командант хоџа – Kurir.mk

Командант Хоџа ќе биде обесштетен за раскинувањето на советничкиот договор со Владата

Катерина Бојаџиева — Mon, 14 May 2018 11:04:13 +0000

Џезаир Шакири, познат како Командант Хоџа ќе добие износ во пропорционален сооднос со траењето на неговиот договор, појасни портпаролот на Владата Миле Бошњаковски, на прашањето од „Мета“ дали на Шакири ќе му биде исплатен надомест, односно плата за неговиот ангажман во Владата. Од Владата пред една седмица наведоа дека поранешниот командант на ОНА и човекот што важеше за „господар“ на Танушевци, и неколкупати по воениот конфликт во 2001 година даваше милитантни и радикалистички изјави, бил ангажиран како специјален советник на премиерот Зоран Заев како надворешен соработник од областа на внатрешната безбедност и борба против радикализмот. Инаку, за тоа беше предвидена плата од 36.000 денари.

Советникот на Заев, Командант Хоџа тврди: ВЕРУШЕВСКИ СТОИ ЗАД СЛУЧАЈОТ СОПОТ! (ВИДЕО)

Ивана Ефремовски — Sun, 13 May 2018 07:10:18 +0000

Шокантни тврдења од страна на човекот кого Заев си го избра за свој советник за безбедност, Шаќири – командант Хоџа. Тој тврди дека Зоран Верушевски учествувал во организирање на терористички акти со подметнување на бомби во кои загинале цивили ,припадници на АРМ, па дури и НАТО војници. За командант Хоџа, актуелната Влада има доста високо мислење. Така, премиерот лично си го вработи во кабинетот за да го советува за безбедност, а министерот за внатрешни работи, Оливер Спасовски, го оправда ова вработување чудејќи се зошто некој истото го нарекува контроверзно. Владата на СДСМ преку нејзини високи претставници тврдеше дека овој човек има углед и е познавач на теренот. КУРИР деновиве објави низа скандалозни изјави од Шаќири, но најголемиот скандал го вадиме на очиглед на јавноста денес. ВНИМАТЕЛНО ПОГЛЕДНЕТЕ ГИ ТВРДЕЊАТА ДАДЕНИ ВО ИНТЕРВЈУ ВО 2010-ТА ГОДИНА КУРИР ВИ ГИ ПРЕНЕСУВА НАЈСКАНДАЛОЗНИТЕ ДЕЛОВИ ОД ИЗЈАВИТЕ НА ЧОВЕКОТ КОГО ЗАЕВ ГО ИЗБРА ЗА СВОЈ СОВЕТНИК ЗА БЕЗБЕДНОСТ! Новинар: За доказите говоревте и во 2003-та, 2004-та и 2005-та година. Дали може барем еднаш да кажете кои се тие лица или тој човек кој ја подметнал бомбата во Сопот? Рековте дека ги имате доказите и ако сите овие личности од политиката во Македонија и од меѓународниот фактор знаат кој го сторил тоа, зошто тогаш да не се спомнат имиња? Шаќири: Ние случајно наидовме на едно 16-годишно момче кое било принудено да подметне мина во Сопот, ни ги кажа сите детали. Новинар: За кого станува збор? Шаќири: Тоа е Артим Дестани од селото Лојане, младо момче кое било манипулирано од тогашните структури на југословенската УДБА и денешна ДБК во Македонија предводени од ЗОРАН ВЕРУШЕВСКИ. Новинар: Претходно го спомнавте и Зоран Верушевски. Која била неговата улога во сето ова? Шаќири: Преку канцеларијата на ЗОРАН ВЕРУШЕВСКИ како поранешен директор на ДБК овие процеси биле монтирани, ја подметнаа експлозијата во кумановската железница близу село Ваксинце, две бомби во Куманово, две во Скопје, едната близу гимназијата, не знам дали бепе средно или основно училиште, но за среќа бомбата експлодираше пет минути пред децата да излезат, едно лице почина. Друга мина експлодираше над село Лојане каде почина војник на АРМ. ВЛАДО БУЧКОВСКИ беше министер, сите овие докази ги имаат институциите во тоа време. Многу добро денес знае ВЛАДО БУЧКОВСКИ да излезе да покаже добра волја да изјавува во корист на случајот Сопот. Бучковски можел тоа да го направи подобро во тоа време, да не изигрува демократ и праведен сега во 2010-та, бидејќи тоа можел да го направи која бил премиер бидејќи располагал со сите докази, бидејќи кога ЗОРАН ВЕРУШЕВСКИ замина имал негов близок директор, Миле Зечевиќ! Овие терористички акти во јавноста предизвикаа страв и тензии. Државата беше доведувана до нестабилност , а состојбата имаше потенцијал да предизвика меѓуетнички судир. Лицето кому премиерот Заев му даде максимална доверба да го советува за БЕЗБЕДНОСТ, тврди дека зад случајот СОПОТ стои Зоран Верушевски. Јавноста многу добро знае, пак, каква е поврзаноста меѓу Верушевски и Зоран Заев. Во 2003-та година, само две години по конфликтот во 2001-ва, двајца припадници на полскиот контигент на НАТО и едно цивилно лице загинаа, а двајца преведувачи беа повредени во експлозија на локалниот пат Сушево-Сопот. Следуваше тензична атмосфера на безбедносен и меѓуетнички план. Сличајот долги години се влечеше по судници. Во март 2010-та година се слушна пресудата. -Единаесеттемина жители на селото се виновни за поставување на мина на железничката пруга во селото во 2003 година кога загинаа двајца војници од контингентот на НАТО и еден жител на селото. Вкупно ќе треба да одлежат 150 години затвор. Шестмина од нив се осудени на затворска казна затвор во траење од 15 години, а еден на 14-годишна затворска казна, пренесоа медиумите. Специјалното јавно обвинителство на Катица Јанева го бараше случајот Сопот во своја надлежност. Потоа се откажа од гонење за тероризам на обвинетите во случајот СОПОТ, бидеќи немала доволно докази. Осудените, беа ослободени од затвор.

ДА СЕ ИСТРАЖАТ ТВРДЕЊАТА НА КОМАНДАНТ ХОЏА, ЧОВЕКОТ КОЈ БЕШЕ НАЗНАЧЕН ЗА СОВЕТНИК НА ЗАЕВ

ВРЗ ОСНОВА НА РЕЛЕВАНТНОСТА НА ИЗВОРОТ, ЧОВЕК ВО КОГО ПРЕМИЕРОТ И ВЛАДАТА ИМА СИЛНА ДОВЕРБА ДА ИМ БИДЕ СОВЕТНИК ЗА БЕЗБЕДНОСТ, СЕ ОЧЕКУВА ИНСТИТУЦИИТЕ ВО НАЈБРЗО МОЖНО ВРЕМЕ ДА СЕ ПРОИЗНЕСАТ ПО ОДНОС НА ОВИЕ КВАЛИФИКАЦИИ. КОМАНДАНТ ХОЏА Е ОЧИГЛЕДНО ЛИЦЕ ВО КОЕ ЧЕЛНИЦИТЕ НА ВЛАСТА ИМААТ МАКСИМАЛНА ДОВЕРБА И ЗА КОГО ТВРДЕА ДЕКА Е ДОБАР ПОЗНАВАЧ НА СОСТОЈБИТЕ. ТОА Е ПРИЧИНА ПОВЕЌЕ ЗА ОВИЕ НЕГОВИ ТВРДЕЊА ДА ИЗЛЕЗАТ НА ВИДЕЛИНА И ДА БИДАТ ПРЕДМЕТ СО КОЈ НАДЛЕЖНИТЕ МОРА ДА СЕ СООЧАТ И ДА ПРЕВЗЕМАТ НЕШТО.

Дали за ова беше договорот на Заев со Хоџа: СДСМ доби 240 гласови од местата каде УЧК уби 4 припадници на АРМ и МВР

Ивана Ефремовски — Sat, 12 May 2018 13:05:10 +0000

За свој советник во владиниот кабинет, Зоран Заев си го избра командант Хоџа. Му понуди плата од 36.000 денари за функцијата советник за безбедност. Јавноста ги погледна неговите скандалозни изјави дека се гордее со терористите од Диво Насеље, дека сака федерализација на Македонија и слично, па излезе со остри реакции. Командант Хоџа под притисок на јавноста се повлече од оваа функција. Сепак, останува фактот дека Заев сам си го избра ова лице за негов советник. Што стои зад оваа соработка? СДСМ на изборите доби240 гласови во Танушевци, Малина Маало и Брест каде УЧК уби четири припадници на македонската Армија и полиција. На овие места командант Хоџа „оперираше“ во 2001-ва година кога паднаа жртви од страна на македонските бранители. Во овие три села, каде командант беше Хоџа, а Заев доби гласови на изборите, беа положени 4 млади животи. Кирчо Димитриов имаше само 33 години кога загина на 4-ти март 2001-ва година во Танушевци при експлозија на нагазна мина, поставена од терористите на ОНА. Беше македонски бранител, капетан во АРМ, учесник во Воениот конфликт во Македонија во 2001 година. Заедно со Кирчо, на ова место загина и Дејан Јакимовски кој тогаш имаше само 25 години. Беше македонски бранител, водник во АРМ, учесник во Воениот конфликт во Македонија во 2001 година. Загинал на 4 март во Танушевци при експлозија на нагазна мина, поставена од терористите на ОНА. На 24-годишна возраст беше убиен Теодор Стојановски кој тогаш имаше 24 години. Стојановски бил македонски бранител, војник во АРМ, учесник во воениот конфликт во Македонија во 2001 година. Загинал на 4 март 2001 на Караула Танушевци од снајперски оган од терористите на ОНА. 28-годишниот Горан Стојановски исто така го загуби својот живот во селото каде беше командант човекот кој Заев го избра за советник. Бил македонски бранител, припадник на посебната единица ПЕП, учесник во воениот конфликт во Македонија во 2001 година. Убиен е на кукавички начин на 8 март 2001 година откако налетал на нагазна мина во придружба на конвојот со хуманитарна помош. Потоа бил гранатиран од минофрлач од страна на терористите од ОНА. 240 гласови од овие села на контото на Заев и СДСМ. Во овие села, на изборите во 2016-та и 2017-та година, гласови добиваше тогашната опозиција, а денес власт.

ВИДЕО: Заев за советник си избрал човек кој се залага за федерализација на Македонија

Ивана Ефремовски — Sat, 12 May 2018 08:25:36 +0000

Џезаир Шаќири, познат како командант Хоџа е лицето кое Зоран Заев си го вработи како свој советник. Под остар притисок од јавноста и медиумите, Шаќири вчера соопшти дека се повлекува од оваа функција. Сепак, останува прашањето кој дозволи овој човек да влезе во кабинетот на Заев? Според информациите кои допреа до медиумите, Зоран Заев лично ги бирал своите советници, меѓу кои и командант Хоџа, човек кој јавно се залага за федерализација на Македонија. -Мене ми се допаѓаат идеите на НДП и на Зијадин Села каде што велат стоп, до сега сте правеле што сте правеле со Албанците во Македонија, сега да одиме со федерализација на Македонија. И тоа се идеи за поздравување кои треба да се поддржат, вели човекот кого Заев го назначи за советник. Новинарот го прашува Шаќири: „Што значи федерализација, отцепување“? -Не, отцепување не се дозволува без меѓународната заедница која одлучува, но во рамките на шаховските коцки можеме да бараме федерализација, конфедерализација. Тоа се примери со кои дури и државите од европската заедница кога имале конфликти меѓу две националности ги стагнирал понатамошните проблеми. Јас лично, како единствен избор го гледам федерализирањето на Македонија, истакнува командант Хоџа. Да потсетиме, деновиве објавивме повеќе скандалозни изјави од овој човек. Така, човекот кој Заев си го избра за советник, предлага паралелни институции и соединување на Македонија кон Албанија. Порачуваше и дека Албанците во Македонија треба да војуваат со Македонците. Најсилни реакции кај јавноста јавија неговите изјави дека е горд на терористите кои кај Диво Насеље убија 8 и ранија над 30 припадници на македонските безбедносни сили. За командантите вели дека е горд на нив и сега му се другари. -Јас сум горд што ми биле другари, се бореле како лавови. Биле предадени и сепак издржале се до последен момент онака како што им доликува на јунаците слични на Мит Соколи на нашата нација, рече тој во интервју за KTV. Човекот кој Заев си го избра за советник искажува своевидна гордост за пукањето кон големиот број на припадници на македонските безбедносни сили во тоа време. -Да кажам само еден пример, единицата Тигри има 520 припадници кои што важат за најсилни и најтренирани во Македонија. Од нив 8 се убиени и 37 ранети. Ако ги поделиш излегува дека 10 % од најсилната полициска единица во Македонија се елиминираше. Да не зборуваме за деморализирање на останатите кои, според информациите што ги имаме се со големи трауми, истакна командант Хоџа.

Заев тврди дека Хоџа се повлекол зашто си ја сака државата, а тој јавно кажува оти не го интересира дали таа ќе постои или не (ВИДЕО)

Даниел Василев — Fri, 11 May 2018 15:04:28 +0000

Ние не сакаме да знаеме дали ќе постои или не оваа држава, дали оди напред или заостанува назад, се додека не постигнеме договор. Некој договор пред да влеземе во влада дека ова е наш дел и за тоа не разговараме. И дали функционира оваа држава или не, нас не не интересира. Ова во телевизиско интервју го изјавил Џезаир Шаќири, познат како Командант Хоџа, кој пет дена му беше советник на премиерот Зоран Заев, пред денеска да си поднесе оставка. Оваа изјава во интервјуто, се коси неговата денешна изјава и изјавата на Заев. - Му најавив на премиерот дека се повлекувам од функцијата бидејки не сакам да му наштетам нему, а особено не на земјава кон патот на ЕУ и НАТО, рече Шаќири за НоваТВ. Заев, пак, денеска во Охрид изјави дека Шаќири му рекол оти му пречат реакциите на јавноста и дека ќе се повлече затоа што си ја сака државата. Симптоматично е како некој може да се повлече од функцијата затоа што си ја сака државата, а од друга страна да дава изјави оти не го интересира како функционира таа. За ова денеска реагираше и ВМРО-ДПМНЕ. Партискиот портпарол, Наум Стоилковски потенцира дека Хоџа јасно вели оти не го интересира дали Македонија ќе постои или нема да постои. - Јасно е дека Хоџа не го интересира дали Македонија оди напред или назад и дали државата функционира или не. Хоџа можеби сака некаква Македонија, но не унитарна и мултиетничка каква што е сега. Сега да погледнеме како размислува Хоџа за војна и за припојување кон Албанија или Косово, пред да биде поставен на висока функција од неговата политички звезда Зоран Заев, вели Стоилковски. Тој додава дека Заев пред да го именува таканаречениот Командант Хоџа за свој премиерски советник ги знаел овие негови ставови. Така што Зоран Заев лаже. Тој се сретнал со него и разговарале за позициите на Џезаир Шаќири кој се наоѓа и на американската црната листа. И покрај се, Заев одлучил дека тој е најкомпетентен да му биде советник за безбедност и борба против радикализам. -Ваквото однесување на Зоран Заев е срамно. Ваквото мајтапење со граѓаните, државата и нејзините институции е недозволиво. Зоран Заев и сите оние кои што ги вршеле безбедносните проверки за Командантот Хоџа и препорачале тој да биде висок функционер мора да сносат одговорност. Пред само неколку дена дури и Министерот за внатрешни работи Оливер Спасовски го бранеше именувањето на Хоџа и не гледаше ништо спорно и контраверзно во фактот дека радикал од црната листа, чие име се поврзува и со убиство на полицаец, треба да го советува и премиерот и за полицијата. Време е сите овие натуршци во македонската политика да си заминат. Граѓаните не заслужуваат ваква неодговорна и криминална власт, истакна Стоилковски.

Заев задоволен од Командант Хоџа: Коментарите на јавноста го погодија Шакири, но не и премиерот на државата

Матеја Петровски — Fri, 11 May 2018 13:55:59 +0000

Реакциите и барањата од јавноста стигнаа до ушите на Џезаир Шакири, познат како Команадант Хоџа, но не и до ушите на премиерот Зоран Заев. Командант Хоџа по острите реакции околу неговото поставување како советник во Владата на Зоран Заев и СДСМ, реши да поднесе оставка. И самиот Зоран Заев денеска во изјава потврди дека оној на кој му пречеле коментарите од јавноста е Шакири. -Шакири ми кажа дека денеска ќе соопшти дека ќе се повлече од позицијата поради реакциите во јавноста. Тој вели дека и него му пречат реакциите и ќе се повлече затоа што си ја сака државата – изјави Заев од Охрид. Премиерот Заев во својата изјава, никаде не кажа дека коментарите на голем број граѓани не му пречат на него. Тој пред неколку дена изјави дека Шакири може да му биде од помош доколку се појават одредени екстремистички или радикални групи на територијата каде што живее, каде што го познавал теренот, а можел да помогне и во градењето на концептот „едно општество за сите“. -Тој е граѓанин на Република Македонија. Во делот на севкупната ресоцијализација или консолидација во нашето општество и во врска со концептот едно општество за сите, јас не ги делам граѓаните на Македонија. Апсолутно верувам дека секој може да биде ангажиран некаде како соработник, некаде како советник, некаде директно вработен во јавните институции ако може да помогне, изјави Заев. Шаќири кој според собраниската биографија има само средно образование, на функцијата надворешен соработник од областа на внатрешната безбедност и борба против радикализмот, за потребите на Канцеларијата на претседателот на Владата на Република Македонија, ќе заработува плата од 36.000 денари или 600 евра. Премиерот оваа одлука за високата плата на Командант Хоџа ја оправда со тоа дека тој имал многудетно семејство кое требало да го издржува. Изјавата на Заев дека го вработил Шаќири за да зема „плата за лепче за многудетното семејството“, ја демантираше самиот Командант Хоџа, кој денеска во изјава за МИА потврди дека ја напушта функцијата. -Причината за тоа лежи во фактот дека медиумите во Македонија кренаа преголема врева за ова назначување. Единствениот политичар во Македонија што ми укажал некаква шанса е премиерот Зоран Заев и тој единствено ја има мојата почит. Не сакам заради ова Македонија да трпи на својот пат за ЕУ и НАТО. Ако мислеа дека ми е до тие пари, се лажат. Еве им ги назад, не ми се потребни, изјави Шакири. Инаку, освен коментарите на јавноста кои очигледно не му сметаат на Заев, исто така не му сметаат ниту коментарите од меѓународните дипломати. Пред само неколку дена реакција за одлуката од „Илинденска“ пристигна и од Американската амбасада во Скопје, од каде посочија дека се загрижени поради именувањето на двајца советници на Заев, Љубе Бошковски како советник за привлекување на странски инвестиции и Џезаир Шаќири – Хоџа за советник за борба против радикализмот, бидејќи и двајцата се наоѓале на црната листа на САД. На прашање за ставот на Американската амбасада од ТВ21 се наведува дека ја изразиле загриженоста до Владата на Заев и дека со фактот дека овие високи функционери во владата се наоѓаат на црната листа, ова претставува ненадминлива пречка за работниот однос меѓу владата и амбасадата. -Ние ја изразуваме нашата загриженост до Владата на РМ бидејќи сметаме дека назначувањето на одредени функционери претставува проблем. На претставниците на американската амбасада во Скопје им се забранува да имаат работна со луѓе што се на листа на контрола на странски имот да одредени државјани како и блокирани лица, се вели во одговорот на амбасадата на САД. Инаку, покрај коментарите од граѓаните и експертската јавност беше зачудена од одлуката на Заев, како свој советник да го постави Шакири. Во разговор за „Независен весник“ новинарот и политиколог Џенур Исени, иако не верува дека, особено Џезаир Шаќири и Љубе Бошковски се вработени според системот на заслуги, сепак е убеден дека премиерот Заев има добри причини поради кои ги направил овие потези. -Во контекст на интелектуалниот капацитет на најновите специјални советници во кабинетот на премиерот Заев, тие немаат никаква допирна точка со заслугите и исполнувањето на условите. Можеби едниот има заслуги поради геноцидот над Албанците во 2001 година, и можеби поради ова е награден токму со таа функција. Што се однесува до вториот советник, никој не ги оспорува неговите заслуги во војната во 2001 година додека ги бранеше боите на ОВК, но ги знаеме неговите образовни капацитети. Да не претерам, но ова лице допирна точка со образованието имаше само додека јадеше ‘супа со букви’. Сепак, убеден сум дека премиерот Заев не го вработил без некој интерес што вработениот треба да го исполни. Но, за што точно се работи, многу брзо ќе покаже времето, но во овој случај не се работи за вработување според заслуги, рече Исени. Со реакција околу поставувањето на Командант Хоџа излезе и лидерот на ВМРО-ДПМНЕ, Христијан Мицкоски. Тој кажа дека лична работа на Заев е желбата да му помогне на шакири, дека двајцата дека делат иста идеологија и исти вредности, но кажа дека тоа што се политички истомисленици и постигнале некаков меѓусебен договор, не му дава на Заев за право да го вработува на висока функција во владата и да го плаќа со пари на граѓаните. -Но, тука е важна и една друга порака. Се уште немаме одговор на прашањето кој го заробил, и кој го ослободил Танушевци, и зошто доколку било тоа така надлежните органи не реагирале и не ја известиле јавноста. И суштинската дилема останува, доколку некој се дрзне да направи некое незаконско дело, нападне полиција или нешто слично, наместо да биде санкциониран добива место во Владата. Ова е случај каде се рушат вредности, а преседанот станува правило, рече Мицкоски и додаде: „Предупредувам, дека е исклучително опасно ваков човек да биде поставен на така висока и чувствителна функција. Човекот е на американската црна листа, а сега треба да добива информации кои се државна тајна и да советува околу безбедноста. Го повикувам премиерот Зоран Заев да го раскине договорот за вработување на Џезаир Шакири во Владата и доколку толку многу сака да помогне можеби е добро да го вработи во неговата семејна компанија Тотал инженеринг. Убеден сум дека чесните граѓани на Македонија не би сакале да финансираат некој што се заканувал и велел дека доколку имал оружје, Македонците ќе ги протера од овие простори“.

По реакциите од јавноста Командант Хоџа се повлекува од советничката функција во Владата

Матеја Петровски — Fri, 11 May 2018 10:17:14 +0000

Реакциите на експертите и јавноста вродија со плод, Џезаир Шаќири, познат како Командант Хоџа ќе се повлече од советничкото место во Владата на Република Македонија. Иако премиерот кажа дека Командант Хоџа може да му биде од помош, сега најави дека по острите реакции од јавноста Шаќири ќе се повлече од местото кое му беше доделено. Заев кажа дека сам изразил желба да се повлече од премиерскиот кабинет. -Шакири ми кажа дека денеска ќе соопшти дека ќе се повлече од позицијата поради реакциите во јавноста. Тој вели дека и него му пречат реакциите и ќе се повлече затоа што си ја сака државата – изјави Заев од Охрид.

СКАНДАЛОЗНО: Советникот на Заев предлага паралелни институции и соединување на Македонија кон Албанија (ВИДЕО)

Ивана Ефремовски — Fri, 11 May 2018 08:00:26 +0000

Џезаир Шаќири, познат како командант Хоџа е лицето кое Зоран Заев си го вработи како свој советник. Скандалите за неговото име секојдневно се нижат, но најмногубројни се неговите изјави од минатото против Македонија. Вчера објавивме интервју во кое тој вели дека е горд на терористите кои кај Диво Насеље убија и ранија голем број на припадници на македонските безбедносни сили. Во ова негово интервју, советникот на Зоран Заев порачува дека Албанците во Македонија треба да добијат паралелни институции или да се соединат со Албанија. -Албанците конечно треба да размислат, имаат две опции. Или да се подготвуваат за војна бидејќи имале многу причини да го земат оружјето и да се бранат од македонските напади или да чекаат додека да ги преселат сите Албанци од Македонија во Косово и Албанија, најдобро е да почнат да мислат на таков план, таков проект кој бара од Мендух Тачи или Али Ахмети и другите албански партии. Ако некој бара мое мислење ќе речам дека е добро да се почне да се градат паралелни институции, како што направиле во Косово во времето на Милошевиќ. Подобро е да се соединиме со Албанија отколку со овие кои не напаѓаат секојдневно, вели командант Хоџа. Советникот на Заев во ова интервју им порача на Албанците во Македонија да прават платформа и да се соединат со Албанија. -Нека прават платформа во интерес на Албанците, да не се занимаваат со тоа што прават Македонците со името или нешто друго. Ние сакаме во НАТО, сакаме во Европа, ја имаме Албанија, Косово. Косово има свои проблеми, но зошто да не се соединиме со Албанија, вели тој во ова интервју.

Советникот на Заев: Горд сум на јунаците од „Диво Насеље“ кои убија 8 и повредија 37 македонски полицајци (ВИДЕО)

Именувањето на Џезаир Шаќири, алијас Командант Хоџа за советник за безбедност на премиерот Зоран Заев, не престанува да ја бранува јавноста. Во конфликтот од 2001 година во кој загинаа 75 припаднции на македонските безбедносни сили, Командант Хоџа беше еден од командантите на ОНА. За командантите вели дека е горд на нив и сега му се другари. -Јас сум горд што ми биле другари, се бореле како лавови. Биле предадени и сепак издржале се до последен момент онака како што им доликува на јунаците слични на Мит Соколи на нашата нација, рече тој во интервју за KTV. Актуелниот советник на Заев искажува своевидна гордост за големиот број на припадници на македонските безбедносни сили во тоа време. -Да кажам само еден пример, единицата Тигри има 520 припадници кои што важат за најсилни и најтренирани во Македонија. Од нив 8 се убиени и 37 ранети. Ако ги поделиш излегува дека 10 % од најсилната полициска единица во Македонија се елиминираше. Да не зборуваме за деморализирање на останатите кои, според информациите што ги имаме се со големи трауми, истакна командант Хоџа.

Навреда за годишнината од убиствата: Заев беше дома кај Харадинај, чија Влада даде пари за терористите кои убиваа македонски полицајци во Куманово

На годишнината од убиството на осум македонски полицајци и ранувањето на повеќе од 30 нивни колеги, Зоран Заев беше на гости кај Рамуш Харадинај. Владата на косовскиот премиер им подели 220.000 евра на семејствата на осудените терористи кои пукаа во припадниците на македонските безбедносни сили. Заев, во придружба на неговата сопруга, Зорица Заева, завчера биле во приватна посета на Харадинај. За посетата Харадинај напиша на Фејсбук: „Заедно со Анита, го поздравивме нашиот личен пријател и македонски колега, Зоран Заев, со неговата сопруга Зорица, со желба за нашето пријателство да размислуваме за односите меѓу нашите две земји и народи“.

Скандалозно: Од 56 советници на Зоран Заев, дури 33 ќе си седат дома и нема да одат на работа во Влада, а народот ќе ги плаќа

Дури 33 од 56-те советниците на Заев ќе седат дома и нема да одат на работа во Влада, а ќе земаат плата за која пари ќе издвојуваат граѓаните. Таков е примерот и со Џеваир Шаќири, познат како Командант Хоџа кој Заев ќе го советува за 36.000 денари месечно. 23 лица кои го советуваат премиерот Зоран Заев секој ден одат на работа во Владата и имаат свои канцеларии, додека 33 надворешните соработници не доаѓаат на работа туку советуваат по потреба, велат од Владата заСАКАМДАКАЖАМ.МК.

Заев не го интересира загриженоста на граѓаните и американска амбасада за именувањето на Командант Хоџа за советник

Матеја Петровски — Fri, 11 May 2018 07:54:35 +0000

Реакциите и револтот од страна на граѓаните по именувањето на Џезаир Шаќири – алијас командант Хоџа за советник за безбедност и борба против радикализмот во владата на Зоран Заев, не стивнуваат. Пред само неколку дена реакција до „Илинденска“ пристигна и од Американската амбасада во Скопје, посочувајќи дека се загрижени за именување на двајцата советници на Заев, Љубе Бошковски како советник за привлекување на странски инвестиции и Џезаир Шаќири – Хоџа за советник за борба против радикализмот, бидејќи и двајцата се наоѓале на црната листа на САД. На прашање за ставот на Американската амбасада од ТВ21 се наведува дека ја изразиле загриженоста до Владата на Заев и дека со фактот дека овие високи функционери во владата се наоѓаат на црната листа, ова претставува ненадминлива пречка за работниот однос меѓу владата и амбасадата. -Ние ја изразуваме нашата загриженост до Владата на РМ бидејќи сметаме дека назначувањето на одредени функционери претставува проблем. На претставниците на американската амбасада во Скопје им се забранува да имаат работна со луѓе што се на листа на контрола на странски имот да одредени државјани како и блокирани лица, се вели во одговорот на амбасадата на САД. Според одредени неофицијални информации кои ги пренесуваат дел од медиумите незадоволство има и од страна на коалициониот партнер на СДСМ, Демократската унија за интеграција, поради ваквата одлука на Заев. Но зошто се уште премиерот Зоран Заев не реагира на незадоволството, реакциите и револтот од страна на граѓаните и укажувањата на Американската амбасада, отвора дилема дали Заев е уценет и поради тоа ги вдомува и дели високи функции од „ракав“ на грб на народни пари. За потсетување Џезаир Шеќири Хоџа е еден од првите команданти на т.н. ОНА, уште од време на настаните околу с. Танушевци. Подоцна е активен и во кумановско липковскиот регион и во с. Арачиново. Се работи за лице исламско-фундаменталистички фанатик и лице поврзано со директно извршување убиство на припадник на МВР во ТЦ. Чаирчанка Скопје.

Советникот на Заев: Секако дека Албанците имаат причина да војуваат со Македонците (ВИДЕО)

Ивана Ефремовски — Thu, 10 May 2018 11:41:40 +0000

Командант Хоџа, кого премиерот Зоран Заев го вработи во Владата како негов советник, смета дека Албанците треба да војуваат со Македонците. Џезаир Шаќири, алијас Командант Хоџа кој е именуван за советник за безбедност на премиерот Зоран Заев, во интервју за KTV одговара на прашањето: Дали моментално Албанците во Македонија имаат причина за да војуваат со Македонците? -Секако, вели тој. Новинарот потоа го прашува Шаќири „Дали тоа е единствениот начин на кој Албанците можат да ги добијат нивните права?“, на што тој одговара: -Не, не, не е единствен начин бидејќи не сме во можност да војуваме и ќе треба да почекаме затоа што имаме проблеми со нашите политичари кои попрво гледаат да не му расипуваат ќеиф на Никола Груевски и Али Ахмети отколку да ги бранат интересите на народот кој е напатен, вели тој во интервју дадено во 2015-та година за KTV.