колорадо – Kurir.mk

Бајден по пукотницата во Колорадо: Не смееме да толерираме омраза

Магдалена Андонова — Mon, 21 Nov 2022 06:54:05 +0000

- Омразата не може и не смее да биде толерирана, истакна американскиот претседател, Џо Бајден, во изјавата дадена синоќа како реакција на пукотницата во ЛГБТ клуб во Колорадо во која загинаа најмалку пет лица. - Не можеме и не смееме да толерираме омраза, рече Бајден. „Во моментов нема јасен мотив за овој напад, но знаеме дека последниве години ЛГБТК+ заедницата беше цел на ужасно насилство исполнето со омраза“. Тој потсети дека на неодамна усвоениот, според него „најзначајниот закон за безбедност на оружјето во речиси три децении“. - Но мораме да направиме повеќе. Треба да донесеме забрана за јуришно оружје, за да го повлечеме од американските улици, рече Бајден. Пет лица загинаа, а 18 беа повредени во саботната пукотница во геј-клуб во Колорадо Спрингс, во американската сојузна држава Колорадо. Осомничениот е во притвор, изјави за новинарите полициската службеничка, Памела Кастро. „Клуб Кју“ е ноќен клуб за геј и лезби возрасни, со тематски вечерни забави како караоке и „дрег“ настапи и забави со ди-џеи.(МИА)

Во пожарот во Колорадо уништени речиси 1.000 домови, исчезнати три лица

Тале Кристо — Sun, 02 Jan 2022 08:38:55 +0000

Речиси 1.000 домови се уништени во шумскиот пожар во западната американска држава Колорадо, соопштија локалните власти, додавајќи дека три лица се водат за исчезнати и се стравува дека се мртви. Шумскиот пожар во четвртокот принуди околу 30.000 жители да ги напуштат своите домови во општините Луисвил и Супериор, северно од Денвер. Шерифот на округот Болдер, Џо Пеле изјави дека 991 градба биле уништени, а уште се 127 оштетени. Пеле рече дека три лица се потврдени како исчезнати и се стравува дека се мртви бидејќи нивните домови биле уништени во пожарот. – Има три нерешени [извештаи за исчезнати лица]. Нивните домови се уништени, потенцијално има човечки останки во тие домови. Остатоците сè уште се жешки, се е урнато, и сега е покриено со осум инчи снег, рече Пеле и додаде дека напорите за пребарување и закрепнување се значително попречени. – Се сомневав дека ќе имаме човечки загуби само врз основа на големината на овој пожар, брзината и жестокоста. Мислам дека е чудо ако се три, а не 100 или стотици, па затоа сум благодарен за тоа, но и многу ми е жал за тие семејства, рече Пеле. Шерифот рече дека истрагата за причината за пожарот продолжува. Американскиот претседател Џо Бајден вчера одобри да се прогласи катастрофа. Ваквите пожари се невообичаени во зима.

Пет ученици повредени во пукање во близина на средно училиште во Колорадо

Ивона Петрова — Tue, 16 Nov 2021 07:18:58 +0000

Петмина тинејџери се префрлени во болница по пукањето во близина на средното училиште во градот Аурора во американската држава Колорадо, соопшти денеска локалната полиција. Осомничениот е во бегство, додаде полицијата, но не откри повеќе детали за нападот. Петте лица кои завршија во болница се на возраст меѓу 14 и 17 години, јави Си-Ен-Ен. Пукањето се случило во Ноум Парк, јужно од Централното средно училиште. Централното средно училиште Аурора има повеќе од 2.000 ученици од 2019 година, според статистиката на Националниот центар за образование.

Колорадо: На роденденска забава убиени седум лица

Ивона Петрова — Mon, 10 May 2021 06:03:28 +0000

Седум лица, меѓу кои и напаѓачот, се убиени денеска при пукање на роденденска забава во Колорадо Спрингс во американската држава Колорадо, јавуваат локалните медиуми. Како што се наведува, напаѓачот дошол на прославата и почнал да пука. Според извештаите во медиумите, напаѓачот бил во врска со една од жртвите. Меѓу жртвите е и лицето за кое беше организирана прославата, што се одржа пред камп-приколки. Меѓу собраните имало и деца, но сите жртви се возрасни. Полицијата соопшти дека пронашла шест мртви лица по пристигнувањето на местото на злосторството, додека седмиот им подлегнал на повредите во болница. Истрагата за мотивите на нападот е во тек.

Пукотница во Колорадо: Загинаа десет лица, меѓу кои и полицаец

Ивана Ефремовски — Tue, 23 Mar 2021 06:41:19 +0000

Во пукотница во супермаркет во округот Булдер, во сојузната држава Колорада, синоќа загинаа десет лица, меѓу кои и еден полицаец. Од полицијата јавија дека напаѓачот бил уапсен. Оттаму укажаа и дека осомничениот е ранет. Неколку видеа покажуваат како полицајци придружуваат маж со лисици на рацете без горна облека, а десната нога раскрварена. Пукотницата се случила во полн супермаркет лоциран недалеку од Универзитетот Колумбија, каде обично родителите и студентите купуваат намирници, јави Њујорк тајмс. Убиениот полицаец е 51- годишниот Ерик Tали, кој работел во службата од 2010 година и бил меѓу првите службеници кои одговориле на повикот. Од лица присутни во објектот, кои го преживеале нападот, весникот дознава дека едно безживотно тело се наоѓало на улицата пред продавницата. Истражителите работат на местото на настанот и ги утврдуваат мотивите на напаѓачот.

Пукање во Колорадо: Полицијата ја опколи продавницата во која е и напаѓачот, пристигнаа два хеликоптери брза помош (ВИДЕО)

Магдалена Андонова — Mon, 22 Mar 2021 21:51:10 +0000

Полицијата опколи продавница за храна во градот Болдер во американската држава Колорадо по пријава за пукање. За напаѓачот се верува дека е внатре, а тој наводно пукал кон полицијата. Сè уште не е познато дали има повредени, но како што пренесува CBS пристигнале два хеликоптери на брза помош.

ВИДЕО: Колорадо повторно на удар на силни пожари

Ивона Петрова — Sat, 24 Oct 2020 08:42:47 +0000

Пожарникарите се подготвуваат за повторно активно преземање дејства во Колорадо, каде силните ветрови ги разгоруваат пожарите. Најголемиот пожар во „Камерон Пик“ зафатил површина од повеќе од 83.360 хектари, при што околу 57 проценти се под контрола. Вториот по големина пожар зафатил површина од 68.797 хектари, а пожарникарите се уште не можат да го контролираат. Студеното време и слабиот ветер го намали неговото ширење, но се очекува повторно ветровите да се засилат. Поголемиот дел од Колорадио е погоден од долга суша. Според прогнозите викендов над ова подрачје се очекува снежна покривка од 25 сантиметри што би требало да им помогне на пожарникарите.

Ги фрлил мртвите тела на сопругата и децата: Таа ги задави нив, па јас ја убив неа – сведоштво за монструозноста

Ивана Ефремовски — Wed, 22 Aug 2018 13:44:00 +0000

Кристофер Вот (33) од американската сојузна држава Колорадо кој е во истражен затвор под сомнение дека ја убил бремената сопруга и двете ќерки, сега тврди дека неговата сопруга ги задавила нивните девојчиња и дека тој потоа ја убил од одмазда. Вот вели дека на сопругата Шенен и рекол дека сака развод по што таа ги нападнала децата. Поради тоа неговата адвокатка Меган Ринг, побарала да се направи ДНК тестирање на вратовите на децата. Меѓутоа полицијата не му верува. Полицијата исто така откри дека Кристофер ја мамел жената со колешка од работа што тој на почетокот негирал. Шенен (34) и нејзините ќерки Бела (4) и Селест (3) исчезнаа минатиот понеделник од својата куќа во Фредерик. Вото дури следниот ден за локалната телевизија проговори дека куќата му е празна и колку му недостастува семејството. Два дена по исчезнувањето, Вот во полиција призна дека ги убил. Истражителите ги одвел до местото каде ги фрлил телата - на земјшитето на нафтената компанија за која работел. Телата на девојчињата ги фрлил во тенк за нафта, а телото на жената го оставил во близина, во плитко ископан гроб. Шенен во моментот на убиството била бремена. Френки Русек, помладиот брат на Шенен, рекол во полиција дека неговата сестра многу сакала да има деца, а секоја бременост за неа била ризична зошто имала лупус. „Беше совршена мајка. Не го зборам тоа само зошто сум и брат. Кога дојдов да живеам со нив на неколку месеци кога Бела беше тукушто родена, не можев да верувам. Бев исцрпен само од гледањето што се мојата сестра успеваше да направи. Поради неа родителството ми изгледаше нешто лесно“, се присети Френки.

Беснеат шумски пожари, евакуирани 2.000 луѓе

Даниел Василев — Mon, 11 Jun 2018 10:32:38 +0000

Големи шумски пожари во Колорадо кои беснеат веќе 11 дена, доведоа до евакуација околу 2.000 жители, соопштија денеска претставници од областа Ла Плата. Метеоролозите соопштија дека се очекува ширење на пожарите поради сувиот воздух и силните ветрови, што е многу лоша комбинација за смирување на огнената стихија, пренесува Ројтерс. Повеќе од 6.880 хектари се уништени во пожарите во југозападот на Колорадо, а околу 800 пожарникари се борат со огнот. Во минатата година во пожарите во САД уништени се четири милиони хектари, соопшти Националниот координациски центар.

ФОТО: Голем шумски пожар беснее во Колорадо, евакуирани 2.000 лица

Ивона Петрова — Mon, 11 Jun 2018 08:20:30 +0000

Големите шумски пожари во Колорадо, кои беснеат веќе 11 дена, доведоа до евакуација на околу 2.000 жители, соопштија денеска официјални претставници на округот Ла Плата во Колорадо. Метеоролозите објавија дека се очекува ширење на пожарот поради сувиот воздух и силните ветрови. На југозападниот дел на Колорадо во пожарот се уништени повеќе од 6.880 хектари, а околу 800 пожарникари се борат со огнената стихија.