Комисија за труд и социјална политика на ВМРО-ДПМНЕ – Kurir.mk

„За каков економски раст зборува СДСМ кога за време на нивното владеење се затворија 28.000 фирми, а средствата од Фондот за иновации се делат на луѓе блиски до власта?“

Тале Кристо — Thu, 13 May 2021 11:32:19 +0000

Дали лажната розова слика може да ја сокрие вистината за економијата?, прашуваат од комисијата за труд и социјална политика, демографија и родови прашања на ВМРО-ДПМНЕ. СДСМ предводена од Зоран Заев се пофали дека во изминативе 3 години поддржала 800 компании со 70 милиони евра преку Планот за економски раст, дека пораснала просечната плата и стапката на невработеност се намалува. • За каков економски раст се зборува? Знае ли СДСМ дека во 2020 година 6200 компании ставиле клуч на врата, а над 28000 компании се затворени во нивното четиригодишно владеење. • 42 милиони од тие 70 со кои се фалат се средства кои се доделуваат преку Фондот за иновации и технолошки развој, тој ист Фонд “со одличен имиџ”, кој делеше пари за проекти на компании каде најчесто беа илворвирани луѓе блиски до власта и на раководни позиции како: Никола Мемов, Јован Деспотовски, Кочо Анѓушев, Цветанка Ласкова, Хари Локвенеци тоа за многу интересни “иновации”. • Просечната плата порасна како резултат на вработувањата на партиски кадри, за кои секојдневно се распишуваат огласи за вработување со примамливи плати на товар на сите граѓани во јавниот сектор, или можеби поради ѓубењето на работни места на работници кои земаат минимална плата, а се најмногубројни и беа најмногу погодени од Ковид пандемијата и први ја изгубија работата. Од Вашето „Блескање“ граѓаните добија европски цени на производите за потрошувачка, а македонски плати. Затоа на наредните избори Вие ќе бидете казнети. Народот ќе избере партија која нуди вистински и издржани проекти, можност на сите за подеднакво вработување, отворање нови работни места, подигање на животниот стандард, а тоа е ВМРО-ДПМНЕ. Бидејќи сите заслужуваме еднаква шанса за достоен живот во Македонија, стои во соопштението на Комисијата за труд и социјална политика на ВМРО-ДПМНЕ

Комисија за труд и социјална политика на ВМРО – ДПМНЕ: Нови отпуштања и погрешни трудови политики на Владата на СДСМ!

Тале Кристо — Fri, 09 Apr 2021 18:08:57 +0000

Како да не ни беа доволни црните статистики на новозаболени и починати од Ковид-19 кои секојдневно ги преживуваме сите веќе цела година, неспособната Влада предводена од Зоран Заев успеа во еден ден со непромислен потег да остави на улица, без приход, без здравствено, социјално и пензиско осигурување околу 30 000 лица, реагираат од Комисијата за труд и социјална политика на ВМРО - ДПМНЕ. ВМРО-ДПМНЕ ги поддржува мерките кои се во насока на спречување на ширењето на вирусот и заштита на здравјето на граѓаните, но бараме одговорност од Владата на СДСМ за енормната бројка на невработени лица која осамна вчера во Република Мак едонија. Прво, зошто доцни државната помош за стопанството веќе два месеци, во ек на пандемија? Немавте ли визија да предвидите што ќе се случи или не ви е гајле за граѓаните сè додека има за вас? Второ, нели е очигледно дека отпуштените работници се отпуштени незаконски? Македонските закони предвидуваат јасни услови кога и како може да се прекине работен однос: Со истекување на договор за вработување (ама никој не верува дека 30 000 договори истекле во ист ден!), со отказен рок од 30 дена. Или сите овие работници работеле „на црно“, а газдите не им плаќале никакво осигурување? Трето, третиот бран на вирусот е најсилен сега, и не се очекува дека преку ноќ ќе се намали, па водите ли сметка што ако некој од овие отпуштени работници или член од неговото семејство се зарази? Како ќе плати за лекување без пари и без здравствено осигурување? Четврто, Вчерашната најава на Зоран Заев и Битиќи со ветување за нови мерки за оние кои ќе бидат затворени во текот на овие две недели е само обид да избегаат од одговорноста за отпуштените работници. Зошто не најавија навреме дека ќе ги поддржат угостителите за да не останат работниците на улица? Почитувани граѓани, неодговорниот Зоран Заев и неговите неодговорни министри време е да одговараат за црните судбини на нашите сограѓани. Време е за оставки и одговорност! Доста ни е од вашето „Ќе биде“, зашто не ве бидува! Работните места не се враќаат со ПР базиран на лажни ветувања, туку со одговорни политики, со системски решенија и со ставање на граѓаните на прво место. ВМРО – ДПМНЕ останува со граѓаните и не отстапува од барањата решенија час поскоро! Не сте сами почитувани сограѓани, ние сме со Вас!, велат од Комисијата за труд и социјална политика на ВМРО - ДПМНЕ.

Комисија за труд и социјална политика на ВМРО-ДПМНЕ: На Македонија се потребни луѓе кои се докажале во својата професија, но уште повеќе квалитени и чесни луѓе

Дарко Андоновски — Sun, 26 Apr 2020 13:59:39 +0000

Комисијата за труд и социјална политика на ВМРО-ДПМНЕ преку статус на Фејсбук пишува дека -ДОСТА Е! Комисијата за труд и социјална политика, родова еднакост и демогафија при ВМРО – ДПМНЕ континуирано ги следи активностите и мерките кои ги презема Владата за спас на работните места и стабилизирање на економијата во Република Македонија. Досега дадовме шанса Владата да покаже што знае и умее, покажавме конструктивност и воздржаност и дадовме одреден број на предлози и сугестии за подобрување на состојбите. Оваа наша воздржаност извира од принципиелниот и високо свесен однос за приоритетите на државата и идејата за обединување на целото општество во справување со кризата Ковид 19. Но, досега мерките кои ги донесе Владата предводена од СДСМ, иако техничка, но искористувајќи ја вонредната состојба, преку октроирање на уредби со законска сила, не го дадоа очекуваниот ефект и не помагаат за спас на работните места и сочувување на екониомијата. Напротив, дел од уредбите се неуставни, имаат негативен ефект на економијата, а особено не се во духот на сочувување на работни места. Истите се осудени од страна на работниците и работодавачите. За тоа говори и статистиката според која само 7-8% од фирмите аплицираат за кредити. Околу 30% од компаниите воопшто не работат, а уште 50% имаат средни и големи потешкотии при работењето и се пред колапс! Само 27% од фирмите кои се погодени од кризата планираат да поднесат барање (но се уште не поднеле) за субвенција на придонеси до 50% или субвенционирање на платите до 14.500 денари, а секој втор вработен е погоден од економската состојба, додека секој четврт вработен ќе остане без работа во следниот период од 5 месеци, заклучно до септември 2020. Со уредбите на Владата се намалија платите на огромен број на вработени во целиот јавен сектор до 30% преку забрана за исплата за додатоци на плата, особено во однос на додатокот за стаж, кој ги погоди со 20% вработените кој се со најдолг стаж. Годишниот одмор им се наметна на вработените да го искористат во целост до крај на јуни, а потоа да работат без престан до следното лето, секако оние кои ќе останат на работа. Не се помага на микро и малите компании кои се најмногу погодени и ги затвараат своите бизнис и отпуштаат вработени со спогодби и откази, што е незаконито, но нема кој да реагира. Не внесоа во економијата директни финасиски средства за помош на компаниите кои се целосно неповратни, а Македонија има најмало учество од страна на Владата како помош за стопанството и фирмите од само 0,2% од БДП, што е на претпоследно место во Европа, по Белорусија, каде сепак сите фирми работат и нема вонредни мерки. Во пракса постојат огормен број на непознаници и проблеми во примена на и онака несоодветните мерки, реагираат работниците и работодавачите, но Владата не слуша. ВМРО-ДМНЕ даде конструктивни предлози во однос на сочувување на работните места и спас на економијата, од кои за волја на вистината беа прифатени некои предлози кои се однесуваат на финансиска помош за вработените и линеарно ненамалување на платите на вработените во јавниот сектор во износ од минимална плата (барем засега) но, заради суета најголем дел од предлозите не се прифаќаат само затоа што се од нас! Е, па доста е! Тие што немаат визија, идеја и методологија за спровување со оваа сотојба, кои и покрај тоа не сакаат да слушаат и одбиваат подадена рака на соработка, не и се потребни на Македонија. Време е способните и нови луѓе да ја поведат земјата. На Македонија се потребни луѓе кои се докажале во својата професија, но уште повеќе и како квалитени и чесни луѓе. Тоа се луѓето кои го чинат новиот тим на ВМРО – ДПМНЕ, стои во нивниот пост на Фејсбук. https://www.facebook.com/permalink.php?story_fbid=221970682558402&id=105104614245010

„Поранешниот министер за труд и социјална политика Мила Царовска против сегашниот вицепремиер за економски прашања Мила Царовска“

Дарко Андоновски — Thu, 06 Feb 2020 11:57:14 +0000

Комисијата за труд и социјална политика на својот Фејсбук профил сподели статус во кој пишуваат дека поранешниот министер за труд и социјална политика Мила Царовска е против сегашниот вицепремиер за економски прашања Мила Царовска. -Поранешниот министер за труд и социјална политика Мила Царовска против сегашниот вицепремиер за економски прашања Мила Царовска Во момент кога сите релевантни меѓународни и домашни агенции укажуваа на низок економски раст и лоши економски трендови во државата и мала акумулативна моќ и продуктивност на домашните претпријатија, Мила Царовска не убедуваше дека е потребно брзо покачување на минималната плата на кој начин ќе се стимулира продуктивноста на претпријатијата и ќе се зголеми просечната плата во државата. Владата со цел исполнување на ветените 500 евра просечна плата донесе политичка одлука за зголемување на минималната плата и тоа дури два пати во период од две години. И по реализираните две покачувања на минималната плата, Владата не успеа да ги достигне ветените 500 евра просечна плата, што го отвори прашањето дали покачувањето на минималната плата е „Вистинскиот пат„ до реализација на 500 евра просечна плата?! Зголемувањето на минималната плата предизвика надминување на максималниот праг на просечна плата соодветен за високо развиените земји (50 % од просечната плата во државата). Во моментот просечната плата во Македонија изнесува 25.787,00 денари, а додека минималната плата изнесува 14.500,00 денари. Покачената минимална плата не доведе до зголемување на мотивираноста кај вработените, и ја отежна економската моќ на претпријатијата за инвестирање во современи технологии и опрема за производство преку кои ќе би се создавале производи кои би биле конкурентни на странските пазари. Мотивираноста на вработените и инвистициите во современите технологии за производство се тесно поврзани со зголемувањето на продуктивноста на претпријатијата. Со други зборови, нема зголемена мотивираност на вработените без реализација на инвистициите во современите технологии за производство. Сето ова делува негативно врз индикаторите за зголемување на продуктивноста и реалниот економски раст, а со тоа нема природен пораст на платите како додадена вредност во самото функционирање на претпријатијата. Условеноста на порастот на платата од продуктивноста на претпријатијата конечно ја разбра и Мила Царовска, иако претходно во повеќе наврати од експертската јавност беше укажувано на ова! Таа сега од позиција на Вицепремиер за економски прашања укажува на јавноста и на самата Влада дека покачувањето на платите без да се зголемува продуктивноста, на долг рок може да доведе до проблем. Народот сега е збунет и не знае на кого да верува, дали на поранешната Министерка за труд и социјална политика Мила Царовска или на актуелниот Вицепремиер за економски прашања Мила Царовска??? Животот брзо минува, народот нема време да чека, Мила Царовска е потребно самата со себе да се договори и да го поведе народот на „Вистинскиот пат“, народот нема време на свој грб да ги плаќа погрешните политики на актуелните Министри. На народот му се потребни нови лица, нови политичари надвор од актуелната матрица на сегашните политички лица. Лица кои ќе бидат сигурни во своите постапки и ќе преземаат активности со цел да го поведат народот на вистинскиот пат, пат кој ќе води кон повисок стандард за живеење и ќе го издигне животот на повисоко ниво. Време е за обнова, време е за еконосмки стабилна и просперитетна Македонија!, стои во нивниот пост на Фејсбук

Комисија за труд и социјална политика на ВМРО-ДПМНЕ: Македонија е трета во светот со стапка на невработеност од енормни 44,7 проценти

Дарко Андоновски — Wed, 22 Jan 2020 15:24:10 +0000

По тригодишно молчење и освен скандали и афери не работење апсолутно ништо, гласноговорниците на власта во заминување денес, во очи на изборите, повеќе од свесни за катастрофалниот пад кој ги очекува на 12ти април, се обидуваат да го убедат народот дека им е добар животниот стандард и дека им ја намалиле невработеноста!, ова денеска преку пост на Фејсбук го потенцира Комисијата за труд и социјална политика на ВМРО-ДПМНЕ. Зарем истите тие кои ги убедуваа граѓаните дека 17.000 денари за четиричлено семејство се солиден животен стандард, истите тие кои невработеноста ја мерат според параметрите на оние неколкумина што останаа во земјава и истите тие кои ги избркаа сите странски инвестиции....имаат лице да го убедуваат народот дека сè уште блескаме?!!! Блесокот одамна го изгуби интензитетот и не само што не е блесок, туку е тотален мрак кого власта на Зоран Заев им го донесе на граѓаните на ваа земја! За какви добро осмислени мерки и програми говорат...само тие си знаат! Реалниот сектор се соочува со секојдневни проблеми за да обезбеди работници, затоа што работоспособните граѓани заминаа! Младите токму поради лошите политики на СДС ја напуштаат државата, а доказ е тоа што само во 2019 година се иселени над 10.000 млади лица од Република Македонија. Македонија е трета во светот со стапка на невработеност од енормни 44,7 проценти според извештајот од угледниот „Економист“ со што ја прави 3та во светот со најголем процент на невработени млади лица. Со мерката самовработување во 2019 година биле формирани 1320 микро компании, дали во СДСМ се запознаени колку микро компании се затворени и избришани во Централен регистар, се случува преку самовработување фирми да отвараат исти лица по втор и повеќе пати, исто така за субвенционирање на плати се користат лица кој не ни знаат дека за нив работодавачите користат субвенционирање на плати и истите кога се откажат од работа имаат забрана за враќање во евиденција на невработени 12 месеци. За каква младинска гаранција зборуваат кога им го уништија образованието, спортот, културата на младите и до последен ги избркаа од земјата?! Со сè што изнесле како податок се лажат себе си и никој друг во оваа земја! Македонскиот народ го препознава овој предизборно-маркетиншки потез за купување гласови и затоа на 12ти април ќе добијат ЦРВЕН КАРТОН и за блесокот и за правиот пат и за „подобрениот животен стандард“, стои во нивниот статус на Фејсбук.

Комисијата за труд и социјална политика на ВМРО-ДПМНЕ одржа трибина на темата „Младите во Македонија – се уште сум тука, а зошто би заминал ?

Дарко Андоновски — Fri, 13 Dec 2019 20:39:28 +0000

Денеска Централната Комисија за труд, социјална политика, демографија и родови прашања на ВМРО-ДПМНЕ одржа трибина во Скопје на тема „Младите во Македонија - се уште сум тука, а зошто би заминал ?“ во Центарот „Јавна соба“. На трибината се дискутираше за актуелни прашања во однос на иселувањето коишто ги засегнуваат младите и причините зошто младите си заминуваат од Македонија. Лошата економска ситуација економски и социјалната општествена состојба во држава изразена преку владеењето на криминалот и корупцијата се основниот фактор кој младите ги тера да бараат просперитет надвор од Македонија. На трибината беше истакнато дека досега од Македонија си имаат заминато околу 650 илјади граѓани во изминативе децении, а тој тренд е особено зголемен последниве години. Во таа бројка најголем е процентот на младите. Претседателот на Комисијата за труд, социјална политика, демографија и родови прашања, на ВМРО-ДПМНЕ проф. д-р. Лазар Јовевски истакна дека во најголем дел младите луѓе се на маргините на пазарот на трудот, односно се невработени. Повеќе од 40% од вкупната бројка на невработени луѓе се млади. Соговорниците проф. д-р Лазар Јовевски, адв. м-р Славчо Батковски и потпретседател на синдикатот на АКН, Марко Стефановски, разговараа за факторите и конкретните причини за заминување на младите, со цел да се спречи поразителниот тренд и да се испитаат можностите враќање на младите луѓе назад во Македонија, како и можните реални проекти за младите да станат реален фактор и двигател на сите општествени процеси коишто следуваат во државата. Идејата зад концептот на трибината за иселувањето на младите е да се поттикне поширока дебата за ова загрижувачко и актуелно значајно прашање за масовното иселување на младите луѓе од Македонија, како и начини на дејствување за спречување на истото.

Комисија за труд и социјална политика на ВМРО-ДПМНЕ: Министерката Царовска давала директорски решенија без соодветно факултетско образование

Дарко Андоновски — Tue, 19 Nov 2019 14:30:01 +0000

Комисијата за труд и социјална политика на ВМРО-ДПМНЕ денеска преку својот Фејсбук статус пишува дека министерката за труд и социјална политика Мила Царовска давала решенија на директори без соодветно факултетско образование. -Министерке, директорските решенија ви се без соодветно факултетско образование! Циркузијадата со установите за социјална заштита продолжува и понатаму, а министерката Мила Царовска станува нејзино заштитно име. Паралелно со импровизацијата што се нарекува деинституционализација, Мила Царовска поставува за в.д. директори на постојните установи, лица кои немаат четиригодишни додипломски студии, соодветно работно искуство, ниту пак го исполнуваат условот за познавање англиски јазик. Во член 187, став 2 од Законот за социјална заштита, се вели дека вршителот на должноста директор треба да ги исполни истите услови како за избор на директор, а тие услови се утврдени во членот 186 од именуваниот закон, што помеѓу другото предвидува високо образование, како и да поседува еден од меѓународно признатите сертификати или уверенија за активно познавање на англискиот јазик, стои во нивниот пост. Тие додаваат дека меѓутоа, фактичката состојба во некои од установите за социјална заштита е сосема поинаква, наликува на циркус, зашто ,,директоруваат некадарни кадри”, односно такви кои немаат факултетско образование, ниту пак поседуваат меѓународно признати сертификати за познавање на англиски јазик, согласно тие кои се предвидени со актуелниот закон. И покрај тоа што во тие установи има дипломирани стручни кадри со VII/1 степен, односно240 ЕКТС кредити, сепак, на челните позиции Царовска поставува партиски тркачи кои ѝ се делегирани од СДСМ, без почитување на законските услови. Да биде состојбата уште поаспурдна, станува збор за лица кои во ниеден момент немале улога во креирањето и спроведувањето на политиките на Установите, што значи лица кои некритички ги спроведуваат сите одлуки во циркусот, што Царовска се обидува да ни го спакува и продаде во розов целофан, со посвета ,,деинституционализација”! -Кој курс на пловидба го имате фатено министерке во вашите наврат-нанос обиди за ,,европеизација” на нашите установи! Сè ви е толку нејасно, завиено, матно! Зборувате за имплементација на законите и правото, а постапувате сосема спротивно. Ако не е така, можеше ли во дава мандата, иако Законот за социјална заштита вели најмногу до шест месеци, во Домот за доенчиња да биде директор воспитувач со Виша педагошка школа, а да ја замени пак медицинска сестра со тригодишни студии на Високата медицинска школа, чиешто образование е пониско од образованието на постојните стручни кадри во Установата!? Ако не е така, може ли во Специјалниот завод Демир Капија директор да биде поранешната секретарка на Директорот, со тригодишни струдии по туризам!? Министерке, до каде мислите да стигнете со вашите ,,фали ме усто оти ќе те раскинам” политики?! Да не беше жално ова што го правите, ќе беше многу многу смешно! Но, впрочем како и сè друго откако дојде ,,животот во Македонија”, стои во нивниот пост на Фејсбук.

Комисијата за труд и социјална политика на ВМРО-ДПМНЕ: Лицата со попреченост „изгубени во преминот наречен деинституализација“

Дарко Андоновски — Thu, 07 Nov 2019 11:50:45 +0000

Лицата со попреченост „изгубени во преминот наречен деинституализација“, ова денеска преку свој статус на Фејсбук го истакнуваат од Комисијата за труд и социјална политика на ВМРО-ДПМНЕ. -Секогаш кога СДСМ е на власт транзициските процеси се одвиваат со молскавична брзина, под лажниот превез на правда и еднаквост, а години подоцна негативните последици ги чувствуваат граѓаните и ги санира некоја друга влада. Така, во моментов, процесот на деинституционализација се одвива со динамика, на која би ни позавиделе дури и членките на Советот на балтички држави (CBSS), кои се синоним за најразвиена социјална политика, иако нивниот Акциски план за алтернативна грижа (Талин, 2015-2020) и нашата Национална стратегија”Тимјаник” (2018-2027) се базирани врз истите меѓународни и европски документи и директиви. Имено, во нашата стратегија е предвидено првата фаза на преселување и трансформација на институциите да се реализира во период од 6 години (до крајот на 2023), а истовремено да бидат развивани услуги во заедницата, со фокус на општините или регионите каде ќе бидат преселени корисниците. Но, наместо тоа речиси сите институции се затворени уште пред да заврши 2019, без да бидат обезбедени сервиси и услуги за персонализирана грижа и поддршка. Во брзањето ги запоставија транспарентноста и кампањите за подигање на јавната свест, па забораваат да ги информираат Советите на станари дека во нивната зграда ќе има мал групен дом што создаде проблеми во пракса. Корисниците не се доволно информирани дека со чинот на преселба ќе им биде неповратно променет формалниот статус на корисник на институција или пак се ставени пред свршен чин. Од друга страна, за каква независност и транспарентност зборуваме кога Националното координативно тело за мониторинг и евалуација го раководи Премиерот? Избрзаноста и нетранспарентноста будат сомнеж во искрените намери на Владата на Заев да обезбеди финансиска оддржливост и континуираност на овој процес, додаваат тие. Комисијата во статусот вели дека „ја потсетуваме Царовска дека алтернативната грижа треба да функционира и тогаш кога ќе заврши кредитирањето од меѓународните организации. Ја потсетуваме Царовска дека според меѓународните препораки, ресурсите (објектите) не смее да бидат пренаменети освен за социјални услуги во заедницата и во случај да бидат продадени или издадени под наем. Градоначалничката на Битола нека изгради градинка“! -Будно ќе следиме дали ќе има скриени профитерски интереси во нивното издавање под наем на Граѓански организации блиски до власта како приватни даватели на услуги. Во Обновена Македонија, Владата на ВМРО-ДПМНЕ ќе се грижи за квалитетна, навремена и конзистентна имплементација на стратегијата. Нема да дозволиме најранливите да бидат “изгубени во преодниот период”. На нашите граѓани никогаш не им недостигале емпатија и солидарност. “ Парите ќе ги следат корисниците”, а не Луј Витон чанти!, стои во нивниот пост на Фејсбук.

Комисија за труд и социјална политика: Покачувањето на минималната плата е популистички чекор во период кога СДСМ се поврзува со повеќе коруптивни случувања во државата

Катерина Бојаџиева — Fri, 18 Oct 2019 09:26:10 +0000

Покачувањето на минималната плата е популистички чекор во период кога СДСМ се поврзува со повеќе коруптивни случувања во државата. Оваа Влада која го осиромаши народот со криминалната приватизација во 90-те години, која нема визија и план за контиуиран и системски развој на економијата, која создаде ограмна невработеност- рекорд во Европа, Влада, која за 3 години со погрешните трудови и социјални политики успеа да исели повеќе граѓани од земјата отколку за последните 30 години, сега со административни мерки прави хаос во однос на платите на работниците и тоа на онаа група најсиромашни кои едвај врзуваат крај со крај и со 12 500 денари всушност се дел од армијата на сиромашни во државата, велат од Комисијата за труд и социјална политика на ВМРО-ДПМНЕ. -Дали спроведувањето на оваа погубна политика на плати е направена со издржана анализа? Дали се консултирани работодавачите и дали тоа ќе значи нови отпуштања од работните места или затварање на фирмите? Зошто покачување за две илјади денари, а не за три? Дали тоа ќе значи верижно покачување на платите во вертикала кај сите останати нивоа на вработени ако се зголеми минималната плата на овој начин од „ракав“? Секако дека не, бидејќи праксата тоа досега го покажа. ВМРО – ДПМНЕ стравува дека и понатаму ќе продолжи погубната пракса на префрлање на пари на трансакциска сметка, а потоа работниците дел од парите ќе ги враќаат на работодавчите откако ќе ги извадат од банкомат. Платите треба да растат и тоа почна да се случува во времето кога ВМРО-ДПМНЕ го донесе за прв пат во историјата на Македонија, Законот за минимална плата, но покачувањето треба да биде врз основа на развојна економска платформа, која подразбира емономски раст и развој, силни компании и успешни работодавачи, кои ќе ги мотивираат и наградуваат вработените. Минималната плата требаше да расте, и досега, стои на нивната Фејсбук страница и се додава: „Наместо тоа, во пракса имаме економски колапс, пропаст на малите и средните фирми, права од работен однос предвидени во колективни договори, особено во јавниот сектор кои не се почитуваат, а вработените за очигледни и неспорни права мора да тужат и добиваат, но тоа колку дополнително ја оптоварува држаната каса. ВМРО- ДПМНЕ откако ќе ја презеде власта ќе работи на континуирано покачување на платите во приватниот и јавниот сектор. Реално покачување не само на минималната плата, туку овозможување на континуиран домино ефект на покачување на платите во сите нивоа и работни позиии, со што реално ќе расте и просечната плата во државата. Економски раст кој ќе отвара нови работни места. Целосна примена на законските одредби за сите вработени и стопирање на погубниот процес на иселување, како и платформа за враќање на веќе заминатите луѓе од земјата. Работници во Македонија, доста веќе ве лажат и ве злоупотребуваат. Дојдено е времето за реална обнова на вашите права и достоинство во трудот. Работодавачи, доста веќе ве рекетираат и оптоваруваат со погубни даночни политки и економски мерки. Бизнисот во Македонија треба да биде моторот на севкупниот раст и развој во земјата! Не дозволувајте „правиот пат“ да не однесе во пропаст!“.