комисија за локална самоуправа – Kurir.mk

„Распределбата на средствата за ТАВ за општините не е ништо друго, туку обид за предизборен поткуп“

Ивона Петрова — Tue, 13 Jul 2021 09:45:22 +0000

Изминатиов викенд македонската јавност беше сведок на најновото поглавје од обидот за предизборен поткуп, преку поделбата на 49,7 милиони евра за општински проекти од програмата од средства од концесиите на турски ТАВ, велат од Комисијата за локална самоуправа на ВМРО-ДПМНЕ. На неполни 3 месеци пред одржување на локалните избори, СДСМ и Зоран Заев се расфрлаат со парите на граѓаните, за да стигнат во кампања барем да започнат еден од многуте проекти, кои неговите градоначалници не беа способни 4 години да ги реализираат. Ваквата „награда“ за градоначалниците на СДСМ и ДУИ е целосно корумпирање на изборниот процес од една страна, а очајнички и неумесен обид за затскривање на неспособноста на нивните градоначалници. За потсетување: 1. И покрај повеќето пакети за помош на општините и јавните комунални претпријатија, минатата година долгот повторно пораснал за 6,5 милиони евра, а вкупниот долг на општините и општинските претпријатија изнесува фрапантни 114,7 милиони евра. 2. Покрај долговите, Македонија е рекордер и во загубите на вода, каде вкупно се соочуваме со загуби во висина од речиси 62 проценти. Додека неспособните локални власти на СДСМ немаат капацитет да се справат со загубите, во сред лето и температури над 40 степени без вода се оставени наите граѓани, каде изминатиов период дефекти и рестрикции за вода се соочуваа жителите на Дебар, Градско, Штип, Скопско Љубанци... 3. Секојдневно сме сведоци на стотиците партиски огласи за вработување, каде се преполнуваат веќе превработените општински администрации. 4. Од парите кои ги доделува Владата од ТАВ Програмата, голем процент од средствата се доделуваат за проекти за чија реализација ќе бидат потребни повеќе години. Причината на нивното доделување на 3 месеци пред изборите е со единствена цел истите да се започнат во време на изборната кампања, а со тоа да се обидат да го замачкаат 4 годишното неработење на нивните градоначалници. Ова нема да им помине и граѓаните на претстојните локални избори ќе ги казнат овие неработници и криминалци. Одговорност мора да има! Одговорност ќе има!

„Локалната самоуправа пред колапс, продолжуваат да растат долговите на општините“

Тале Кристо — Thu, 03 Jun 2021 08:39:56 +0000

Продолжува колапсот на системот на локална самоуправа во Македонија поради некомпетентност и корупцијата на двоецот СДСМ и ДУИ, велат од Комисијата за локална самоуправа на ВМРО-ДПМНЕ. Пред неколку месеци излезе извештајот за финансиската состојба на локалната самоуправа на Министерството за финансии, кои само ја потврдија катастрофалната финансиска состојба во која се наоѓаат општините. Согласно истиот, на крајот на 2020 година, општините во Македонија должеа неверојатни 60 милиони евра, што беше за 13 милиони евра повеќе од 2019 година, за сега, по првите три месеци на 2021 година истиот да порасне за дополнителни 2,3 милиони евра. По ваквите катастрофални показатели, секој рационален човек би помислил дека градоначалниците и Владата би пристапиле кон рационализација на нивната работа, намалување на луксузирањата и непотребните трошења, се со цел да ја подобрат финансиската слика. Но, наместо одговорни општини и општински комунални јавни претпријатија, СДСМ и ДУИ решија на начин кои е целосно спротивен на начелата на пазарната економија, преку две големи мерки да се обидат да ја затскријат неспособноста на општините и јавните комунални претпријатија. Првиот пат во преку „простувањето“ на долговите на општините во 2018 година кога тие добија неповратни средства за да покрие 51% од пријавените обврски или околу 50 милини евра, додека втората во најава за опростување на камати на долговите на општинските комунални претпријатија. За жал, сите овие мерки беа само залуден обид за спасување на општините, бидејќи наместо одговорност и отчетност, добивме само поголема забеганост на СДСМ, каде секојдневно сме сведоци на нерационални трошења, криминални тендери и незапаметено полнење на општинските администрации и јавните комунални претпријатија со партиски кадри. Сите овие мерки резултираа со зголемување на долгот на општините за фантастични 2,3 милиони евра за само 3 месеци! Така, според извештајот на министерството за финансии, согласно крајот на март 2021 година, како најголеми 10 должници, кои се со долгови над 1,5 милиони евра се Тетово (11,2 милиони евра), Охрид (7), Карпош (4,9), Гостивар (4), Струга (2,9), а за првпат во групата на „елитни должници“ се приклучува и Град Скопје 2,8 милиони евра, кој го зголеми долгот за само 3 месеци за фантастични 2,5 милиони евра!!! Пропаста на општините мора да престане! По победата на претстојните локални избори, ВМРО-ДПМНЕ се обврзува на домаќинско работење и креирање на ефикасни општински сервиси кои ќе бидат во интерес на граѓаните, се вели во соопштението на партиската Комисија за локална самоуправа на ВМРО-ДПМНЕ.

„Мизеријата на градоначалниците на СДСМ продолжува, повторно во главна улога градоначалникот на Лозово“

Магдалена Андонова — Wed, 12 May 2021 10:40:46 +0000

МИЗЕРИЈАТА НА ГРАДОНАЧАЛНИЦИТЕ НА СДСМ ПРОДОЛЖУВА, ПОВТОРНО ВО ГЛАВНА УЛОГА ГРАДОНАЧАЛНИКОТ НА ЛОЗОВО Таман кога ќе помислиме дека СДСМ и неговите локални пулени го допреа дното, веќе наредниот ден излегува нов скандал со кои повторно се надминуваат самите себеси. Јавноста вчера беше запрепастена од информацијата која вели дека градоначалникот на општина Лозово од редовите на СДСМ, Ацо Велковски во изминативе 2,5 години отсуствувал од работното место цели 188 дена! Информациите кои ги пласираа неколку медиуми кажуваат дека од овие неверојатни 188 дена, Велковски дури 175 дена ги поминал во Германија! На јавноста Велковски (за жал) и е многу добро познат по низа скандали, како што е незаконското организирање на наградна игра од страна на општината, а добитник на наградата – шпорет, беше неговата ќерка. Велковски е познат и како фрустрирана личност и насилник, кој своите комплекси ги лечи преку изживување врз општинската администрација, а во јавноста е познат по неговите реваншистички методи кон сите кои не се „негови луѓе“, како и по тужбите за мобинг од дел од вработените. За потсетување, СДСМ веќе има еден градоначалник против кој се води истрага, а тоа е градоначалникот на Општина Ново Село, Боро Стојчев кој заедно со неговите сопруга и син беа уапсени за шверц со цигари. Не може, а да не се споменат и: - Градоначалничката на Арачиново и кадар на СДСМ, Миликије Халим која има наплата на Данок на имот во општината од 0 %, - Скопскиот градоначалник Шилегов и неговите соработници кои секој ден се предмет на афери за корупција, мобинг и местење на тендери и доделување на субвенции, а ВМРО-ДПМНЕ веќе поднесе кривична пријава за скандалозната набавка на скала за пожарна вредна 1,7 милиони евра - Градоначалникот на Штип, Сашко Николов кој деновиве е предмет на голема афера околу договорот за услуги за наплата на зонско паркирање во општината во висина од 3,5 милиони денари, кој според сите процени е за 10 пати повисок во однос на други општини. И за оваа опстапка ВМРО-ДПМНЕ поднесе пријава за основано сомнение за извршено влијание и сторен криминал од страна на градоначалникот на Штип. - Градоначалникот на Аеродром, Златко Марин, кој жителите на скопската општина 3,5 години не го видоа да се појави на терен и да реализира нешто од ветеното. Но, затоа Марин е исклучително „активен“ изминатиов период, каде се спроведоа крајно сомнителни тендери и јавни набавки со фантастично високи цени. Така, Аеродром набави корпи за отпадоци за 16000 денари плус ДДВ (парче), клупи за седење 15000 денари плус ДДВ (парче), фонтана за пиење вода 65000 денари (парче), обрач за кош на отворено игралиште 15000 денари (парче), ПВЦ врата 40000 денари (пазарната цена е 8000-1000 денари), лед светилки 48000 денари... Почитувани, СДСМ е срам за Македонија, а неговите градоначалници се пример за криминалот, корупцијата и беззаконието кое секојдневно го покажува оваа партија на сите нивоа во државата. По поразот на претстојните локални избори ветуваме дека новиот менаџмент на општините предводен од ВМРО-ДПМНЕ ќе работи чесно, посветено и во интерес на граѓаните. Комисија за локална самоуправа ВМРО-ДПМНЕ Фејсбук објава на Комисија за локална самоуправа

Комисија за локална самоуправа на ВМРО-ДПМНЕ: Скандалозно сведочење за рекетирање на приватни бизниси од страна на првите луѓе на Шилегов

Тале Кристо — Thu, 15 Apr 2021 08:46:52 +0000

Нема ден да помине без Шилегов и неговата администрација да направат нов голем скандал, велат од Комисијата за локална самоуправа на ВМРО-ДПМНЕ. Деновиве сведоци сме на обвинувања насочени кон Никола Наумоски, Шеф на Кабинет на Шилегов, лажен НВО и шарен активист, чии единствен „професионален успех“ е што е братучед на Радмила Шекеринска, како и Викторија Аврамовска- Мадиќ, Секретар на Град Скопје, која е позната што неодамна беше шеф на изборниот процес за лидер во СДСМ со еден кандидат. Овие двајца се во центарот на мега скандалот, објавен од познат адвокат, кој преку социјалните мрежи обелодени со какви коруптивни методи и притисоци се служат Наумоски и Мадиќ, користејќи ги нивните позиции за остварување на лични добивки. Адвокатот, кој на легален и законски начин добил тендер за судско застапување на новото јавно претпријатие за хуман третман на улични кучиња „Лајка“, сведочи на нехуманиот однос и притисоци на Наумоски кон директорката на Лајка и други вработени, вршејќи им притисоци да влијаат на изборот на правните застапници на ова ЈП. Поскандалозно е неговото тврдење дека Викторија Аврамовска- Мадиќ, Секретар на Град Скопје и прв човек на градската администрација, лично телефонски се обидела да го „рекетира“ адвокатот, преку нарачка на вработувања за возврат на добиениот тендер. Навистина е шокантна арогантноста и дрскоста со кои овие двајца, најблиски соработници на Шилегов, ги користат позициите за лично богатење и лечење на нивните комплекси. Малку е што ја преполнија администрацијата на Градот и јавните претпријатија со неспособно партиски војници, туку сега си даваат за право да посегнат и по приватниот сектор и да диктираат кој ќе се вработи за возврат на „привилегијата“ да добијат тендер на Градот и некое од градските институции. Додека во светот владее пандемија, градската администрација со месеци беше оставена да работи во субстандардни и опасни услови, а Наумоски и Мадиќ упорно ги одбиваа барањата и апелите администрацијата да работат со ротации и намален капацитет, што е случај со сите останати државни и приватни капацитети. Сега ние всушност дознавме дека Наумоски и Мадиќ биле едноставно „премногу зафатени“ со нивните приватни зделки за да се занимаваат со вакви „ситни проблеми“. Почитувани, Ваков мега-скандал мора да биде проследен со вистинска истрага и мора да има одговорност. Апелираме до адвокатот кои го обзнани ова однесување на градските функционери, сите докази да ги достави до јавното обвинителство и Државната комисија за спречување на корупцијата. Дополнително, бараме Основното јавно обвинителство во Скопје веднаш да отвори предмет по допрен глас во врска со овој скандал, велат од комисијата на ВМРО-ДПМНЕ.

„Неспоспобноста на СДСМ го загрозува безбедното снабдување со вода на граѓаните“

Магдалена Андонова — Thu, 25 Mar 2021 18:20:40 +0000

Неделава во медиумите видовме серија на настани на државните и општинските власти по повод Светскиот ден на водата – 22 март, каде истите „апелираа“ и „спроведоа активности“за подигање на свеста за важноста на водата, се вели во Фејсбук статусот на Комисија за локална самоуправа. - Навистина е застрашувачка состојбата во која се наоѓа Република Македонија, каде поради корумпираноста и неспособноста на СДСМ, во прашање е доведен и водоснабдувачкиот систем во многу општини во државата. Додека властите деновиве парадираа и апелираа, заборавија да наведат неколку факти околу состојбата во која се наоѓаме на ова поле: - Република Македонија е рекордер во загубите на вода, каде околу 65% од водата е загубена (Дебар 84%, Долнени 82%, Гостивар 81%, Охрид 72%, Крушево 71%, Кочани 70%…..), додека просекот на државите од ЕУ не надминува 20%; - Јавните претпријатија за снабдување со вода се заглавени во долгови и истите се речиси нефункционални; - И покрај тоа што се презадолжени и превработени, секојдневно сме сведоци за нови огласи за вработување и згрижување на партиските кадри на СДСМ; - Застарен систем за водоснабдување во многу општини, користење на небезбедни азбестни цевки... - Поскапување на водата вода во повеќе општини: Прилеп, Штип, Велес, Битола, Струмица, Тетово, Куманово, Охрид… - Сериозни проблеми со водоснабдување, а актуелен е примерот со Тетово каде веќе со недели граѓани од делови од оваа општина се оставени без капка вода, пишува во објавата. ВМРО ДПМНЕ по добивањето на довербата на граѓаните на претстојните локалните избори ќе има крајно сериозен пристап во намалувањето на овој проблем, стои во статусот на Фејсбук. Фејсбук статус на Комисија за локална самоуправа

Комисија за локална самоуправа на ВМРО-ДПМНЕ: Лажните ветувања на СДСМ во Гостивар

Тале Кристо — Mon, 06 Jul 2020 11:38:29 +0000

Гостивар е еден од градовите чии жители најмногу го почувствуваа катастрофалното владеење на СДСМ. Пред изборите СДСМ ветуваа проекти, развој и просперитет во сите сфери во Гостивар. Како по обичај, СДСМ ветија и излажаа, обвинуваат од комисијата за локална самоуправа на ВМРО-ДПМНЕ. СДСМ ветуваа голем број на проекти за жителите на Гостивар за подобрување на сообраќајот, каде како најважни можеме да ги издвоиме тие за изградбата на нови улици и два моста во Гостивар, со што ќе се подобри поврзаноста во градот. Од ова, секако ништо не е реализирано. СДСМ ветуваа и реконструкција на локалниот пат од Сретково за поврзување со магистралниот пат А2 Гостивар – Кичево, за што до денеска не е изграден ниту еден милиметар. Покрај сообраќајната, СДСМ ветуваа и подобрување на останатата инфраструктура, каде ветуваа целосна замена на цеметно-азбестните водоводни цевки во општината, како и изградба на нова современа регионална депонија. Повторно, СДСМ ветија и не остварија. СДСМ ветуваа и ревитализација на железничкиот сообраќај во овој град, како и изградба на соларна железничка станица во Гостивар, каде истата требаше да се приклучи во втората фаза од помпезно најавуваниот проектот за модернизација на енергетска ефикасност на железнички станици. СДСМ повторно ветија и излажаа. На 15 јули #ОбноватаДоаѓа и доаѓа крајот на најнеуспешната влада во историјата на Македонија, велат во својата објава од комисијата.

Комисија за локална самоуправа на ВМРО-ДПМНЕ: Аздисани локални самоуправи – Општинските буџети не се партиска каса!

Тале Кристо — Thu, 28 May 2020 10:58:44 +0000

Нереални и надуени предизборни буџети донесоа локалните самоуправи од СДСМ, исклучиво наменети за предизборно манипулирње и политички поткуп на народот во време на тешка криза, реагираат од комисијата за локална самоуправа на ВМРО-ДПМНЕ. Наместо да се земе во предвид начинот како другите држави се справуваат со кризата, се туркаат предимензионирано напумпани буџети на општините за предизборно популистички маркетинг и прикажување на некаква си работа пред народот. Државите и посебно општините во Европа внимателно се подготвуваат за побезболно да ја надминат претстојна економска криза. Тоа значи максимално кратење – ребалансирање на нивните буџети и максимално внимателно елиминирање на сите непотребни расходи и инвестиции во претстојниот турбулентен период. Ребалансите на буџетите се веќе завршени во најголем број од градовите во Европа и истите им се сведени на разумен обем, исклучиво за најбитните и најнеопходни работи за функционирање, одржување на нивната стабилност и помош на локалната економија. Ваквите ребаланси даваат минимизирање на предвидливите негативни последици од Корона вирусот и превентивно избегнување на најлошото сценарио – евентуален банкрот. Укажувањето на врвните економски експерти не допираат до ушите на власта во Македонија. Предвидувањата на СЗО не се оптимистичи, крајот на Короната не е така блиску, а економските сценарија се поразителни за светот! Но, за разлика од ова неминовно паметно ребалансирање на буџетите, нашие аздисани локални власти не размислуваат баш така. Стравот од губење на власта, наместо да кратат трошоци ги тера уште позасилено и недомаќински да се расфрлаат со пари, продавајќи гол популизам во моменти кога анкетите и мислењето на народот им е јасно, а поразот е очигледен и неизбежен! Локалните власти во Македонија сакајќи да создадат една поинаква слика за себе од она што навистина се- некадарни, неработници, криминалци, ни овозможија да се изнагледаме: - сомнителни и експресно брзо подготвувани и фингирани тендери за кои верувам дека понатаму институциите ќе имаат полни раце работа; - непотребни временски и постојани вработувања на партиски кадри по општините кои ќе треба да одработат на овие избори, но и да го амортизираат незадоволството на членството, а сето испреплетено со врвен непотизам; - се изнагледавме и непотребно расфрлање пари од општинските каси за авторски договори за правни експерти, советници, управни одбори, сомнителни здруженија на граѓани и невладини организации, клубови и сл.; - фотографирање и вештачки насмевки пред ранливите категории, макарони-пакети, социјално-еколошки пакети или поконкретно кажано, суптилен политички поткуп врз потенцијалните гласачи; - лопати пред камери, чочеци, шминкерајското гребење асфалт, па сè до поставување тревници вредни 500.000 евра! Најтрагично е што сето ова се случува во еден од најтешките периоди на земјава кога постојано броиме нови заболени и починати луѓе, семејствата страдаат, економијата е во колапс и ни претстои финансиски тешка и неизвесна година. На крај, вашата сметка ќе мора да ја плаќаме ние- граѓаните, а и бројни генерации после нас! Граѓаните на Македонија не само од Корона вирусот, нападнати се и од вирусот наречен СДС. Вирус со долготрајни последици. Не се расфрлајте со парите на народот, не одете да го манипулирате и поткупувате, прочитана книга сте...сега вие одете кај него, а после избори народот доаѓа по вас!

Комисија за локална самоуправа на ВМРО-ДПМНЕ: Страв и параноја низ општините

Дарко Андоновски — Wed, 08 Apr 2020 13:59:09 +0000

Комисијата за локална самоуправа на ВМРО-ДПМНЕ преку статус на Фејсбук пишува дека низ општините владее страв и параноја. -СТРАВ И ПАРАНОЈА НИЗ ОПШТИНИТЕ Еден градоначалник позитивен на Корона 19! Друг, дава изјава дека ситуацијата во неговата општина излегува од контрола! Трети, вршат поткуп и не се во самоизолација и покрај контакти со заболени! Цели општини под карантин, поради несериозен однос на институциите кон болеста! И колку и да сакаме да бидеме конструктивни, сепак, не можеме да останеме неми на целокупната состојба во државата! Меѓутоа, за јавноста да не мисли дека претенциозно и субјективно критикуваме, основа на ова мислење е изјавата на градоначалникот на Општина Куманово, кој за национална телевизија накратко даде осврт за личното искуство во овие тешки времиња. Памдемијата не ја одмина нашата држава. Но, фактот дека општините се оставени сами на себе, додека Владата не’ манипулира со статистики и неприменливи бројки, е поразителен. Иако и Градоначалниците до сега не покажаа некој особен капацитет, очевидно е дека мака мачат со сериозни проблеми, немаат основни средства за работа, сами се снаоѓаат и молат за помош, а раководните структури не’ замајуваат со прес конференции! Координативните тела не функционираат, што резултира со енормно зголемување на бројот на заболени на локално ниво. Основни средства, како тестови за масовна проверка, маски и ракавици за населението и медицинскиот персонал, како и доволен број на здравствени работници во болниците ширум државата се мисловни поими, за кои власта, и после дваесетина денови од прогласување на вонредната состојба, нема план како да ги изменаџира. Очигледно, во време на светска здравствена и економска криза, во Македонија нема здрава рака од власта, која може и знае како да се справи со овој проблем, стои во нивниот пост на Фејсбук. https://www.facebook.com/KomisijaZaLokalnaSamoupravaVMRODPMNE/posts/235604054486168

Комисија за локална самоуправа: „Трас-трас“ судството за едни е мајка, а за други маќеа

Катерина Бојаџиева — Tue, 31 Mar 2020 17:54:48 +0000

Вонредната состојба, распишаните избори, хаосот што го создадоа во државата...не се доволна причина за трас-трас судството засилено да ги спроведува политичките хајки кон неистомислениците. Но и покрај тоа, она што најмногу загрижува е фактот што „трас-трас“ судството за едни е мајка, а за други маќеа, велат од Комисијата за локална самоуправа на ВМРО-ДПМНЕ. -Тоа што Основниот кривичен суд Скопје, денес ја објави пресудата за предметот „Транспортер“ со која поранешниот градоначалник на Битола – Владимир Талевски го осуди на казна затвор во траење од 8 години, а актуелната градоначалничка Наташа Петровска шета слободна иако постапките за јавни набавки за превоз на учениците ги спроведува по сосема истиот принцип за кој Талевски денес е осуден, е само сведок повеќе за тоа дека обвинителството - гони кого сака, а судот осудува - кого мора! Ја испокрадовте државата, буџетот пепел сте го сториле, вработувате илјадници луѓе на дневна основа додека граѓаните се борат за својот живот...и вие ќе сте делеле правда?! Правдата за вас е тотално непознат, но и најнепосакуван поим! Иако е неспорен и повеќе од очигледен принципот на работа на нашето трас-трас-Кацарска судство кое функционира по директива на СДС и без оглед на условите во кои се наоѓа земјата и до која фаза е борбата за здравјето и животот на граѓаните, повеќе од очекувано е дека ќе се зголемуваат притисоците, ќе се нижат пресудите, казните, обвинувањата, заканите и уцените, затоа што тоа е она што оваа власт најдобро го МОЖЕ! До кога? До денот на изборите, кога и да се случат!, стои во нивната објава на Фејсбук.

Комисија за локална самоуправа на ВМРО-ДПМНЕ: Градоначалниците не се грижат за граѓаните ни во добро, ни во лошо

Дарко Андоновски — Tue, 31 Mar 2020 14:16:16 +0000

Градоначалниците не се грижат за граѓаните ни во добро, ни во лошо, ова денеска преку Фејсбук статус го потенцираа од Комисијата за локална самоуправа на ВМРО-ДПМНЕ. -ГРАДОНАЧАЛНИЦИТЕ НЕ СЕ ГРИЖАТ ЗА ГРАЃАНИТЕ НИ ВО ДОБРО-НИ ВО ЛОШО! Негрижата за своите граѓани по којзнае кој пат на дело. Градските татковци одново и одново покажаа и докажаа дека не се грижат за граѓаните ни во добро, ни во лошо! Ајде што се крајно безидејни, ајде што не умеат да смислат нити една мерка за борба со заедничкиот непријател, но можат барем во овие најтешки моменти да се надминат себе си и да ги прифатат иницијативите и предлозите кои доаѓаат од советничките групи во општините со кои раководат. Советничката група на ВМРО-ДПМНЕ во општина Крушево поведе иницијатива за одобрување на 300.000 денари – финансиски средства за субвенционирање на 60% од трошоците за тестирање на пациентите од подрачјето на општината со симптоми на вирусот COVID-19. Имаме сериозен, итар и упорен непријател и затоа мораме широко да ги отвориме очите, а тестирањето на што поголем број луѓе ќе ни помогне во тоа. Но, иако станува збор за здравјето и животот на граѓаните, иако станува збор за идниот живот во општината и иако станува збор за пари од граѓаните, советниците на СДС се изјаснаа воздржано, како да им е сеедно што ќе случува понатаму! Ниту успеаја да се надминат себе си и своето его, ниту пак, покажаа трошка хуманост, солидарност и човечност! Советничката група на ВМРО-ДПМНЕ во општина Охрид побара итен ребаланс на буџетот со кој веднаш би се стопирале непродуктивните трошоци од буџетот во вкупен износ од 42.694.000 денари, за кои нема никакво оправдување: патни трошоци, репрезентации, донации и времени вработувања и истите веднаш да се пренаменат за помош на најпогодените граѓани и стопански субјекти во градот. Но и овој предлог не наиде на слух од страна на градскиот татко на Охрид. Комисијата за локална самоуправа на ВМРО-ДПМНЕ упатува апел до сите градоначалници конечно да седнат и да почнат да бараат начини за помош на своите граѓани или барем да ги усвојат предлозите и иницијативите кои секојдневно им ги упатуваат советничките групи! Исто така, Комисијата за локална самоуправа ВМРО-ДПМНЕ стои на ставот дека не е време за патувања, репрезентации, времени вработувања...ниту за реконструкции на општински згради, ниту пак за украсување на општините со цвеќе. Единствено е време да си помагаме едни на други, да бидеме дисциплинирани и секој денар да го искористиме за превенирање на тешка ситуација која ни претстои. Колку побрзо го сфатат ова градските татковци, толку повеќе животи ќе се спасат и толку побрзо ќе се надминат последиците од економската криза која ни претстои. Крајно време е да покажете грижа! Впрочем тоа и им го должите на своите сограѓани!, стои во нивниот пост на Фејсбук. https://www.facebook.com/KomisijaZaLokalnaSamoupravaVMRODPMNE/posts/229907725055801