комарец – Kurir.mk

Аргентина: Комарци шират денга треска, 40 починати и над 60.000 заразени

Ивона Петрова — Sat, 22 Apr 2023 15:44:47 +0000

Аргентина се соочува со епидемија на денга треска, од која починаа 40 луѓе, а повеќе од 60.000 се заразени, главно во северозападниот дел на земјата. Инфекцијата ја шират комарците од жолта треска, а последната епидемија ја погоди Аргентина во 2020 година, наведува „Би-Би-Си“. Меѓутоа, Министерството за здравство вели дека бројот на случаи со денга почнува да се намалува.

Еве како да го ублажите убодот од комарец и чешањето

Катерина Бојаџиева — Tue, 19 Jul 2022 20:03:06 +0000

Доколку обидите да ги избркате со разни апаратчиња и спрејови не ви успеат и сепак завршите со убоди од комарци по телото, овие неколку совети ќе ви ја олеснат маката. Како да го ублажите чешањето и црвенилото, па дури и болката која може да се јави? 1. Топла вода или топла лажица Течноста која комарците ја вбризгуваат не може да делува при висока температура. Загрејте една лажичка (внимавајте да не се изгорите) или натопете мека крпа со топла вода и ставете ја како облога. 2. Студена вода или мраз Студената вода и мразот може да ја намалат циркулацијата на крв на местото, па така да го спречат ширењето на течноста. Ова е добар лек доколку имате силна желба за чешање. 3. Лимон Цитрусната киселина исто така може да ги ублажи симптомите, посебно чешањето. 4. Банана Излупете една банана и ставете ја кората на кожата, допрена со внатрешната страна. Нека постои барем половина час, а ако може и подолго. 5. Сода бикарбона Направете паста од малку сода бикарбона и вода. Премачкајте го местото и оставете да отстои 15 минути, па потоа исплакнете. 6. Паста за заби Најдобро би било да нанесете паста за заби со ментол и да оставите да се исуши.

Прва помош за каснување од инсекти: Како да се намали отокот од комарци, пчели, оси, стршлени и пајаци

Магдалена Андонова — Tue, 17 Aug 2021 07:33:05 +0000

Сите сакаме пролет и лето, но уживањето во убавото време често ни се расипува од „блискиот контакт“ со инсектите како што се пчелите, комарци, оси, пајаци а неретко и стршлени. Се сретнуваме со нив во природата, но и во дворот, терасите и становите. Убодите од овие инсекти се доста непријатни, особено доколку сте алергични на нивните отрови, па постои ризик од бурна алергиска реакција. Уште поголем проблем е доколку дојде до напад на рој пчели, оси, комарци или стршлени - тоа може да доведе до тешко труење, а во најтешките случаи до фатален исход. Интензивна болка, црвенило, оток и чешање се симптоми кои се јавуваат по каснување од комарец, пчела, оса, стршлен или пајак. Анафилактичен шок може да се појави и кај преосетливи луѓе. Во галеријата, погледнете кои лекови што сите ги имаме во куќата може да ни помогнат откако ќе ве касне пчела, оса, стршлен, комарец и пајак.

Шилегов: ГОДИНАВА НЕ СУМ БОЦНАТ ОД КОМАРЕЦ

Магдалена Андонова — Tue, 01 Sep 2020 13:16:12 +0000

Состојбата со комарците веќе е ублажена, вели скопскиот градоначалник Петре Шилегов. Тој очекува в петок кога ќе заврши прскањето против возрасните комарци да заврши и маката на скопјани. Но, за разлика од повеќето граѓани, Шилегов вели дека него цела година не го каснал ниту еден комарец. -Секогаш кога се прска треба да се мисли пред сè на здравјето на луѓето, затоа што прскате хемикалија и токму заради тоа таа мора да биде по сериозни протоколи и препораки од здравствените власти, рече Шилегов. Прашање: Скопјани постојано негодуваат дека добиваат убоди од комарците. Па сакам да ве прашам, дали вие добивате убоди? -Годинава не. Јас живеам во Тафталиџе немам слушнато дека имаме проблем, барем во соседството во коешто јас живеам, одговори Шилегов.

Слушал чуден звук од неговиот нос: Кога отишол на лекар се соочил со одвратна вистина (ВИДЕО)

Ивана Ефремовски — Fri, 28 Sep 2018 08:52:39 +0000

Момче од Виетнам со денови слушал чуден звук, кој доаѓал од неговиот нос. Кога конечно решил да посети лекар, дознал дека во неговиот нос живее непосакуван гостин, комарец. Ова суштество, во човековиот нос направило свој дом, се хранело со неговата крв два дена, пред конечно да биде отстрането. Тој рекол дека со денови го чешал носот и слушал чуден звук, кој не му давал мир. Поради тоа решил да побара помош од лекар, а од него ја дознал и одвратната вистина. На видеото се гледа комарецот во носот, но не ви препорачуваме да го гледате ако лесно се згрозувате.

ВИДЕО: Убодот од комарец изгледа многу поужасно отколку што претпоставувате

Матеја Петровски — Mon, 17 Sep 2018 19:19:22 +0000

Комарците се најверојатно едни од најдосадните битија на планетата, тие бодат, а некои можат и да пренесат разни опасно болести. На авторот на ова видео му падна на памет да го сними нивниот „напад“ од друг агол. Погледнете зошто овие досадни инсекти се нарекуваат „убијци“:

Being mean to my mosquitoes pic.twitter.com/S6R8YX9BlZ
— Perran Ross (@MosWhisperer) July 9, 2018

Граѓаните револтирани и со огромни отоци од убоди од комарци: Не’ изедоа, ова е алармантно (ФОТО ГАЛЕРИЈА)

Ивона Петрова — Fri, 10 Aug 2018 14:51:05 +0000

Иако Град Скопје тврди дека викендов ќе се одржи третата фаза од авионското прскање против комарци, социјалните мрежи се преплавени од фотографии и коментари каде луѓето се жалат на убоди од комарци кои резултираат со огромни отоци по телото. -Ова е во врска со прскање против комарци, сликата е сликана во Ѓоче Петров на 9.8.2018 во 20ч навечер, рој од комарци и преку 20 убоди на обична прошетка преку облека здобиени, вели читател на Курир кој ни ја испрати оваа фотографија. Во разни групи на Фејсбук се споделуваат фотографии од убоди од комарци, а родителите загрижени за своите деца бараат совети како најдобро да ги заштитат најмилите и кое средство е најефикасно. Разочарани се дека градските власти, како што велат, не презеле ништо за нивна заштита. Прошетките во вечерните часови во Градскиот парк во Скопје стануваат вистински хорор. Скопјани се жалат дека и таму има наезда од комарци. Велат, не паметат во минатото да имало толку комарци. Коментираат дека очигледно наместо против комарците, се прска за нивна прихрана. -Во парк врие, наезда од комарци. -Сите се жалат, ма какво прскање, ако прскале нема да има волку комарци. -Во Парк верувајте дека е хорор. Толку комарци не ме каснале за цел живот. -Не’ изедоа, ова е алармантно, децата ми се изедени. Ова е хаос. -Се прскаше со прихрана за комарци, се само дел од коментарите кои може да се прочитаат на социјалните мрежи. Град Скопје изминативе денови ги уверува граѓаните дека се преземаат мерки за прскање против комарци . Портпаролот на Град Скопје, Валон Салиху вели дека граѓаните се во заблуда и дека во Скопје редовно се прска против комарци, но новите авиони не се толку бучни како претходните и затоа не се слуша. -Деновиве гледам дека голем број од граѓаните не се соодветно информирани во врска со активностите кои ги има спроведено градот во врска со прскањето против комарци. Процедурите и користеното средство се тие истите како и до сега. Новитет ова година се авионите кои не бучат како тие претходните, и претпоставувам дека тука е и збунката зошто луѓето мислат дека не се прска- вели Салиху. Граѓаните не веруваат во ваквите изјави и се повеќе се убедени дека ништо не е преземено. Во меѓувреме Градот ја смени најавата за третата фаза од авионското прскање и соопшти дека наместо викендов, прскањето ќе започне од петок наутро и ќе трае до понеделник. Денес објавија и видео, наводно од утринското авионското прскање, но се утврди дека видеото е старо еден месец. По реакцијата во медиуми, Град Скопје се извини за грешката и најави ново видео од утрешното прскање. -Ја увидовме грешката што ни ја посочија дел од вашите колеги новинари, односно сме објавиле видео за почетокот на третото прскање против комарци со авион, а кое што е од почетокот на минатиот месец, односно од второто прскање. Очекуваме ново видео за прскањето против комарци кое ќе се направи утре, и истото ќе ви го доставиме. Закажаното полетување на авионите е во 05 часот на спортскиот аеродром Стенковец. Ве покануваме да дојдете и да присуствувате на подготовката и нивното полетување“, се наведува во извинувањето од Град Скопје. Останува непознато дали и кога ќе биде објавено видеото од денешното авионско прскање кое го најави Градот.

Еве како да го ублажите убодот од комарец и чешањето

Ивона Петрова — Thu, 09 Aug 2018 19:13:06 +0000

Доколку обидите да ги избркате со разни апаратчиња и спрејови не ви успеат, и сепак завршите со убоди од комарци по телото, овие неколку совети ќе ви ја олеснат маката. Како да го ублажите чешањето и црвенилото, па дури и болката која може да се јави? 1. Топла вода или топла лажица Течноста која комарците ја вбризгуваат не може да делува при висока температура. Загрејте една лажичка (внимавајте да не се изгорите) или натопете мека крпа со топла вода и ставете ја како облога. 2. Студена вода или мраз Студената вода и мразот може да ја намалат циркулацијата на крв на местото, па така да го спречат ширењето на течноста. Ова е добар лек доколку имате силна желба за чешање. 3. Лимон Цитрусната киселина исто така може да ги ублажи симптомите, посебно чешањето. 4. Банана Излупете една банана и ставете ја кората на кожата, допрена со внатрешната страна. Нека постои барем половина час, а ако може и подолго. 5. Сода бикарбона Направете паста од малку сода бикарбона и вода. Премачкајте го местото и оставете да отстои 15 минути, па потоа исплакнете. 6. Паста за заби Најдобро би било да нанесете паста за заби со ментол и да оставите да се исуши.