колеги – Kurir.mk

Машиновозачите бараат повлекување на решенијата за суспензија на 12 колеги или отказни решенија за сите

Ивана Ефремовски — Thu, 31 Aug 2023 12:13:39 +0000

Машинскиот и извршниот персонал на Железници на РСМ Транспорт АД-Скопје повторно е во бојкот од 25.08.2023 поради неисплатен втор дел на плата и неисполнети барања, изјави денеска на прес-конференција претставникот на машинскиот и извршниот персонал, Тони Димовски. Тие освен редовна исплата на плата, бараат и покачување на коефициенти, изнајмување на две локомотиви од странство и подобрување на условите за работа, за кои велат дека се под минимум. Шефот на работна единица на ЖРСМ Транспорт АД Скопје во текот на вчерашниот ден доставил список на машиновозачи за суспендирање од нивното работно место. -Сите прашуваат зошто се бојкотира, а никој од менаџерскиот тим не дава објаснување зошто нема плата, кое е основно средство за живеење. Крајно време е одговорноста за нефункционалноста и пропаста на железницата да ја преземе менаџерскиот тим и Владата. Доста покажуваат со прст кон нас, крајно време е да го свртат прстот кон себе за состојбата во која не донесоа. Бараме од денеска да биде суспендиран цел машински персонал, а не само тие 12 машиновозачи, изјави Димовски. Во случај на суспендирање на целиот машински персонал ќе нема кој да ги управува возовите, а на менаџерскиот тим му се одзема правото за пишување на дневен распоред и како што велат, со тоа ќе не можат да вршат мобинг врз вработените. -Некои шефови на работна единица, директори на теретен сообраќај или генерален директор сега се јавуваат кај колегите и ги тераат да одат работа, а ако не одат се закануваат со отказно решение. Бараме да ги повлечат решенијата за суспензија на 12-те колеги или на сите да ни доделат решенија за суспендирање, па дури и отказни решенија, рече претставникот на машинскиот и извршниот персонал, Тони Димовски. ЖРСМ Транспорт АД Скопје, деновиве излезе со свое соопштение и ги обвини машиновозачите дека го блокираат целиот сообраќај и вршат директна штета врз претпријатието. Оттаму информираат дека во периодот од 1 август до денот на прекинот на железничкиот сообраќај на 25 август, машиновозачите оствариле вкупни просечни лични примања во износ од 60.000 денари, додека за споредба во истиот период, раководител инженер, остварил лични примања во висина од 21.000 денари. Димовски ги демантира информациите со кои излезе Железница и вели дека се работи за дезинформација. -Нашата основна плата, според коефициент на сложеност е 23.000 денари. Доколку ги земеме надоместоците за ноќна работа, работа за празници и работа во недела стигаме до максимум 40.000 денари. Повисоко примање од тоа сме немале, рече Димовски. (МИА)

Овие 4 хороскопски знаци се слика и прилика на ОДГОВОРНОСТ: Ако бирате колеги, секогаш можете да сметате на нив!

Ристе Здравков — Sun, 18 Sep 2022 07:05:55 +0000

Стабилност, скромност, верност, разбирање. Партнер или пријател, во овие хороскопски знаци секогаш може да се најдете поддршка и да се потпрете на нив. Рак Скромни, цврсто стојат на земја и се прилагодлици. Искрените Ракови се многу добри пријатели бидејќи ќе ви кажат се во лице, но внимателно. Никогаш не глумат дека се среќни. Јарец Одговорноста е една од главните особини кои ги имаат луѓето родени во овој знак, а покрај тоа се многу мудри и трпеливи. Секогаш размислуваат рационални и не ги осудуваат другите. ДОбри пријатели се и сакаат да помогнат. Девица Никогаш не се преправаат и не се фалат со работите кои ги имаат. Се трудат да соработуваат со луѓето и да се прилагодат, а секогаш ес тука да ги мотивираат пријателите. Бик Биковите исто така се многу стабилни. Многу искрено го изразуваат своето мислење и никогаш не даваат лажна надеж или ветување.

Колеги се степале во маркет, напаѓачот ќе одговара

Ивана Ефремовски — Fri, 03 Jun 2022 14:05:43 +0000

На 02.06.2022 во 15:20 часот во Полициската станица Гази Баба, В.К.(27) од Скопје пријавил дека на работно место во маркет на ул.„15. корпус“ бил физички нападнат од неговиот колега А.Т.. По целосно документирање на случајот ќе следува соодветен поднесок.

Дознајте што сѐ ги нервира вашите колеги кај вас

Ивана Ефремовски — Wed, 13 Apr 2022 19:32:30 +0000

Според резултатите од едно обемно истражување на тема: „Што ве нервира кај колегите“, на прво место на списокот е лицемерството – со 40 отсто од одговорите на испитаниците. Сите лица кои учествувале можеле да изберат повеќе опции. Навиката за озборување и сплеткарење го зазема второто место – така мислат 34 отсто од луѓето. На трето место, според 33 отсто од испитаниците е непочитување кон работата на другите. Натаму, 32 отсто од анкетираните ја идентификувале непрофесионалноста како иритирачка, а неодговорноста ги затвора првите пет – 23 насто од испитаниците го посочиле тоа. Натаму следат караниците (20 отсто), мрзеливоста (15 отсто), тесни погледи и предрасуди (13 отсто), малодушност (9 отсто), лоши манири (7 отсто), лоши навики (5 отсто) и „друго“ коешто го избрале три отсто од испитаниците.

Колеги се степале на наплатна станица „Петровец“

Ивана Ефремовски — Fri, 29 Oct 2021 14:16:51 +0000

На 28.10.2021 во 14:00 часот во СВР Скопје, З.Р.(46) од Скопје пријавил дека околу 05:50 часот, додека извршувал работни задачи во објект на наплатна станица „Петровец“, по претходна расправија, бил физички нападнат од неговиот колега Ф.С.. Се преземаат мерки за расчистување на случајот.

Колегите неутешни: Џамбазов напишал песна која ја пеел за роденденот на Сабина, Жугиќ една работа која ја научила од неа нема да ја заборави!

Дарко Андоновски — Wed, 11 Aug 2021 11:00:01 +0000

На 75-годишна возраст вчеравечер во Скопје, по кратко боледување почина актерката Сабина Ајрула - Тозија. Веста за нејзината смрт ја потресе македонската јавност, а нејзините колеги сè уште не можат да поверуваат, па дел од нив со емотивни пораки на социјалните мрежи се простија од актерката. Весна Петрушевска: „Си замина и таа….секогаш насмеана, неверојатно духовита, одличен партнер на сцена, непредвидлива, истрајна, бунтовна, вредна, достоинствена со неа секогаш се смеев, знаеше да виде луцидна и игрива…на сцена и приватно…многу ја сакав. Ама многу. Прекрасница. Моето најдлабоко сочувство. Глумиците никогаш не умираат (така барем се тешиме) најголемиот и најбучниот аплауз за тебе Сабина. Тага.“, напишала таа на Инстаграм профилот.

View this post on Instagram

A post shared by Vesna Petrusevska (@vesnapetrushevska)

Игор Џамбазов: „За твојот 40ти роденден, во бифето на Драмски театар, после претставата, ти отпеав песна за тебе што ти ја напишав како подарок. Додека ти ја пеев со гитарата, ја имаше истата оваа насмевка, која нема никогаш да ја заборавам. Збогум Сабина...“.

View this post on Instagram

A post shared by Игор Џамбазов (@igordzambazov)

Јелена Жуѓиќ: „Имав огромна чест да бидеме колешки, партнери на сцена, пријателки, да делиме иста гримиорна во Драмски, да ми биде голема поддршка на почетокот на кариерата. Задоволство беше да се учи и за театарот и за животот од Сабина Ајрула Тозија Sabina Tozija Паметам како вчера да беше… -иако во театарот имавме одличен шминкер, Сабина инсистираше да ме научи како сама да се гримирам, ми велеше: “само така ќе се концентрираш, со секој потег на четката, моливчето,сенката…полека ќе се трансформираш и влегуваш во ликот кој го играш”…ме научи и дека иако премиерата поминала никогаш текстот не го носиме дома, се додека се игра претставата текстот стои во шкафче и пред секоја претстава го повторуваме иако го знаеме…ме научи како со полни плуќа да “дишам” на работното место, како со леснотија и насмевка да ги надминувам “зад кулисните игри” и професионално да созревам… Поминаа години од како последен пат се прегрнавме, кариерата на Сабина заблеска на меѓународно ниво и јас со задоволство и гордост ги следев нејзините успеси. Величенствена жена, врвен професионалец и голем голем Човек Почивај во мир драга Сабина, нека ти е вечно Името и Славата“. Драган Спасов Дац: „Сабина! Глумците не умираат!“.

Не ја преминувајте границата: Овие знаци ви кажуваат дека сте станале премногу блиски со шефот

Ивана Ефремовски — Tue, 04 May 2021 14:54:41 +0000

Формирањето силна врска и блискост со колегите може да ви го подобри животот на работното место. Меѓутоа, кога формирате тесна врска со ваш претпоставен, односно со шефот, таа врска може повеќе да ви наштети отколку да ви помогне, гледано долгорочно. Психологот Кејти Сноувајз советува да ги разгледате овие знаци и да утврдите дали вашата врска со шефот станала премногу блиска, со цел да си ја спасите работата, професионалноста и личното психичко здравје. 1. Веќе не добивате конструктивни критики за вашата работа Кога ќе станете премногу блиски со шефот, престанува да ви дава конструктивни критики за начинот на кој работите што ќе доведе до назадување на вашите способности, а него го ставате во незавидна положба пред неговиот претпоставен кога треба да ве „брани“ за лошо завршената работа. 2. Се чувствувате како миленичето на учителката во основно Ова е обично првиот знак. Откако ќе станете блиски пријатели, вие ги добивате сите пофалби, сите добри задачи, најдоброто место во канцеларијата. Ова е спирала што продолжува надолу во очите на вашите колеги, иако ви се чини дека ви е супер. Заслужете ги привилегиите во однос на вашите колеги. 3. Приватни шеги Кога со некого се дружите доволно долго време почнувате да развивате свој јазик и систем на шеги со кои се разбирате и функционирате. Речиси е невозможно да го прекинете тоа кога ќе стигнете на работа, па повторно колегите ве гледаат попреку бидејќи вие се разбирате со шефот со поглед и сметаат дека вие имате предност што нема врска со вашата способност. 4. Средбите ви се приватни, не деловни Повторно се враќаме на последиците по вашата професионалност и способност. Ако вие двајца се гледате повеќе како пријатели отколку како колеги, вашата работа ќе трпи најмногу бидејќи никогаш нема да ви биде завршена. 5. Почнувате да му се обраќате како на другар, не како на шеф Покрај приватните шеги, уште понепрофесионално е кога ќе му се обратите на шефот без должна почит како кон претпоставен, особено пред другите колеги. Исто така, си дозволувате да спомнете лични работи што ви биле кажани приватно, во работната средина. Ако успеете да се контролирате и не дозволите вашето пријателство да се одразува на работата, дружете се, но мислете и на себе и својата кариера.

Со овие ваши особини си ги нервирате колегите на работа

Ивана Ефремовски — Sun, 21 Feb 2021 13:48:43 +0000

Испитување на мислењето спроведено меѓу 4.200 корисници на услугите за барање работа во Русија, покажува кои се најнепријатните и најиритирачки особини кај колегите со коишто работите. Испитаниците имаа да изберат не повеќе од три опции како одговор. Според резултатите, на прво место на списокот е лицемерството со 40 отсто од одговорите на испитаниците. Навиката за озборување и сплеткарење го зазема второто место, така мислат 34 отсто од луѓето. На трето место, според 33 отсто од испитаниците е непочитување кон работата на другите. Натаму, 32 отсто од анкетираните ја идентификувале непрофесионалноста како иритирачка, а неодговорноста ги затвора првите пет, 23 насто од испитаниците го посочиле тоа. Натаму следат караниците (20 отсто), мрзеливоста (15 отсто), тесни погледи и предрасуди (13 отсто), малодушност (9 отсто), лоши манири (7 отсто), лоши навики (5 отсто) и „друго“ коешто го избрале 3 отсто од испитаниците.

Дознајте какви колеги постојат на работа и научете како да се однесувате со нив

Ивана Ефремовски — Mon, 15 Feb 2021 11:29:52 +0000

На работа се среќаваме со најразлични видови на соработници и колеги, а за полесно да ги категоризирате и препознаете погледнете какви сѐ видови постојат. Откако ќе ги категоризирате, ќе можете полесно да се вклопите во средината и ќе умеете да се справите со секој од нив: Колеги „делегатори” Секогаш поставува прашање од типот: „Можеш ли да ми помогнеш со...” или кажува реченици како: „Би требало да...”, а кога е задолжен за голем проект, тогаш работата ја префрла на други. За да го спречите само одбијте го јасно и гласно и кажете дека и вие сте затрупани со работа. Колеги „контролори” Вашите идеи за унапредување на работата можат да наидат на отпор од страна на овие колеги кои не поднесуваат промени, бидејќи имаат чувство дека губат контрола. Затоа, прашувајте ги сите за мислење, бидејќи така ќе им дадете до знаење дека и понатаму ќе ја имаат контролата. Колеги „сезнајковци” Тие се уверени дека имаат лидерски квалитети и секогаш доаѓаат први на работа. Имаат решение за секој проблем и зрачат со самодоверба. Дајте им до знаење дека ги цените нивните квалитети, но потсетувајте ги дека тимската работа е исто така важна. Колеги кои одолговлекуваат Нивното мото е: „Што можам денес, ќе можам и утре”. Распоредот секогаш им е натрупан бидејќи не можат ништо да завршат на време, а всушност тие само си ги одложуваат обврските. Има две опции: Или навистина имаат многу работа или се само мрзеливи. Колеги „озборувачи” Не престануваат да шират озборување и со тоа ја загрозуваат атмосферата на работа. За да се изборите со нив, потребно е да им дадете до знаење дека нивните озборувања не допираат до вас. Колеги „здодевни” Секогаш подготвени за разговор. Умеат да прават сѐ освен да работат. Често ќе ве сретнат и ќе ве прашаат „Имаш една минута?”, а потоа ќе ве тормозат цел час. Само кажете им „Не” и ќе си побараат друга жртва.

Што сѐ ги нервира вашите колеги кај вас?

Ивона Петрова — Fri, 10 Jul 2020 07:16:17 +0000

Испитување на мислењето спроведено месецов меѓу 4.200 корисници на услугите за барање работа во Русија, покажува кои се најнепријатните и најиритирачки особини кај колегите со коишто работите. Испитаниците имаа да изберат не повеќе од три опции како одговор. Според резултатите, на прво место на списокот е лицемерството – со 40 отсто од одговорите на испитаниците. Навиката за озборување и сплеткарење го зазема второто место – така мислат 34 отсто од луѓето. На трето место, според 33 насто од испитаниците е непочитување кон работата на другите. Натаму, 32 отсто од анкетираните ја идентификувале непрофесионалноста како иритирачка, а неодговорноста ги затвора првите пет – 23 насто од испитаниците го посочиле тоа. Натаму следат караниците (20 отсто), мрзеливоста (15 отсто), тесни погледи и предрасуди (13 отсто), малодушност (9 отсто), лоши манири (7 отсто), лоши навики (5 отсто) и „друго“ коешто го избрале три отсто од испитаниците.