кока кола – Kurir.mk

Кока-кола повеќе нема да го има истиот вкус, која е причината нема да ви се верува ни вас

Ристе Здравков — Mon, 31 Jul 2023 09:42:07 +0000

Од суданскиот багрем се добива гумиарабика – суровина од која зависат многумина. Има повеќе намени и е барана низ целиот свет. Но, нејзиниот извоз е отежнат поради конфликтот во Судан, пишува Дојче Веле. Гумиарабика или арапска гума е течност од багремови дрвја, кои растат главно во пустините и полупустините на зоната Сахел – таканаречениот гумен појас кој минува низ неколку земји. Постојат два главни вида на багрем: акација Сенегал (Senegalia Senegal), овој вид е доминантен во Судан, и помалку вообичаениот сејал акација (Vachellia seyal). Ако багремите се оштетени, на пример од пожар или инсекти, дрвјата произведуваат гума за затворање на отворените пори. Земјоделците добиваат гума со помош на т.н. тапинг. Во тој процес, кората на дрвото се гребе и се собира течноста што истекува, арапска гума. Во контакт со сончева светлина и воздух, станува тврда. По неколку недели, земјоделците повторно ја собираат гумата и го повторуваат тоа постојано за време на сезоната на жетва. Кому му треба гумиарабика? Гумиарабика се користи во многу области: во фармацијата, за козметички производи или во прехранбената индустрија – под ознаката E414. Во древниот Египет, таа била незаменлива за балсамирање на телото на покојникот. Прехранбената индустрија е многу зависна од гумиарабика. Потребна ѝ е како природен додаток и како извор на таканаречени активни влакна, емулгатор. Не ги менува основните хемиско-биолошки својства на храната. Ја има во слатки, сосови и преливи за салати, пекарски и млечни производи и пијалаци. Во производството на безалкохолни пијалаци, како стабилизатор, спречува таложење на шеќер на дното и кристализација. Колку навистина е важна оваа супстанца, можеше да се види во 1997 година кога САД воведоа трговско ембарго против Судан. Сепак, тоа не се однесуваше на гумиарабика – за да може компанијата „Кока-кола“ да продолжи да се снабдува со таа суровина. Рецептот за Кока-Кола е една од најдобро чуваните тајни на прехранбената индустрија. Сепак, компанијата открива дека не може да ги направи своите пијалаци без таа клучна состојка. Неопходно е сигурно снабдување со таа супстанција. Германија е важен купувач Судан е водечки светски производител на арапска гума – околу 70 отсто од потребната суровина доаѓа од оваа североисточна африканска земја. Приходот на многу Суданци директно или индиректно зависи од нејзиниот извоз. Но, тековните борби предизвикаа застој во извозот. Според податоците на Опсерваторијата за економска сложеност (The Observatory of Economic Complexity OEC), Судан во 2021 година извезол гумиарабика во вредност од 99 милиони евра, што го прави втор најголем извозник во светот. Најмногу е извезено во Франција, САД и во Германија. Борбите се голема опасност Суданскиот новинар Хусеин Али за Дојче Веле вели дека продолжувањето на војната ќе резултира со „целосен колапс на извозот и криза на многу големи компании. Треба да се очекува дека, ако војната продолжи, стратешките резерви ќе исчезнат“. Многу Суданци финансиски зависат од продажбата на арапска гума за џвакање. Но, откако почна конфликтот меѓу суданската армија под команда на генералот Абдел Фатах ал-Бурхан и специјалните сили на Мохамед Хамдан Дагал, работата станува сè потешка. Во меѓувреме, конфликтот сериозно го нарушува производството и трговијата.

Дали знаете за што служат испакнатините на капаците од чашите на Мекдоналдс?

Ивона Петрова — Fri, 26 May 2023 10:37:43 +0000

Дали некогаш сте се запрашале за што служат испакнатините на капаците на чашите на Мекдоналдс? Тие имаат јасна улога за која многумина не размислувале. Обожавателите на овој популарен ланец за брза храна беа изненадени откако ја дознаа вистинската функција на овие испакнатини. Имено, тие служат за означување кој пијалок се наоѓа во вашата чаша. Поконкретно, тие покажуваат дали чашите содржат стандардна Кока Кола, Зеро или диетална Кока Кола. Иако на клиентите не им значи многу, оваа карактеристика многу им помага на вработените да знаат кои пијалоци им ги даваат на клиентите. Некои луѓе беа заинтересирани за тоа како вработените одредуваат кој дел го притиснат. Наводно, испакнатините ги претставуваат броевите еден и два. Ако се притисне само една испакнатина, тоа значи дека треба да се служи диетален пијалок.

Штрајк на вработените во компанијата „Кока-Кола“ во Германија

Катерина Бојаџиева — Thu, 02 Feb 2023 18:45:35 +0000

Стотици вработени во компанијата газирани пијалаци „Кока-Кола“ во северозападните германски градови Дортмунд и Линебург денеска стапија во штрајк барајќи зголемување на месечната плата за 400 евра, како и повисока почетна плата за нововработените лица. Слични штрајкови неодамна имаше и во други делови од државата. Во декември, американската корпорација им понуди на германски работници зголемување на платите за 100 евра и еднократен бонус од 1.000 евра за да го неутрализира влијанието на високата инфлација. Преговарачот на германскиот Синдикат на работници за храна, пијалаци и угостителство (НГГ), Фреди Ајан тогаш го опиша предлогот како „шлаканица во лице“. Според него, важно е платите да се зголемуваат согласно инфлацијата. Се очекува преговорите да продолжат на 8 февруари.

Кока Кола планира да отпушти 410 работници во Германија

Ивона Петрова — Wed, 06 Apr 2022 10:09:43 +0000

Кока Кола планира да отпушти 410 работници во Германија, објави германската подружница на американскиот гигант. Компанијата планира до крајот на годината да ја затвори фабриката во Хам, Северна Рајна-Вестфалија, каде моментално се вработени 82 работници. Половина од работните места во погонот ќе бидат затворени. Останатите работници, како консултанти за продажба, ќе бидат распоредени на други локации. Отпуштени ќе бидат поголем број работници, кои ги полнат автоматите и ги сервисираат, а сега работат низ цела Германија. Кока Кола досега во Германија полнеше автомати и ги сервисираше, а во иднина овие задачи ќе им ги остави на подизведувачите. Од компанијата соопштија дека работниците ќе бидат отпуштени „со што поприфатливи општествени услови, врз основа на нов колективен договор“. Синдикатот на вработените во секторот за храна, пијалог и кетеринг, изрази разочарување со ваквата одлука. – Ова е тажен ден во тешки времиња за работниците на Кока Кола, истакна Фреди Адџан.

Со еден потег им причини пад на акциите и загуба од 4 милијарди долари: Во минатото Роналдо снимал реклами за кока-кола! (ВИДЕО)

Тале Кристо — Wed, 16 Jun 2021 09:25:28 +0000

Еден од најдобрите фудбалери во светот, Кристијано Роналдо вчерата на прес-конференцијата пред мечот меѓу Унгарија и Португалија направи интересен потег кога ги тргна шишињата кока-кола и им порача на сите да пијат вода. Потегот на Португалецот за кратко време ги урна акциите на кока-кола за 1,6 проценти, со што компанијата загуби неверојатни четири милијарди долари, односно вредноста падна од 242 милијарди на 238 милијарди. Здравата исхрана и изоставувањето од ваков тип задоволства се одлика на Португалецот, особено што на своите деца им има забрането да конзумираат газирани пијалоци. Но, португалскиот ас во минатото, односно пред околу 10-тина години снимаше реклами токму за кока кола наменета за азискиот пазар.

Кока-Кола го возвраќа ударот: Се огласи гигантот, еве што му порача на Роналдо

Дарко Андоновски — Wed, 16 Jun 2021 09:09:46 +0000

Компанијата Кока-Кола, производител на безалкохолни пијалаци, одговори на капитенот на Португалија, Кристијано Роналдо, кој ги оттргна шишињата со овој газиран пијалак на прес-конференција пред натпреварот со Унгарија (3:0). Во изјавата, Кока-Кола истакна дека „секој има свои желби за пиење“, додавајќи дека секој има различни „вкусови и потреби“. Ден претходно, разни медиуми ширеа информации дека поради гестот на Роналдо, Кока-Кола изгубила четири милијарди долари. Роналдо повеќепати претходно призна дека не користи Кока-Кола и Пепси, тој никогаш не ги рекламирал овие пијалаци и, како што кажа, му забранува на неговиот син да ги пие.

ВИДЕО: По Роналдо и Погба тргна шише на прес конференција, еве кој пијалак не му се допадна

Ивона Петрова — Wed, 16 Jun 2021 08:07:41 +0000

Фудбалерот од средниот ред на Франција, Пол Погба, не беше задоволен што шише пиво „Хајнекен“ се најде на маса на прес-конференција по натпреварот од ЕП 2020 со Германија (1:0). Фудбалерот дојде да разговара со новинарите и кога го здогледа шишето пиво, го зема и го стави под масата, оставајќи пред него две шишиња, со вода и со „Кока-Кола“.

¡POGBA APLICÓ UN CRISTIANO RONALDO! 😱 El mediocampista francés retiró una cerveza patrocinadora previo al arranque de la conferencia de prensa A CR7 no le gusta el refresco y a Pogba la cerveza 👀 pic.twitter.com/cuhgxpxR8j
— La Octava Sports (@laoctavasports) June 15, 2021

За потсетување, Погба е муслиман. Оваа религија забранува употреба на алкохол. Претходно, напаѓачот на Португалија, Кристијано Роналдо веќе направи сличен чин. На прес-конференција пред мечот со Унгарија, 36-годишниот фудбалер ги тргна шишињата „Кока-Кола“ од пред него, оставајќи само шише со вода.

Леброн потпиша договор со „Пепси“ по 17 години партнерство со „Кока-Кола“

Дарко Андоновски — Thu, 18 Mar 2021 13:03:51 +0000

Првата ѕвезда на Лос Анџелес лејкерс, Леброн Џејмс, во средата официјално потпиша партнерство со „PepsiCo“. Претходните 17 години, еден од најдобрите кошаркари во историјата на НБА, беше заштитно лице на ривалскиот бренд „Coca-Cola“. Договорот заврши во септември минатата година кога страните не успеаја да се договорат за продолжување на соработката. Џејмс активно ќе ја промовира новата линија на пијалакот планинска роса наречена „MTN DEW RISE“. Марката е еден од главните спонзори на НБА откако „Пепсико“ стана партнер во лигата во 2015 година. – Ми раскажаа за овој пијалак – секој ден ќе даде можност на секој од нас да се крене. Тоа ми се допадна, изјави четирикратниот МВП на НБА-лигата. Џејмс ќе рекламира и други производи на „ПепсиКо“.

Леброн Џејмс ја замени „Кола-кола“ со „Пепси“

Магдалена Андонова — Sat, 16 Jan 2021 14:47:22 +0000

Американската кошаркарска суперѕвезда Леброн Џејмс ја прекина соработката со „Кока-кола“ по цели 17 години и станува ново заштитно лице на конкурентската компанија „Пепси“. Џејмс соработуваше со американската компанија „Кока – кола“ од своето доаѓање во НБА лигата во 2003 година, но одлучи да не го продолжи договорот што истече минатиот месец. Повеќе американски медиуми објавија дека кошаркарот на Лос Анџелес лејкерс договорил рекламирање на новиот енергетски напиток „Рајс енерџи“ (Rise Energy) на конкурентската компанија „Пепси“, додавајќи оти би можел да стане и нејзино заштитно лице. Се проценува дека Џејмс годишно од спонзорски договори заработува 60 милиони долари, со што го дели второто место на листата најплатени спортисти во светот, со голферот Тајгер Вудс. Најплатен светски спортист е швајцарскиот тенисер Роџер Федерер, чија годишна заработка од реклами се проценува на 100 милиони долари. (МИА)

Божиќната реклама на „Кока-Кола“ го топли срцето: Колку се важни семејството и најсаканите (ВИДЕО)

Магдалена Андонова — Wed, 11 Nov 2020 09:40:04 +0000

Кога станува збор за божиќните реклами, „Кока-Кола“ секогаш успева да воодушеви и да ни го стопли срцето. Овој пат рекламата носи силна порака за тоа колку се важни семејството и најсаканите. Како што велат од „Кока-Кола“, оваа година пораката е едноставна: – Овој Божиќ дајте нешто што само вие можете да го дадете. Без оглед дали тоа е лично или преку видеоповик или преку брза порака, издвојувањето време за оние што ги сакате е она што го прави Божиќ најубав период од годината, без оглед како ќе го прославите – велат од „Кока-Кола“.