Комисија за локална самоуправа на ВМРО-ДПМНЕ – Kurir.mk

„Заев, Шилегов и Богдановиќ, по преспани мандати, познати само по афери и корупциски скандали, извршија увид во работа на 150 метри реконструирана улица“

Катерина Бојаџиева — Mon, 17 May 2021 19:20:54 +0000

ПРЕМИЕР И ДВАЈЦА ГРАДОНАЧАЛНИЦИ НА УВИД ВО РЕКОНСТРУКЦИЈА НА 150 МЕТРИ УЛИЦА. Вчерашниот настан во скопски Центар е перфектен приказ на начинот на кој СДСМ ја води локалната самоуправа изминативе 3,5 години. Со неверојатна медиумска помпа, премиер на држава, градоначалник на Град Скопје и градоначалник на Општина Центар, присуствуваа на увид во работи на реконструкција на улица во должина од фантастични 150 метри!!!, велат од Комисијата за локална самоуправа на ВМРО-ДПМНЕ. -Сите тројца, Заев, Шилегов и Богдановиќ, по преспани мандати, познати само по афери и корупциски скандали, извршија увид во работа на 150 метри реконструирана улица Орце Николов. За потсетување, овие 150 метри улица чија реконструкција започна на 22 март и е далеку од комплетирана, ќе ги чини граѓаните фантастични 64,8 милиони денари или повеќе од 1 милион евра за 150 метри улица. Она што е потрагично е што за останатиот дел од Орце Николов (до крстосницата со улица Френклин Рузвелт), или уште некој 800 метри, без срам и око да им трепне, Богдановиќ најави дека ќе се реализира во наредните 5 фази!!! Како што тргнал СДСМ, нивниот есап е 1000 метри улица, 5 фази, 5 години, 5 милиони евра! На овој есап може да им позавиди и екс градоначалникот на Центар, Андреј Жерновски, кој пред 5-6 години потроши 1,1 милиони евра за поплочување на две улички во Дебар Маало, стои во нивната објава на Фејсбук.

Комисија за локална самоуправа на ВМРО-ДПМНЕ: Продолжува забеганоста на Шилегов и неговите најблиски соработници

Дарко Андоновски — Tue, 04 May 2021 09:51:47 +0000

Комисијата за локална самоуправа на ВМРО-ДПМНЕ преку статус на Фејсбук пишува дека продолжува забеганоста на Шилегов и неговите најблиски соработници, тие обвинуваат за нови скандали и афери. -Нема да помине ден а јавноста да не е згрозена од нов скандал на скопскиот градоначалник Шилегов и неговите најблиски соработници. Треба само да ги разгледаме вестите и социјалните мрежи од изминативе неколку месеци, и ќе се потсетиме дека само во 2021 година Шилегов и неговите соработници имаат направено десетици скандали и афери, за кои во нормална држава досега ќе имаше кривини пријави, апсења и оставки. Да ја потсетиме јавноста, само дел од овие скандали, каде како „најскандалозни“ можеме да ги издвоени: - Криминалниот тендер на Шилегов за набавка на скали за противпожарни возила за фантастични 1,7 милиони евра, додека Загреб за истата има платено повеќе од двојно помалку; - Задолжувањето на скопјани за преку 70 милиони евра за изградба на некаков автобуски систем, кој реално нема да го подобри значително сообраќајот во главниот град, но затоа за неговата изградба ќе се уништи средишното зеленило на повеќето градски булевари, при што ќе се уништат преку 40.000 метри квадратни, а дополнително ќе се уништи и еден од новите најубави паркови во Ново Лисиче за изградба на депо. - Додека се најавува големо уништување на ова зеленило, како и секојдневната сеча за стотици дрва за изградбата на згради и уништувањето на Аеродром и Кисела Вода, поранешните лажни НВО активисти, шарени револуционери, паркобрани и сл., а денес функционери во Град Скопје и советници, не само што не се борат за тоа за што ја лажеа јавноста пред 4 години, туку отворено лажат и измислуваат за реализирани проекти и нови паркови, молчат за секојдневната бетонизација на Скопје... - Деновиве Шилегов и градоначалникот на Карпош беа во центар на вниманието и по скандалот со депонирањето на шут во т.н. парк во изградба во Карпош 4, веднаш до втората заштитна зона на бунарското подрачје „Нерези Лепенец", кое ги снабдува со вода скопјани и постои опасност од контаминација и е крајно незаконски. - Нивната забеганост оди до таму, што очигледно нервозниот и испаничен Шилегов се кара со кого стигне на телевизии, дали навреди и квалификации, а ништо подобар не е и неговиот шеф на кабинет Наумоски, кој неговата ароганција и фрустрации секојдневно ќе демонстрира на социјалните медиуми каде ги навредува сите кои не се согласуваат со него, вклучувајќи го и великанот на македонската драматургија Горан Стефановски. - Рекетирањето на секретарот на Град Скопје, Викторија Мадиќ и шефот на кабинет Наумоски на познат скопски адвокат, каде истите бараат противуслуги преку вработувања на нивни луѓе во приватна адвокатска канцеларија за можноста да соработуваат со едно од скопските претпријатија - Двојните аршини во македонското општество, каде директорот на Зоолошката градина, Ѓорѓи Галетановски – Чомбе присуствува на натпревар на македонската ракометна репрезентација, додека граѓаните изминатава година се соочуваат со забрани за движење и присуство на вакви манифестации. За граѓаните казните се драконски, за функционерите на СДСМ секако нема никакви реперкусии. Завршуваат 4 години од власт на Петре Шилегов и неговиот тим, кои ќе останат запаметени по неработата, скандалите и корупцијата. На наредните локални избори скопјани ќе го казнат мрзеливиот Шилегов и ќе го испратат во политичка историја, стои во нивниот пост на Фејсбук.

ПРОДОЛЖУВА ЗАБЕГАНОСТА НА ШИЛЕГОВ И НЕГОВИТЕ НАЈБСЛИСКИ СОРАБОТНИЦИ, НОВИ СКАНДАЛИ И АФЕРИ СЕКОЈ ДЕН Нема да помине ден... Posted by Комисија за локална самоуправа on Вторник, 04 мај 2021

Комисија за локална самоуправа на ВМРО-ДПМНЕ: Задолжувањето со 70 милиони евра за БРТ во предизборен период е дрзок и безмалку безобразен потег

Дарко Андоновски — Thu, 22 Apr 2021 13:55:35 +0000

Локалната самоуправа на ВМРО-ДПМНЕ сподели статус на Фејсбук во кој прашува дали некој ќе одговара за своите постапки? -Ќе одговараат ли за своите постапки ?!? 👎Неработливоста, неспособноста, немањето на визија,цел,трошењето на време со небитни работи (отстранување на споменици, галии, надмудрувањa...и сл.), доведоа Скопјани во иднина да го плаќаат цехот на еден неспособен градоначалник!! ▶️Грешките произлезени од преспаниот мандат и создадената затекнатост од неработа, предизвика неповратни 4 години потрошени од нивниот животот❗ Отсутноста на суштинска и стручна дебата, анализа, физибилити студија поткрепена од мислењето на научната фела и други искуства доведува до нетранспарентно и неисправно трошење на јавни пари за т.н. капитални проекти... Ваквата ситуација доведува до парцијално и брзоплето решавањето на еден, а продуцирање десетици други проблеми...⁉️ Taка задолжувањето со 70 милиони евра за БРТ во предизборен период (на крајот од мандат) е дрзок и безмалку безобразен потег кој отвора рак рани пред сѐ на оној кој ќе биде иден "градски татко" и ќе раководи со главниот град ....❗ 👉Безмилосното оставање огромни долгови,создава и огромни проблеми за идните власти... 👉Добивањето на минимално (беззначаен) побрз транспорт, на сметка на уништување на зеленило, подземна и надземна инфраструктура, создавање на нов сообраќаен хаос... е само дел од постоечката енигма на овој сомнителен проект!! ❗За вакви капитални решенија во Законите на државава, но и во практиката на Европските градови се дефинирал поимот "Референдум"-кој на демократски начин треба да изнајде рационално и функционакно решение (од понудени повеќе) за реализирање на ваков капитален проект. ❗Вака брзоплето, наметнато и дискутабилно решение за брз превоз на Скопјани, не е ништо друго освен создавање на уште едно непријатно чувство кај народот дека политиканството односно брзото "мачкање" очи пред изборите е одлика на оваа Власт или накратко тоа се вика:- "затекнати од политички шалабајзеризам"!!, стои во неговиот пост на Фејсбук.

Ќе одговараат ли за своите постапки ?!? 👎Неработливоста, неспособноста, немањето на визија,цел,трошењето на време со... Posted by Комисија за локална самоуправа on Четврток, 22 април 2021

Комисија за локална самоуправа: Дали оваа состојба во Тетово е последица од перењето на пари за овие згрешени и фалц проекти? (ФОТО)

Катерина Бојаџиева — Mon, 19 Apr 2021 15:20:21 +0000

Македонија е земја на чудата и иновации, а последната на локалната самоуправа од Тетово е правењето на Оф-роуд велосипедски патеки низ урбани градски средини, велат од Комисијата за локална самоуправа на ВМРО-ДПМНЕ. -Зачудени сме од „храброста“ на Општина Тетово, која реши да се пофали со обележената сигнализација, притоа не забележувајќи ја состојбата и препреките на т.н. велосипедски патеки кои изгледаат како Тетово да е домаќин на следното Светско првенство во друмски велосипедизам. Ова е само уште еден „проект“ на Општина Тетово, каде во обид за поентирање кај јавноста преку замачкување на очи, имаме состојба која загрозува безбедноста и здравјето на граѓаните. Отворено прашуваме, кој ќе сноси одговорност за овој опасен по здравјето проект на Општина Тетово и кој ќе плати за повредените велосипедисти и оштетените велосипеди? Дали оваа состојба е последица од перењето на пари за овие згрешени и фалц проекти? Дали за Општина Тетово ваквиот евтин ПР е приоритет, во време кога граѓаните со месеци имаат проблем со водоснабдувањето?, прашуваат од Комисијата.

„Продолжуваат сомнителните тендери и јавни набавки на општините во време на пандемија“

Магдалена Андонова — Tue, 30 Mar 2021 09:24:56 +0000

Не поминува ден да не сме потсетени на криминалното владеење на СДСМ на локално ниво. Изминатиов период покрај секојдневните огласи за нови партиски вработувања, јавноста е сведок на голем број сомнителни и криминални јавни набавки кои се реализираат од страна на државата, општините и јавните претпријатија. Така, изминативе неколку месеци македонската јавност дозна за тендерот на Шилегов за чистење на снегот кога немаше снег вреден 1 милион евра, милионската сума дадена на сопругот на министерката Мила Царовска, како и веќе легендарниот тендер каде Рашковски купи неискористен софтвер самиот од себе, стои во Фејсбук статусот на Комисија за локална самоуправа. - Сепак, верувале или не, последниов пример со градоначалникот на Аеродром, Златко Марин, ги надминува сите досегашни примери за апсурдност и корупција. Така, во време на пандемија, кога учениците не посетуваат настава, Марин врши набавка за униформи во вредност од фантастични 12 милиони денари. Да, 12 милиони денари за набавка на ученички униформи во време кога повеќе од 1 година немаме физичка настава. Ова, за жал, е само еден од многуте примери за криминалното владеење на СДСМ, каде наместо да се грижат за интересите на граѓаните и нивното здравје, тие преку криминални јавни набавки си ги полнат сопствените џебови, пишува во објавата.

„Продолжува трупањето на партиски војници во општините и претпријатијата, во моментов активни конкурси за 100-тина нови вработувања“

Тале Кристо — Wed, 24 Mar 2021 10:32:57 +0000

Безобразноста на СДСМ во уништувањето на локалните самоуправи нема крај. На речиси 7 месеци пред одржувањето на локалните избори, СДСМ не бираат средства за обид на поткуп на граѓаните и смирување на незадоволството на нивното членство, преку секојдневни огласи за вработување во општините, јавните претпријатија и останатите локални образовни и културни институции, реагираат од Комисијата за локална самоуправа на ВМРО-ДПМНЕ. Толкав е бројот на огласи што едноставно е невозможно да се прати темпото со кое СДСМ ја упропастува функционалноста и финансиската стабилност на општините и локалните институциите. За СДСМ не е доволно што истите се веќе одамна превработени! За СДСМ не е доволно што истите се презадолжени! За СДСМ не е доволно што истите се неефикасни! За СДСМ не е доволно што веќе еднаш им ги покрија загубите со посебен закон, а сакаат да го повторат тој чин со нов закон! За СДСМ не е доволно што нивен кадар предводи општина која има поделено и наплатено 0% данок на имот! Соочени со гневот на народот за нивното мизерно управување со локалната самоуправа изминативе 3,5 години, како и соочени со големото незадоволство на нивното членство, СДСМ изминативе неколку месеци започна акција за масовно полнење на општинските администрации, тие на јавните претпријатија, како и на културните и образовните институции во нивна надлежност со партиски војници. Секој ден „фрчат“ нови огласи за вработувања, каде само во моментов имаме активни огласи за речиси 100 вработувања, а во моментов на големо се менуваат и годишните планови за вработувања со кои се менуваат систематизации и се отвора патот за дополнително оптоварување на општинските буџети. Само последнава недела, во време на економска криза и глобална пандемија, бевме сведоци на планот на Општина Гази Баба да потроши фантастични 14 милиони денари за привремени вработувања, додека Општина Бутел секоја година е лидер во оваа категорија каде во просек се трошат по околу 400.000 евра. Слична е состојбата и во Куманово, каде со измените на годишниот план за вработување во 2021 година на ЈП „Водовод“ – Куманово, предвидени се дополнителни 54 вработувања. Сите овие очајни потези и евтини трикови нема да поминат и граѓаните на претстојните локални избори ќе ја казнат СДСМ за нејзината неспособност и корумпираност, велат од Комисијата за локална самоуправа на ВМРО-ДПМНЕ.

Комисија за локална самоуправа на ВМРО-ДПМНЕ: СДСМ целосно потфрли во областа на управувањето и рециклирање на о

Тале Кристо — Sat, 06 Mar 2021 11:29:04 +0000

Еден од главните фактори во борбата против загадувањето и подобрата животна средина е соодветно собирање и третман на комуналниот отпад, велат од комисијата за локална самоуправа на ВМРО-ДПМНЕ. СДСМ во изборните кампања изминативе неколку циклуси ветуваа големи проекти и активности во оваа област, како што се: - Справување со проблемот со дивите депонии; - Отворање на регионални депонии кои ќе работат по европски стандарди; - Соодветен третман и рециклирање на отпадот. Пет години од превземањето на централната и три и пол години на локалната власт, состојбата на терен е катастрофална и никогаш не била полоша: - Цела Македонија е претворена во депонија, истите никнуваат неконтролирано во сите општини. За катастрофата да биде поголема, во текот на зимските месеци, истите се палат и ова е еден од главните фактори во загадувањето на воздухот, а градоначалниците на СДСМ и ДУИ се целосно неспособни да се справат со оваа појава. - На сите ветувања, иако беа оставени поголем број на проекти во поодмината фаза од минатата влада предводена од ВМРО-ДПМНЕ, досега не е отворена ниту една модерна регионална депонија. Напротив, веќе 5 години ги слушаме истите изговори, дека се работи на проекти, на идејни проекти, кај и да е ќе започне нивната изградба... за цела Македонија да се дави во диви депонии. - СДСМ ветуваа модерен третман на отпадот и негова рециклажа. За жал, сите овие години подоцна, сведоци сме дека рециклирањето е сведено на мизерен минимум, а за ова сведочи и последниот извештај од проектот „Управување со стаклена амбалажа на Западен Балкан“, кој во нашата земја го спроведуваат Германското друштво за интернационална соработка (ГИЗ), Заединицата на единици за локална самоуправа на Македонија (ЗЕЛС) и компанијата Пакомак. Во истиот е нотирано дека рециклажата на стакло во Македонија е на многу низок степен и далеку зад просекот на европските држави, каде тој изнесува 70%. За време на кампањите за парламентарните и локалните избори, СДСМ ветуваа инвестиции во набавка на возила, опрема и сл. за да се развие системот за рециклирање и управувањето на отпадот. Денес сме сведоци дека државата и општините не вложуваат воопшто во современ третман на отпадот и рециклирање, додека, за жал, единствените инвестиции, иницијативи и проекти доаѓаат од невладиниот сектор и странски фондации. За џабе беше полнењето на администрациите на општините и јавните комунални претпријатија со партиски војници, кога ниту граѓаните добиваат подобри комуналните услуги, ниту имаме подобрување на третманот на отпад, ниту имаме поефикасна борба против создавањето на нови диви депонии, се вели во обајавта на комисија за локална самоуправа на ВМРО-ДПМНЕ.

Комисија за локална самоуправа: 130.000 евра пари на Скопјани за предизборна кампања на Шилегов

Катерина Бојаџиева — Thu, 04 Mar 2021 15:04:49 +0000

130.000 евра или 8 милони денари е договорот кој го склучил град Скопје за Подготовка и имплементација на промоција на кампањи за посебни проекти за активностите на Градот Скопје со омилената агенција на власта ЊУ МОМЕНТ ЊУ ИДЕАС КОМПАНИ ДОО Скопје, велат од Комисијата за локална самоуправа на ВМРО-ДПМНЕ. -Договорот предвидува изработка на креативни решенија, закуп на рекламен простор на Билборди, ѕидови, светлечки реклами, автобуси и автобуски постојки како и закуп на простор на веб портали и социјални медиуми како фејсбук и гугл. И покрај законска забрана за медиумско рекламирање на општините власта продолжува да го изигрува законот и наместо на телевизиите сега Петре во предизборен налет со пари на Скопјани ќе го гледаме по билборди и залепен на автобуси. Во наредниот период со 130 000 евра преку социјалните медиуми агенцијата Њу момент ќе не убедива колку Шилегов и Град Скопје работат во интерес на граѓаните. Жителите на Скопје и на околината треба да очекуваат дека кога и да го отворат мобилниот на социјланата мережа Фејбук ќе им се појавува приказна за „работливиот” Шилегов и неговите мега проекти за Скопје кој досега никој не ги виде, велат од таму и додаваат: „Инаку истата оваа агенција за владата на Заев ја работеше кампањата “Црвениот телефон” на ТВ Телма каде тогашта опозиција а денеска власт глумеше проесионално новинарство. Сопствениците на оваа агенција се поврзуваат и со членување во некои еколошки здруженија кои до 2017 година беа доста бучни околу загадувањето во Скопје. Скоро 4 години подоцна истите тие здруженија не ни споменуваат дека во Скопје има загадување. Што ќе ги убедува Скопјани оваа агенција за најлошиот градоначалник во историјата на Скопје останува да видиме“.

Комисија за локална самоуправа на ВМРО-ДПМНЕ: 1.44 милиони евра пари на Скопјани за реконструкција на Кеј 13-ти ноември

Тале Кристо — Fri, 19 Feb 2021 14:01:29 +0000

Продолжува недомаќинското работење на Петре Шилегов. Скоро 1,5 милиони евра ќе се потрошат за реконстрикција на Кеј 13-ти Ноември, реагират од Комисија за локална самоуправа на ВМРО-ДПМНЕ. Според проектот ќе се врши партерно уредување на кејот, на потегот од хотелот „Холидеј ин“ до зградата на „Телеком“. Предвидено е отстранување на старите и оштетени плочки, клупите, корпите за отпадоци, канделабрите, како и крајните жардиниерите кои се еден вид ограда. Издрадба на улица од Холидеј ин до зградата на Телеком останува а ветувањата за комплетна пешачка зона се заборавени од Шилегов. Се отстрануваат и летните тераси од средишниот дел кој важеа за главно место за уживање посебно во летниот период. Дали со ова Шилегов и СДСМ сакат да ги избркаат Скопјани од централното градско подрачје, нешто што континуирано го прават во изминатите 3,5 години. Зошто се прави сега оваа реконструкција не е познато но треба да се земе во предвид дека под оваа траса треба да поминува подземната сообраќајница од Владата до Комплексот банки за која потребно е целосно откопување на овој простор и повторно враќање во првобитна состојба. Оваа реконструкција е времен карактер а финансиските срадства можеше да се потрошат на пример за булеварот Борис Трајковски од Пинтија до Драчево. Скопјани остануваат без омиленото место за пиење кафе, ручек и вечерно дружење. Како визуелно ќе изгледа ќејот останува тајна а граѓаните и вистинската стручна јавност повторно остануваат неконсултирани, стои во Фејсбук објавата на комисијата.

Нема ден да помине без Марин да направи некој нов скандал, обвинуваат од Комисија за локална самоуправа на ВМРО-ДПМНЕ

Ивана Ефремовски — Wed, 17 Feb 2021 11:30:32 +0000

Нема ден да помине без градоначалникот на скопската Општина Аеродром - Златко Марин да направи некој нов скандал, реагираат од Комисија за локална самоуправа на ВМРО-ДПМНЕ. Нивното соопштение го пренесуваме во продолжение: Како да не беше малку што жителите на скопски Аеродром мораа да ја трпат изминативе три години катастрофата наречена СДС и Марин, нивното неработење, лаги и корупција, како и целосното пустошење на општината, што резултираше со најниски оцени и мизерно ниски рејтинзи кај граѓаните. Да, ова не беше доволно. СДСМ и Марин можат повеќе, полошо и помизерно! Само изминативе неколку денови неспособноста, корупцијата и немањето на елементарна визија и концепт за работа на Марин е повторно презентирана пред јавноста. Прво беше целосната неспособност на Марин да се справи со врнежите на снег. Затрупани улици, блокирани јавни паркиралишта и целосно непроодни и замрзнати пешачки патеки е глетката во Аеродром денес, неколку дена од кога престанаа врнежите со снег. Потоа дојде и скандалозниот конкурс за најдобри новинарски текстови со кои би се фалела општината Аеродром и градоначалникот Марин, со награден фонд од 180.000 денари. Овој еклакантен обид за поткуп на новинари веднаш беше осуден од страна на јавноста, како обид за влијаење на независноста на медиумите, а за истото се огласија и од Здружението на новинари на Македонија (ЗНМ) кои побараа негово повлекување. На ова треба да се додадат и фантастичните 73.000 евра кои Марин ги дава на маркетинг агенцијата за негова лична промоција, иако Општина Аеродром има сектор за односи со јавност. И таман помисливме дека по ваквите големи скандали и промашувања конечно Марин и СДСМ ќе се тргнат од насловните страни на медиумите, ете го Марин со уште еден „брилијантен“ проект – на неколку месеци пред избори формира ново општинско јавно претпријатие за развојни проекти. Да, на Марин неколку месеци пред заминувањето од оваа функција му текна да прави јавно претпријатие за РАЗВОЈ НА ПРОЕКТИ! За трагедијата да биде уште поголема, како една од причините за формирање на ова претпријатие од кабинетот на Марин го наведуваат проектот за изградба на голф терени во Аеродром. Веќе на сите ни е јасно дека ова ново претпријатие на Марин нема за цел да биде современ и напреден систем за развој на европски проекти со кои би се стигнало до финансиски средства од европските фондови. Ова е само уште едно место каде СДС и Марин можат да ги вдомат нивните партиски кадри кои ќе бидат дополнителен товар на грбот на граѓаните. На претстојните локални избори жителите на Аеродром ќе ги казнат ваквите скандали и неработењето на СДС и Марин. ВМРО-ДПМНЕ на локалните избори ќе понуди реална програма и проекти со кои ќе се подобри квалитетот на живот на жителите на оваа скопска општина.