кокаин – Kurir.mk

Бразилски научници направиле ефикасна вакцина против зависност од кокаин, се чека нејзино одобрување

Ристе Здравков — Tue, 31 Oct 2023 12:09:54 +0000

Во револуционерниот чекор во борбата против зависноста од кокаин и крек, бразилските научници претставуваат вакцина со потенцијал за полесно надминување на зависноста, нудејќи нова надеж за оние кои бараат слобода од моќното влијание на тие тешки дроги. Бразилските научници претставиле нов лек за зависноста од кокаин и крек, во облик на вакцина позната како „Calixcoca“. Станува збор за експериментална вакцина, која покажува ветувачки резултати во испитувања на животните, го стимулира имунолошкиот состав да го блокира влијанието на кокаинот и крекот на мозокот и потенцијално го прекинува циклусот на зависност. Зависниците кои го примаат тој лек повеќе не би ги чувствувале еуфоричните ефекти на тие дроги. Психијатарот Фредерико Гарциа, кој го водел тимот на бразилскиот Федерален универзитет Минас Гераис одговорен за вакцината, истакнал дека тоа ќе биде прв вакцина да се користи за лекување од кокаин, ако го одобрат регулаторните тела. Проектот неодамна обезбедил главна награда од 500.000 евра на доделувањата на наградите „Euro Health Innovation“ за латиноамериканска медицина, кој го спонзорира фармацевстката компанија „Eurofarma“. „Calixcoca“ делува така што кај пациентот создава антитела кои се врзуваат за молекулите на кокаинот во крвотокот, правејќи ги преголеми да влезат во мозочниот центар за наградување, каде кокаинот обично предизвикува задоволство со кревање на нивото на допаминот. За разлика од претходните обиди во САД, каде клиничките испитувања не покажале значајни резултати, „Calixcoca“ покажала ефикасност во тестирањето на животни и покажала минимални нуспојави. Истражувачите дури и откриле дека вакцината може да ги заштити фетусите на стаорците од влијанието на кокаинот, што укажува на негова потенцијална употреба во заштитата на неродените деца на бремените зависнички. Сепак не е универзален лек за зависност Вакцината моментално се наоѓа во завршна фаза на испитување, која ќе вклучува тестирање на луѓе. Иако „Calixcoca“ претставува значаен напредок во лекувањето на зависноста од тешки дроги, тоа сепак не е универзален лек за се. Неговата точна целна група ќе биде одредена со клинички испитувања, а наменет е за зависници кои закрепнуваат од зависност и кои настојуваат да ја одржат апстиненцијата. Моментално не постои регистриран третман за зависност од кокаин и крек. За разлика од многу вакцини, „Calixcoca“ е синтетизирана со помош на лабораториски дизајнирани хемиски соединенија, со што се намалуваат трошоците за производство и се елиминира потребата од складирање на студено. Важно е да се нагласи дека, иако вакцината носи надеж, дека нема да биде единствено решение за сите.

Холандската полиција заплени 7,7 тони кокаин

Ивона Петрова — Wed, 18 Oct 2023 06:21:47 +0000

Холандската полиција заплени 7,7 тони кокаин во Блајсвајк, село северно од Ротердам и приведе шест лица. Холандската полиција вчера соопшти дека уапсила шест мажи северно од Ротердам, откако истовариле најмалку 7,7 тони кокаин од камион со банани. Камионот со дрога го забележала царината во Антверпен, која потоа ги известила своите холандски колеги. -Приведените се тројца Холанѓани на 41, 49 и 60 години и двајца Белгијци на 21 и 48 години, додаде холандската полиција, нагласувајќи дека не може да ја исклучи можноста за други апсења. Холандската царина неодамна извести дека запленила повеќе од 29.702 килограми дрога во првата половина на 2023 година, што е повеќе отколку во истиот период минатата година (22.009 килограми).

Турските власти заплениле повеќе од 140 килограми кокаин на брод со јаглен

Катерина Бојаџиева — Thu, 12 Oct 2023 17:46:26 +0000

Турските власти во црноморскиот град Зонгулдак конфискувале 141,5 килограми кокаин на товарен брод што превезувал јаглен, објави турското издание „Хуриет дејли њуз“. Властите започнаа инспекција на бродот „Феникан“ под панамско знаме на 6 октомври по добиена дојава. Акцијата доведе до серија апсења и приведувања. Заеднички ја спроведоа службеници на царинските органи и полициските сили за разузнавање, борба против наркотици и трговија со луѓе. Според информациите, бродот пристигнал од Колумбија. Во акцијата за пребарување биле вклучени и нуркачи. Токму тие открија огромен дел од кокаин скриен меѓу товарот со јаглен. Десетте филипински членови на екипажот на бродот беа веднаш задржани на распит. По процесни дејствија во полициска станица, осомничените се предадени на суд, каде против нив е поведена судска постапка. Потоа, сите 10 лица се ставени во притвор.

Претрес во скопски Центар, приведен дилер, пронајден кокаин

Ивана Ефремовски — Thu, 05 Oct 2023 06:35:11 +0000

На 04.10.2023 полициски службеници од СВР Скопје, Единица за недозволена трговија го лишија од слобода М.Н.(58) од Скопје. По претходно преземени мерки и активности и добиена судска наредба беше извршен претрес во дом и дополнителни два објекта кај М.Н., на подрачјето на Центар, при што е пронајден кокаин, подготвен за улична продажба и три дигитални ваги. Лицето е приведено и задржано во полициска станица и по документирање на настанот ќе биде поднесена соодветна кривична пријава.

Со пола тон кокаин: Уапсено албанско семејство во Солун

Ивана Ефремовски — Fri, 29 Sep 2023 19:03:01 +0000

Oбвинителството за наркотици при Солунската дивизија и ДЕА, осомничи 50-годишен Албанец, кој заедно со сопругата и двајца внуци шверцувале дрога. Кај нив се пронајдени 580 килограми кокаин. Партнер на семејството бил и маж од Албанија, кој поседувал грчка лична карта, а полициски извори наведуваат дека никој од уапсените претходно не бил во фокусот на органите на прогонот. Огромното количество дрога е пронајдено во две возила и во куќа во која живееле тројца од членовите на групата. Против нив поединечно е поднесена пријава за злосторничко организирање и за нелегална трговија со дрога, оштетување на странски имот и пружање отпор. Забележано е дека 50-годишниот Албанец е водач на групата за увозот на големи количества кокаин од земји од Латинска Америка и нивно натамошно дистрибуирање на грчка територија, но и во европските земји. Во рамки на истрагите и по физичкиот надзор на членовите на групата, организирана е акција која вчера била спроведена од полициски службеници на Одделот за општи работи на поддирекцијата на обвинителството за наркотици во Солун, при што двајцата од сторителите биле пресретнати додека се возеле со изнајмени патнички автомобили. Еден од нив бил запрен за проверека, додека возачот на второто возило во обид да избега, удрил во службено возило и во ограда од зграда. При претресот во двата автомобила, но и во куќа во која живееле тројцата од уапсените, пронајдени и одземени се: 585 килограми и 208 грама кокаин, спакувани во 500 пакети, 7.440 евра од шверц на дрога, 7 телефони кои служеле за меѓусебна комуникација, детектор за метал и други предмети. Одземен е и патнички автомобил кој бил во сопственост на водачот на организацијата. Уапсените, со документите кои се поднесени против нив, ќе бидат спроведени пред Основниот обвинител на Солун.

Запленети над 2.000 килограми кокаин вреден 157 милиони евра во Ирска

Ивана Ефремовски — Wed, 27 Sep 2023 16:21:31 +0000

Вкупно 2.253 килограми сомнителен кокаин со улична вредност од 157 милиони евра (166 милиони долари) се запленети од панамски товарен брод со потекло од Јужна Америка во близина на југоисточниот брег на Ирска, откако елитната ирска армиска единица спроведе голема операција. Говорејќи на брифинг за медиумите во Даблин денеска, висок член на ирската полициска служба рече дека ова е најголемата заплена на дрога во историјата на државата. Инспекторите веруваат дека не целата дрога била наменета за Ирска. (МИА)

Гостиварец уапсен во Мала Речица за поседување на кокаин

Тале Кристо — Mon, 18 Sep 2023 13:45:45 +0000

Полициски службеници на СВР Тетово ноќеска (18.09.2023) околу 3 часот и 35 минути, на улица „Љуботенска“ во тетовска Мала Речица, го лишиле од слобода 28-годишниот Н.С. од Гостивар, затоа што кај него бил пронајден и одземен кокаин. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.

Во Еквадор запленети 1,2 тони кокаин

Ивана Ефремовски — Tue, 05 Sep 2023 09:16:49 +0000

Еквадорската полиција откри и заплени 1,2 тони кокаин во пристаништето Гвајакил. Дрогата била наменета за Германија. Кокаинот бил скриен во 31 куфер зад товар со банани. Во Еквадор изминатите години се интензивираа судирите меѓу ривалските нарко банди. Земјата е транзитна рута за кокаинот произведен во Колумбија, Боливија и Перу, кој потоа се шверцува во САД или Европа. Бројот на убиства минатата година достигна највисоко ниво во историјата на Еквадор. (МИА)

Истражна постапка против првоосомничениот во „Планина“ – детали за предметот

Ивана Ефремовски — Wed, 30 Aug 2023 12:09:48 +0000

Јавен обвинител од Основното јавно обвинителство за гонење на организиран криминал и корупција, по вчерашното лишување од слобода во с. Грчец на првоосомничениот од предметот „Планина“ ќе ја продолжи истражната постапка против него. Тој по наредба на обвинителството се бараше со национална и меѓународна потерница од 2021 година заради постоење на основано сомнение дека како главен организатор сторил кривично дело неовластено производство и пуштање во промет наркотични дроги, психотропни супстанции и прекурзори, предвидено и казниво по член 215 став 3 вв став 1 од Кривичниот Законик. Истражната постапка за предметот „Планина“ беше отворена во март 2021 година против 28 лица, од кои и против едно дете во судир со законот над 16 години. Бидејќи се работеше за две криминални групи што се занимавале со неовластена продажба на наркотична дрога беа донесени две Наредби за спроведување на истражна постапка. Во тогаш спроведените акции на територијата на село Грчец и населбата Гази Баба беа лишени од слобода 22 лица, а петмина меѓу кои и првоосомничениот беа во бегство. Во меѓувреме, односно во септември 2021 година и во текот на 2022 година три лица од осомничените лица недостапни на органите на прогонот се лишени од слобода и истражната постапка против нив продолжи. Предметните обвинители постигнаа спогодба со 14 обвинети лица за кои судот ги прифати предлог спогодбите и донесе пресуди со кои на осум лица им определи казна затвор во траење од по 3 години, на две лица во траење од по 3 години и 6 месеци, три лица се осудени на казна затвор во траење од 4 години и 6 месеци и едно лице на 5 годишна затворска казна. Врз основа на признание на вина на главна расправа петмина обвинети се осудени на казна затвор и тоа: 1 лице на казна затвор од 3 години и 5 месеци, две лица на казна затвор од 4 години, едно лице на казна затвор од 5 години и едно лице на казна затвор од 6 години. По поднесени жалби на санкции на две лица казните се преиначени и намалени од 6 години на 5 години и од 4 години на 3 години и 6 месеци. По одржана главна расправа донесени се пресуди за три лица од кои две во постапка пред второстепениот суд се преиначени и тоа од 4 години на 5 години затворска казна и од 3 години и 6 месеци на 6 години, додека пресудата за едно лице осудено на казна затвор во трење од 6 години е потврдена. За едно лице истрагата останува прекината до негово пронаоѓање, за три лица е донесена Наредба за запирање на истрага од кои за две предметот е препратен на надлежно постапување во Основното јавно обвинителство – Скопје, додека на детето во судир со законот му се изречени воспитни мерки во траење од 1 до 5 години. Членовите на двете организирани криминални мрежи, продавале наркотична дрога преку препродавачи во Скопје, Гостивар, Тетово, Струмица и други градови по цена која се движела во износ од 4000 до 5000 денари за 1 (еден) грам кокаин и во распон од 12.000 до 15.000 денари за 100 грама марихуана.

Во Шпанија запленети речиси 10 тони кокаин

Дарко Андоновски — Fri, 25 Aug 2023 11:24:58 +0000

Шпанските власти открија и запленија речиси 10 тони кокаин. Тоа е најголема откриена пратка на дрога во земјата. Во пристаништето Алгесирас, на југот на земјата, во средата е запленета досега најголемата пратка кокаин во Шпанија – 9.436 килограми, се наведува во заедничкото соопштение на полицијата и царината. Дрогата била скриена во разладен контејнер во кој се транспортирале банани од Еквадор.