комисија за образование и наука на вмро дпмне – Kurir.mk

„Царовска нема концепт како ќе се дојде до подобро образование, дополнително бришењето на предметот историја се случува кога се негира нашиот идентитет, јазик и историја“

Дарко Андоновски — Wed, 23 Dec 2020 14:08:49 +0000

Денешната прес конференција на министерката Мила Царовска, во која покрај неа, беа наредени и сите друди функционери од Министерството за образование и наука и од Бирото за развиј на образованието, како и група екоерти, веројатно за да и дадат сила и самодоверба на министерката, не понуди ни еден додатен елемент од она што беше презентирано минатата недела. Во оваа концепција која всушност претставува само некаква драфт верзија има многу недостатоци и нејаснотии, ова денеска преку соопштение до јавноста го истакнуваат од Комисијата за образование и наука на ВМРО-ДПМНЕ. -Беше потенцирана потребата од реформа и дека концепцијата ќе обезбедела учениците кои ќе го завршат основното образование ќе имале европски компетенции и вештини. За тоа како тоа ќе се постигне немаше релевантно објаснување, освен дека тоа ќе се постигне со интегрирање на предмети и усогласување на наставни програми, теми и наставници. Не стана збор за континуирана поддршка на наставниот кадар од релевантни институции, не стана збор за активација на службите за професионален развој на детето, што е неопходно бидејќи во концепцијата се предвидуваат изборни предмети од најмала возраст, не стана збор за можностите на училиштата да спроведуваат ваква настава и многу други битни елементи. Се изјави дека училиштата треба да станат пожелни простори за учениците, но како тоа ќе се постигне не се појасни, велат во реакцијата од комисијата. Од таму додаваат дека во концепцијата се бришат изборните предмети кои се групираат во природни науки и општествени науки. Тоа значи дека нема физика и хемија, интегрирани се, но нема ни историја и тоа во ваков момент на историски настани за Македонија кога се негира идентитетот, јазикот и историјата на нацијата, а целата концепција се прави со цел учениците да имаат функционално знаење, соодветно на општествените збиднувања и реалниот живот. -Нешто тука е контрадикторно. Со оглед дека стана збор за јазиците, го прашуваме целиот тим, зошто учениците од помалите етникуми во Македонија не учат македонски јазик од прво одделение? После оваа прес конференција, со прилично несигурен настап и на Министерката и на другите учесници, а и според бурните реакции на бројни релевантни институции, граѓани и родители, најдобро би било целата концепција да се повлече и да се почне со креирање на друга, но после навистина спроведени консултации со сите релевантни фактори во образованието, велат од Комисијата за образование и наука на ВМРО-ДПМНЕ.

Комисија за образование и наука на ВМРО-ДПМНЕ: Владата на СДСМ првите 100 дена ги одбележа со катастрофални загуби во образованието

Магдалена Андонова — Mon, 14 Dec 2020 14:04:35 +0000

„100-те дена на Владата на СДСМ во образованието се карактеризираат со следните ЗАГУБИ: 1. Учебната година започна 1 месец подоцна. 2. Почетокот на учебната година се одложи поради креирање национална платформа за далечинско учење која никогаш не профункционира. 3. Интернетот и во овој момент е слаб и не ја поддржува целосно наставата од далечина. 4. Огромен број ученици, особено оние од ранливите категории останаа без технолошки средства за далечинско учење. 5. Над 10.000 ученици следат опционална настава, односно настава на телевизија и со печатени материјали и притоа за нивниот напредок не е можна реална контрола на постигнувањата. 6. Наставниците се под постојан притисок. 7. Не се изведоа соодветни обуки за настава на далечина за наставниците. 8. Се предвиде и се бараше физичко оценување, кое комплетно пропадна и проценката на знаења се врши онлајн. 9. Се инсистираше на обврзни оценувања во момент кога ниту учениците, ниту наставниците имаа реална можност истите да ги спроведат. 10. Условите во кои работат дел од наставниците се супстандардни, студени училници, слаб интернет, лични лаптопи. 11. Наставниците кои работат од дома трошат личен интернет и поради потребата и на нивните деца, трошиците од ,,големата плата” дупло и повеќе им се зголемени. 12. Се прекршуваат мерките за претпазливост и борба против КОВИД-19, со тоа што не се пријавуваат и вешто се прикриваат заразени наставници и ученици. 13. Се одржуваат наставнички совети со физичко присуство. 14. Снимањето на наставата е под притисок и временски задоцнето. Изборот на наставници кои ќе снимаат не е транспарентен и арбитрарен од страна на директорите. 15. Најголем дел од учениците со попреченост останаа без стручна помош, само на грбот на родителите. 16. Учебници нема, особено за средно стручните училишта. 17. Математичката гимназија, инаку проект на ВМРО-ДПМНЕ, ја импровизираа. 18. Обврските и одговорноста на МОН со објаснување ,,децентрализација” вешто се префрлија на општините и училиштата. 19. Во период на епидемија одреден број директори назначени од градоначалниците на СДСМ, наместо да набават ИТ технологија, реновираа огради, менуваа плочки, менуваа неоштетени фасади. 20. Одвивањето на наставата од далечина секојдневно ја контролираат директори на СДСМ, кои праќаат фингирани извештаи дека сѐ е во ред. 21. Се направија ургентни, само неопходни промени на Законите за средно и основно, без сериозна анализа на истите и на Законот за високо образование и без корекција на значајни нелогичности и пропусти. 22. Поддршката на науката се сведе на тренирање коњи и магариња и слични проекти, без средства за вистински научни проекти.“ Комисија за образование и наука на ВМРО - ДПМНЕ

Комисија за образование и наука на ВМРО-ДПМНЕ до Царовска: Дали учебникот по македонски јазик се менува поради друга побуда или пари се во прашање?

Дарко Андоновски — Wed, 28 Oct 2020 14:46:42 +0000

Комисијата за образование и наука на ВМРО-ДПМНЕ преку статус на Фејсбук прашува дали министерката Царовска го менува учебникот по македонски јазик по 10 годишна употреба поради друга побуда или пари се во прашање? -Почитувани, Учебникот по Македонски јазик за петто одделенние се повлекува од употреба по 10-годишно користење во нашата земја. Како причина за тоа се наведуваат присутни грешки што се однесуваат на дискриминацијата, насилство, родова еднаквост и непочитување на македонската стандарднојазична норма. Непотребно е секој детал да го анализираме, а од примерите кои следат ќе ја сфатите сета иронија на напишаното. Ако училишната чанта вели дека е фрлана и валкана, а училишната клупа издлабена, тоа е насилие и навлегување во приватноста. Ако се разговара за пубертет и појава на мозолки на челото и носот, тоа се предрасуди и давање на значење на лошата страна на период од животот. Ако во песничка се каже дека мајката е главна во кујната, а при тоа има и слика на маж кувар, тоа се родови стереотипии, а ако во лекцијата има само машки или само женски ликови тоа се родови предрасуди и на крај во народна приказна имало психичко насилство. Почитувана министерке Царовска, Ве молиме да ги забраните сите народни приказни кои се емитуваат на националните телевизии, затоа што во нив има и физичко и психичко насилство и манипулации и предрасуди и родова нееднаквост и сè друго како причина зошто што овој учебник се повлекува. Така брзо и лесно ќе се справите со сè што е МАКЕДОНСКО и со целата МАКЕДОНШТИНА. Имате ли доказ дека токму врз основа на овие примери наставниците не ги учат децата на тоа што е добро, а што лошо, што е родова еднаквост, а што нееднаквост, што е насилие и како да се справат со тоа? Да не го менувате учебникот од други побуди??? Да не се пари во прашање???

Почитувани, Учебникот по Македонски јазик за петто одделенние се повлекува од употреба по 10-годишно користење во нашата... Posted by Комисија за образование и наука на ВМРО - ДПМНЕ on Wednesday, October 28, 2020

Комисија за образование и наука на ВМРО-ДПМНЕ: Очигледно СДСМ не го знае датумот на озаконување на македонскиот правопис

Дарко Андоновски — Wed, 13 May 2020 10:45:41 +0000

Комисијата за образование и наука на ВМРО-ДПМНЕ преку реакција до СДСМ истакнуваат дека очигледно нивната комисија не го знае датумот на озаконување на македонскиот правопис. -Реакција за објава на Комисијата за образование и наука на СДСМ Датум: 12.5.2020 Комисијата за образование и наука на СДСМ очигледно не го знае датумот на озаконување на македонскиот правопис. Покрај другото велат: „а по два месеци Министерството за просвета го озакони првиот правопис на македонскиот јазик“. Јавно ги прашуваме кога е озаконет македонскиот правопис? Откако помина една недела од Денот на македонската азбука и македонскиот јазик ги оставивме да се коригираат и доволно време да се консултираат за тоа што го напишале. Но, за жал толку од нивната стручност. Ја користиме оваа можност и добронамерно сакаме да им укажеме: „Македонскиот правопис, предложен од комисијата за јазик и правопис при Министерството на народната просвета, се приема како официален правопис. Истиот ќе се отпечати во засебни книшки, како издање на Министерството за народната просвета“, се вели во членот 1 од Решението за правописот на македонскиот јазик од 7 јуни 1945 година. Ако на 5 мај 1945 година е усвоена азбуката на македонскиот јазик, а правописот е озаконет на 7 јуни 1945 година тогаш дали тоа е период од два месеца? Па нека пресметаат уште еднаш колку месеци има! Им порачуваме дека ќе ги потсетиме повторно и на 7 јуни! Ваквото непознавање на најзначајните факти за македонскиот јазик е застрашувачко од партиска комисија која треба да спроведе реформи во образованието. Незнаењето на партиската комисија за образование и наука на СДСМ само го докажува и нивното негирање на сѐ она што е македонско! Комисија за образование и наука на ВМРО-ДПМНЕ, стои во нивниот пост на Фејсбук. https://www.facebook.com/komisiinavmrodpmne/posts/126388612377965

Комисија за образование и наука: МОН и градоначалничката ги излажаа граѓаните за реновирање на гимназијата „Кирил Пејчиновиќ“ (ФОТО)

Катерина Бојаџиева — Thu, 16 Jan 2020 14:06:19 +0000

СДСМ и Заев ветуваа решавање на проблемот во тетовската гимназија „Кирил Пејчиновиќ“ со учениците кои ја следат наставата на македонски јазик. Останаа само празните ветувања на СДСМ за решавање на проблемот со недостаток на простор и нормални услови за изведување на наставата, велат од Комисијата за образование и наука на ВМРО-ДПМНЕ. -Несоодветните услови не наликуваат на современо училиште, половично направено и недоправено и никако трајно да се реши проблемот. Во однос на инфраструктурата во првата зграда има голем проблем со греењето поради малите радијатори кои не ги задоволуваат капацитетот на греењето. Што се однесува до втората зграда има проблем со прозорците, проблем со кровот кој прокиснува на неколку места. Дворното место има само две стари клупи донесени од општина Тетово, но застрашувачка е оградата на училиштето која е во близина на реката Пена и може да претставува опасност за учениците и целата околина. Наместо изнаоѓање решение за долгогодишниот проблем и сите ученици да учат заедно, тие создаваат нов со што наставата на македонски јазик е во две згради на старото медицинско училиште, а дополнително од септември тука учат и учениците од спортската академија, со што во двата стари објекта сега учат ученици од две училишта. Фотографиите покажуваат дека и МОН и Градоначалничката ги излажаа граѓаните за реновирање на гимназијата „Кирил Пејчиновиќ“. Едното општество за сите со СДСМ значи учениците да бидат деградирани, дискриминирани и маргинализирани. За сите политички лаги по 12 април мора и ќе одговара некој, а одговорност ќе има и за трошењето на државните пари, на парите на граѓаните, стои во нивниот Фејсбук статус.

Комисија за образование на ВМРО-ДПМНЕ: СДСМ незаконски и со фалсификуван сертификат назначува директор на средно училиште

Дарко Андоновски — Mon, 23 Dec 2019 09:29:39 +0000

Комисијата за образование и наука на ВМРО-ДПМНЕ сподели статус на Фејсбук во кои пишува дека не запира епидемијата на незаконски назначувања на директори на средни училишта од страна на СДСМ. -Почитувани, Не запира епидемијата на незаконски назначувања на директори на средни училишта во Скопје од страна на СДСМ и градоначалникот Петре Шилегов под менторство на аболицираниот премиер Зоран Заев. На незаконски и скандалозен начин во СУГС „Браќа Миладиновци“ во Скопје за директор е избрана Елизабета Ангелеска. Ангелеска е именувана за директор во време на избори и со фалсификат сертифкат за познавање на англиски јазик, АПТИС Б2 ниво. Според документите огласот е објавен на 30 јануари 2019, а интервјуто за директор од страна на Училишниот одбор е закажано на 20 февруари. Со цел да се заврши сѐ пред изборите истиот ден Комисијата за разгледување на документите дава извештај до Училишниот одбор дека сите документи се комплетни согласно законот и примени во законски рок.

Зошто толку се брзало со изгласувањето на Ангелеска како предлог до градоначалникот Шилегов? Дали како единствен кандидат испратен до градоначалникот Шилегов е поради прикривањето на фалсификат сертификатот за англиски јазик? Зошто градоначалникот Шилегов не ја именувал откако Училишниот одбор дал предлог и тоа во законски предвидениот рок? За СДСМ и Шилегов не важат законите затоа што доставеното решение на Шилегов е надвор од секаков законски рок. Министерството за образование и наука и Државниот просветен инспекторат веднаш да регираат за сите незаконски дејствија во врска со изборот и назначување на директор на СУГС „Браќа Миладиновци“? Дали е законско решението на градоначалникот Шилегов за назначување на Ангелеска за директор? ДПИ да ја провери валидноста на сертификатот за познавање англиски јазик на Ангелеска и на кој начин е истиот обезбеден? СДСМ ги гледа училиштата само како места за назначување несоодветни партиски кадри, а поради тоа трпат наставата и учениците. По 12 април доаѓа владеење на правото и обнова на образованието, стои во нивниот пост на Фејсбук.

Комисија за образование и наука на ВМРО-ДПМНЕ: Инклузија (НЕ)грижа за учениците со посебни образовни потреби

Дарко Андоновски — Fri, 01 Nov 2019 14:16:08 +0000

Комисијата за образование и наука на ВМРО-ДПМНЕ преку фејсбук статус објавува дека по којзнае кој пат се соочуваме со лагите на Владата на Зоран Заев, родителите се разочарани и револтирани, а учениците со посебни образовни потреби оштетени. -ИНКЛУЗИЈА (НЕ)ГРИЖА ЗА УЧЕНИЦИТЕ СО ПОСЕБНИ ОБРАЗОВНИ ПОТРЕБИ По којзнае кој пат се соочуваме со лагите на Владата на Зоран Заев, родителите се разочарани и револтирани, а учениците со посебни образовни потреби оштетени. Се фалат за спроведување на целосна инклузија, а буквално ништо од ветувањата. Класичен пример е тоа дека, учениците матуранти во учебната 2018/2019 година од училиштата ,,Искра“ од Штип и ,,Св. Наум Охридски” од Скопје сѐ уште ги чекаат своите Уверенија – Дипломи за завршено средно образование. Замислете учебната година за овие ученици заврши на 10 јуни 2019 година, а матурантите од овие училишта сѐ уште ги чекаат своите Уверенија – Дипломи за завршено средно образование кои поради промената на името не се отпечатени со измена. Учениците со посебни образовни потреби не полагаат матура, па со завршувањето на трета година, за нив е завршено средно образование и за тоа добиваат соодветен документ - Уверение. Неколку месеци по завршувањето на своето образование не се во можност да се пријават во Агенцијата за вработување како активни баратели на работа, а трагедијата да биде уште поголема Компаниите кои се регистрирани за вработување на овие лица поради оваа причина не се во можност да вработуваат, иако имаат потреба за проширување на своите капацитети.

Заклучокот е трагичен, оваа Влада покажа неспособност навреме да отпечати еден образец (Уверение - Диплома) за матурантите од специјалните училишта, а што очекуваме за навремено печатење на учебниците. Владата на чело со Зоран Заев има полна уста со и за инклузивна реформа во образованието, а практично од овој пример го покажаа спротивното, стои во нивниот пост на Фејсбук.

Комисија за образование и наука на ВМРО-ДПМНЕ: Со СДСМ и Заев нема ништо од европски принципи за европско образование

Дарко Андоновски — Thu, 10 Oct 2019 12:50:21 +0000

Комисијата за образование и наука на ВМРО-ДПМНЕ денеска сподели статус на својот Фејсбук каде пишува дека со СДСМ и Заев нема ништо од европските принципи за европско образование во нашата држава. -Со СДСМ и Заев нема ништо од европски принципи за европско образование. СДСМ ветуваше дека проблемот на учениците кои ја следат наставата на македонски јазик од тетовската гимназија „Кирил Пејчиновиќ“ ќе биде решен. Уште во 2017 година премиерот Зоран Заев изјави дека се работи за не толку сериозен зафат за доградба на училишната зграда и беше убеден дека проблемот наскоро ќе се надмине, односно дека гимназијата ќе добие надградба и доградба на објектот. СДСМ и Заев излажаа и не го решија проблемот со недосаток на простор и нормални услови за изведување на наставата. Кога Министерството за образование и наука и градоначалничката на општина Тетово ќе се зафатат со решавање на овој сериозен проблем? До кога учениците ќе ја изведуваат наставата во објектот на старото медицинско училиште во субстандардни услови? Дали за СДСМ и ДУИ едно општество за сите, значи учениците да бидат деградирани, дискриминирани или пак маргинализирани?

Почитувани, Не е европско образование тоа во кое се скрати од изградба на основни и средни училишта. Наместо да кратите со ребалансот на буџетот во делот инвестиции во образованието 20 милиони денари помалку за изградба и реконструкција на средни училишта, покажете грижа за учениците и обезбедете средства за гимназијата „Кирил Пејчиновиќ“, стои во нивниот пост на Фејсбук.

Комисија за образование и наука на ВМРО-ДПМНЕ: На прав пат не се излегува со насилство во училиштата во Македонија

Дарко Андоновски — Mon, 07 Oct 2019 13:12:04 +0000

Комисијата за образование и наука на ВМРО-ДПМНЕ објави статус на својот Фејсбук профил во кои пишува дека на прав пат не се излегува со насилство во училиштата во Македонија. НА ПРАВ ПАТ НЕ СЕ ИЗЛЕГУВА СО НАСИЛСТВО Насилство, изминативе денови повредени деца во општина Чаир, општина Прилеп, општина Карпош... Зарем треба Владата, министерствата да дозволат да се случуваат вакви работи? Дали насилството станува секојдневие во нашата држава? Дали на овој начин безбедноста на децата е врвен приоритет на Владата? Дали со насилство имаме безбедно општество еднакво за сите? Уставот на Република Македонија е законскиот столб кој ги гарантира слободите и правата на граѓаните на Република Македонија. Едно од нив е и правото на образование достапно на секого под еднакви услови. Во Законот за основно образование, се забранува каква било форма на телесно и психичко малтретирање на ученикот. Законот за средно образование, забранува телесно и психичко малтретирање и предвидува советување на родителите во случај кога ученикот учествува во тепачки, упатува навреди или е вклучен во други форми на насилно однесување. Но, и покрај законската регулатива имаме повредени деца… Надлежните институции треба да одговорат во најкраток можен рок. Потребно е да се преземат веднаш соодветни мерки за да не се повтори. Општеството треба активно да се заложи за редуцирање на било какви форми на насилно однесување и да промовира здрави животни стилови. И во 2019 година насилното однесување за жал се повеќе го има... Скоро немилите настани каде има повредени деца и во Чаир, Прилеп и Карпош го покажуваат тоа. Според годишниот извештај на Министерството за внатрешни работи за 2018 година насилното однесување меѓу учениците бележи пораст за 25,3% и регистрирани се вкупно 104 случаи од кои 54 случаи во основни училишта, 50 случаи во средни училишта. Од ваквото насилничко однесување повредени биле 108 ученици и еден наставник, од кои на седум им се нанесени тешки телесни повреди кои се однесуваат на нанесени убодни рани со нож. Статистичките податоци покажуваат дека во 2018 година има 554 пријавени деца во судир со законот според групите на кривичните дела и видот на одлуката. Од нив 60 деца, сториле кривични дела против животот и телото. Според податоците на Државниот завод за статистика, бројот на пријавените полнолетни лица – познати сторители во 2018 година е зголемен за 9.5 % во споредба со 2017 година Безбедноста на децата треба да е врвен приоритет на Владата. Станува збор за деца, тинејџери... Тие се наоѓаат во фаза од нивниот живот кога најмногу им е потребна поддршка. Неопходно е вклучување на сите надлежни институции. Но, зошто да се дозволи настаните да ескалираат со насилство? Предизвикан стрес, вознемиреност, страв... Прашањето е отворено! Воспоставувањето и одржувањето на безбедноста е „sine qua non“ на делувањето на одговорните општествени носители, како и потребата од преземање на соодветни мерки за превенција и санкционирање на несаканите појави. Градењето на култура на соживот односно „заедничкото живеење“ подразбира меѓусебна комуникација, почитување, соработка и готовност на сите клучни субјекти во сите сфери од општеството. Несомнено е дека, опишувањето на младата личност како „насилник“ или како „жртва“ во циклусот на девијантност и застрашување, особено влијае врз развојот на личноста. Последиците кај повредените ученици се секогаш различни – тие може да бидат депресивни, осамени или анксиозни и со низок степен на самопочит од нивните врсници. Децата кои учествуваат во малтретирање, насилство кон други деца често делуваат агресивно поради сопствените фрустрации, понижувања, бес или како резултат на изложеност на потсмев од социјалната средина. Според Светската здравствена организација „насилство е секоја намерна употреба на физичка или психичка сила/моќ. Насилството може да биде во форма на закана или пак да вклучува употреба на сила, насочена кон себе си, кон друго лице или пак, кон друга група/заедница. Завршува (или може да заврши) со физичка повреда, со смрт, со психичка штета, со нарушувања во развојот или со загуба“. Евидентно е дека, потребно е покренување на иницијатива за подигнување на свеста на сите вклучени директни и индиректни субјекти. Неопходно е секогаш утврдување на причините и преземање на одговорност. Голем број истражувања посочуваат дека учениците кои биле жртва на насилство, малтретирање ги чувствуваат последиците, кои пред сè се одразуваат и влијаат на сите аспекти од нивниот развој: психолошкиот, социо-емоционалниот, како и на нивното делување со големи шанси за практикување на ризични однесувања. Насилството не смее да остане непрепознаено и да помине без интервенција. Интервенцијата подразбира примена на различни механизми и постапки со цел прекинување на насилството, ненасилно разрешување на конфликтната ситуација, прифаќање на личната одговорност и давање можност за промена и подобрување на однесувањето. Потребата од активирање на сите засегнати страни е суштествена! Локалната самоуправа, во чиј состав треба да функционираат локални совети за превенција на малолетничко насилство, би била од особено значење во непосредноста кон препознавањето и санирањето на ваквите случувања. Институциите се обврзани да ги преземат сите законодавни, административни, социјални и воспитно - образовни мерки за заштита на децата од сите облици на физичко или ментално насилство, повреди, злоупотреби или било какво занемарување. Црвениот семафор е вклучен! Да не дозволиме повторување на немили настани, кои можат да бидат кобни за сите... Зошто тоа се нечии деца, наши деца, Ваши деца!

„СДСМ и Владата на Заев повторно удрија по образованието“

Катерина Бојаџиева — Sat, 07 Sep 2019 11:17:18 +0000

СДСМ и Владата на Заев повторно удрија по образованието откако скратените средства со Ребалансот на Буџетот во образованието изнесуваат 844 милиони денари, велат од Комисијата за образование и наука на ВМРО-ДПМНЕ. - 147 милиони денари се кратат од основното образование; - 67 милиони денари се кратат од средното образование; 327 милиони денари се кратат од високото образование: - 42 милиони денари помалку за Универзитетот „Св. Кирил и Методиј“ во Скопје; - 16 милиони денари помалку за Универзитетот за информатички технологии во Охрид; - 12 милиони денари помалку за Универзитетот во Тетово - 8 милиони денари помалку Универзитет „Гоце Делчев“ во Штип; - 157 милиони денари помалку за Универзитет „Мајка Тереза“; - 112 милиони денари помалку за изградба на Факултетот за информатички науки и компјутерско инженерство (ФИНКИ) и Факултет за физичка култура; 45 милиони денари се кратат од наука; 221 милион денари помалку за Инвестиции во образованието: - 70 милиони денари помалку за изградба на основни училишта; - 20 милиони денари помалку за изградба и реконструкција на средни училишта; - 6 милиони денари помалку за изградба на спортски сали во основните училишта; - 25 милиони денари помалку за реконструкција на ученички домови; - 100 милиони денари помалку за изградба и реконструкција на студентски домови; - 0 денари за најдобри основни и средни училишта, се кратат средствата. 18 милиони денари помалку за Бирото за развој на образованието: - 10 милиони денари помалку за развој и подготовка на наставни програми - 5 милиони денари помалку за професионален развој на воспитно-образовниот кадар во основно и средно образование - 3 милиони денари помалку развој и подготовка за наставни програми за средно стручно и постредно образование Со програмата „План за Живот“ да Ве потсетиме ветувавте: Европска иднина и живот; Најдобрите училишта и наставници ќе бидат јавно наградувани; Вработените во најдобрите 5% основни и 10% средни училишта, ќе добиваат 20% поголема плата во текот на наредните 12 месеци; Уште во првата година од мандатот, буџетот за наука ќе го зголемите за 50%; Во Скопје, на две локации, кај студентските домови „Гоце Делчев“ и „Стив Наумов“ ќе изградите студентски град, и уште многу многу нереализирани ветувања. Дали европско образование е тоа во кое се скрати од изградба на основни и средни училишта или изградбата на спортски сали? Дали грижата за најмладите е кратење средства за изградба и реконструкција на ученички и студентски домови? Дали европски стандради се да се скрати во професионален развој на воспитно-образовниот кадар во основното и средно образование? Ништо од европски принципи за европско образование!, стои на Фејсбук страницита на Комисијата.