колони возила – Kurir.mk

Откако овој светски бренд објави дека се повлекува од државата, русите „спобудалеа“ – километри возила чекаат на ред само поради ова (ФОТО)

Дарко Андоновски — Thu, 10 Mar 2022 09:20:18 +0000

Русите синоќа побрзаа во Мекдоналдс откако компанијата објави дека се повлекува од Русија. На социјалните мрежи се проширија снимки од колони автомобили пред продавниците на руските Мекдоналдси, како и фотографии од редови луѓе кои чекаат на студ да дојдат до Биг Мек додека можат.

In #Russia, people lined up at McDonalds pic.twitter.com/TQtsxndibi
— NEXTA (@nexta_tv) March 8, 2022

Мекдоналдс вчера објави дека привремено ги затвора сите 847 ресторани во Русија како одговор на руската инвазија на Украина. Извршниот директор Крис Кемпчински рече дека синџирот ќе го паузира работењето во Русија, но ќе продолжи да ги плаќа своите руски вработени, а непрофитната организација „Роналд Мекдоналд Хаус“ ќе продолжи да работи.

СООБРАЌАЕН ХАОС ВО СКОПСКИ АЕРОДРОМ: Колони од возила на оваа раскрсница, граѓаните револтирани (ВИДЕО)

Магдалена Андонова — Wed, 22 Sep 2021 08:41:14 +0000

Невиден сообраќаен хаос настана денеска во утринските часови на раскрсницата кај Дабл Три Хилтон во скопската населба Аеродром. Како што може да се види и од видеото, колони од возила на кој им нема крај има и на булеварот „АСНОМ“ како и на булеварот „Србија“. Причината е повеќе од јасна, на само помалку од месец дена од локалните избори, локалните власти по 4 години седење во фотелја како со врзани раце, сега „ги засукаа ракавите“, се фатија за работа и раскопаа улици низ цело Скопје. Сведоци за КУРИР велат дека утрово сообраќајот таму е закрчен, а истото се случувало секој ден на поголемите булевари во Скопје каде се чекало и до половина час за да се излезе од сообраќајниот хаос. Возачите и граѓаните револтирани се жалат дека поради ваквата неорганизираност тие доцнат на своите работни места и не можат да си ги завршат секојдневните обврски.

Колони од возила во утринските часови на раскрсницата кај хотел Дабл Три Хилтон pic.twitter.com/QapbjfCZF0
— Курир (@KurirMK) September 22, 2021

М.А

ВНИМАВАЈТЕ: Колони возила на влезот во Скопје кај Автокоманда (ФОТО)

Дарко Андоновски — Tue, 04 May 2021 10:35:02 +0000

Колони на возила попладнево едвај се движат кон влезот на Скопје кај Автокоманда. Ситуацијата со колоните возила е веќе непроменета повеќе од една година, а ова никако да дојде до ушите и очите на градскиот татко Петре Шилегов. Нервозни граѓани секојдневно се жалат дека ниту можат да одат на работа, ниту да се вратат од истата во тој дел на Скопје, особено не можат да завршат ниту една обврска во текот на денот кога сообраќајот е густ. Инаку претходно Шилегов на граѓаните од овој дел на градот кои се жалеа на овие метежи им даде совет да ја користат обиколницата како алтернатива.

СООБРАЌАЕН ХАОС УТРОВО НА ВЛЕЗ ВО СКОПЈЕ- колони автомобили заглавени во Автокоманда, граѓаните веќе доцнат на работа

Дарко Андоновски — Mon, 07 Sep 2020 06:37:00 +0000

Редици колони утрово се создадоа на влезот на Скопје во Автокоманда. Сведоци за КУРИР велат дека утрово сообраќајот таму е закрчен, а истото се случувало и вчера вечерта каде се чекало и до половина час за да се излезе од сообраќајниот хаос. Причината иако е непозната според информациите на нашиот сведок се работи за градежни работи на овој булевар поради што е затворена и третата лента за сообраќај, а функционираат само две. Возачите на социјалните мрежи предупредуваат и за трпеливост во сообраќајот и дека сите брзаат за на работа ова утро.