеќе од 70 милиони долари на коцкање. Но, како што вели не жали за тоа бидејќи тоа биле негови пари. -Не се каам. Никогаш во животот не жалам. Би зажалил доколку направам некои клучни грешки. Ако се убиев, односно ако се убијам, тоа би значело дека се каам, но еве ме, жив сум Некои ми велат дека сум го прокоцкал станот во Белград. Прокоцкав цела населба во Белград. Една дебела населба, најскапата. Ама добро, што ќе правиш, јас сум. Сам ги заработив, сам ги прокоцкав. Не должам 70 милиони, тоа се мои пари, заработив повеќе од тоа. Ги обезбедив децата. Секој има се што му треба. Си создадов живот за себе, моите деца имаат се што треба да имаат – призна Лукас.

Лепа Лукиќ не се откажува од својот порок: Бара народот да не ја суди,бидејќи парите и се чесно заработени – особено видите како изгледа на 82 години (ФОТО)

Дарко Андоновски — Mon, 04 Jul 2022 10:29:57 +0000

Пејачката на народната музика Лепа Лукиќ (82) која со години ја бие глас дека има еден порок очигледно не се откажала од истиот и во длабоката деценија од 80-тите години од својот живот. Иако таа цело време се обидува да се сокрие од јавноста, сепак овој пат тоа не и успеа, па така беше забележана како влегува во едно казино во центарот на Белград. Оваа фотографија веднаш се прошири на Твитер, па доби лавина од коментари дека ја троши националната пензија и дека се можно имала прокоцкано. Инаку таа и порано зборела отворено за својот проблем.

даме и господо лепа лукић иде у казино pic.twitter.com/kjJUXLNQuL
— скупи (@skupaprica) July 3, 2022

„Луѓето мислат дека јас спијам во казино, а не сум излегла во време на корона 60 дена. Каква е таа глупост дека не излегувам од казино, па не може ниту да јадам и спијам. За моите пари можам да бидам каде сакам, народот знае дека сакам да играм и не заслужувам да ме напаѓаат за тоа“, раскажа во една своја прилика пејачката.

Скопјанец во полициски час отворил казино за 5 кумановци да се коцкаат – полицијата ги фати

Ивана Ефремовски — Mon, 19 Jul 2021 15:03:43 +0000

СВР Куманово поднесе кривична пријава против фирма од Скопје, В.Т.(52) од Скопје - управител на фирмата, Б.К.(27), Е.А.(29), М.Р.(43), Н.Р.(39), Б.З.(22) и Е.И.(24), сите од Куманово, поради постоење основано сомнение за сторено кривично дело „непостапување според здравствени прописи за време на епидемија“. На 12.06.2021 во 01:50 часот во казино во Куманово биле затекнати пријавените за време на забрана за движење.

Драстични мерки во Шпанија против рекламирање спортско обложување и коцкање

Тале Кристо — Wed, 04 Nov 2020 09:20:03 +0000

Шпанската Влада донесе одлука за драстично намалување на рекламирањето на спортски обложувачници и коцкање во медиумите и на интернет, со цел да се спречат социјалните проблеми предизвикани од зависноста од коцкање, особено кај младите. Регулативата забранува рекламирање на обложувачници и игри на среќа на телевизија и радио, освен помеѓу 01.00 и 05.00 часот и целосна забрана за рекламирање на интернет и социјалните мрежи. Указот ќе стапи на сила веднаш штом ќе биде објавен во Службен весник. Јавните личности, почнувајќи од спортски sвезди, повеќе нема да можат да се појавуваат во рекламирање за обложување и коцкање, додека обложувачници повеќе нема да можат да спонзорираат натпревари или клубови, иако тие имаат „многу важна улога“ во тоа. За непочитување се предвидени казни до милион евра.

Аирлија инвестиција од 6,5 милиони евра: На ден пред Техничка влада, на државен трошок купени 1500 машини за коцкање?!

Љупчо Цветаноски — Fri, 17 Jan 2020 11:44:45 +0000

Македонија се уште ја тресе скандалот со слот машините на Државната видео лотарија на Македонија, која со народни пари од буџетот ќе добие 1.500 апарати за коцкање во вредност од повеќе од 6,5 милиони евра. Договорот е склучен со компанијата „Евро Гамес Технологи“, со седиште во Софија, Бугарија. Контроверзноста на договорот се зголемува имајќи предвид дека е склучен на 2 јануари, само ден пред форирањето на техничката влада, кога е забрането да се склучуваат вакви договори. Од ВМРО-ДПМНЕ ја обвинуваат власта дека наместо да работи на ограничување на бројот на обложувалници и казина, таа купува апарати за коцкање. Во Собранието, повеќе од една година се одолговлекува Законот за игрите на среќа. Од Движењето против коцкање „Антикоцкање“ се жалат дека кај народните избраници нема интерес за решавање на проблемот. Велат дека со народните пари потрошени за нови апарати за коцкање уште повеќе ќе се омасови појавата со коцкањето и најавуваат масовни протести поради оваа одлука.

Маж ја прокоцкал цела фамилија, а селскиот Совет донел ужасна одлука

Ивана Ефремовски — Wed, 10 Apr 2019 07:08:11 +0000

Еден човек по име Мошин ги прокоцкал жена му и двете деца во Њу Делхи, по што победникот се обидел да ги земе. Сепак, жената се спротивставила, по што бил свикан Совет каде што било одлучено дека може да земе едно дете за да ги врати долговите. Како што пишува „Дејли мејл”, инцидентот се случил во 2015-та година, но полицијата одбила да го прифати случајот дури оваа недела. Индијката била разведена од сопругот кој го прокоцкал своето дете. Како што пишуваат локалните медиуми, Мошин, кој е познат како зависник од коцка, изгубил на коцка од одреден Имран. Во еден момент, како удел, ја ставил својата жена и двете деца и загубил, а Имрам потоа дошол во неговата куќа за да го земе пленот. Селскиот совет направил уште една неверојатна одлука дека една жена и едно дете може да останат, но дека друго дете Имран може да го земе. Жена која не е именувана, била во брак со Мошид од 2012 година и веднаш побарала развод, по што се омажила за еден млад човек од друга област во Њу Делхи. „Дејли мејл” објави дека сака да поднесе тужба, но полицијата ја спречувала да го стори тоа две години, бидејќи не сакале да го преземат случајот. На крајот, таа поднеле барање пред Окружниот суд, а во понеделникот судијата им нареди на службениците да го истражат случајот. Полицијата сега отвори досиеја и го бара обвинетиот кој оттогаш го напуштил домот.

Монахињите нема да одговараат за проневерените половина милион долари за коцкање во Лас Вегас

Ивона Петрова — Wed, 12 Dec 2018 16:46:48 +0000

Двете монахињи од католичко училиште во Калифорнија, кои признаа дека проневерале околу 500.000 долари за коцкање во Лас Вегас, нема да одговараат за стореното дело. Мери Креупер и Лана Чанг ги зеле парите од католичкото училиште Сент Џејмс во градот Торанс, во близина на Лос Анџелес, за да ги потрошат во казина. Училиштето соопшти дека нема да поднесе пријава против нив и дека само ќе ја известат полицијата за тоа што го сториле. Калуѓерките, кои се најдобри пријателки, ги зеле парите од сметката со школарини и донации. Тие неодамна се пензионирале и изразиле жалење за своите постапки. Мери Креупер била директорка на училиштето 29 години, додека Лана Чанг работела како наставничка околу 20 години. Се смета дека тие ги украле парите во период од најмалку една деценија и ги трошеле на патувања и коцкање. МИА