колосеум – Kurir.mk

Нови наоди под Колосеумот: Животински коски, парички и „грицки“

Ивана Ефремовски — Fri, 25 Nov 2022 09:37:41 +0000

Едногодишните истражувања околу одводот под Колосеумот открија коски од мечки и големи мачки, кои веројатно се користеле за борби и како плен во древната арена во Рим, велат археолозите. Наодите вклучуваат и над 50 бронзени монети од доцно-римскиот период, како и сребреник од околу 170 година н.е. – во знак на сеќавање на 10-годишното владеење на императорот Марк Аврелиј. Во камениот амфитеатар стар околу 2.000 години, пронајдени се и семки од смокви, грозје, дињи, од маслинки и јаткасти плодови, што укажува на тоа – што грицкале гледачите при изведбите во рингот. Алфонсина Русо, директорка на Археолошкиот парк Колосеум, смета дека откритијата „го продлабочуваат нашето разбирање за искуството и навиките на оние кои доаѓале на ова место“ за време на спектаклите. Истражувањата што почнаа во јануари, вклучуваше расчистување на околу 70 метри одвод под Колосеумот. Се смета тоа дека ќе даде нова светлина врз Доцниот Рим и оти и натаму ќе привлекува туристи и љубопитни посетители. (МИА)

Подземјето на Колосеумот во Рим првпат достапно за туристи

Ивона Петрова — Tue, 29 Jun 2021 10:41:59 +0000

Граѓаните на Рим и посетителите наскоро ќе можат да го посетат подземјето на познатиот Колосеум. Тоа ќе биде отворено за јавноста по првпат откако е изградено, пишува „Си-Ен-Ен травел“. Сите заинтересирани ќе може да прошетаат низ ходниците и да го видат просторот каде што престојувале гладијаторите и животните пред да влезат во арената. Хипогеумот тогаш го осветлувале свеќи, но поради оштетеноста на самиот терен, сончевата светлина сега допира до него. Подготовките за свеченото отворање траат од 2011 година. Дел од подземјето беше отворено 2016 година, а во 2018 година почна големо реновирање. Зафатите беа накратко стопирани во 2020 година поради пандемијата на коронавирусот и беа завршени во текот на првата половина на оваа година.

На турист во Рим му се урна дрон во Колосеумот, следи строга казна

Магдалена Андонова — Tue, 15 Sep 2020 09:05:16 +0000

Турист (40) од Полска се соочи со полицијата во Рим откако неговиот дрон падна внатре во Колосеумот, каде што летањето дронови е најстрого забрането. Уште при влезот во Колесеумот, полскиот турист бил предупреден дека при никакви околности не смее да управува со леталото внатре во древниот антички амфитеатар. Но, тој не го почитувал предупредувањето и сепак го летал дронот, јавија италијанските медиуми додавајќи дека тој ја загубил контролата над леталото неколку секунди по полетувањето и тоа се урнало на скалите од овој археолошки локалитет кој е светско културно наследство. За среќа ударот не предизвикал никаква штета врз споменикот на културата, ниту пак е повреден посетител или вработен. Непослушниот турист ќе биде казнет заради летање на дрон кое е забрането во целата италијанска престолнина.