колега – Kurir.mk

Група вработени во „Комунална хигиена“ натепале колега, кога го затекнале како го чисти градот и не протестира

Ристе Здравков — Mon, 10 Jul 2023 08:12:15 +0000

Вработени во „Комунална хигиена“ претепале колега кој чистел отпад низ Скопје. Ова се случило доцна синоќа, откако камионите на претпријатието излегоа од дирекцијата. Од МВР најавуваат дека ќе има кривична пријава за кривично дело насилство, за сите кои учествувале во претепувањето. Преку надзорни камери, очевидци и изјави се утврдува кој се учествувал во настанот. „На подрачјето на Гази Баба полициски службеници од Единицата за интервентна полиција при СВР Скопје го лишиле од слобода Ф.Ц.(28) од Скопје, вработен во ЈП Комунална хигиена Скопје, поради тоа што на 09.07.2023 околу 23.30 часот во трговски центар на подрачјето на Гази Баба, заедно со Д.Д. и уште неколку лица, физички го нападнале Д.С.(37) од Скопје, додека ги извршувал своите работни задачи како вработен во истото претпријатие“, велат од МВР. Неофицијално, причината за претепувањето на вработениот од „Комунална хигиена“ е бидејќи не останал да го поддржи протестот и излегол на терен да работи. МВР работи на расчистување на случајот. „Се преземаат мерки за целосно расчистување на случајот и утврдување на лицата, а по неговото документирање од страна на Единицата за насилен криминал ќе биде поднесена кривична пријава за сторено кривично дело ‘насилство’, по член 386 од Кривичниот законик“, додаваат од МВР.

21-годишник нападнат од својот колега на работното место

Ивана Ефремовски — Sat, 29 Oct 2022 14:56:54 +0000

На 28.10.2022 во 21:30 часот во Полициска станица Куманово Е.Е.(21) од с.Романовце, кумановско пријавил дека околу 18:30 часот додека бил на своето работно место во фабрика во с.Табановце бил физички нападнат од негов колега Е.Е. Се преземаат мерки за расчистување на случајот.

Кавадарчанец измамен од свој колега – му ја побарал личната карта, здравствената книшка и мобилниот телефон и си подигнал кредит!

Тале Кристо — Mon, 05 Jul 2021 06:17:08 +0000

Кавадарчанец пријавил во полиција дека колега од работа земал кредит во негово име, добил и закани по живот од блиски на колегата Кавадарчанец пријавил во полиција дека колега од работа земал брз кредит во негово име, добил и закани по живот од блиски на колегата. Од неговата трансакциска сметка, колегата испразнил над илјада евра. Овој случај на измама го потврдија за МИА и измамениот кавадарчанец и МВР. -Дај ми ја и твојата лична карта за да можам со две лични карти да земам два пакета што се даваат како помош за социјално загрозени семејства. Така ми рече. Ама требало и здравствен број, дај ми ја и твојата здравствена книшка, додаде. После тоа, ми ја побара и банкарската картичка за банкомат, за, наводно, тетка му од Србија да му прати пари. Оти неговата не била активна. Ми го побара и мобилниот телефон и цело време беше кај него, оти сопругата требаше да му се породи. Јас наивен, му верував и во интерес на колегијалноста, му помагав. Тој пак, ја искористил мојата наивност и во мое име си подигнал некојси брз кредит. А ни на крај памет не се ни посомневав дека вакво нешто може да се случи. Случајот го пријавив во полиција, откако ми стигна писмо дека должам рата за кредит што не сум го подигнал самиот, ами колегата во мое име, раскажа кавадарчанецот за тоа како бил измамен. Сега, како што нагласи, останал и без својата заштеда во ова тешко време и услови на пандемија во светот, а деновиве добил и закани по животот. -За малку ќе не истепаа додека бевме со сопругата, петмина. Колегата што се ми направи мене, а сега неговите блиски од мене бараа јас да не сум го малтретирал него. Којзнае што можеше да се случи да не наидеше едно момче, тоа беше среќна околност за нас, ни го спаси животот со својата појава. А иронијата да биде уште поголема, татко му на колегата вика, ќе му кажел да не ме задева. Здравјето си го изгубив од нервози, откри измамениот кавадарчанец. Тој се надева дека полицијата и судот ќе го решат случајот најбрзо што може, рече дека дел од одговорите очекува да ги даде и снимката од видео камерата кај банкоматот, од кој, неговиот колега си подигнал туѓи пари. Овој кавадарчанец упатува апел до сите луѓе да бидат внимателни и да не веруваат секому, за да не ги снајде тоа што му се случило нему. МИА побара официјална информација од МВР за овој случај. – На 31.05.2021 во 13,00 часот во Полициската станица Кавадарци Т.Т.(52) од Кавадарци пријавил дека во временски период од 14.04. до 20.05.2021 од страна на Р.Т.(25) од Кавадарци му биле злоупотребени личните податоци, на тој начин што знаејќи ги личните податоци на пријавителот ги злоупотребил и во негово име аплицирал во повеќе наврати за добивање на брзи кредити, а истите парични средства со картичката на оштетениот ги подигнал од банкомат при што се стекнал со противправна имотна корист од 65.000 денари. По превземени мерки со Р.Т. бил извршен разговор во полициска станица и по целосното документирање на случајот ќе следи соодветен поднесок, стои во одговорот од МВР. На прашање од МИА, дали има вакви и слични други случаи во овој период во Тиквешки регион, од МВР откриваат и друг случај кога била злоупотребена туѓа банкарска платежна картичка. -На 27.06.2021 во 23,45 часот во Полициската станица Кавадарци Т.Г.(29) од Кавадарци пријавила дека истиот ден од изгубена платежна картица на нејзиниот свекор од страна на непознато лице биле одземени околу 25.000 денари. Оштетената нагласила дека картичката била користена за плаќање во повеќе трафики и продавници во Кавадарци. По превземени мерки од слобода бил лишен Љ.А.(28) од Кавадарци и по целосното документирање на случајот ќе следи соодветен поднесок, додаваат од МВР.

Лекар од Куманово физички нападнат од негов колега

Магдалена Андонова — Sun, 27 Sep 2020 15:06:41 +0000

Лекар во Интерното одделение во Болницата во Куманово бил физички нападнат од негов колега. – На 26.09.2020 во 09.07 часот во СВР Куманово, лекар во Интерно одделение при болницата во Куманово пријавил дека бил физички нападнат од негов колега, соопшти МВР. Во координација со јавен обвинител се преземаат мерки за расчистување на случајот.

Колега му се жалел дека девојка му се здебелила, не се средува и не работи: „Појдов кај нив дома, па имав што да видам!“

Ристе Здравков — Fri, 12 Jun 2020 07:50:08 +0000

Маж со сите го споделил она што му го раскажал колега за својата девојка, која на крајот и самиот ја видел. Имено, колегата зборувал дека девојка му се здебелила, не се дотерувала и не работи, пренесува „Mirror“. „Еден помлад колега во последно време постојано ми се жали на неговата девојка дека таа ништо не работи, бидејќи сега останала без работа поради коронавирусот и дека се здебелила и не се дотерува како претходно. Пред некој ден колегата заборави нешто на работа, па ме замоли да му го однесам кога ќе одам накај дома. Луѓе мои, девојката е преубава, не знам каква била претходно, но воопшто не е дебела. Уредна коса, солидно облечена, сè нормално. Кога дојдов, таа ги пеглаше неговите алишта. Ме покани да влезам на кафе. На масата имаше колачи, овошје и цвеќе во вазна. Сè уредно и чисто. Не сум многу повозрасен, некои 15-на години, но ми доаѓа да го 'подберам' како да ми е син, нема поим што има, а само се жали“, напишал човекот. Многумина во коментари се согласиле дека повеќето мажи сакаат да имаат нешто 'на страна' и не ја вреднуваат личноста која ја имаат дома, пренесува „Mirror“.

Силвестер Сталоне со емотивна видео порака до неговиот колега кој поради коронавирусот му ја ампутираа ногата, а вчера се разбуди од кома

Дарко Андоновски — Fri, 15 May 2020 09:56:12 +0000

Силвестер Сталоне упати емотивна видео-порака кон неговиот колега, бродвејскиот глумец Ник Кордеро, кој неколку недели се бори со коронавирусот. Главната поента е тоа дека борецот го има „окото на тигарот“, алудирајќи на познатата американска песна „The Eye of The Tiger“, што во филмовите „Роки“, но и во многу други, се однесува на врвната храброст. Сопругата на Кордеро, Аманда Клутс, го објави видеото на интернет вчера – еден ден откако театарскиот глумец се разбуди од вештачката кома. – Ти го имаш „окото на тигарот“, го имаш тој дар. Се бореше со тешко зло. Борбата беше жестока. И, човекот, како и семејството треба да се извонредно силни за да ја пребродат оваа ситуација. …Да му возвратиш на животот в лице и да му речеш: „Погоди што! Ќе ти треба многу повеќе од тоа. Јас сум фраерот.“ И, да. Ти си фраерот!, вели Сталоне во видеото. Кордеро (41) и Клутс, исто така – глумица, пред 11 месеци го добија синот Едуардо. Кордеро овие два месеца неколкупати беше вклучен на респиратор. Во април му беше ампутирана десната нога, по што состојбата му стана полоша, особено со ослабнувањето на белите дробови. На 5 мај, нему му беше извршена операција за отстранување на дел од ткивото, а завчера се рабудил од вештачки предизвиканата кома.

View this post on Instagram

Nick will not believe this! Thank you @officialslystallone ??

A post shared by AK! ⭐️ (@amandakloots) on May 13, 2020 at 7:34pm PDT

25 годишен полицаец прегазил постар колега со „хермелин“ во касарната „Ѓорче Петров“

Дарко Андоновски — Tue, 30 Jul 2019 14:09:39 +0000

Полицаец повредил колега прегазувајќи го со оклопно возило „хермелин Х09“ вчера попладне во кругот на касарната „Ѓорче Петров“, соопшти полицијата. Како што наведува МВР, во касарната „Ѓорче Петров“, каде се сместени оклопните возила „хермелин“, полициски службеници вршеле проверка на исправноста на оклопните возила и притоа 25-годишен полициски службеник управувајќи „хермелин Х09“ му нанел повреда на десната нога на 38-годишен полициски службеник. На повредениот му е укажана помош во Градската општа болница „8-ми Септември“. За случајот е известено ОЈО Скопје по чија наредба извршен е увид на лице место. Одделот за внатрешна контрола, криминалистички истраги и професионални стандарди на МВР презема мерка од нивна надлежност.

Со нож нападнал колешка во Агенцијата за медиуми

Ивана Ефремовски — Wed, 09 Jan 2019 19:49:05 +0000

Вработен во Агенцијата за аудио и аудиовизуелни услуги, денеска на работното место со нож нападнал колешка. Според неофицијални информации, напаѓачот, но и нападнатата се лица од албанско етничко потекло, пишува Нетпрес. Од МВР, за „Нетпрес“ го потврдија случајот. -На 09.01.2019 во 14.48 час. Ш.Т. пријавила дека во канцеларија на ул.„Македонија“ на Агенција за аудио и аудиовизуелни услуги нејзиниот колега Н. З. почнал вербално да и се заканува, а потоа и се заканувал и со нож. Полициски службеници излегле на местото на настанот. По целосно документирање на случајот против Н.З. ќе биде поднесен соодветен поднесок, велат од МВР.