комар – Kurir.mk

Играле комар во Тетово, па полицијата им ги зема парите

Ивана Ефремовски — Wed, 22 Mar 2023 19:13:23 +0000

СВР Тетово поднесе кривична пријава против А.Г.(56), Ј.Т.(51), двајцата од село Требош, С.Л.(47) од село Шипковица, Е.Х. (66) од Тетово и И.М.(50) село Мала Речица поради постоење основи на сомнение за сторено кривично дело „комар“. На 19.02.2023, полициски службеници од СВР Тетово извршиле контрола во угостителски објект на ул.„Мурат Бафтијари“, при што ги затекнале лицата при играње комар и од нив биле одземени пари во различни апоени и други предмети.

Во изнајмен објект во Прилеп затекнати 9 лица- тројца играле комар, а еве што било пронајдено

Катерина Бојаџиева — Thu, 23 Feb 2023 19:04:42 +0000

На 22/23.02.2023 во периодот од 23.40 до 01.00 часот, врз основа судска наредба, полициски службеници од ОВР Прилеп извршиле претрес во објект на ул.„Борка Левата“, сопственост на Б.С.(36) од Прилеп, а кој под наем го користел И.Л.(39) од Прилеп. При претресот, во објектот биле затекнати девет лица, од кои три играле комар и кај нив биле пронајдени и одземени пари, карти и други предмети. По целосно расчистување и документирање на случајот ќе следува соодветна пријава.

Битолчани ќе одговараат за кривично дело „комар“

Ивана Ефремовски — Mon, 20 Feb 2023 18:53:37 +0000

СВР Битола поднесе кривична пријава против Е.А.(56) и Р.В.(47), двајцата од Битола, поради постоење основи на сомнение за сторено кривично дело „комар“. На 08.01.2023, пријавените биле затекнати како во локал, кој првопријавениот го зел под закуп, организирале и наплаќале на присутните за играње на комар.

Играле комар: 11 лица приведени во Битола

Ивана Ефремовски — Mon, 09 Jan 2023 13:54:46 +0000

На 08.01.2023 во периодот од 21:30 до 22:30 часот, полициски службеници од криминалистичката полиција при СВР Битола извршија акциска контрола во објект на ул.„Караорман“ во Битола, при што било утврдено дека во објектот неовластено се организира комар. При контролата во објектот биле затекнати О.М., Е.Ш., Р.О., В.Р., М.Д., Н.А., Ѓ.А., Е.Р., И.Е., Р.А. и Б.М., сите од Битола. Кај нив биле пронајдени и одземени повеќе банкноти во различни апоени. Лицата биле лишени од слобода и по целосно документирање на случајот против нив ќе биде поднесена пријава по член 398 од Кривичниот законик.

МВР: Акциска контрола во Битола, приведени шест лица поради неовластено организирање игри на среќа

Ивона Петрова — Sun, 04 Sep 2022 08:38:24 +0000

Полициски службеници од СВР Битола – ОКП Битола-Отсек за општ криминал во рамките на оперативниот план „Безбедно лето“, вчера по добиена оперативна информација дека на една локација во Битола лицата Е. К. (39) и С. Р. (26) од Битола незаконски организираат игри на среќа што се забранети, извршија претрес во објект на ул „Караорман” во Битола. При претресите, како што информираа од МВР, затекнати се М. А. (32), Е. Р. (50), Ш. М. (47), А. И. (36) и двајцата организатори, сите од Битола. Сите шестмина се лишени од слобода, а по документирање на случајот ќе бидат поднесени кривични пријави за сторено кривично дело по чл.398 „комар“

Полицијата упадна во стан и фати 11 лица како играат комар

Ивана Ефремовски — Fri, 28 May 2021 14:09:37 +0000

СВР Скопје-Единица за економски и компјутерски криминал поднесе кривична пријава против И.С.(39) од Скопје и против М.Н.(67) од Скопје за сторено кривично дело ,,комар" од чл.398 ст.1 од КЗ. Првопријавениот на 28.04.2021 година, неовластено организирал играње комар во просторија- стан лоциран на ул.Костурски Херои во општина Центар, кој му бил ставен на располагање од страна на второпријавената М.Н., при што, при превземено истражно дејствие претрес на дом од страна на полициски службеници во Единицата за економски криминал затекнати се 11 лица како играат комар, кои што воедно постапувале и спротивно на пропишаните мерки и протоколи за заштита од Ковид 19, каде што е изрично забрането групирање на повеќе од четири лица во затворен простор и објект, за што исто така следува соодветен поднесок.

Кривични пријави за „непостапување според здравствени прописи“ и „комар“

Катерина Бојаџиева — Wed, 28 Apr 2021 19:00:52 +0000

Полициски службеници од СВР Скопје-Единица за економски и компјутерски криминал и Одделот за криминалистичка полиција, во содејство со инспектори од Управата за јавни приходи по добиена оперативна информација дека на две локации во Скопје незаконски се организираат игри на среќа што се забранети, по претходно обезбедена судска наредба од Основен кривичен суд, денеска извршија претреси во објекти на ул. Ѓорѓи Димитров и ул. Костурски херои. При претресите затекнати се повеќе лица, а по документирање на случајот ќе бидат поднесени кривични пријави за сторени кривични дела по чл.398 ,,комар" и кривични дела ,,непостапување според здраствените прописи за време на епидемија" по чл 206 од Кривичниот законик.