Претставки од Сотировски поради обврската починатите од КОВИД-19 во Тетово да се закопуваат во нови гробни места

Магдалена Андонова — Mon, 09 Nov 2020 13:00:10 +0000

Даријан Сотировски, директор на Комисијата за односи со верските заедници и религиозни групи, покрена постапки пред надлежни установи поради тоа што на семејствата во Тетово кои имаат починати од Ковид-19 им се наметнува обврската да ги погребуваат само во нови гробни места, а не во семејните гробници. Тој вели се одлучил на ваков потег бидејќи таква обврска не постои со постојните закони и уредбите и затоа што претставува нарушување на верските права и чувства. Загрижен и како тетовец, Сотировски рече дека денеска разговарал со министерот за транспорт и врски Благој Бочварски и го информирал дека од проверката за закопите на починатите од Ковид-19 низ државата, за разлика од други градови, во Тетово и Гостивар тие се спроведуваат задолжително во нови гробни места, а не во семејните гробници со вековна семејна традиција. – Побарав од министерот, кој е надлежен за ова прашање, рамноправен третман и ревидирање. Министерот ме информираше дека таква одлука не е донесена и дека со почитување на протоколите за заштита, погребалниот оператор може да го изврши закопот во семејниот гроб, изјави Сотировски. Соопшти дека денеска испратил претставка до Државниот комунален инспекторат и до Министерството за транспорт и врски од кои бара итно постапување. – Министерството преку надлежниот инспекторат ќе бара од операторите да го овозможат ова право на граѓаните бидејќи се стекнале со лиценца, која покрај права, подразбира и обврски. Изразувам благодарност на министерот за разбирањето, изјави Сотировски, додавајќи дека ова е дополнително вознемирување на семејствата кои поминуваат низ трауми. Писмено барање за преиспитување на ова прашање тој на 4 ноември пратил и до Главниот координативен кризен штаб на Владата. (МИА)

Комисија за односи со верските заедници: Домашните слави исклучиво во кругот на семејството

Ивона Петрова — Mon, 26 Oct 2020 10:51:46 +0000

Комисијата за односи со верските заедници во пресрет на периодот во кој голем број семејства ширум државата ги чествуваат домашните православни празници, преку соопштение упатува aпел до нив празнувањата да бидат исклучиво во кругот на членовите на семејството. Ескалирањето на состојбата со коронавирусот, како што се посочува, е пропратена со изразена локална трансмисија на вирусот, па секое непочитување на мерките за заштита од здравствените власти и секое собирање на луѓе може да биде погубно. Секое семејство кое одбележува домашен празник да ја препознае опасноста по јавното здравје кое би ја предизвикало со повикување на гости, но и секој добронамерен кон семејството кое прославува годинава да се воздржи од физичко присуство. Традицијата не е загрозена таа ќе опстои, но колективното здравје е во сериозна закана!, се наведува во соопштението.

Комисија за односи со верските заедници – Kurir.mk

Претставки од Сотировски поради обврската починатите од КОВИД-19 во Тетово да се закопуваат во нови гробни места

Комисија за односи со верските заедници: Домашните слави исклучиво во кругот на семејството