коментатори – Kurir.mk

(АУДИО) Босанскиот коментатор полуде по победата на Хрватска, на српскиот не му се „живееше“

Ристе Здравков — Mon, 12 Dec 2022 07:37:10 +0000

Голема е разликата во следењето на натпреварите на хрватската репрезентација на Светското првенство, од коментаторите од поранешна Југославија. Тоа најдобро се отсликува при коментарот од натпреварот меѓу Хрватска и Бразил што се одигра во петокот, а кој донесе големо изненадување. „Коцкестите“ го победија петкратниот светски првак и најголем фаворит на овој Мундијал, совладувајќи го на пенали. Коментаторот на босанската телевизија тоа го проследи со големо задоволство и буквално уживаше во победата на своите соседи. Сосема спротивно беше расположението кај коментаторот на Арена ТВ кој како да беше казнет да го води тој меч. На аудиото што го објави хрватскиот портал Индекс дури го нема целосно неговиот коментар по израмнувачкиот гол на Петковиќ кога Србинот се изгуби можеби цела минута за потоа постојано да зборува како Хрватска имала многу среќа и од единствениот удар ја затресла мрежата на противникот.

Најжестоката навивачка на Хрватска ги „збудале“ и арапските коментатори: „Ах, Габриел…“ (ВИДЕО)

Ристе Здравков — Mon, 28 Nov 2022 17:32:53 +0000

Една од „најжестоките“ навивачки на Хрватска, популарната Ивана Кнол повторно е со поддршка за „коцкестите“ и на Мундијалот во Катар. Ивана предизвикуваше воздишки и на претходните две светски првенства, а сега очигледно ги воодушевува и арапските коментатори кои не може да пропуштат коментар и за време на ТВ-преносите од фудбалските натпревари, секогаш кога Хрватицата ќе се појави во кадарот…

МОЌЕН ГОВОР КОЈ ЈА НАЕЖИ МАКЕДОНИЈА: Коментаторите со силни емоции и гласна порака во име на Македонците

Ивана Ефремовски — Sun, 13 Jun 2021 17:32:48 +0000

Говорот на македонските коментатори пред почетокот на мечот повторно ја наежија цела Македонија. КУРИР ви пренесува дел од моќниот говор на македонските коментатори на кои им велиме: СЕКОЈА ЧЕСТ! Добар ден МАЈКО МАКЕДОНИЈО. Добредојде во Европа, фудбалската Европа. Европа без вето, Европа на сите. Европа со еден и единствен, веќе потврден и незаборавен датум. Дедовци и баби, татковци и мајки, браќа и сестри, синови и ќерки – Македонија игра на Европско првенство. Ова е натпревар за спортска антологиј, за сите генерации минати, сегашни и идни. Натпревар кој ги обединува сите кои некогаш шутнале фудбалска бубамара, но како прозорец кон светот, парадоксално, во една од најтешките години на човештвото, претставува продолжение на величенствената година за македонскиот фудбал. За сите фрустрации, за минати и неостварени амбиции и соништа. Драги мои Македонци, ние никогаш не сме биле и нема да бидеме робови, но тие што мислеа дека се наши господари денеска знаат дека сме рамноправни со нив и длабоко во себе се плашат дека не само што сме рамноправни туку и дека ако не тие, нивниот пород кога-тогаш ќе сфати дека некогаш од нас го добиле највредното. Поуката дека човекот се раѓа за да се љуби. Мајко Македонијо, денеска сакај се себеси, денеска почитувај се себеси, верувај во себе и сеќавај се на тоа што ги учеше! Без оглед на се и после се, ги љубиме сите. Но, ќе размислиме дали да им простиме. Тие можат да бидат сигурни дека нема да заборавиме. Никогаш и за ништо!

ВИДЕО: Коментаторите на МТВ во транс, Македонија на Европско!

Ивана Ефремовски — Thu, 12 Nov 2020 20:53:08 +0000

Македонија е на ЕУРО, голема победа на Македонија, радост на душата, се дел од зборовите на нашите коментатори Горан Стерјов и Тони Стојановски од мечот Македонија -Грузија. Наше е, македонско, најдобри сме, пишува ДРИБЛИНГ објавувајќи го ова видео.