Коко Гоф ја освои титулата во женска конкуренција на УСА Опен

Бошко Тасиќ — Sun, 10 Sep 2023 06:46:35 +0000

Американската тенисерка Коко Гоф е новата кралица на Њујорк или поточно новата шампионка на Ју-Ес Опен. Гоф дојде до најголемиот успех во кариерата, првата грен слем титула и тоа на домашна тло, откако во големото финале ја надигра Арина Сабаленка. Два часа траеше битката на теренот „Артур Еш“, пресметка во која имаше многу надигрување, борба за секоја топка и пресврт на Кок за огромна нејзина радост, но и на многубројните навивачи на трибините. Сабаленка важеше за благ фаворит на хартија и како таков имаше фантастичен прв сет кој го реши со 6-2. Меѓутоа домашната претставничка се врати во вториот сет со 6-3 за да во решавачкиот слави со 6-2.

Коко Гоф го освои Мастерсот во Синсинати

Бошко Тасиќ — Mon, 21 Aug 2023 04:02:03 +0000

Американската тенисерка Коко Гоф го освои Мастерсот во Синсинати во женска конкуренција. Гоф во финалето ја совлада Чехинката Каролина Мухова со 2:0 (6:3, 6:4). Седмата носителка на турнирот беше поагресивна и поконцентрирана во финалниот дуел и ги искористи шансите што ги доби. На стартот кога поведе со 2:0, но го испушти својот сервис во следниот гем. Но, до крајот на првиот сет уште два пати го одзеде сервисот на Чехинката и поведе со 6:3. Во вториот сет тенисерите беа посигурни на сервис, освен во петтиот гем, најдолг на мечот, каде Гоф ја искористи втората брејк можност и го трасираше патот кон победата. Во следниот гем таа го потврди брејкот, а потоа направи уште еден и сервираше за титулата. Таа имаше дури три меч топки, но Мухова успеа да остане во мечот со брејк. Стигна 5:4, но повеќе од тоа не можеше да направи. Гоф успеа да ја искористи четвртата меч топка во следниот сервис гем и ја освои најголемата титула во кариерата.

Коко Гоф – Kurir.mk

Коко Гоф ја освои титулата во женска конкуренција на УСА Опен

Коко Гоф го освои Мастерсот во Синсинати