Коле Чашуле – Kurir.mk

Чашуле: Да го искористиме сиот демократски арсенал за да се справиме со еден од најголемите предизвици од поновата македонска историја

Магдалена Андонова — Sat, 02 Jul 2022 19:33:40 +0000

На денешниот протест пред Владата на Република Македонија против прифаќањето на францускиот предлог под мотото „Ултиматум-Не благодарам“, се обрати и новинарот Коле Чашуле. Тој на присутните им порача дека оваа генерација Македонци се наоѓа на крстопат и исправени пред еден од најголемите предизвици од поновата македонска историја, па затоа треба да се каже не на ова што се прави на Македонија. - Ги напишав овие листови и мислев да направам говор, но кога се зборува пред горд македонски народ тешко дека ќе помине говор и затоа ќе ви зборувам од срце. Како сте горди Македонци? Трема ми е да зборувам пред вас. Да се застане вака исправено пред горд македонски народ не е лесно. Да ве прашам сите како сте. Јас мислам дека не сме добро. Вакви искушенија ретко која генерација ги има преживеано. Мислам дека никој во оваа наша земја не се чуствува добро. Пред некое време предупредив дека ни доаѓаат тешки времиња, дека ќе биде пеколно и дека ни доаѓа жешко лето и еве го. Жешко не ни е заради сонцето што не грееше денеска или заради високите температури, жешко ни е затоа што вриеме сите одвнатре. Вриеме, бесни сме и гневни сме. Гневни затоа што изгледа тоа е судбината на овој напатен народ и ако некогаш сме блескале тоа е затоа што сме гореле, а сега гореме како Македонци, како што гореле илинденците и партизаните. Ние нашата генерација, исто како и тие се наоѓаме на крстопат и исправени сме пред еден од најголемите предизвици од поновата македонска историја. Предизвик кој навистина мислам дека е на ниво на Илинденското востание и на зародишот на востанието антифашистичко во 1941 година, рече Чашуле. Тој додаде дека нашите предци морале да земат оружје во рака за да ни ја остават оваа земја во наследство, а ние за среќа не мора да испукаме ниту еден куршум, туку да го искористиме сиот демократски арсенал и за да се да се одбраниме од оваа агресија која надвиснува над нас. - Нашите предци морале да земат оружје во рака и дел од нив да го жртвуваат својот живот, да го ослободат ова мало парче земја за да сега ни го остават во наследство. Зарем ние сега ќе го дадеме така, без куршум, без збор молчешкум? Не! Да ве слушнам сите, не! За среќа ние веројатно нема да треба да испукаме куршум. Не знам зашто толку полиција има насекаде. И тие се Македонци, и тие ја чувствуваат истата болка. Ние ќе го искористиме сиот демократски арсенал, се што имаме за да се одбраниме од оваа невидена агресија која надвиснува над нас. Да кажеме не, доста е, потенцираше Чашуле.

Чашуле на Фејсбук: Цела недела молчат и кога видоа дека неизбежно е ново вето го одбија предлогот

Ристе Здравков — Thu, 23 Jun 2022 17:31:22 +0000

Цела недела молчи и се крие, но откако виде дека неизбежно е ново вето, "патриотски" го одби предлогот...демек го послушал гласот на народот...За какво историско "НЕ" зборувате???? Срамота!!! Напиша на Фејсбук новинарот Коле Чашуле.

Во чест на Коле Чашуле: Успешна премиера на „Вејка на ветрот”

Ивана Ефремовски — Tue, 02 Nov 2021 15:03:13 +0000

Вчера во 18:00 часот се одржа премиерата на претставата „Вејка на ветрот” во режија на Андреј Цветановски. Коле Чашуле е претставник на новата, повоена генерација драматурзи. Употребува сосема нов, модерен израз и исто така, нови тематски преокупации. Негови најпознати драми се: „Црнила“, „Вител“, „Вејка на ветрот“, „Градскиот саат“ и др. Вејка на ветрот е приказна за еден од основните мотиви во македонското драмско писмо, а тоа е печалбарството, сонот за подобар живот и се случува во "земјата на соништата" - Америка. -Парите се отепувачка е мотивот низ кој треба да се гледаат ликовите на тој комплициран триаголник во кој се случуваат сите разврски. За некого отепувачката е во љубовта, за некого парите се отепувачка на духот, а за некого тие се и физички отепувачка. Низ модернистичките очи на Чашуле ликовите кои низ архетипски мотиви кои се влечат од антиката па наваму, се создава добра основа за повторно препрочитување на македонската судбина која се повторува и денес. Актуелноста на темата заминување во подобро утре и преиспитување дали тоа утре е подобро е основната тема на претставата која се заснова на сите постулати на тоталниот театар, вели Цветановски. Ликовите во претставата ги толкуваат Надица Петрова, Никола Кузелов, Рубенс Муратовски и Марија Кондовска. Екипата вели дека премиерата е одиграна во чест на Коле Чашуле, бидејќи годинава навршуваат дваесет јубилејни години од неговата смрт, а сто години од неговото раѓање. Проектот е поддржан од Министерството за култура.

Чествување на Коле Чашуле по повод сто години од неговото раѓање

Ивона Петрова — Wed, 02 Jun 2021 05:56:34 +0000

Во Градската библиотека „Браќа Миладиновци“ во Скопје денеска напладне ќе се одржи чествување на македонскиот прозаист и драматичар, Коле Чашуле, по повод сто години од неговото раѓање. Како што соопштија организаторите, за делата на Коле Чашуле ќе говори проф.д-р Весна Мојсова – Чепишевска, а делови од творештвото ќе интерпретира актерката Јована Спасиќ. Настанот ќе се одржи во спомен – собата на Миладиновци во библиотеката, со задолжително почитување на пропишаните мерки за одржување културни настани на затворено. Коле Чашуле е припадник на легендарната прва генерација македонски писатели. Тој бил присутен на македонската книжевна сцена повеќе од шест децении. Автор е на 24 драми, 12 романи, четири книги раскази, шест кноги есеи и една монографија. Во 2003 година е избран за почесен член на МАНУ. Роден на 21 март 1921 година во Прилеп, а починал на 22 септември 2008 година во Скопје.

Чашуле: Србите кои што сакаат да летуваат во Македонија, Владата ќе ги казни со наплата на патарина

Магдалена Андонова — Mon, 31 May 2021 08:00:39 +0000

- Нашиве генијалци во Владата решиле да ги ослободат од патарина српските туристи и за тоа планираат да потрошат 2.8 милиони евра во текот на туристичката сезона. На влез во земјава Србите ќе добивале електронска картичка на која ќе има кредит од 760 денари, кои биле доволни да се стигне од Табановце до Гевгелија, и назад. Српските граѓани ќе бидат ослободени од плаќање на патарината од 15-ти јуни до 15-ти август. Ќе биле изработени 200.000 вакви картички, а изработка на една чини 100 денари. Односно за ова ќе с е потрошат 350.000 евра, нагласи Коле Чашуле во вчерашната емисија „Седмица“ на телевизија Алфа. Чашуле додаде дека тоа нема да важи за сите. Туку само за оние кои ќе одат и ќе се враќаат од Грција, а не и за српските граѓани кои што сакаат да летуваат во Македонија. - Јас ваква глупост не сум видел. 2.8 милиони евра или 350.000 евра за печатење на картички ама само ако одат во Грција, срамота. Една позитивна работа ќе пробарате да направите и таа ќе ја утнете, рече Чашуле. Чашуле запраша зошто се ослободени од патарина само Србите што ќе одат во Грција на летување, а не и тие што сакаат да летуваат во Македонија. - Ова не е чиста дискриминација? Според оваа ваша глупа одлука им се заблагодаруваме само на српските граѓани кои ќе летуваат на море во Грција. Но, не и на тие што ај што од нивни пари дадоа за вакцини, туку и сега се подготвени да ги потрошат своите пари тука кај нас во Македонија, е ние на нив им велиме е вие ќе си платите патарина. Ако ги оставате вашите пари кај нас, ние ќе ви наплатиме патарина секако, рече Чашуле коментирајќи ја одлуката на Владата за делумно ослободување на српските граѓани од патарина. Чашуле посочи дека додека секоја држава се залага да се развива домашниот туризам, власта во Македонија го уништува.

Чашуле до Заев: Каде е датумот за преговори со ЕУ, повеќе од четири години јавате на оваа манипулација

Магдалена Андонова — Mon, 24 May 2021 08:40:53 +0000

- Каде е господине Заев датумот? Повеќе од четири години јавате на оваа манипулација. И сега пред само два дена стана јасно како бел ден дека не сте ја зборувале вистината. И годинава како минатата, и преминатата и таа пред неа, датум нема, нема отворање на поглавја, нема меѓувладина конференција,истакна Коле Чашуле во вчерашната емисија „Седмица“ на Алфа телевизија. Чашуле додаде дека во петокот пропадна последниот очајнички обид на Португалците кои што се претседавачи на Унијата и на еврокомесарот Вархеи да помогнат и да најдат некаков начин да го одблокираат тоа што го има направено Зоран Заев. - Пакетот со решенија за деблокада на бугарското вето кон Македонија кое ете го подготвувале 5-6 месеци како што велат не ги помести црвените линии на официјална Софија ни милиметар бугарското вето останува зацементирано. Вархеи и португалскиот министер Силва изгледа толку беа разочарани што летнаа од Скопје без да одржат прес конференција на која требаше да добиеме одговори на клучните прашања за иднината на земјава, појасни Чашуле. Чашуле посочи дека Силва и Вархеи не ги разубедиле бугарските челници.

Чашуле: Власта е подготвена да даде сè само за да задоволи туѓи интереси и да може да остане уште на власт

Ивана Ефремовски — Mon, 08 Mar 2021 09:12:55 +0000

Коле Чашуле во емисијата „Седмица“ зборуваше за целата ситуација во која се наоѓа државата односно што се случи во една недела. -Видете што не ни се случи за само една недела. Болниците ни се преполни, власта не лаже за вакцините како да сме идиоти, како да сме недоветни. Заев со камшик си ги собра пратениците и набрзина си изгласа доверба и си купи 2-3 месеци раат, па сега нуди широка влада. Си го започнаа насила пописот кој уште од првиот ден покажува дека е фаличен и дека на крај ќе утврди со манипулација на бројките дека сме држава-збирштина од етнички заедници без автохон македонски народ. Во истовремено го расчеречија претседателот на МАНУ дека шири лажни вести за укинувањето на катедрите по македонски јазик, за на крај испадна дека човекот бил во право. Мислам дека сме единствената држава во светот каде еден аболициран премиер со помош на двајца поранешни корумпирани премиери од кои едниот е осуден преговараат во наше име за иднината на нашата македонска држава. Затоа ви кажува дека сум гневен и бесен и се чувствувам беспомошен, затоа што сето ова го знаеме сите и ништо не се менува, кажа Чашуле во емисијата. Во текот на емисијата тој посочи дека нема човек кој во државата не знае дека власта е неспособна, не и грижа за ништо и е подготвена да даде се само за задоволи туѓи интереси за да остане уште некое време на власт. -Нема човек во оваа држава кој не знае дека власта ни е неспособна да се справи со епидемијата, дека воопшто не и грижа за било што, што е македонско и е подготвена се да даде само за да задоволи нечии туѓи интереси и така да остане уште некое време на власт. Сите знаеме дека не лажат и не манипулираат, веќе не се ни трудат да го прикријат тоа. Нема ден, нема недела да не чуеме некоја лага изречена директно од устите на тие што ете мислат дека се родени да не водат, додаде тој.

Чашуле: Поради лошиот однос на власта и МОН талентите си одат од Македонија, а врз матурантите се врши невиден притисок

Тале Кристо — Mon, 08 Feb 2021 08:56:10 +0000

Коле Чашуле вчера во емисијата „Седмица“ говореше за детето талент по математика кое не доби од МОН награда бидејќи не бил средношколец. -Не бил средношколец, па затоа не му следувала награда. Ако ова не е класичен пример за тоа во каква држава живееме ние, не знам што е. И сега откако преку социјалните мрежи, но и ние медиумите, па дури и цела јавност се разгневи, на малиот Општината ќе му даде некоја парична награда, а ете се изборува и за некоја државна помош и слично, појасни Чашуле. Чашуле запраша зар треба прво да се објави на социјални мрежи или медиуми за да власта се сети да го награди детето. -Немој да мислите, ако не се кренеше толкава врева по медиумите, дека било кој од оваа власт со прст ќе мрднеше да му помогне на Дамјан или да го награди. Се ќе си останеше на тоа решението од МОН дека не било по закон и никому ништо, рече Чашуле. Чашуле додаде дека така Македонија повторно ќе загубеше во странство уште еден голем талент. -А, тоа доволно зборува за односот на власта кон младите во оваа држава. Па, видете и сега што им прават на матурантите. Знаете ли вие под колкав притисок се заради бојкотот на наставата? Невиден! Упорно, а јас мислам и дека од инает МОН и Царовска одбиваат да ги слушнат нивните барања. А, што се тие? Матурантите бараат заарди целата состојба во која се најдоа тие, заради корона кризата, оваа година наместо четири да полагаат два предмета. Велат минатата година загубија цело полугодие од третата година, а оваа цела четврта година ја одржуваат онлајн. За т.н. успех за онлајн наставата мислам дека сите си знаеме, и дека нема потреба да повторувам, истакна Чашуле. Чашуле посочи дека со онлајн учење сите вклучени во образовниот процес загубија многу. Матурантите не бараат да се укине матураат како што манипулираат од МОН и Владата.

Чашуле за протестите за „Монструм”: Револтот не треба да биде против обвинителството, судот или Фетаи- барајте ја правдата од Заев, тој ви кажуваше дека невини луѓе лежат во затвор и ветуваше поинаква вистина

Катерина Бојаџиева — Mon, 01 Feb 2021 15:33:13 +0000

Новинарот на ТВ Алфа, Коле Чашуле во својата емисија „Седмица” околу протестите за случајот „Монструм”, истакна дека револтот не треба да биде против обвинителството, судот или Фатиме Фетаи, туку против Заев. Таму луѓето треба да ја бараат правдата. Заев е човекот кој на граѓаните им кажуваше дека невини луѓе лежат во затвор и им ветуваше поинаква вистина. Но, на крај испадна дека Заев е човекот кој ги изманипулира. -Сите лажни вести кои ги ширеше Заев само за да се дограби до власта. Од сообраќајката на Никола Младенов, убиството на Мартин Нешковски, смртта на малата Тамара, „Диво насеље”, со посебен акцент за случајот „Монструм”. Покрај сите изјави дека во затвор лежат невини луѓе, бившата специјалка Фатиме Фетаи минатата недела ја откри вистината. Дека од разговорите што ги дал Заев и неговото сведочење ништо нема ново. Односно дека обвинетите и пресудите од времето треба да останат исти. Очекував дека нашите сограѓани Албанци ќе одржат протести. И еве тоа очекување се оствари. Но, револтот на граѓаните требаше да бидат насочени на правата адреса, а тоа е Зоран Заев кој ветуваше поинаква вистина за овој случај, рече Чашуле.

Чашуле: Да не се премиерите на соседните држави нема да знаеме што ни се случува по дома, поради неспособноста на Филипче и Заев останавме без вакцини

Дарко Андоновски — Mon, 25 Jan 2021 09:49:04 +0000

„Од некаде 1.000 заразени дневно паднавме на бројка од под 500, тоа е одличен показател, да издржиме вака уште месец – два па со вакцинацијата можда ќе ја преживееме епидемијата, но ова важи да сме друга држава. Изгледа, тоа е така во светот, а кај нас не. Кај нас откако Заев и Филипче скроз ја утнаа работата со купување на вакцините директно од фабриките и упорно се крстеа во тој т.н. систем Ковакс, кој видовме не функционира. На крај видоа, не видоа, дека нема ни В од вакцина почнаа да мољакаат низ Европа и кај соседите и другите држави кој ќе ни фрли по некоја доза колку да ги вакцинираме докториве кои ни гинат на првата борбена линија“, истакна вчера Коле Чашуле во својата емисија „Седмица“. Чашуле додаде дека на Заев и Филипче за вакцини им ветуваа Бугарите, Грците за да на крај Македонците ги спасат Србите. „Србите ветија 8.000 вакцини и веднаш за два дена беа подготвени да ги испорачаат. Но, што се случи“, запраша Чашуле. Чашуле посочи дека Еди Рама призна дека Бугарија сакала на Македонија да донира само стотина вакцини, сега српската премирка Брнабиќ и појаснува на македонската власт за да зедат вакцини прво треба да се регистрираат. „Да не се премиерите на соседните држави нема да знаеме што ни се случува по дома. Не ми се верува! Заборавиле нашите дека треба да ги регистрираат новите вакцини. И сега заради тоа не можеме да ги добиеме“, нагласи Чашуле. Чашуле рече дека евтиниот ПР им се удри од глава на Заев и Филипче. „Како обичен граѓанин само знам дека нема вакцини, а оние малку што сакаат да ни ги дадат Србите, не сме можеле да ги донесеме затоа што постоела некоја си процедура за внесување на лекови. Што правеше власта цели 11 месеци откако почна епидемијата“, запраша Чашуле. Чашуле додаде дека власта на избори отиде на избори за да Македонија има функционални институции, но тие функционални институции на Заев и Филипче некако не функционираат.