комисија за образование на ВМРО-ДПМНЕ – Kurir.mk

Комисија за образование на ВМРО-ДПМНЕ: Хаосот кој го зафаќа образованието станува непоправлив

Дарко Андоновски — Thu, 30 Dec 2021 16:08:55 +0000

Комисијата за образование на ВМРО-ДПМНЕ преку статус на Фејсбук пишува дека хаосот кој го зафаќа образованието станува непоправлив. -Откако земјотрес од нова реформа и негрижа го растресе и онака кревкиот образовен систем не е ни чудо што следи хаос. Ве потсетуваме на неколку информации кои во последно време можевме да ги чуеме и прочитаме: Ученик ,,мавнал“ со ранец наставничка. Директорката го заташкува случајот за побрзо да се куртули од ученикот кој е деветто одделение. Наставник со метален предмет удрил ученик по глава, кој завршил во болница. Родител пријавува физички напад на ученик сред бел ден. Прашуваме дали вчера во ОУ ,,Владо Тасевски” во Карпош девојче од седмо одделение е нападнато од страна на постар маж? Што правело обезбедувањето на училиштето? За наставата, изостаноците и оценките друг пат. Денес само потенцираме дека хаосот кој го зафаќа образованието добива такви размери што станува непоправлив. Министерката си даде усмена оставка и изгледа заврши со сите обврски освен оние што лично ја интересираат неа, односно нејзината партија, а се сведени на набавки и огласи. Мила Царовска да ѝ беше жал барем за децата, па да преземеше нешто, било што, макар само за нивна безбедност. Образованието и знаењето се очигледнно светлосни години далеку од неа!, стои во постот на комисијата.

Комисија за образование и наука на ВМРО – ДПМНЕ: Власта и Царовска воопшто не се грижат за здравјето на учениците и вработените во образованието

Тале Кристо — Mon, 09 Nov 2020 10:44:09 +0000

Власта на СДСМ и министерката за образование и наука Мила Царовска воопшто не се грижат за здравјето на учениците и вработените во образованието, реагираат од комисијата за образование и наука на ВМРО - ДПМНЕ. Кај наставниците коишто држат онлајн настава од училиште се созадава револт затоа што парното е редуцирано или го нема и училниците се ладни и незатоплени. Канцелариите во одредени училишта се мали и затоа има и поголеми групирања, а во нив работат и по повеќе од двајца немајќи услови за оддалеченост повеќе од два метри. Сè уште има училишта каде што нема никакви услови за одржување на онлајн настава, нема ниту електронски уреди, ниту интернет. Наставниците и учениците се снаоѓаат самите како што знаат и умеат. Власта потребно е веднаш да обезбеди технолошки уреди за сите ученици и наставници кои немаат можност за одржување и следење онлајн настава, како и ваучери за ИТ опрема. Со прес-конференции за заболени, оздравени и починати ни отиде возот по удолница без кочници. Хаосот во образованието е сè повеќе очигледен, а власта и министерката Царовска не преземаат ништо за да ги решат проблемите, стои во реакцијата на партиската комисија.

Мила Царовска воопшто нема намера да обезбеди калитетно и европско образование

Магдалена Андонова — Sun, 25 Oct 2020 10:19:53 +0000

„Власта и министерката за образование и наука, Мила Царовска воопшто немаат намера да обезбедат калитетно и европско образование. На 22 октомври 2020 година се изгласа Резолуција за дигитална еднаквост во образованието во ЕУ во која се повикуваат земјите-членки да направат амбициозно користење на средства достапни преку планот за закрепнување. Целта е да се поттикнат инвестиции во образованието и се поттикнуваат земјите-членки значително да ги зголемат јавните трошоци за образование“, стои во објаватана на официјалниот Фејсбук профил на Комисија за образование и наука на ВМРО - ДПМНЕ. -Ако за министерката Царовска навистина вистинскиот пат е ЕУ тогаш не смееше да си дозволи со сегашниот ребаланс на буџетот да се кратат средства за образование и наука, впрочем како што власта дозволи да се случи и со претходниот. Дали на овој начин планирате да воведете конкретни мерки за затворање на „дигиталниот јаз“? Според вашите информации 12% од учениците во Македонија немаат пристап до образованието во време на пандемија. Кои конкретни и ефикасни мерки ги воведовте за надминување на нееднаквоста во пристап до дигиталните алатки во образованието? Министерке Царовска, Европа повикува да се поттикнат инвестициите во образованието, а не да се кратат средства! Нели велите дека ни е неопходно квалитетно образование за сите? Со власта на СДСМ нема ниту образование достапно за сите, ниту квалитетно и европско образование, пишува комисијата.

Комисија за образование на ВМРО-ДПМНЕ: МОН укинете ја матурата веднаш!

Дарко Андоновски — Mon, 27 Apr 2020 08:57:10 +0000

Комисијата за образование на ВМРО-ДПМНЕ преку статус на Фејсбук бара од Министерството за образование и наука да се укине државната матура веднаш! -Во предвечерието на МАТУРСКАТА ВЕЧЕР Март, април, мај 2020... А можеби и понатаму. Целата природа е разбудена, расцветана, а нам ни се случи КОРОНА, и ако здравјето ни биде пријател, ќе раскажуваме за времето кога се случи РЕСТАРТОТ на нашата цивилизација затоа што после ова ништо нема да биде исто. Март, април, мај 2020... Време кога цел свет се бори да дише, кога мртвите станаа броеви, кога само и за броеви слушаме и гледаме, новозаразени, починати, самоизолација, излекувани... Време кога најблиските ги гледаме само во очи, кога нема насмевка затоа што мора маска, кога нема допир затоа што мора ракавици, кога со соседот се одминуваш на растојание од 2 метра, кога не ги посетуваш роднините. Кога твоите родители постари од 67 години мора да седат дома, најчесто во една соба, а тешко на оние кои немаат кој да им купи храна и лекови. Кога илјадници останаа без работа, илјадници им се намалија платите на минимални, кога цените останаа исти, а некои продукти поскапеа. Кога тестови за КОВИД-19 нема доволно, а неизвесноста те убива, со страв кривата да не отиде угоре, и да не бидеш и ти точка од таа крива... Време кога на половина час слушаме едни препораки, па други препораки. Време каде чекориш што побрзо дома пред полицискиот час. Време кога првпат Велигден го пречекавме 5 дена затворени дома. Време кога докторите паѓаат од умор и секој час се на ризик да се заразат во полните болници. А образованието? И наставниците паѓаат затоа што мораат да бидат подготвени за далечинско учење, за жал многу од нив не по нивна вина, многу тешко се справуваат со таквото барање, а учениците мора на далечина да следат настава, повторно за жал многу од нив немаат компјутер, интернет. Платформи, апликации за комуникација, евиденции, записници, е-дневник, совети, оценки, лекции, тестови, дописи... Секој ден е сè потрагично, а можеше толку безболно да се заврши барем за нив. За вонредни услови како што е епидемија наставната година можеше да заврши со 100 работни денови. Овде има толку многу да се зборува, но она што ќе биде тажно, а следува во најбрзо време е: МАТУРАТА И НАШИТЕ МАТУРАНТИ, нашите деца, нашата иднина! Овие ученици ги минуваат истите премрежија како и секој човек во светска пандемија. Се воведоа вонредни мерки, се воведе вонреден живот во цел свет. Но, ние имаме „мудри“ водачи на нашата распната Македонија кои даваат „мудри“ предлози, а кои брзо стануваат одлуки учениците да ја полагаат матурата, а во цела Европа матурските испити се укинаа, или во најлесен облик се реорганизираа. А дали некој ги праша нив? Дали ги имаа потебните услови да се припремат? Низ какви семејни приказни тие поминуваат? Дали биле во самоизолација, тие или некој член од семејството? Дали некој бил во болница, дали имале траума во семејството? Дали го чувствуваат финансискиот колапс во своите домови? Дали некој ги информираше дека БЕЗУСЛОВНО што и да се случи тие ќе ги полагаат матурските испити? А, еве, и прашање за да размислат „мудрите“: Како би полагале матурантите? Во училниците со клупи на метар растојание, со маски и лични карти, но претходно треба идентификација, па ќе ги тргнат ли маските, или... А пред училиште ќе стојат во колона по еден на 2 метра растојание со дежурни редари и професори и нема да смеат со другарот или симпатијата да се поздрават или гушнат... Па ова ќе биде како нов спот за „Пинк Флојд“. По матурскиот испит секој дома, затоа што е забрането собирање, а тие најважниот момент од нивниот средношколски живот го поминуваат. Но, има една изрека велат „Ако е бал, нека е маскенбал“. Кога веќе сакате да има испити, а тоа значи во ист час масовно ќе бидат излезени, тогаш дозволете им да го играат Квадрил на плоштад, може градскиот татко ќе им овозможи поголем простор на 2 метра растојание и чадори, па цел свет нека ни завидува дека матурантите го полагаат испитот, но и сите други обележја кои се традиција кај нас. Организирајте им матурски вечери, отворете ги кафаните, дајте им ваучер за шопинг, дозволете им на родителите да прослават за зрелоста на нивните деца... Сега, сигурно полека ја разбравте пораката. Не, квази мудреци, не може различни мерки да имате. Во вакво време-невреме, не може да докажувате дека нормалата е постигната преку најранливите во моментот на емотивна основа - младите матуранти, кои сега зачекоруваат во светот на возрасните. Ова време-невреме, не е за носење вакви одлуки. Ослободете ги од неизвесноста и премрежијата кои ги поминуваат. Тие и сега се како на испит. Младоста е нивната сила, но во овие моменти се чувствуваат како птица во кафез. Барем не им го прекривајте кафезот со темен превез, птиците тогаш не пеат! МОН - УКИНЕТЕ ЈА МАТУРАТА ВЕДНАШ! ЦКОН на ВМРО-ДПМНЕ, стои во нивниот пост на Фејсбук. https://www.facebook.com/permalink.php?story_fbid=251414199562524&id=111454403558505

Комисија за образование и наука на ВМРО-ДПМНЕ: Ало министре се слушаме ли?

Дарко Андоновски — Sat, 25 Apr 2020 11:37:37 +0000

Комисијата за образование и наука на ВМРО-ДПМНЕ преку статус ба Фејсбук му се обрати на министерот за образование и наука. -АЛО МИНИСТРЕ, СЕ СЛУШАМЕ ЛИ??? Не знам од каде да почнам, за да се разбереме? Да почнам од А и да Ви образложам со педагошки пристап како на првоодделенец или како на студентски професор, кој се надевам „едуцира“ студенти? АЛО МИНИСТРЕ, СЕ СЛУШАМЕ ЛИ??? Македонија се најде во здравствено-економска криза, како и скоро сите држави во светот, но НЕ како и сите држави во светот „успешно“ се справува со пандемијата! Но за справување со економската и здравствената состојба во Македонија во некоја друга прилика ќе се навратиме! Сега, по којзнае кој пат, ќе Ви објасниме за образованието, кој како ресор го раководите ВИЕ со Вашата „екипа“ од заменик-министер и државен секретар! За волја на вистината, барем само Вие знаете дека го раководите ресорот ОБРАЗОВАНИЕ! Вашата „екипа“ сѐ уште се јавува на „црвениот телефон“ во Струмица, „технички“ сместен во Куманово, за да прашаат дали се заменик-министер или државен секретар во Министерство за образование и наука или во Министерство за животна средина! Вие и Вашата „екипа“ имате лична одговорност за образовната криза во Македонија, небаре не е доволна само здравствената и економската криза! Вие навреме не ги заштитивте децата, наставниците и родителите од абнормалната состојба со воспитно-образовниот процес! Воведовте вонредна состојба во Македонија и чекате некој од „небо“ да ги реши сите проблеми во образование! Ги втурнавте во онлајн настава наставниците, а не ги ни прашавте дали умеат и можат! Ги „врзавте“ учениците пред електронските уреди (оние кои ги имаат се разбира) и не прашавте како им е! Ги „принудивте“ родителите (и покрај психолошкиот стрес од пандемијата), да станат „диктатори“ дека децата мора да следат онлајн настава! Не проверивте дали сите деца можат да следат онлајн настава, но ги „уценивте“ наставниците дека мора да водат е-дневник! Ги уценивте за е-дневник, а и самиот не сте пробале да влезете во е-дневник, ниту сте се запрашеле зошто не функционира! Па и „уцената“ за е-дневник Ви беше малку, па преминавте кон манифестација на уште поголема сила и им ги скративте на наставниците и така скромните плати! Малку Ви беше што го укинавте класното раководство, па сакате и додатокот за стаж да им го скратите! Министре, Вратете им го достоинството на наставниците, ако воопшто знаете што е достоинство! Под итно донесете скратена програма за наставата во основните и средните училишта, која нема да треба да трае до 10 јуни! Ослободете ги децата од секојдневниот стрес дали ќе успеат да го следат часот или не! Под итно донесете одлука оваа година да се укине матурата за матурантите! Отворете го патот до факултетите за овие ученици кои навистина во грч Ве чекаат Вас и „просветлувањето“ на Вашата „свест и совест“ да донесете разумна одлука ДА НЕМА МАТУРА! Под итно одложете ги уписите на првачињата, затоа што за нив „голем ден“ е првиот чекор во училишната зграда! Под итно направете подготовки за отпочнување на новата учебна година и план како ќе се надоместат евентуалните пропусти од онлине наставата! Под итно освестете ги „политикантите“ во Владата дека децата не треба да се вратат во училишните клупи, затоа што одговорноста ќе биде Ваша и само Ваша. Ризикот за секој детски живот ќе го адресираме ние родителите само до Вас! Нашите деца, нивното здравје и животи се наш приоритет, а треба да се и ВАШ! Затоа за крај АЛО МИНИСТРЕ, СЕ СЛУШАМЕ ЛИ??? Не мора нас да нѐ слушнете! СЛУШНЕТЕ ГО ГЛАСОТ НА ДЕЦАТА, затоа што за нив се работи! СЛУШНЕТЕ ГО ГЛАСОТ НА РОДИТЕЛИТЕ, затоа што и нив ги измачувате! СЛУШНЕТЕ ГО ГЛАСОТ НА НАСТАВНИЦИТЕ, затоа што тие најдобро знаат! П.С. Не мора да ни одговорите со Ваш личен одговор, доволно е само да ги сфатите нашите зборови СЕРИОЗНО и да ги примените на дело! Централна комисија за образование и наука на ВМРО-ДПМНЕ, стои во нивниот пост на Фејсбук. https://www.facebook.com/permalink.php?story_fbid=249528936417717&id=111454403558505

„Како Заев ќе инвестира во човечки капитал ако претходно скрати 327 милиони денари од високото образование?“

Ивана Ефремовски — Tue, 12 Nov 2019 18:28:44 +0000

Владата предводена од Зоран Заев и МОН не се грижат за учениците затоа што веќе трет месец нема учебници, а искинатите учебници не успеаја да ги заменат со нови, реагираат од Комисијата за образование на ВМРО-ДПМНЕ. -Нема ништо од ветувањата на Владата на Зоран Заев за отчетност и транспарентност како уште една лага во серијата на ветени неисполнети работи за коишто зборот не е збор и не важи. На дното е Министерството за образование и наука со „ограничено“ ниво како втора најлоша институција според нивото на транспарентност, отчетност и интегритет во јавните набавки според Годишниот извештај за 2018 година на Центарот за граѓански комуникации. МОН е рекордер меѓу министерствата кога се работи за склучување договори без објавување оглас.Транспарентноста и отченоста доаѓаат со обновата на Македонија, порачуваат тие. Комисијата за образование на ВМРО-ДПМНЕ анализира: „Откако Владата на Зоран Заев со ребалансот на буџетот во образованието скрати 844 милиони денари, сега највува затворање на факултети. Очигледно ова е нивниот „прав пат“ и со новиот најнеразвоен буџет за 2020 преку кој наводно ќе се инвестира во човечки капитал. Како Заев ќе инвестира во човечки капитал ако претходно скрати 327 милиони денари од високото образование? Дали е инвестиција во човечки капитал најавеното затворање на факултети? Зголемувањето на платите е предизборен поткуп, а не вложување во нардодот и инвестирање во човечки капитал. Владеењето на правото е доведено во прашање со криминалните тендери на оваа рекетерска банда за кои требаше исто така да мислите како со лиценците за факултетите. Зошто покрај пресовите за блескава економија и образование на Анѓушев сега слушаме напуштање на функцијата вицепремиер? Бродот на Заев тоне, а Анѓушев е само последен во низата на политички соработници кои се откажуваат и ќе се откажуваат од сегашната власт.

Владата предводена од Зоран Заев не спроведе никакви реформи за подобрување на квалитетот на образовниот систем. Власта не направи никакво усогласување на оброзованието и реалните потреби на економијата, односно потребите на пазарот на труд. Владата на СДСМ и Заев паѓа, а на образованието му следи обнова со новата влада на ВМРО-ДПМНЕ, порачаа тие.

„Распаднати ѕидови, руинирани тоалети, згради пред распаѓање е сликата којашто може да се забележи откако дојде СДСМ на власт“

Ивана Ефремовски — Sun, 01 Sep 2019 08:37:18 +0000

Новата учебна година е пред самиот старт, а инфраструктурните проекти во образованието за Владата на Зоран Заев воопшто не се приоритет, обвинува Комисијата за образование на ВМРО-ДПМНЕ. -Распаднати ѕидови, руинирани тоалети, згради пред распаѓање е сликата којашто може да се забележи откако дојде СДСМ на власт. Сите инфраструктурни проекти започнати од ВМРО-ДПМНЕ се стопирани и стојат во место. И покрај тоа што уште во јули месец МОН и општината Струга ветија дека учениците наставата нема да ја следат во стариот објект на ОУ „Браќа Миладиновци“, за жал наместо до август подготовките во новиот објект се’ уште не се завршени, велат тие. Од Комисијата порачуваат дека е срамно и жално е во вакви услови учениците да одржуваат настава во 21 век. -Доколку навистина интересот на учениците и родителите е пред личниот интерес тогаш градоначалникот Рамиз Мерко веднаш нека го продаде Аудито и да обезбеди основни услови за настава. Луксузите на Власта граѓаните ги гледаат на секој чекор и им се добро познати. Со оваа Власт градоначалниците се луксузираат со нови автомобили како „Ауди А6“, а учениците учат во руинирани училишта, порачуваат од Комисијата за образование на ВМРО-ДПМНЕ.