кома – Kurir.mk

Рамзан Кадиров е во кома, тврдат Украинците

Тале Кристо — Sat, 16 Sep 2023 08:37:25 +0000

Рамзан Кадиров наводно е во кома. Така тврдат Украинците кои пишуваат дека неговата здравствена состојба е влошена. Независниот белоруски канал Некста ја пренесува изјавата на портпаролот на украинската разузнавачка служба, Андриј Јусов, кој вели дека болеста на Рамзан Кадиров се влошила. Украинска Правда пренесува дека Јусов за Укринформ изјавил дека Кадиров е во критична состојба. „Можеме да потврдиме дека имал уште едно сериозно влошување и дека е во критична состојба последните неколку дена“, се пренесуваат наводните зборови на Јусов. „Информациите се потврдени од различни извори во медицински и политички кругови. Не станува збор за повреди. Други детали треба дополнително да се разјаснат. Тој е подолго време болен, а се работи за системски здравствени проблеми“, изјави Јусов. Првите гласини за лошата здравствена состојба на чеченскиот лидер се појавија уште во март. Беа споменати труење и бубрежна болест. Кадиров ги отфрли гласините набргу потоа. „Јас сум здрав и полн со енергија“, рече тогаш Кадиров во објавата на Телеграм, додавајќи дека му е „жал што ги вознемирува“ сите што се надеваат дека е „смртно болен“, објави независниот руски весник „Москоу тајмс“ во средината на март.

Миријам почина по 32 години поминати во кома, сопругот секој ден ја посетувал

Ивона Петрова — Tue, 16 May 2023 05:33:59 +0000

Италијанец потврди дека неговата сопруга починала откако поминала повеќе од три децении во кома по страшна сообраќајна несреќа на Бадник во 1991 година. Миријам Висинтин, од Венето, починала на 10 мај во болницата Сан Басијано, каде што беше префрлена пред два месеци по акумулација на течност во нејзините бели дробови. Миријам била во кома 32 година, откако на Бадник во 1991 година доживеала сообраќајна несреќа, во која се здобила со повреда на мозокот. Нејзиниот сопруг Анџело Фарина, со кого беше во брак 33 години, изјави дека починала од срцев удар. -Конечно најде мир, конечно е во рајот. Бевме во брак само една година кога се случи трагедијата. Бевме толку млади и имавме многу планови. Судбината беше сурова кон неа. Таа не го заслужи тоа, изјавила Фарина. Миријам паднала во кома откако се здобила со тешки повреди на главата во несреќа кога нејзиниот автомобил изгубил контрола на ледената површина и удрил во столб. Лекарите по несреќата му рекле на Анџело дека неговата сопруга веројатно нема да ја преживее ноќта. Анџело вели дека ја посетувал сопругата секој ден во болница, често неколку пати на ден - и направил исклучок само за време на пандемијата. -Одев секој ден за време на паузата за ручек, најмалку 15 минути. И одев кај неа навечер. Да можев да се вратам во минатото, повторно би го направил истото“, изјави тој за Ла Република. Миријам била погребана во присуство на семејството и пријателите во нејзиниот роден град.

Американец во кома по 20.000 убоди од „пчели убијци“

Ивона Петрова — Thu, 01 Sep 2022 06:13:57 +0000

Дваесетгодишен Американец е во кома по 20.000 убоди од „пчели убијци“, информираше неговото семејство. Остин Белами е на респиратор и во индуцирана кома во болница во Синсинати, Охајо, јави телевизијата Фокс 19. Американецот несакајќи исекол кошница од пчели убијци, нарекувани и африкански пчели, што важат за доста агресивни. Пчелите ги нападнале и неговите баба и вујко, кои биле во близина, па не можеле да му помогнат. Момчето голтнало околу 30 пчели. Инцидентот се случил во петокот наутро, а медицински лица ги ваделе пчелите до неделата. Здравствените работници веруваат дека момчето целосно ќе закрепне.

Жена се разбудила по две години во кома и кажала кој ја нападнал во домот

Ивона Петрова — Mon, 18 Jul 2022 09:40:01 +0000

Жена од Западна Вирџинија се разбудила од двегодишна кома откако била брутално нападната и го идентификувала нејзиниот брат како напаѓачот. Ванда Палмер била згрижена во установа за трајна нега во Њу Мартинсвил, Западна Вирџинија, САД, откако била претепана во нејзиниот дом во јуни 2020 година. Кога Палмер била пронајдена, шерифот на Округот Џексон, Рос Мелинџер изјави дека таа била толку дивјачки нападната што надлежните помислиле дека е мртва. Установата за нега ги контактирала властите минатата недела. Даниел Палмер, братот на Ванда, е уапсен откако е идентификуван како напаѓач, објави „Метро њуз“. – Тој не пружаше никаков отпор и сл. Беше малку изненаден, но не целосно, изјави Мелинџер во врска со апсењето. Според надлежните, наводно, Даниел ја нападнал својата сестра со мачета или мала секира. Тој е уапсен под сомнение за обид за убиство и злонамерно повредување.

„ЧОВЕКОТ КОЈ СПИЕШЕ 19 ГОДИНИ“: Бил во кома поради несреќа, а потоа се случило чудо (ВИДЕО)

Магдалена Андонова — Sun, 03 Apr 2022 21:00:28 +0000

Тери Волис, познат како „човекот кој спиеше 19 години“, почина претходно оваа недела во Арканзас. Тери, роден во Арканзас, се разбудил од 19-годишна кома во 2003 година, откако во 1984 година за малку ќе го убила несреќа. Тој беше тема на многу вести и медицински написи, вклучително и списанието Тајм и Клиниката Мајо. Според некрологот обезбеден од погребниот дом Ролер-Кофман, Волис починала во Сирсија, Арканзас, во болницата за напредна нега во вторникот. Семејството на Волис соопшти дека несреќата се случила во 1984 година, шест недели откако се родила неговата ќерка, кога неговиот камион се лизнал од мостот во округот Стоун, Арканзас. По една година во кома, Волис се стабилизирал во состојба на минимална свест. Сепак, лекарите веруваа дека неговата состојба нема да се подобри, а неговото подобрување го шокираше светот. Тој стана тема на опширно медиумско покривање, а весниците и медицинските написи го нарекуваа „Човекот кој спиеше 19 години“.

ФОТО: 2- годишно девојче во кома по рутинска операција во приватна клиника, докторката немала лиценца

Катерина Бојаџиева — Sat, 13 Nov 2021 10:50:42 +0000

Една од двете докторки кои оперирале двегодишно девојче од Какањ, Босна и Херцеговина, кое паднало во кома откако работите се влошиле од непознати причини, нема лиценца за работа од Лекарската комора на Кантонот Сараево. Министерот за здравство Харис Враниќ, од Лекарската комора побарал информација за лиценците за работа на докторките од приватната офталмолошка ординација „Д-р Халимиќ“, а со увид во списокот лиценцирани доктори утврдено е дека една од нив ја немало на списокот, пренесува „Кликс.ба“. Ве известуваме дека докторката Нина Јовановиќ не е член на Лекарската комора на КС и нема лиценца од нашата комора, додека докторката Јасмина Халимиќ поседува важечка лиценца и е член на Лекарската комора, речено е од оваа установа. Освен што докторката Јовановиќ немала лиценца за работа, сомнителни се и апаратите во приватната клиника за анестезија и терапија на болката на анестезилогот д-р Суад Рожајац, а кои биле користени во текот на операцијата на девојчето. Проблемот е во тоа што тие не се законски верификувани, што според Законот за мерителство на БиХ значи дека ја немаат потребната дозвола. Инаку, девојчето од Какањ паднало во кома откако правело речиси рутинска операција во клиниката. На родителите, анестезиологот Суад Рожајац по операцијата им рекол дека не знае што се случило и дека се било во ред до самиот крај на операцијата. Заради тоа утрово службеници на Кантоналната управа за инспекциски работи на Кантонот Сараево влегоа во просториите на приватната клиника Бајтовиќ, а во која се наоѓаат изнајмените простории на приватната клиника „Халимиќ“.

Навивачот на Сити сè уште во кома по нападот во Белгија

Тале Кристо — Fri, 22 Oct 2021 12:21:26 +0000

Навивачот на англискиот фудбалски клуб Манчестер сити, кој беше нападнат на пат кон својот дом на враќање од натпреварот против Клуб Бриж во Лигата на шампиони одигран неделава во Белгија, е во стабилна состојба, но сè уште е во кома, соопшти денеска Обвинителството. Сити во вторникот го совлада Бриж на гостински терен со 5-1, а по натпреварот се случи инцидент кога 63-годишен белгиски навивач на Сити беше физички нападнат на паркинг од пет лица и поради сериозни повреди веднаш беше пренесен во болница. Еден од осомничените напаѓачи е обвинет за кражба со тешко насилство, еден за нанесување тешки телесни повреди, а сите петмина се обвинети за небрежност. Петмината напаѓачи денеска беа изведени во судот во Гент. Тројца од нив се пуштени под строг надзор, вклучувајќи и забрана за посета на фудбалски натпревари, додека двајца останаа притвор. Белгиско Обвинителство соопшти дека повредениот навивач „има повреди опасни по живот“.

ВО КОМА, И СЕ БОРИ ЗА ЖИВОТ: Татко се ЖРТВУВАЛ да го спаси синот од група тинејџери!

Тале Кристо — Mon, 12 Apr 2021 13:37:34 +0000

Група тинејџери претепала негувател во Вортинг во Западен Сасекс, откако тој се обидел да го спаси својот 11-годишен син од малтретирање додека бил во парк. Ален Вилсон (46) притрчал од својот дом до паркот Лонгкровт кој бил во близина, откако слушнал дека група на силеџии го малтретираат неговиот син. Но кога се обидел да интервенира, тие со непознатпредмет го удриле по главата и се онесвестил пред очите на неговиот син. Тој претрпел повредина главата, се здобил со скршеници,а лекарите морале да интервенираат со операција на мозокот во болница во Брајтон.

A care worker is in a coma in hospital after being attacked in a park in #Worthing, Sussex.

46-year-old Alan Willson was near the family home when he was set upon and knocked unconscious on Easter Sunday. His family fear he could be brain damaged. https://t.co/dtLh3uOOfR
— ITV News Meridian (@itvmeridian) April 8, 2021

Моментално е во кома и се бори за својот живот. Петмина малолетници се уапсени поради обид за убиство и нанесување на тешки телесни повреди. Четворица од нив се уапсени во неделата, а еден малолетник во понеделникот. Сите петмина излезгле со кауција, но забрането им е да се гледаат меѓусебно и ограничено им е излегувањето. Неговата сопруга Ени (49) рекла дека нејзиниот сопруг се бори за живот после операцијата. Таа на социјалните мрежи објави дека Ален бил „најљубезниот и најнежниот човек на светот“ и дека нивниот син е истрауматизиран од целиот настан.

Тоти се сретна со девојката која се разбуди од кома

Магдалена Андонова — Tue, 29 Sep 2020 08:14:12 +0000

Франческо Тоти покажа дека е легенда и надвор од фудбалот, откако се сретна со Иленија Матили, 19-годишната поранешна фудбалерка и голем навивач на Рома, која се разбуди од кома слушајќи ја неговата видео порака со поддршка. Родителите на Иленија, неодамна, во интервју за весникот „Ла република“ објаснија дека видео пораката на Тоти со зборовите: „Не предавај се Иленија, сите сме покрај тебе“, помогнала таа да излезе од кома во која била поставена во декември минатата година по тешката сообраќајна несреќа. Тие исто посакаа тој да дојде да ја посети. Тоти ја исполнил желбата на родители ја посетилболницата во Рим каде што Иленија го продолжува опоравувањето – уште не зборува, но со помош на таблет комуницираше со Тоти. Се насмеа, ме гушна и заплака. Беше прекрасно да ја запознаам и ќе се видиме кога ќе излезе од болница. – вели Тоти. Тоти целата фудбалска кариера ја помина во Рома и заслужено го доби надимакот „Принцот од Рим“

Неверојатно: Се разбуди од деветмесечна кома слушајќи го гласот на нејзиниот идол Тоти од ФК „Рома“

Магдалена Андонова — Sun, 27 Sep 2020 20:30:30 +0000

Љубовта кон фудбалот, особено кон нејзиниот идол Франческо Тоти, и помогнале на младата девојка Илениа да се разбуди од 9-месечна кома. Девојката од декември, минатата година по тешка сообраќајна незгода паднала во кома. Како верен фан на ФК „Рома“ и голем обожавател на фудбалерот Тоти, играчите ја знаеле Илениа и кога слушнале за нејзината сообраќајка и исходот од неа, снимиле видео порака. Специјална порака за поддршка за својот обожавател снимил и Тоти. По девет месеци се случило чудо. Оваа приказна на својот фејсбук профил ја сподели групата „Genius footbal“, приказна кој никого не остава рамнодушен: „Илениа Матили (19) е млад фан на фудбалскиот клуб „Рома“, која беше во кома од сообраќајна несреќа во декември. После 9 месеци во кома, нејзините родители објавија дека таа се разбудила слушајќи видео порака испратена од нејзиниот идол Франческо Тоти! „Илениа не се предавај, ти ќе успееш, сите сме со тебе“, е видео пораката на Тоти. Младата Илениа се разбудила слушајќи го гласот на Тоти, велат нејзините родители и му се заблагодарија на Тоти: „Вашиот фантастичен глас, во комбинација со страста, љубовта што Илениа секогаш ја имала кон „Рома“, го поттикна нејзиното будење и враќање на нејзината заразна насмевка“. Каква приказна. Фудбалот е повеќе од обична игра“.