Комерцијална банка – Kurir.mk

Комерцијална Банка АД Скопје исто така ќе биде спонзор на нашата фудбалска репрезентација

Бошко Тасиќ — Tue, 11 May 2021 15:17:37 +0000

Македонската фудбалска репрезентација доби уште еден спонзор на претстојното Европско првенство во фудбал, кое во првата фаза ќе го играме во Букурешт и Амстердам. Да подсетиме ФФМ и Пивара Скопје потпишаа договор за партнерство, а сега уште еден бренд ќе биде партнер на националниот тим, а тоа се работи за Комерцијална Банка АД Скопје. Во среда во Хотел Хилтон во Скопје со почеток од 12:00 часот ќе биде официјализиран договорот за соработка помеѓу двете страни и ќе биде со важност на три години. На истиот ќе се обратат Муамед Сејдини, претседател на ФФМ и Илија Илоски, главен оперативен директор и член на УО на Комерцијална банка АД Скопје.

(ВИДЕО) Грозданов: Заев и Димитров ја нуделе Комерцијална Банка на Бугарите

Ристе Здравков — Fri, 15 Jan 2021 09:58:50 +0000

Утрово, гостин во емисијата „Утро со Златев“ беше гостин медиумскиот експерт Виктор Грозданов со кој се разговараше на повеќе теми. Тој изнесе ексклузивна информација дека Заев и Димитров ја нуделе Комерцијална Банка на Бугарите. – Нашата влада на чело со Заев и Димитров мислеа дека ќе отидат во Бугарија и дека ќе поминат тука така, започна гостинот Грозданов. Тој вели дека Бугарија имала високки барања од нашата Влада, а дека тие биле спремни во голем дел да ги прифатат. – Они имаат таму ветено нешто што не можат да го исполнат. Јас ова го знаев уште во 2019 година. Они, (мислејќи на нашата Влада), ја нуделе Комерцијална Банка да биде банка на Бугарите. Тука е раздорот, вели Грозданов.

Банкарски гигант застанува позади Европскиот првак Вардар

Ристе Здравков — Thu, 13 Aug 2020 12:37:43 +0000

Актуелниот европски првак Вардар влегува во новата сезона со големи амбиции. Утре ,,новиот” Вардар ќе го има првиот натпревар пред домашната јавност, а по тој повод денеска од РК Вардар го промовираа и дресот за оваа натпреварувачка сезона. Дресот уште оваа сезона ќе биде од компанијата „Хумел“ со традиционалните ,,црвено-црни” ленти, но на него сега има сосема поинакви спонзори. Банкарскиот гигант „Комерцијална банка АД Скопје“ ќе биде главен финансиер на вардарци. Покрај “Комерцијална Банка” , на дресот ќе го пишува името и на ,,Ватростална”, компанијата која е во сопственост на Михајло Михајловски.

Прв позитивен случај на Коронавирус во Комерцијална банка

Катерина Бојаџиева — Mon, 23 Mar 2020 07:04:13 +0000

Комерцијална банка АД Скопје уште од самиот почеток на појавата на Коронавирусот Covid-19 во земјава ги презеде сите мерки за заштита на здравјето на вработените и на клиентите и за намалување на потенцијалните ризици во работењето, пренесува порталот „банкарство.мк“. Во таа насока распоредени се тимови на различни локации и на работа од дома, а деловните простории на Банката, редовно се дезинфецираат и се опремени со средства за дезинфекција, заштитни маски и ракавици за вработените. Поради утврден случај на вработен во Комерцијална банка АД Скопје, кој е од Скопје и е позитивен на Коронавирусот Covid-19, согласно насоките од надлежните институции Банката денес изврши нова, темелна дезинфекција на сите простории во деловните згради КБ1 и КБ2. Сите потребни и дополнително засилени мерки на заштита и превенција се преземени, со што деловните процеси продолжуваат со редовна работа. Сите услуги на Банката се достапни и функционираат нормално. Сите вработени во Банката кои имале непосреден контакт со вработениот кој е позитивен на Covid-19 ќе бидат во самоизолација во наредните 15 дена, согласно воспоставената комуникација и добиени насоки од надлежните институции во Република Северна Македонија. Тимот на Комерцијална банка му поскаува брзо опоравување на вработениот и со нетрпение го очекува неговото враќање на работа. Од банката велат дека сите без исклучок сме исправени пред актуелните предизвици, а фокусот на Комерцијална банка АД Скопје останува на заштита на здравјето на вработените и на клиентите и на достапност на сите наши услуги и производи во секое време, додава порталот банкарство.мк.