Коди Гакпо – Kurir.mk

Гакпо откри кој го убедил да се пресели во Ливерпул

Бошко Тасиќ — Thu, 29 Dec 2022 06:07:17 +0000

Коди Гакпо често се најавуваше како засилување на Манчестер јунајтед но во понеделникот пристигна информација за негов трансфер на Енфилд.

Ливерпул набрзина ја комплетираше зделката и го промовираше Холанѓанецот како нов играч.

„Последните неколку дена беа навистина хаотични, се се одвиваше многу брзо, плус беше Божиќ. Требаше да поминам време со семејството, да го договорам трансферот, да летам итн. Но среќен сум со исходот“ – вели Коди Гакпо.

„Разговарав многу со Ван Дајк, ми кажа дека ова е правиот потег за мене и за мојот развој и дека тука ќе станам подобар играч. Ми објасни дека клубот е огромен но всушност е едно големо семејство. Имаше само убави зборови, па среќен сум што тој е тука, ќе ми биде од голема помош.Ван Дајк имаше влијание врз мојата одлука бидејќи е капитен во репрезентацијата, се работи за одличен карактер и голем играч. Како што кажав, може да ми помогне многу“.

Навивачите на Јунајтед бесни на раководството: Додека му посакуваа „добредојде“ на Гакпо тој потпиша за Ливерпул

Ристе Здравков — Tue, 27 Dec 2022 09:14:43 +0000

Вчера беше потврден трансферот на Коди Гакпо во Ливерпул, а тоа воедно беше и големо разочарување за навивачите на Манчестер Јунајтед. Долго време се најавуваше Гакпо како ново засилување за тимот на Ерик Тен Хаг, но на крајот тој заврши во големиот ривал на „црвените ѓаволи“. Гакпо беше една од најголемите желби на Ерик Тен Хаг, меѓутоа очигледно во Ливерпул реагирале побрзо и успеаа да го доведат во своите редови. Дека навистина очекуваа Гакпо да се пресели во Јунајтед покажуваат и видеата направени на „јутуб“ каде што му посакуваа добредојде.

Договорот на Гакпо со Ливерпул ќе биде на шест години

Ивона Петрова — Tue, 27 Dec 2022 07:43:49 +0000

Напаѓачот Коди Гакпо има шестгодишен договор со Ливерпул, тврди новинарот Фабрицио Романо. Според добриот познавач на случувањата во европскиот фудбал, сите точки од договорот на „црвените“ со 23-годишниот Холанѓанец веќе се договорени. Претходно клубот од Ајндховен го објави трансферот на 23-годишниот Холанѓанец во Ливерпул. „The Athletic“ објави дека сумата за трансфер ќе биде 45 милиони евра. Оваа сезона 23-годишниот крилен напаѓач забележа 14 настапи во холандската лига и постигна девет гола плус 12 асистенции. На Светското првенство 2022, напаѓачот одигра пет натпревари за својата репрезентација и постигна три гола.

ВИДЕО: Коди Гакпо го „нанижа“ и Катар, па влезе во холандската историја

Ристе Здравков — Tue, 29 Nov 2022 16:00:00 +0000

Фудбалската репрезентација на Холандија со една нога веќе е во осминафиналето на Светското првенство во Катар, откако дојде до предност против домаќинот на „Ал Бајт“. „Лалињата“ досега на собирот постигнаа четири погодоци, а три од нив се дело на новата млада ѕвезда Коди Гакпо. Напаѓачот одигра убаво проигрување низ средината со Класен, па излета сам на пеналтикот и рутински стрела во катарската мрежа. Видеот погледнете го ТУКА Гакпо со овој гол ја комплетира групната фаза, погодувајќи во сите три рунди на истата. Покрај тоа, младиот напаѓач стана само четврти холандски фудбалер кој дал голови на три последователни натпревари на Светските првенства. Исто така, Гакпо е и првиот фудбалер кој за Холандија давал голови на првите три натпревари на Мундијалите.