комбе – Kurir.mk

Се запали комбе во движење на патот Радовиш-Штип

Ивона Петрова — Fri, 23 Jun 2023 20:21:18 +0000

Комбе марка „форд“со тетовски регистарски таблички се запали во движење на експресниот пат Радовиш-Штип, во близина на крстосницата за Рудникот „Бучим“. Според информацијата на портпаролката на СВР Струмица, Александра Трајанова, запалувањето на возилото било пријавени во Полициската станица Радовиш во 19:30 часот. -Пожарот го изгаснале пожарникарите од Радовиш, а екипа на полицијата врши увид на местото на незгодата. Во пожарот нема повредени и загинати, изјави Трајанова за МИА. Заради пожарот се создадоа подолги колони возила од двете страни на патот, а по интервенцијата на пожарникарите нормализиран е сообраќајот, кој извесно време се пренасочуваше по регионалниот пат кон Штип.

Комбе влета во група пешаци: Двајца загинати, деветмина повредени во Квебек

Ивона Петрова — Tue, 14 Mar 2023 07:43:53 +0000

Две лица загинаа, а девет се повредени кога комбе влета во пешаци во источен Квебек, соопшти канадската полиција. Возачот на комбето е уапсен на местото на настанот, а истрагата е во тек, изјави портпаролката на локалната полиција. Таа додаде дека се верува дека станува збор за изолиран инцидент. Несреќата се случила околу 15 часот по локално време, во градот Амкви со околу 6.000 жители. Канадскиот премиер Џастин Трудо упати сочувство за несреќата.

Жена која присуствувала на погребот на девојчето кое загина на пешачки премин удрена од комби

Дарко Андоновски — Tue, 20 Dec 2022 17:00:46 +0000

Малата Магдалена која загина во саботата на пешачки премин е погребана денеска на гробиштата Свети Спас во Велес. Додека погребот траеше, се случила уште една сообраќајна несреќа, кога возач на комби со струмички регистрации удри во жена, која присуствуваше на погребот и побегна, пренесе ТВ 24. Полицијата сепак успеала брзо да го фати.

ФОТО: Бугарин со комбе направи хаос на границата меѓу Хрватска и Унгарија

Дарко Андоновски — Wed, 04 May 2022 14:31:56 +0000

Возач на бугарско комбе утрово во еден часот удрил во куќичките на границата меѓу Хрватска и Унгарија, при што неколку лица биле повредени. Полицијата соопшти дека станува збор за сообраќајна несреќа, по што се очекуваат повеќе детали во следните часови. Двајца хрватски полицајци завршија во болница по констатирани повреди, а засега не е познато какви повреди заработил возачот.

Возел патници во комбе, а немал лиценца – кривична за маж од Гостивар

Ивана Ефремовски — Thu, 21 Apr 2022 17:38:49 +0000

ОВР Дебар поднесе кривична пријава против С.С.(43) од Гостивар, поради постоење основи на сомнение за сторено кривично дело „вршење јавен превоз без поседување лиценца”. На 18.04.2022, при контрола во патниот сообраќај извршена на ул.„8 Септември“ во Дебар, полициските службеници го затекнале пријавениот при управување комбе „форд“, со гостиварски регистарски ознаки, при што утврдиле дека врши јавен превоз на патници во внатрешниот сообраќај без да поседува соодветна лиценца за таква дејност издадена од надлежен државен орган.

Комбе полно со Украинци доживеа сообраќајна несреќа во Србија: Жената што го возела завршила во болница

Магдалена Андонова — Sun, 13 Mar 2022 15:16:38 +0000

Околу 12,45 часот се случила сообраќајна незгода на патот Крушевац - Александровац во населбата Пепељевац. Во сообраќајката учествувале Пежо 206 управувано од Радован С. (65) и комбе VW Транспортер, црногорска регистрација, управувано од 39-годишен украински државјанин, пренесува Пинк. Во комбето имало осум украински државјани, од кои шест жени и две малолетници. Првите резултати од истрагата укажуваат дека неправилното престигнување на возачот на Пежо Радован С. довело до сообраќајна незгода. Украинката која управувала со комбето се здобила со повреди и се наоѓа во Ургентниот центар на Крушевачката болница.

Вршел јавен превоз на патници со комбе, без соодветна документација

Ивана Ефремовски — Tue, 22 Feb 2022 17:47:16 +0000

ОВР Гостивар поднесе кривична пријава против Ф.Б.(43) од с.Неготино, гостиварско, поради постоење основи на сомнение за сторено кривично дело „вршење на јавен превоз без поседување лиценца“. На 03.02.2022 во населба „Млаки“ во Гостивар, при контрола, полициски службеници констатирале дека пријавениот со патничко возило – комбе „форд транзит“ врши јавен превоз на патници без поседување на соодветна документација за вршење на дејноста.

Маж ќе одговара за „недозволена трговија“, еве што најде полицијата во неговото комбе

Ивана Ефремовски — Tue, 21 Sep 2021 15:02:52 +0000

Денеска (21.09.2021), на локалниот пат Радишани- Побожје, кон с.Танушевци, скопско, при контрола на комбе „мерцедес“ со скопски регистарски ознаки, управувано од Ф.А. од с.Танушевци, полициски службеници од Одделот за прекуграничен криминал и миграции при Регионалниот центар за гранични работи Север пронашле поголема количина стока за широка потрошувачка без соодветна документација. Поради постоење сомнение за сторено кривично дело „недозволена трговија“ лицето и возилото биле предадени на полициски службеници од Полициската станица Бутел за понатамошна постапка. По целосно документирање на случајот ќе биде поднесена соодветна пријава.

Најмалку 10 мртви во превртено комбе во Тексас, било пренатоварено со мигранти

Тале Кристо — Thu, 05 Aug 2021 06:03:39 +0000

Комбе, во кое загинаа десет лица во Тексас, било пренатрупано со 30 патници, двојно повеќе од дозволеното, а останатите 20 лица се повредени и се верува дека се илегални мигранти, јави државната полиција. Несреќата се случила вчера, околу 16 часот по локално време, на автопатот 281 кај Енцино, околу 30 милји северно од Мекален, во Јужен Тексас, каде комбето удрило во метален столб и знак стоп, по што се превртело. -Возачот и девет патници загинаа, додека преостанатите 20 патници се пренесени во локалните болници, каде е утврдено дека некои се во критична состојба, изјави шефот за јавна безбедност на Тексас, Натан Брендли. Несреќата се случила неколку милји од контролниот пункт на Граничната полиција на САД, но Брендли вели дека сведоците на несреќата не виделе дека во тек е потера по комбето. -Преживеаните, рече тој, се здобија со сериозни повреди, а патниците се чини дека се мигранти. Според медиумите, во комбето имало 29 илегални мигранти, без документи. Според сведоците, возачот на комбето „Форд“ се обидел да сврти со голема брзина пред да удри во метален столб. Додека околностите за несреќата се уште се испитуваат, властите работат со мексиканскиот конзулат за да ги идентификуваат жртвите.

Тројца повредени во судир на автобус и комбе кај Битола

Тале Кристо — Sat, 17 Apr 2021 10:22:48 +0000

Три лица се повредени во сообраќајна несреќа помеѓу автобус и комбе која вчера се случила во селото Жван. Вчера во 04,29 часот било пријавено дека во с.Жван се случила сообраќајна незгода помеѓу комбе “там“ со битолски регистарски ознаки управувано од Ф.Ш. од с.Вирово и автобус “мерцедес“ со битолски регистарски ознаки управувано од М.К.(56) од с.Сопотница. Во незгодата со тешки телесни повреди се здобила сопатничката од возилото С.Ш.(81) од с.Вирово, а со телесни повреди се здобил возачот и уште еден сопатник од истото возило Б.Н.(72) од с.Вирово констатирани во Клиничката болница Битола, појаснуваат од МВР. Извршен бил увид на местото на настанот од увидна екипа од Полициската станица Демир Хисар.