коментари – Kurir.mk

Кочанчанка заработила кривична пријава за коментари на Фејсбук: Ширела расистички и ксенофобичен материјал!

Тале Кристо — Fri, 10 Feb 2023 18:36:54 +0000

Надворешната канцеларија за криминалистички работи Кочани поднесе кривична пријава против С.А.(42) од Кочани, поради постоење основано сомнение за сторено кривично дело „ширење на расистички и ксенофобичен материјал по пат на компјутерски систем“. На 19.12.2022 пријавената, на социјалната мрежа Фејсбук, во коментарите на својот објавен текст, промовирала омраза.

На Фејсбук повикувала на омраза, кривична пријава за жена од Кочани

Ивана Ефремовски — Thu, 22 Dec 2022 14:12:16 +0000

ОВР Кочани до Основното јавно обвинителство Кочани, ќе поднесе кривична пријава против С.А.(41) од Кочани поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“ казниво по член 394 - г од Кривичниот законик. Според пријавеното, во текот на 2022 година, на социјалната мрежа Фејсбук таа објавувала содржини со кои повикувала на омраза. Со лицето бил извршен службен разговор во полициска станица.

Постирале коментари на Фејсбук: Радовишанец и прилепчанец си добија кривична

Катерина Бојаџиева — Tue, 22 Nov 2022 16:11:40 +0000

СВР Охрид поднесе кривична пријава против Б.Ѓ.(57) од Радовиш и Д.Р.(40) од Прилеп, поради постоење основи на сомнение за сторено кривично дело „ширење на расистички и ксенофобичен материјал по пат на компјутерски систем“. Тие, на 24.06.2022, по текст од интернет портал објавен на социјалната мрежа Фејсбук, постирале коментари со кои ширеле говор на омраза.

Граѓаните со бурни реакции по изјавата на Ковачевски: Намалете ги вашите плати и непродуктивните трошоци за да нема инфлаторен притисок (ФОТО)

Ивона Петрова — Sat, 02 Apr 2022 14:53:04 +0000

По зголемување на минималната плата на 18.000 денари, синдикалните организации бараа скалесто зголемување на платите во јавниот сектор за да се постигне усогласување, но не наидоа на разбирање од владата. Пред неколку дена голем дел од синдикатите одржаа протест, по кој владата оствари средба со СОНК. Средбата не ги даде посакуваните резултати, а од СОНК најавија дека по одржаната седница донесена е одлука да настапат со генерален штрајк кој ќе започне од 11 април. Според најавите настава во училиштата нема да има, а во градинките нема да се примаат деца. Бурни реакции во јавноста по однос на прашањето со платите во јавниот сектор, во јавноста предизвика изјавата на премиерот Димитар Ковачевски. Во своето гостување на Алсат телевизија, премиерот вели дека дијалогот со СОНК е отворен и дека се разговара за рамка, односно методологија која што ќе овозможи без политички влијанија во иднина да расте платата на работниците во овие дејности. Ковачевски вели дека лично смета дека треба да има зголемување на платите во образованието, меѓутоа мора да бидеме свесни дека ова е најкризната година после Втората светска војна и мораме да се грижиме државата да може да ги финансира сите свои обврски што ги презеде. -Разговарав со претставниците на советот на Народната Банка, од причина што доколку ги зголемите платите колку што е вкупно барање на синдикатите, тоа може да произведе дополнителен инфлаторен притисок. А дополнителен инфлаторен притисок ќе значи дека и платата која ќе ја добијат работниците, таа после многу кратко време нема да вреди. Ако се зголеми инфлацијата тогаш обврската на Народната Банка е да интервенира преку зголемување на каматните стапки, што значи дека и долговите кои што ги имаат тие граѓани на тековни сметки на кредитни картички со зголемувањето на каматните стапки, ќе се зголемат и нивните обврски за плаќање. Затоа мора да се балансира решението помеѓу она што го бара синдикатот и она што го нуди како можност буџетот бидејќи веќе сите тие граѓани добиваат субвенција за струја, намалено ДДВ за храна итн, вели Ковачевски. По изјавата за „инфлаторен притисок“ граѓаните му порачаа на Ковачевски тој и членовите на владата да си ги намалат платите за да има за народот и земјата да не се соочи со инфлаторен притисок. Побараа и кратење на непродуктивните трошоци како нарачките за мебел, кратење на патните трошоци. Дел од граѓаните цинично коментираа дека нема потреба да се зголемуваат платите, само е важно да има за политичарите.

Во Софија уапсен маж за недолични коментари на Фејсбук за автобуската несреќа

Тале Кристо — Thu, 25 Nov 2021 10:41:49 +0000

Бугарското Министерство за внатрешни работи соопшти дека во Софија е уапсен 24-годишен маж поради неговите коментари на Фејсбук за трагичната автобуска несреќа на автопатот „Струма“ во Бугарија во која загинаа 45 македонски граѓани. Како што објави БТВ, мажот ќе подлежи на истрага за ширење омраза врз национална основа. За вакви прекршоци законот предвидува казна затвор од една до 4 години и глоба од 2,5 илјади до 5 пет илјади евра, како и јавно извинување.

Социјалните мрежи „вријат“, граѓаните бараат одговорност за пожарот: Очекуваме оставки (ФОТО)

Ивона Петрова — Thu, 09 Sep 2021 07:38:26 +0000

Граѓаните се револтирани по вчерашниот пожар кој избувна во модуларната болница за ковид пациенти во Тетово, а во кој според досега официјалните информации животот го загубија 14 лица. Премиерот Зоран Заев синоќа на социјалните мрежи изрази сочувство со семејствата на починатите и истакна дека причините за пожарот ќе бидат утврдени. -Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово, објави вчера Заев. Граѓаните во коментари под оваа објава му порачаа дека одговорност за ваквата голема трагедија мора да има и дека очекуваат владата да си поднесе оставка. За денеска во 10 часот е најавена вонредна владина седница за пожарот во Тетово.

Богоев бетонира дрва и прави паркови на асфалт, додека кејот на Вардар е вистинска депонија – граѓаните му одржаа лекција на градоначалникот

Дарко Андоновски — Tue, 20 Apr 2021 10:56:58 +0000

Откако градоначалникот на Карпош Стефан Богоев преку статус на Фејсбук се пофали дека градел паркови, а ВМРО-ДПМНЕ било против истото, граѓаните му одржаа лекција на Богоев кој ветуваше, а не исполни и не изгради речиси ништо во својот мандат. И додека граѓаните го чекаат месец октомври за да му кажат збогум на најнеспособниот градоначалник во Карпош, тие преку фотографии и коментари на социјалните мрежи го демантираа истиот дека градел паркови, а опозицијата била против нив.

Веројатно им е чудно на ВМРО-ДПМНЕ и Тони Јаревски што денеска јавните површини во Карпош прераснуваат во паркови,... Posted by Stefan Bogoev on Вторник, 20 април 2021

Дел од коментарите се дека градоначалникот ќе гради парк на асфалт, а дел од граѓаните му испратија и фотографии од ветуваните паркови, а денес истите се прераснати во депонии низ општината. На дел пак каде имаше паркови никнаа и згради, а граѓаните сето тоа му го предочија на градоначалникот под неговиот пост во кој ги нападна неистомислениците дека се против градење на паркови.

Над 900 коментари на Фејсбук статусот на Костадинов и сите се негативни (ФОТО)

Катерина Бојаџиева — Mon, 19 Apr 2021 16:02:34 +0000

Над 900 коментари на Фејсбук статусот на портпаролот на СДСМ, Костадин Костадинов и сите негативни! -Мицкоски оди во теретана во пик на пандемија, ДПМНЕ го бранат дека ништо лошо не правел. Колеги од СДСМ и коалицијата доаѓаат во скафандари согласно сите протоколи, затоа што криминалната ВМРО-ДПМНЕ прави се за да граѓаните и компаниите не добијат поддршка, тоа сега било кривично дело. Поголем доказ за нечовечност, народот никогаш нема видено, напиша Костадинов, а веднаш потоа следеа низа на негативни кометари. Вкупно има 909 коментари и сите се со критика за Костадинов. Ова се само дел од нив.

Тодоров се пофали со критики до ВМРО-ДПМНЕ, му “аплаудираа“ профили стари по две недели

Ивана Ефремовски — Wed, 03 Mar 2021 21:24:43 +0000

Никола Тодоров, екс-министер во Владата на ВМРО-ДПМНЕ, денес објави колумна во која го критикува раководството на истата партија. Колумната си ја сподели на социјалните мрежи, а под неа доби голем број на коментари. Дел од неговите Фејсбук “пријатели“ со пофални зборови ја коментираат колумната. Најголем дел од нив се многу “тазе“ членови и фанови. Како што можете да видите во продолжение, коментарите кои му “аплаудураат“ на Тодоров се од профили отворени пред две недели. Луѓето кои се воодушевени од зборовите на критичарите на ВМРО-ДПМНЕ, изгледа имаат креирано наменски, нови профили, па повеќе од очигледно е дека нешто е сомнително. Тие немаат ниту една објава на своите профили, а на најголем дел единствена активност на социјалната мрежа им се коментарите кај Тодоров.

Социјалните мрежи зовреа за време на пречекот на вакцините: „Барем сол и механизација да донираа да го исчистеа снегот“ (ФОТО)

Тале Кристо — Sun, 14 Feb 2021 11:06:34 +0000

На граничниот премин „Табановце“ денеска пристигна првата пратка на вакцина против Ковид-19 донација од Србија, каде што на примопредавањето присуствуваа премиерот Зоран Заев и српскиот претседател Александар Вучиќ. И додека граѓаните мака мачат со снегот и додека речиси цела Македонија е паралелирирана, властите наместо да го исчистат одлучија да тераат ПР, притоа поставувајќи црвен килим за пречек на вакцините од Србија. Револтот на граѓаните не изостана и за време на пренесувањето во живо додека траше примопредавањето на вакцините, па така револтираните граѓани коментираат, „Барем исол и механизација да донираја снегот низ Македонија да го исчистеја“, „Абе нели е срамота ваков циркус“, „Утепајте се“ се дел од коментарите по социјалните мрежи. Ваквиот револт кај македонските граѓанти следи откако надлежните во Македонија не успеаа да се справат со снежните врнеши кои што впрочем беа најавувани уште пред неколку дена, а снегот за едно деноноќие речиси и да ја паралелизираше целата земја. Иако изминативе месеци надлежните за чистење во зимски услови најавуваа дека подготвени и на висина на задачата за првиот снег, сепак се чини дека снегот одеднаш преку ноќ во месец февруари ги изнанади истите...