ИМА МАКЕДОНИЈА

Ламбе Арнаудов — Sat, 11 Jul 2020 11:33:41 +0000

Ламбе Арнаудов: До ВЕТЕРАНИТЕ НА ВМРО ДПМНЕ – АРХИТЕКТИ НА САМОСТОЈНА МАКЕДОНИЈА Браќа и сестри ветерани на ВМРО ДПМНЕ, на 15ти јули заокружувајќи го бројот 14 да викнеме со глас голем, да нé чуе народ предаден, да знае Европа, да разбере светот. Ова не е повик од најрелевантниот Христијан Мицкоски, ниту од ВМРО ДПМНЕ или авторот на овој текст. Ве повикува македонскиот обесправен и напатен и пoсрамотен граѓанин, ова е крикот на пролеаната во потоци света крв на нашите јунаци кои го дале својот живот за Македонија, ова е гласот на светите мошти нивни кои нé потсетуваат нас, благородното им миро што тече од нивните коски и черепи да ја натопува македонската земја, а не таму на некоја прекрстена и за нив туѓа непозната почва, ова е за патоказ на идните генерации пред кои треба да се отсрамиме, ова е љубовта што ја имаат патриотите, уставобранителите кои и ден денес гнијат во затворите на ова анти народна власт и конечно е повик од МАКЕДОНИЈА. МАКЕДОНИЈА ве повикува затоа што во овој миг е загрозен нејзиниот опстанок. А, кого да викне ако не вас ВЕТЕРАНИТЕ во кои најмногу верува. Сепак со нас многу полесно ќе се исправи. Но ќе се исправи и со нас и без нас ама како? Сигурно потешко. Македонија ќе се исправи, ама срам голем ќе е и разочарување Македонија да се исправи, а ние да останеме свиткани. Исправена Македонија, исправени ветерани, тоа е она како нé личи. Така ќе биде! За жал, честопати низ историјата, посебно последниве 2-3 години нé водат типови од редот на неразвиени живи суштества, влекачи, без’рбетници и зглафкари, кои за да се поуверливи пред нас и пред светот и за да го докажат своето потекло, ред и низок стадиум на развој, така и се облекуваат. Кондури од крокодилска кожа, Луј Витон ташни, куферчиња и други модни комплетчиња од змиска кожа, ѓердани и гривни од лигави мекотели и незаобиколното модно парче – духот на најомразените гуштерчиња Камелеонот. Зарем ти, почитуван ВЕТЕРАН, украс на единственото разумно суштество кое го создал Господ ќе дозволиш најскапоценото уметничко дело, единственото што го имаме, а го создал нашиот народ да стане музејски експонат или храбро ќе застанеш пред предизвикот простум и ќе овозможиш вечен опстој на нашата татковина Македонија, топол дом за сите граѓани без оглед на вера, етничка, родова и национална припадност. Знам, многу од вас кои се колнеа во нашето свето тројство: камата, пиштолот и евангелието, некој симболично, некој романтично, повеќето вистински. Заклетвата на крајот гласи: „Ако ја предадам организацијата или Македонија да бидам убиен од овој пиштол или прободен од ова кама“. Гледаш, заклетвата се однесува на нас кои сме гаранција за вечниот опстој на Македонија, македонскиот народ и ВМРО ДПМНЕ. За среќа, тие времиња одамна се отфрлени од нас, никој никогаш нема да страда, а зборот “насилство“ повеќе не постои во речникот на ВМРО ДПМНЕ. Ама жртва сепак ќе има. АКО ОСТАНЕМЕ ДОМА ВЕТЕРАНИ МОИ ЌЕ ЈА УБИЕМЕ МАКЕДОНИЈА. Ние ВЕТЕРАНИТЕ од кога сме внедрени и сраснати со Македонија имаме судбинска улога за прапочеток, како вечен наш сопатник. Тоа е заради тоа што предавниците и хероите во Македонија патуваат паралелно, само што на првите, проколнатите патот им е полесен, а крајот ужасен, додека нашиот е тежок, трнлив, преполн со сопки, но секогаш завршува со триумф над злото. МАКЕДОНИЈО! Те сакаме! МАКЕДОНИЈО! Те сакаме најмногу кога треба НИЕ да ти дадеме барем дел од долгот што никогаш не можеме да ти го отплатиме, мајчице наша МАКЕДОНИЈО – Мајка на сите Мајки. Ламбе Арнаудов

Туркање на избори по секоја цена е безобразно

Ристе Здравков — Mon, 15 Jun 2020 10:46:27 +0000

Самиот термин “избори” во најосновното значење е право на граѓанинот да избере помеѓу понудените политички опции, идеи, концепти, програми, визии за иднината на државата и општеството. Имајќи ја во предвид позицијата на граѓанинот во современето демократско општество и поставувањето на изразот на волјата на истиот на пиедесталот на она што се нарекува демократски систем на вредности, политичките чинители мораат да создадат услови за конкурентни, фер, демократски, легитимни и легални избори со два услови кои ќе обезбедат политички мир наместо политичка криза. Мисија на ОБСЕ/ОДИХР, во полн состав и јасни протоколи за заштита на здравјето на избирачите. Туркањето на избори по секоја цена, без создадени услови за нивно фер и коректно спроведување е безобразно и крајно дрско занемарување и игнорирање на основната обврска на власта да ги слушне граѓаните на кои треба да им служи. И апстиненцијта е некаков политички став, но не и кога истата е предизвикана од немање на минимум услови за одржување на избори. Во вакви околности добиваме чуство како Македонија да е приватен остров на една самопрогласена политичка елита, а граѓаните публика на нивната престава. Дотолку повеќе, што нашата економска, социјална и политичка состојба е последица на делувањето на оние кои сме ги делигирале да ја остваруваат власта. Спроведувањето на популистички економски и социјални мерки, кои не само што не помагаат, туку и ќе ја одолговлечат кризата, најверојатно работниците и стопанствениците најмногу ги погодува. Во држава каква што е нашата со скоро климав , недоволно квалитетен и функуционален образовен, здраствен, правен, социјален систем и те како граѓаните имаат потреба да видат и слушнат различните концепти и визии на политичките партии. Сведоци сме дека пред пред да станат власт, гласно зборуваа за некаков режим, тоталитаризам и ветуваа дека Македонија ќе ја претворат во лулка на демократијата. Денес гледаме немање на инклузивност на клучните политички чинители со најважните процеси во земјата. А не уверуваат дека блескаме. Ваквиот начин на однесување е само обележје на тоталитарни, недомократски општества и држави во која властодржецот е од бога пратен и на него треба да му се служи. Пишува: Весна Атанасовска

колимна – Kurir.mk

ИМА МАКЕДОНИЈА

Туркање на избори по секоја цена е безобразно