Кејт Хадсон: Романтичните комедии се „затупени“ во последно време

Ивана Ефремовски — Tue, 13 Dec 2022 08:13:04 +0000

Актерката Кејт Хадсон, која своевремено беше една од кралиците на романтична комедија, коментираше зошто студијата веќе не се толку подготвени да ги снимаат и како малку ги „затупуваат“. За време на гостувањето во шоуто Hot Ones на Јутјуб, во кое гостите јадат пилешки крилца со лут сос и одговараат на прашања, Хадсон рече дека романтичните комедии се промениле откако таа глумеше во „Како да се изгуби момче за 10 дена“. -Им треба навистина добра приказна, да почнеме со тоа. Мислам дека луѓето понекогаш мислат дека романтичните комедии се за тоа познато „слатко запознавање“. Одличен ром-ком е за откривање љубов, вљубување, губење љубов и потоа повторно барање љубов. Тоа е многу традиционална структура, рече таа. -Оние филмови што ги сакаме имаат две ѕвезди во љубовната приказна. Тие се ведри, светкави и делуваат како исполнување на желбите. Тоа треба да ве обземе и да остане со вас засекогаш. Тоа се класици, рече Хадсон. Таа предупреди: „Само затоа што се ведри не значи дека треба да биде премногу светли визуелно. Ми се чини дека жанрот често се затупува затоа што веруваат дека така треба. А хемијата … Имав среќа што глумев со Метју Меконахи“. Хадсон на шега додаде дека овој нејзин опис на романтична комедија се чини дека е најдобар досега и дека веројатно ќе го предава кога ќе наполни 75 години. (МИА)

Помалку познати комедии со солидна оценка на ИМДБ (ВИДЕО)

Ивана Ефремовски — Mon, 09 Mar 2020 12:01:37 +0000

Комедии има безброј, а луѓето честопати со часови пребаруваат на интернет со цел да најдат лесен филм што е добар, а не го гледале. Поттикнати од тоа, од порталот „Брајтсајд“ објавија листа помалку познати комедии, но што имаат солидна оценка на Светската филмската база на податоци – ИМДБ.

„Мистериозно убиство“ (Murder Mystery); оценка: 6,1 / 10.

„Позеленета трева“ (Greener Grass); оценка: 6,3 / 10.

„Вечерна емисија“ (Late Night); оценка: 6,5 / 10.

„Свиркачи“ (La Gomera); оценка: 6,6 / 10.

„Моето ремек-дело“ (Mi obra maestra); оценка: 7,1 / 10.

„100 нешта“ (100 Dinge); оценка: 7,1 / 10.

„Љубов на втор поглед“ (Mon inconnue); оценка: 7,1 / 10.

„Бубалици“ (Booksmart); оценка: 7,2 / 10.

„Драга Еленор“ (Dear Eleanor); оценка: 7,3 / 10.

„Посебните“ (Hors normes); оценка: 7,6 / 10.

„Разделба“ (The Farewell); оценка: 7,7 / 10. (МИА)

Комедии – Kurir.mk

Кејт Хадсон: Романтичните комедии се „затупени“ во последно време

Помалку познати комедии со солидна оценка на ИМДБ (ВИДЕО)