ВМРО-ДПМНЕ ја напушти денешната седница бидејќи Одлуката за изменување и дополнување на Одлука за избор на претседател, заменик претседател и членови се стави на пленарна седница без да го помине филтерот

Магдалена Андонова — Tue, 15 Mar 2022 14:18:17 +0000

Пратеничката група на ВМРО-ДПМНЕ ја напушти денешната пленарна седница поради тоа што Одлуката за изменување и дополнување на Одлука за избор на претседател, заменик претседател и членови на Комисијата за прашања на изборите и именувањата, она што го зборуваме веќе подолг временски период, повторно се стави на пленарна седница без да го помине филтерот, а тоа е самата Комисија, изјави денеска за медиумите, Никола Мицевски координатор на Пратеничката група на ВМРО-ДПМНЕ. - Имено, членот 20 од Деловникот предвидува да изборот на членовите на Комисијата за изборите и именувањата на конститутивната седница, се врши на пленарна седница. Меѓутоа веќе сме активни и имаме одредени работи на таа Комисија, така да промената и измената на членовите треба да оди согласно членот 108 од Деловникот кој што владејачкото мнозинство и претседателот Џафери упорно го избегнуваат, каде што вели дека изборот на претседател и членови на работни тела оди по предлог на Комисијата за прашања на изборите и именувањата, а врз основа на листата што ја предлагаат пратеничките групи. Очигледно е прекршувањето на Деловникот, јас тоа и го спомнав на самата пленарна седница. Значи виновникот секогаш се враќа на местото на злосторот, затоа што несакајќи да ја поминат целата деловничка процедура преку Комисијата за избори и именувања, тоа пополнување на Комисијата планираат да го направат преку пленарна седница, појасни Мицевски. Тој посочи дека негови забелешки и на самата седница беа дека согласно ваквото нивно делување и прекршување на Деловникот, очигледно ќе нема потреба од оваа важна Комисија, меѓутоа дека ништо не го спречува владејачкото мнозинство во намерата да постават членови во таа Комисија и потоа оние нивни меѓупартиски договори да ги спроведат односно да постават луѓе кои што партиски ќе одговараат на нив, а не на институциите и на граѓаните.

Нема договор за избор на главен државен ревизор, собраниската Комисија ја прекина денешната седница

Дарко Андоновски — Fri, 01 Nov 2019 16:36:00 +0000

Комисија за прашања на изборите и именувањата дополнително ќе се наврати на расправата по точката за избор на главен државен ревизор, откако денеска предлогот на функцијата да биде избран Адем Цури не доби мнозинство гласови. Претседателот на собраниската Комисија за прашања на изборите и именувањата, Илија Димовски, посочи дека во моментот владејачкото мнозинство во пленум нема мнозинство во комисијата, по што на барање од пратеникот Мухамед Зеќири ја прекина работата на Комисијата. – Ќе ги информирам и господинот Џафери и господинот Заев, Мицкоски и другите претседатели на парламентарните политички партии за конструктивно да најдеме решенија за клучните државни институции. Посебно да обрнеме внимание за решенија кои што ќе ја имаат довербата на сите пратеници, изјави Димовски. Претходно за државен ревизор пратеникот од СДСМ Мухамед Зеќири го предложи Адем Цури, додека пратеникот од ДУИ Ејуп Алими го предложи Насер Адеми, којшто досега ја извршуваше функцијата заменик државен ревизор. За Адем Цури гласаа шест од 12 присутни членови на Комисијата, по што претседателот на Комисијата Димовски ја прекина расправата за оваа точка и ги повика политичките партии да изнајдат начин да се договорат за изборот на државниот ревизор. Државниот завод за ревизија е речиси две години е без главен ревизор, а мандатот на вршителот на должноста истече на 5 октомври.

комисија за прашања на избор и именување – Kurir.mk

Нема договор за избор на главен државен ревизор, собраниската Комисија ја прекина денешната седница