коментар на денот – Kurir.mk

Апостолоски: Уште само два месеци до крајот на насилието во Ѓорче Петров, граѓаните ќе добијат градоначалник од ВМРО-ДПМНЕ со јасна цел и визија за современа општина

Тале Кристо — Tue, 17 Aug 2021 15:55:35 +0000

Не престануваат понижувањата на општина Ѓорче Петров во македонската јавност, истакна на денешната прес-конференција во „Коментар на денот“ Данијел Апостолоски од ВМРО-ДПМНЕ. Во продолжение интегрален текст и видео од прес-конференцијата на Апостолоски: Четири години апелираме дека угледот на општината е длабоко нарушен, а оваа институција е киднапирана од силеџии, насилници, неработници и криминалци. Практично, институцијата е достапна само за нив, а граѓаните се непожелни. Во текот на изминативе денови можевме да просведочиме на еден случај како лицето Горан Трипуновски - инспектор во општината унапреден од Александар Наумоски и негова десна рака, јавно се заканува на новинари на социјалните мрежи. Ова е доказ на сите тврдења кои што ги произнесувавме изминативе години и ја повикуваме македонската јавност и новинарската фела да види како се однесуваат пајташите на Наумоски со граѓаните. Драги граѓани и медиуми, замислете, ако инспекторот на Наумоски - вработен во општина, јавно на социјалните мрежи се заканува на новинар од таков калибар, како се однесуваат со граѓаните кои ќе дојдат во Општината да побараат помош? Имено, го повикуваме Александар Наумоски да го санкционира Трипуновски и конечно да се фати за работа и да поведе ред во Општината, иако неговиот мандат ги одбројува последните денови. Насилието на кое што се навикнати Наумоски и СДСМ завршува, времето на насилниците и изживувањето врз граѓаните заврши. За помалку од два месеци општина Ѓорче Петров ќе добие нов градоначалник од редовите на ВМРО-ДПМНЕ кој ќе го врати угледот и реномето на општината, рече Апостолоски.

Коментар на денот – Јаќимоски: Кичево е единствен град кој има дива депонија во непосредна близина на центарот, власта целосно потфрли

Тале Кристо — Sun, 16 May 2021 15:07:04 +0000

Кичево изминативе години доживува нерамномерен регионален развој. Огромната територија на општината дава и огромни проблеми, имаме региони каде се инвестира и региони каде воопшто не се инвестира. Власта целосно потфрли, истакна на денешната прес конференција во „Коментар на денот“ Лазе Јаќимоски, претседател на ОК на ВМРО-ДПМНЕ Кичево. Во продолжение интегрален текст и видео од обраќањето на Јаќимоски: СДСМ е власт и на централно и на локално ниво. 4 години нема ниту еден проект, ниту на централната власт, ниту на локалната самоуправа, а кој ќе значи развој за Кичево. Кичево е единствен град во Македонија, кој има дива депонија во непосредна близина на центарот на градот. Ветија дислокација, а таа се уште стои и го труе градот. Кичево е единствена градска населба во државата која нема ниту парк, ниту плоштад. Кичево е обезличен град. Власта ветуваше и економско заживување. Ветија активирање на рудникот за манган Стогово, кој во минатото ранеше цели фамилии. Нема работа за која не излажаа. Ветија отворање на нов коп во РЕК Осломеј и продолжување на работниот век на термоцентралата, што ќе значи нови работни места и загарантирана егзистенција за многу семејства и градот. А не реализираа. Наместо нова механизација во РЕК Осломеј, тие продолжија да најмуваат приватни фирми блиски до нив, за да испумпуваат пари преку тендери. Власта која не се грижи за новите генерации, не се грижи ниту за иднината на државата. Ветија изградби на нови градинки, а ништо од тоа нема. Капацитетите се преполни, а цели семејства не можат да си ги запишат децата во градинка затоа што нема место. Власта потфрли и излажа на секое поле. Излажани се сите граѓани, Македонци, Албанци, Турци, Роми, Срби, буквално сите. Кичево остана и без автопатско поврзување со Охрид, кое требаше веќе да биде готово. Нема инвестиции, нема развој. Времето во Кичево е застанато. Време е за промени. Време е за луѓе кои ветуваат и исполнуваат. Се што е реализирано во Кичево до сега е направено од власта на ВМРО-ДПМНЕ. Ние знаеме да работиме и тоа сме го докажале. Време е за нов почеток, порача Јаќимоски.

Коментар на денот – Миленковски: Граѓаните на Пробиштип се уверија во неспособноста на градоначалникот Атанасовски, потребни се промени

Дарко Андоновски — Sat, 15 May 2021 15:46:19 +0000

Градоначалникот на Пробиштип е пример за поговорката дека на лагата и се кратки нозете. Во лагите и неспособноста на градоначалникот на општина Пробиштип, Драган Анастасов веќе се уверија сите сограѓани. Наместо подобар живот што го ветуваше граѓаните добија неспособна, крајно партизирана локална власт, ова денеска преку коментар на денот го истакна Маријан Миленковски, претстедател на ВМРО-ДПМНЕ ОК Пробиштип. -Граѓаните на Пробиштип добија секојдневно труење од депониите коишто горат речиси секој ден, а тука е и јаловишната депонија. Пред нас е четврто лето како СДСМ на власт не го реши проблемот со недостиг на вода за пиење на жителите од горните зони на градот, иако имаа цел наследен проект од претходно. СДСМ и нема свои проекти во Пробиштип, освен да уништи тоа што го наследи. Да зборуваме за Минеролошката збирка, објектот којшто требаше да биде репрезентативен, а е објект кој протекува. Од Спомен парк, направивте бетонски бункер. Ниту нови спортски содржини за најмладите нема, не успеавте да ги зачувате и веќе постоечките. За каков економски развој зборувавте на изборите? Од економскиот развој и трите нови индустриски зони, кои ви беа оставени во наследство од претходната локална власт успеавте да издејствувате само еден мал објект, се разбира за марихуана, но и тој никако да проработи, вели Миленковски. Тој бара и објаснување зошто од ветената програмата реализиравте помалку од 20% цел мандат? -Каде ви се 500-те км асфалт само во Пробиштип, со кои се фалевте дека ќе сте ги направиле? СДСМ и Анастасов ги заборавивте граѓаните и проблемите на Пробиштип. Злетово, тотално го заборавивте, како да не е дел од оваа општина. Од многу лаги е и лагата за патното поврзување Пробиштип - Злетово - Пониква. Ги запоставивте сите помали населени места, како таму да не живеат луѓе. Колку треба човек да е неук и заслепен од власт и лажни ветувања за да уништи здравствена институција во време на пандемија и на нејзино место да прави старечки дом. Да го лажеш сопствениот министер за здравство дека во тој простор не се врши здравствена дејност. Затоа Ковид позитивните пациенти во Пробиштип примаа и сеуште примат терапија буквално во подрум. Згора на се, при таков објект монтиравте и шатор, навистина жално, вели тој. Додава дека, затоа денес: -Центарот за јавно здравје е исселен во несоодветен објект, -Гинеколошката ординација заедно со родилиштето е уништено, -Специајлистичкиот дел уништен, -Објектот е сведен на селска амбуланта. -Пробиштип не го заслужил тоа. Граѓаните на Пробиштип заслужуваат подобра власт. На Пробиштип му требаат луѓе кои ќе работат единствено за приoритетите и потребите на пробиштипјани. Промени мора да има и ќе има, завршува Миленковски.

Ивановски: Горан Трајковски не реализира ништо од тоа што го вети, нема нови фабрики и инвестиции, над 60% од капиталните инвестиции не се исполнети

Дарко Андоновски — Thu, 13 May 2021 15:59:15 +0000

„Предизвикот пред нас за мене носи визија дека ќе има живот во нашето родно Делчево“, ова денеска преку коментар на денот го истакна Сашко Ивановски од ВМРО-ДПМНЕ. -Со оваа реченица Горан Трајковски го започна серијалот од лаги и пред граѓаните на Делчево вети: -Изградба на фабрика за вода; -Изградба на покриен градски пазар; -Изградба на улици во населбата Звегорска река; -Реконструкција на мостот на улица Илинденска; -Доизградба и доуредување на Кејот на Река Брегалница од хотел Македонија до мостот на Индустриска и од Црквата св. Кирил и Методиј до градскиот стадион; -Изградба на патот Делчево- Црна скала; -Ново ПП возило; -Реконструкција на прифатилиштето за бездомници; -Студија и проект за водоснабдување на Туристичкио центар Голак; -Спортско игралиште во 1-ви реон; - Спортско игралиште и детски парк во 2-ри реон; -Смена на водоводната мрежа на ул. Ванчо Прке; -Детско игралиште на м.в. Чуката во 3 реон -Изградба на десен и лев крак на ул. Разловечка; -Реконструкција проширување и оградување на мостот пред градските гробишта; -Реконструкција на ул. Орце Николов и Скопска во Ново Делчево; -Парк и детско игралиште, пешачки и пристапни патеки и во Милково Брдо; -Детско игралиште во с. Звегор, с. Град с. Вирче и с. Тработивиште; -Фекална канализација во с. Стамер; -Регулација на Виречка река; -Пат до Светите води во Тработивиште; -Реконструкција на спомен домот, патот на влезот во селото и отварање на кујна за стари лица и реконструкција на училишната зграда во с. Разловци; -Изградба на улици во с. Вирче и с. Разловци; -Реконструкција на чешмите за питка вода и санирање на каптажата во стар Истевник; -Реконструкција на селскиот водовод во с. Бигла, вели Ивановски. Тој додава дека процент на реализација на капиталните и клучните проекти 16 ветени, 6 реализирани, 10 нереализирани или 37,5% реализирани , а 62,5% нереализирани. Процент на реализирани местни проекти од 95 ветени, 28 реализирани и 67 нереализирани или 29,4% реализирани и 70,6% нереализирани.

Коментар на денот-Донев: Наместо комплетна санација на колекторскиот систем во Охридско-Струшкиот регион, охриѓани добија двојно поголеми сметки за колектор

Тале Кристо — Thu, 29 Apr 2021 14:53:21 +0000

Пред 5 години СДСМ и Зоран Заев помпезно најавија и ветија комплетна санација на колекторскиот систем во Охридско-Струшкиот регион, но наместо ветеното, граѓаните единствено добија двојно поголеми сметки за колектор, истакна на денешната прес-конференција од „Коментар на денот“ претседателот на ОК ВМРО-ДПМНЕ-Охрид Сашо Донев. Граѓаните во 2017 година плаќаа 10.2 денари за колектор на секој потрошен метар кубен вода. Денес со новите сметки по вторпат се зголемува надоместокот за колектор на 21.4 денари за секој потрошен метар кубен вода, што значи дека во 4 години власт на СДСМ цената на надоместокот за колектор е зголемена за повеќе од двојно. Во услови на тешка економска криза и пред уште една промашена туристичка сезона, кога процентот на невработеност во Охрид расте, се удира по џебот на граѓаните и цената на колекторот е двојно зголемена, рече Донев. Ништо од ветувањата дека една од препораките на УНЕСКО за реконструкција на колекторскиот систем ќе заврши во најскоро време, доказ за тоа е вонредниот инспекциски надзор на Државниот инспекторат за животна средина кој утврди дека колекторот е нефункционален и дека се излеваат фекалии во Охридското Езеро, посочи претседателот на ОК ВМРО-ДПМНЕ-Охрид.

Коментар на денот-Сарамандов: Маските паднаа, нема ниту еден проект во Гевгелија, ништо не остварија од она што ветија

Тале Кристо — Wed, 28 Apr 2021 15:41:01 +0000

Изминуваат точно 3,5 години од превземањето на СДСМ на локалната власт во општина Гевгелија, па редно време е да ги сумираме резултатите од нивното досегашно работење.Очигледно е дека сите нивни заложби во предизборната програма за локалните избори 2017 година беа мртво слово на хартија, истакна на денешната прес-конверенција од „Коментар на денот“ претседателот на ОК ВМРО-ДПМНЕ-Гевгелија Aндон Сарамандов. Во продолжение интегралоен текст и видео од прес-конференцијата на Сарамандов: Се ветуваше се и сешто, се нудеа невозможни решенија за сите проблеми, но на крај маските паднаа пред граѓаните на oпштина Гевгелија. Денес, на неколку месеци од завршувањето на мандатот на градоначалникот Сашо Поцков, евидентно е дека развојот на општина Гевгелија стагнира како резултат на неработата и неспособноста на оваа локална власт. Општина Гевгелија 3.5 години стагнира во развојот бидејќи градоначалникот Сашо Поцков не реализираше ниту еден капитален проект за подобрување на квалитетот на животот на граѓаните од нашата општина. Општина Гевгелија 3.5 години стагнира во развојот бидејќи недостасуваат многу системски решенија кои беа ветени од Поцков. Тоа се проектите кои требаше Гевгелија да ја направат поубаво место за живеење, чиста и зелена, тоа беше и мотото кое ја даде последната финеса од неговата сликовница или програма од дваесетина страни, наречена живот во Гевгелија. Изградба на западен булевар и изградба на катна гаража за решавање на сообаќајниот хаос во Гевгелија, изградба на нов градски парк, изградба на нова детска градинка, изградба на атмосферски канализации во Гевгелија се проектите кои се од приоритетно значење за граѓаните на општина Гевгелија. Проекти кои Поцков ги вети, но не ги реализира. Ветувањата останаа нереализирани и во населените места, иако беше навестувано дека секое село ќе добие асфалтирани улици, нова и функционална мрежа на атмосферска и фекална канализација. Поцков вети и дека во општина Гевгелија ќе се вложат премногу средства за развивање на селскиот и планинскиот туризам, но не успеа ниту 800 метри да ги асфалтира до село Ума. На младите градоначалникот Сашо Поцков им вети спортско рекреативен комплекс со базен па потоа се пишмани, им вети и мултимедијален центар со кино, но проектот остана само на слика. Од една надалеку позната урбана средина, изминатите 3,5 години Гевгелија се претвори во најобична паланка во која недостига културен процут и духовно збогатување. Сеуште немаме решение за бездомните животни, проблем кој е од огромно значење за Гевгелија. Гасификацијата на општина Гевгелија воопшто не е започната, иако тоа беше посочувано како главен предуслов за локалниот економски развој и двигател на слободните економски зони. Оваа локална власт не изгради сериозна стратегија за развој на туризмот и искористување на сите туристички потенцијали во општина Гевгелија. Оваа локална власт не изработи еколошки акционен план иако во Гевгелија имавме големата загаденост на воздухот во одреден период изминатата година, а локалната економија е пред целосен слом. За само една година, над 1500 наши сограѓани останаа без своите работни места и основни средства за егзистенција. Локалната самоуправа се однесува како нем набљудувач на економската катастрофа и не превзема ништо да се најде алтернативно решение за секого. Визијата на Поцков за донесувањето на урбанистичките планови во градот Гевгелија и населените места кои се основа за економскиот развој се претвори во катастрофа. Донесувањето на само еден детален урбатистички план во цел мандат вистински ја отсликува работата на градоначалникот Сашо Поцков, на штета на граѓаните на општина Гевгелија и бизнис заедницата. Заради неспособноста на оваа локална власт, општина Гевгелија во изминатите 3,5 години не ги реализираа средствата во износ од 2,5 милиони евра добиени како грант од КФВ банка во време кога ВМРО ДПМНЕ ја имаше локалната власт во Гевгелија. Потребни ќе бидат многу денови за набројување на фиктивните и неостварени проекти на СДСМ во Гевгелија, наведени во нивната предизборна книшка живот за сите. Животот дојде за функционерите на СДСМ во Гевгелија и нивните најблиски, не и за чесните граѓани на општина Гевгелија, бидејќи нема место во нивната приказна. Почитувани, Оваа регресивна политика на СДСМ ќе се казни еднаш-засекогаш. Граѓаните на општина Гевгелија заслужуваат богата и просперитетна општина. Заеднички, со реални проекти и многу работа имаме задача да и го вратиме на Гевгелија некогашниот имиџ на најперспективен град во Република Македонија, порача Сарамандов.

Коментар на денот – Лефков: Додека фирми чекаат со месеци за наплата, Кочо Анѓушев се наплати експресно 3.62 милиони евра за модуларни болници

Дарко Андоновски — Sun, 18 Apr 2021 16:18:28 +0000

Кочо Анѓушев експресно се наплати за изградбата на модуларните болници, ова денеска преку коментар на денот го истакнува Миле Лефков од ВМРО-ДПМНЕ. -Додека бизнисте на граѓаните трпат и чекаат со месеци наплата, додека нема поврат на ДДВ, велешката „Брако“ на Кочо Анѓушев експресно наплатила 3.62 милиони евра. Имено вкупната вредност на договорот за изградбата на модуларните болници која го добила фирмата на Анѓушев е 4.5 милиони евра, а Анѓушев до сега се наплатил со префрлање на пари од посебна сметка на Министерството за труд и социјална политика во износ од 3.62 милиони евра. Се уште не се завршени сите модуларни болници, односно активности се во тек на болниците во Ресен и Тетово, но Анѓушев веќе наплатил 3.62 милиони евра, вели Лефков. Тој додава дека владата да одговори дали ваквата брза наплата е пракса или станува збор за исклучок. Се сомневаме дека е исклучок, и дека Анѓушев се наплатил на најбрз можен начин.

Коментар на денот – Стоилковски: Јавното признание на Заев за Рашковски е доволен доказ за тој да биде вклучен во постапката

Тале Кристо — Sat, 17 Apr 2021 16:13:07 +0000

Зоран Заев е бранител на криминалот на Рашковски, а домашниот притвор не е цврста гаранција дека Рашковски нема да влијае врз сведоци и да прикрива докази, истакна на денешната прес-конференција во „коменатр на денот“ портпролот на ВМРО-ДПМНЕ Наум Стоилковски. „Немам сомневање дела се е чисти“ рече Заев за случајот на Рашковски, и продолжи дека владата и генералниот секретаријат работеле со една сметка. Заев му даде институционален легитимитет на Рашковски, кажувајќи дека стоел зад неговите одлуки, за кои тој сега е дел од постапка. Со самиот факт што Заев го легитимира Рашковски и ја оправдува набавката на софтверот, кој Рашковски сам си го патентирал и купил, ама со државни пари, и тој треба да е дел од постапката. Не може Рашковски да е дел од постапка и во домашен притвор, а Заев кој го аминувал сето тоа да е на слобода. Рашковски како генерален секретар на влада е десна рака на Заев. Не може сите луѓе на Заев да се до гуша во криминал, а Зоран Заев да е на чист. Јавното признание на Заев во врска со случајот на Рашковски е доволен доказ за тој да биде вклучен во постапката. Очекуваме ЈО да ја прошири истрагата и кон првиот човек во владата, бидејќи тој сам кажа дека стои зад Рашковски и оваа набавка. Криминалот не се отстранува само со отстранување на пипците на октоподот, туку и со неговата глава, порача Стоилковски.

Коментар на денот- Стоилковски: Блиски на мафијата обесени на државниот буџет енормно се богатат, а народот тоне во сиромаштија

Катерина Бојаџиева — Tue, 13 Apr 2021 17:12:57 +0000

Македонија тоне во рецесија, народот тоне во сиромаштија, цените растат до небо, ама на мафијата и на нејзините експоненти, се им е евтино. Евтино им е како одмор во Мексико, или можеби како викендичка на Скопска Црна Гора, или можеби евтино како џип од 70 и нешто илјади евра. Толку е евтино што и не се пријавува енормната разлика во богатство до антикорупциската комисија, истакна Наум Стоилковски, портпарол на ВМРО-ДПМНЕ во Коментар на денот. -Првиот човек до Зоран Заев во владата на мафијата, Драги Рашковски, нема година, а да не експлодира скандал поврзан со него. Скандали експлодираат, ама институционална завршница нема. Па како е можно, Драги Рашковски да се извлече нечепнат од „Леонардо“, за апла договарање тендер вреден 8 милиони евра и си остана во Влада? Како е можно, Драги Рашковски да е фатен жив со набавка на нефункционален софтвер за МВР, притоа ист каков што самиот измислил, ама уште си седи во Влада? За Драги Рашковски зборува и оној Дака кога раскажува за црни пари за кампањи, за имоти, за бензински пумпи, па како е можно ене го Драги Рашковски уште во Влада? Како е можно, Драги Рашковски да летува евтино во Мексико, додека обвинителството превртува документи во Влада, за Рашковски да си се врати повторно на работа, повторно во Влада? Влакно не му фали на Драги Рашковски. И, како велат во мафијата - „одозгора на тога“. Како е можно уште и самиот да се фали дека лично тој е одговорен за борба со короната, за да бидат нештата појасни зошто Македонија е црна здравствена дупка, со стотици погреби секоја недела, вели Стоилковски и додава: „Е па сега кога веќе ми избега од дуелот што самиот го бараше, сега јавно го прашувам, а Драги Рашковски нека продолжи да се крие: Вистина ли е, Драги Рашковски, дека си се подновил со нов џип од 70 и нешто илјади евра? Вистина ли е Драги Рашковски, дека градиш викендица кај Побожје, Скопска Црна Гора? Вистина ли е, Драги Рашковски, дека планираш голем градежен зафат на Скопска Црна Гора, викенд населба распослана на околу 25.000 м2? Вистина ли е, Драги Рашковски, дека зголемувањето на личното богатство не соодветствува на легалните примања? Вистина ли е, Драги Рашковски, дека во разговорот за тендерот познат како „Леонардо“, си свесен дека таков разговор не смееш да водиш? Вистина ли е, Драги Рашковски, дека набавката на софтверот си ја направил на своја рака, знаејќи дека не е компатибилен со постојниот систем на МВР? И последно прашање, вистина ли е, Драги Рашковски дека си бил одговорен за справување со короната, а со тоа и за набавки на вакцини, но и дали е вистина дека тоа било плаќано вон платата во Влада? Драги Рашковски не очекувам да одговори на сите овие прашања, ќе се сокрие, како што се сокри од дуелот кој што сам од Мексико го побара. Едно е јасно, функционери и блиски на мафијата обесени на државниот буџет енормно се богатат, додека народот паѓа во се поголема сиромаштија. Мафијата презема контрола на се, а институциите молкум гледаат како мафијата се богати од црните бизниси“.

Коментар на денот – Попова: ВМРО-ДПМНЕ не поддржува еднострана и насилна промена на улиците во Скопје, не поддржува приватни забави на Петре Шилегов

Тале Кристо — Sun, 28 Mar 2021 16:14:31 +0000

Петре Шилегов е најнеспособниот Градоначалник на Скопје. Наместо работа и реализација на проекти од неговата програма, Шилегов реши да реализира само ефтин ПР, истакна на прес-конференција Ирена Попова, советник во Советот на Град Скопје од редовите на ВМРО-ДПМНЕ. Наместо нови булевари, нови паркови, нов Луна Парк, на Шилегов поважно му беше да смени 100-тина имиња на улици во Скопје. Скопје во време на владеењето на Шилегов, стана еден од најзагадените градови во светот. Депонии на секој чекор низ општините, ама тоа не е приоритетно, за Шилегов важно беше да се сменат имињата на улиците и булеварите. Заради нетраспарентната постапка во град Скопје при носење на оваа одлука за промена на имињата на улиците и булеварите, ВМРО-ДПМНЕ бара поништување на одлуката на листата на имиња и целосно вклучување на стручната јавност во процесот. Како Советничка група на ВМРО-ДПМНЕ баравме широка јавна расправа каде што ќе бидат вклучени Институтот за историја, НВО секторот и други релевантни фактори, а не театар каков што организираше самиот Шилегов. Не поддржуваме еднострана и насилна промена на улиците во Скопје. Не поддржуваме приватни забави на Петре Шилегов. Заради оваа промена на имиња на голем број на улици и булевари, градот Скопје ќе има големи дополнителни трошоци. Со ваквиот однос на Шилегов, преку насилно носење на оваа одлука, штета ќе имаат само граѓаните на Град Скопје. Големи ќе бидат финансиските импликации, преку промени на табли, знаци и протоколи, коишто ќе бидат платени од џебот на граѓаните, како и промени на лична документација на жителите на овие улици, каде што преку талибански процес се обидувате да го промените. Петре Шилегов ќе остане познат само по потрошените 100.000 евра за новогодишна журка, ливадата на плоштад Македонија, продажбата на Градската куќа, обезличување на Скопје. Градоначалниче, престанете да се иживувате со граѓаните на Скопје, тие бараат решавање на нивните проблеми, а не промени на имиња на улици, порача Попова.