комисија за политички систем – Kurir.mk

Седница на собраниската Комисија за политички систем и односи меѓу заедниците

Ивана Ефремовски — Thu, 21 Sep 2023 06:06:07 +0000

Во Собранието денеска седница ќе одржи Комисијата за политички систем и односи меѓу заедниците. На деневен ред е Одлуката за изменување и дополнување на Националната стратегија за спречување на корупцијата и судирот на интереси 2021-2025. Одлуката ќе се носи на барање на Државната комисија за спречување на коруција. (МИА)

Повеќе годишни извештаи пред Комисијата за политички систем и односи меѓу заедниците

Тале Кристо — Tue, 20 Dec 2022 06:42:57 +0000

Годишниот извештај на Државната комисија за спречување на корупцијата за спроведување на Националната стратегија за спречување на корупцијата и судирот на интереси 2021-2025 за период 01.01.-31.12.2021 година е на дневен ред на денешната седница на собраниската Комисија за политички систем и односи меѓу заедниците. На агендата на седницата се и Годишните извештаи за работата Советот на јавните обвинители на Република Северна Македонија за 2021 година, на Јавните обвинителства на Република Северна Македонија во 2021 година, Извештајот за реализација на Судскиот буџет за 2021 година. Членовите на Комисијата треба да ги разгледаат и годишните извештаи за работата на Државната комисија за одлучување во управна постапка и постапка од работен однос во втор степен во 2021 година, на Агенцијата за заштита на личните податоци за 2021 година, на Инспекцискиот совет за 2021 година и на Агенцијата за администрација за 2021 година.

Законот за поништување на лустрацијата на Комисија за политички систем

Ивона Петрова — Mon, 13 Jan 2020 06:50:50 +0000

Законот за поништување на лустрацијата денеска ќе биде разгледан од членовите на собраниската Комисија за политички систем и односи меѓу заедниците. Владата на крајот декември минатата година го утврди текстот на Предлог на закон за огласување ништовност и поништување на правни акти, дејствија, мерки и правни последици од постапките за лустрација. Со новото предложено решение, се пристапува кон отстранување на штетните последици по лицата кои беа жртви на овие постапки пред Комисијата за верификација на факти, пред надлежните судови и пред другите органи, и согласно Предлог законот, за оштетените лица од наведените акти и дејствија, се предвидува надоместок на штета. Со овој Предлог закон се заокружува правната рамка како стратешка цел на реформата во правосудството во однос на обезбедување на независноста и непристрасноста и се пристапува кон реализација на стратешката насока за воспоставување на законска рамка за поништување на мерките и правните последици од процесот на лустрација. За време на шестгодишното работење на Комисијата за лустрација за кодоши беа прогласени околу 200 лица.