Комисија за економија на ВМРО-ДПМНЕ – Kurir.mk

„Македонската економија наместо да се опоравува од кризата, уште повеќе тоне!“

Катерина Бојаџиева — Wed, 04 Aug 2021 18:08:45 +0000

МАКЕДОНСКАТА ЕКОНОМИЈА НАМЕСТО ДА СЕ ОПОРАВУВА ОД КРИЗАТА, УШТЕ ПОВЕЌЕ ТОНЕ! Заев и СДСМ се обидуваат да прикажат во јавноста дека економијата е стабилна и дека се опоравува од кризата со презентирање на податоци дека расте извозот во првите пет месеци и дека е остварена рекордна економска активност на ТИР зоните во првите шест месеци од 2021 година, велат од Комисијата за економија на ВМРО-ДПМНЕ. -Но, ајде да ја видиме вистината и реалноста со која се соочува нашата економија со погрешните економски политики на Заев и СДСМ. Во првите пет месеци од годината извозот бележи зголемување за 866 милиони евра, но истовремено вредноста на увозот бележи зголемување за 1.086 милиони евра, споредено со истиот период лани. Ова значи дека трговскиот дефицит бележи раст за цели 28% или во апсолутен износ тоа зголемување е за цели 220 милиони евра. Имено, трговскиот дефицит или дефицитот во нето-извозот во првите пет месеци од 2021 година веќе достигна 1 милијарда евра, што значи дека увозот е поголем од извозот за повеќе од 1 милијардна евра. Оваа 1 милијарда евра трговски дефицит се покрива преку задолжување на држвата, задолжувања на граѓаните и задолжувања на приватниот сектор. Тоа е најдобар показател дека економскиот модел е неодржлив и дека државата, приватниот сектор и граѓаните со оваа Влада на СДСМ стануваат се’ посиромашни и позадолжени. Дополнително, потврта за лошите економски перформанси во 2021 година е фактот што нето-извозот од ТИРЗ во првите шест месеци од 2021 година бележи пад за цели 96%. Имено, нето-извозот од ТИРЗ во првото полугодие од 2021 година изнесува скромни 4 милиони евра, додека вредноста на нето-извозот во истиот период лани изнесувал 104 милиони евра.

„Годишно долгот расте побрзо во време на власта на СДСМ, а помал процент се одвојува за капитални инвестиции“

Магдалена Андонова — Thu, 29 Jul 2021 10:26:27 +0000

ЈАВНИОТ ДОЛГ И КАПИТАЛНИТЕ ИНВЕСТИЦИИ СЕГА И ТОГАШ! Јавниот долг на државата во периодот 2006-2016 кога Владата на Македонија ја предводеше ВМРО-ДПМНЕ се зголеми во апсолутен износ за 2.9 милијарди евра или годишно по 290 милиони евра. Во тој период голем дел од тие задолжувања одеа за реализација на капитални инвестиции што се потврдува со податокот дека дури 11% од буџетот годишно биле капитални инвестиции. Денес, јавниот долг за само четири години јавниот долг е зголемен за цели 2.4 милијартди евра или по 600 милиони годишно. Денес, капитални инвестици речиси и да нема. Од буџетот на државата за капитални инвестиции се одвојуваат скромни 6.5%. Значи, јавниот долг во време на ВМРО-ДПМНЕ растел по 290 МИЛИОНИ ЕВРА годишно, а во време на СДСМ по 600 МИЛИОНИ ЕВРА годишно. Капиталните инвестиции во време на ВМРО-ДПМНЕ биле 11% од буџетот, а во време на СДСМ се 6.5% од буџетот. Тоа е разликата помеѓу ВМРО-ДПМНЕ и СДСМ во делот на јавниот долг и капиталните инвестиции. Фејсбук статус на Комисии за економија на ВМРО-ДПМНЕ

Комисија за економија на ВМРО-ДПМНЕ: Власта се обидува да манипулира преку поставување на нереални очекувања

Магдалена Андонова — Sun, 09 May 2021 17:40:35 +0000

Празни флоскули и гола реторика во која ниту тие самите не веруваат! Владата предводена од СДСМ и ДУИ продолжува со поставување на нереални очекувања во кои ниту тие самите не веруваат. Имено, во услови кога Македонија забележа еден од најлошите економски резултати во 2020 година споредено со земјите од регионот и во услови кога се очекува една од најниските стапки на раст во 2021 година (Светска Банка проекти стапка на раст од 3.6% во Македонија, 4.4% во Албанија, 5% во Србија, 3.9% во земјите членки на ЕУ), владините претставници се обидуваат да манипулираат преку поставување на нереални очекувања кои се обични флоскули во кои ниту тие самите не неруваат. Нема вистинска развојна стратегија и јасна методологија со конкретни политики, но има расфрлање со лажни ветувања кои имаа единствена цел нереално да ги подигнат очекувањата во услови кога на сите им е јасно дека немаат капацитет успешно да ја водат економија. Фејсбук статус на Комисија за економија на ВМРО-ДПМНЕ

„Лажни ветувања за нови странски инвестиции, наспроти суровата реалност дека Македонија станува најнеповолна дестинација за СДИ во регионот“

Магдалена Андонова — Sun, 11 Apr 2021 10:05:41 +0000

Повторно лажни ветувања за нови странски инвестиции, наспроти суровата реалност дека Македонија станува најнеповолна дестинација за СДИ во регионот! Директорот на ТИРЗ најавува нови странски инвестиции, нови работни места, раст на платите во ТИРЗ зоните, и сето тоа само едни ветувања кои наликуваат на оние во изминатите четири години кога Заев ги најавуваше Гугл и Фејзбук, најавите дека во првите три месеци од новата влада ќе влезат големи инвестиции како што се ИКЕА и Блекстоун. Но, ајде да ја видиме реалноста. Во 2020 годима Република Македонија имаше најнизок прилив на СДИ како % од БДП споредено со сите земји од регионот. За илустрација, Република Македонија има 1.9% прилив на СДИ во 2020 година, додека истовремено Србија забележала 4.8%, Албанија 5.7%, а Црна Гора дури 11%. Она што е позагрижувачки е фактот што очекувањата за 2021 година се исто така неповолни. Имено, Светска Банка предвидува прилив на СДИ од 2.6% во Република Македонија, наспроти Србија каде се прогнозира 5%, Албанија 6.2%, додека Црна Гора 8.2% прилив на СДИ како процент од БДП. За поразителната состојба со СДИ потврда е фактот што Македонија од најатрактивна дестинација за странски инвестиции во регионот пред само неколку години, денес поради корупцијата и криминалот, невладеењето на правото и тотално незаинтересирана Влада за привлекување СДИ, станува најнеповолна локација за странските инвеститори. Косово (4%) и Босна и Херцеговина (2.1%) се земји кои во 2020 година имале поголем прилив на СДИ од Македонија (1.9%), но истовремено според проекциите на Светска Банка ќе имаат поголем прилив на СДИ ѝ во 2021 година. Фејсбук статус на Комисија за економија на ВМРО-ДПМНЕ

Комисија за економија на ВМРО-ДПМНЕ: Владата предводена од СДСМ не е способна да се справи со кризата

Тале Кристо — Sun, 14 Feb 2021 19:42:02 +0000

Па нормално е дека ќе имаме некако раст годинава кога минатата година ја завршивме со пад поголем од - 5%, а растот на економијата во тековната година се мери во однос на минатата година, реагираат од Комисијата за економија на ВМРО-ДПМНЕ.. Она што е многу поважно е фактот што растот годинава нема да биде доволен за да ги покрие загубите од минатата година, што значи дека враќање на економија на нивото пред кризата се очекува на крајот на 2022 година, велат од Комисијата. Од ова може да се заклучи колку е неспособна оваа Влада предводена од СДСМ да се справи со кризита, а да не зборуваме за илјадници ветени, а не реализираа проекти во економијата, стои во реакцијата.

Комисија за економија на ВМРО-ДПМНЕ: Заев продолжува со манипулации за прикривање на своите неуспеси во економијата!

Магдалена Андонова — Wed, 20 Jan 2021 10:42:31 +0000

Заев продолжува со манипулации за прикривање на своите неуспеси во економијата! Денес премиерот Заев најави отпочнување на некаква нова странска инвестиција во ИКТ секторот. Во суштина не станува збор за никаква нова инвестиција, туку комерцијално преземање на веќе постоечка и добро етаблирана македонска ИТ компанијата Сеавус од страна на Чешка ИКТ компанија. Нешто што е договорено и реализирано пред неколку месеци во чисти пазарни и бизнис услови без никакво влијание или придонес од страна на Владата. Фејсбук статус на Комисија за економија на ВМРО-ДПМНЕ

Комисија за економија на ВМРО – ДПМНЕ: Недостиг на стратегија и план за справување со економските последици од кризата е најголемиот проблем на оваа Влада

Магдалена Андонова — Wed, 16 Dec 2020 20:19:08 +0000

„Недостиг на стратегија и план за справување со економските последици од кризата е најголемиот проблем на оваа Влада предводена од СДСМ! Имено, во нормални услови кога државата има стратегија, пред да се преземе било каква рестриктивна мерка која што ќе има негативно влијание врз некој сектор, најпрво се прави анализа за штетите, се дефинираат конкретни политики за поддршка, а потоа се носат евентуални рестриктивни мерки. Кај нас, прво се затвораат цели сектори во кои егзистираат илјадници компании и работат илјадници вработени, а потоа владата разгледува мерки за поддршка. Така беше во март и април, така ќе биде и сега. Само за жал, цената од ваквата неспособна влада ја плаќа стопанството и граѓаните.“ Фејсбук статус на Комисијата за економија на ВМРО-ДПМНЕ

Комисија за економија на ВМРО-ДПМНЕ: Слоганот на СДСМ за овие избори е „нудиме нова развојна економија“

Магдалена Андонова — Wed, 08 Jul 2020 10:21:43 +0000

Слоганот на СДСМ за овие избори е "нудиме нова развојна економија". Првото логично прашање е каква била економијата во претходните три години, ако сега нудат нова развојна економија? Па зошто ако блескавме како што велеше Зоран Заев, сега ни е потребна "нова економија"? Вистинскиот одговор е дека во изминатите три години имавме стара и неразвојна економија полна со неуспеси и стагнации без никаков прогрес во животниот стандард на граѓаните, но и дека овој нов слоган е само уште еден обид за предизборна манипулација на Заев и СДСМ. Комисија за економија

Комисија за економија на ВМРО-ДПМНЕ: Нема да можете да ги изманипулирате граѓаните на овие избори со ветувања за плата од 30.000 денари!

Дарко Андоновски — Mon, 24 Feb 2020 12:22:28 +0000

Комисијата за економија на ВМРО-ДПМНЕ на својот Фејсбук профил вчера сподели статус во кои го прашуваат СДСМ зошто просечната нето-плата во 2019 година расте со 3.9% што е за 2 процентни поени пониска од стапкат на раст на платите во 2018 година? -Ги прашуваме СДСМ, зошто просечната нето-плата во 2019 година расте со 3.9% што е за 2 процентни поени пониска од стапкат на раст на платите во 2018 година? Ова уште повеќе ако се земе во предвид сознанието дека најголем број на работници го враќаат делот од поголемата минимална плата на своите газди и фактот што дел од зголемувањето на платите преку законот за субвенционирање на продонеси се средства што дел од граѓаните ги земале во плико што значи дека тие работници имаат само статистичко, а не ѝ реално зголемување на платите. Дополнително, ги потцетуваме дека за разлика од овие две и пол години од нивното владеење кога платите растат со просечна стапка од 4.4% со целиот државен интервенционизам, просечната стапка на раст во првите две и пол години од владеењето на ВМРО-ДПМНЕ (пред воведувањето на концептот на бруто плата) изнесуваше 8.8% или два пати повеќе. Сето ова е потврда дека сите козметички мерки на оваа неспособна влада не дадоа никакви ефекти за подобрување на стандардот на граѓаните и тоа е главната причина зошто се толку нервозни.

Наскоро ве очекува соочување со граѓаните! Нема да можете да ги изманипулирате на овие избори со ветувања за плата од 30.000 денари! Тие најдобро знаат како живеат и што вие (не)направивте за нив. #ДоаѓаЕкономскаОбноваНаМакедонија, стои во нивниот пост на Фејбсук.

Комисија за економија: Се влошува извозната конкурентност на македонската економија!

Катерина Бојаџиева — Sat, 07 Dec 2019 15:05:54 +0000

Податоците на Државниот завод за статистика покажуваат дека јазот во нето-извозот се продлабочува што е потврда дека се влошува извозната конкурентност на македонската економија, велат од Комисијата за економија на ВМРО- ДПМНЕ. -Имено, извозот во третиот квартал од 2019 година се зголемил за 8.4%, додека истовремено увозот пораснал за 10.9%. Ваквата негативна тенденција предизвика продлабочување на јазот во нето-извозот (трговскиот дефицит) од 189 милиони евра во третиот квартал од 2018 година на 253 милиони евра во третиот квартал од 2019 година или за цели 34%. Ова е потврда дека оваа Влада на СДСМ и Заев ја водат економијата во непосакувана насока. На 12 Април овие погрешни економски политики ќе бидат казнети од граѓаните и ќе дојде обнова на македонската економија базирана на нов економски концпет и вистински развојни политики.