комисиска седница – Kurir.mk

Седници на две собраниски комисии

Ивона Петрова — Thu, 09 Feb 2023 06:43:43 +0000

Во Собранието денеска седници ќе одржат Комисијата за политички систем и односи меѓу заедниците и Законодавно-правната комисија. На дневен ред на 52-та седница на Комисијата за политички систем и односи меѓу заедниците се повеќе граѓански иницијативи, како иницијативата на државно ниво за поднесување предлог за пристапување кон измена на Уставот на Република Северна Македонија, преку овластениот предлагач Петар Богоевски. Пред членовите на оваа комисија се и граѓанските иницијативи за собирање 150.000 потписи за распишување референдум на кој граѓаните на Република Северна Македонија ќе можат да се изјаснат со „за“ или „против“ на повеќе референдумски прашања, кои се однесуваат на донесување Закон за синдикално организирање, за измена на Законот за избори... На дневен ред е и Граѓанската иницијатива за собирање 150.000 потписи за распишување референдум на кој граѓаните на Република Северна Македонија ќе можат да се изјаснат со „за“ или „против“ на референдумското прашање „Дали сте за или против за донесување Закон за амнестија на лицата осудени за настаните од 27 април 2017 година во Собранието. Овластен предлагач е Љубе Петревски. Членовите на Законодавно-правната комисија треба да одржат две седници, 169-та и 170-та седница. На првата седницата пратениците треба да ги разгледаат Предлог-законот за изменување на Законот за социјалната заштита и Предлог-законот за младински додаток, и двата по скратена постапка, како и измените и дополнувањата на Законот за финансиските друштва. Граѓанските иницијативи се на дневен ред и на 170-та седница на Законодавно-правната комисија.

Продолжува собраниската комисиска расправа за избор на уставни судии

Ивона Петрова — Thu, 09 Jun 2022 05:44:05 +0000

Собраниската Комисија за прашања на изборите и именувањата денеска треба да ја продолжи расправата за утврдувањето предлог за избор на судии на Уставниот суд на Република Северна Македонија. Комисијата треба да се произнесе за уште осум предлог-судии. Досега е прифатен само предлогот за Фатмир Скендер за нов уставен судија. Членовите на Комисијата треба да ги разгледаат биографиите и на републичкиот јавен обвинител Љубомир Јовески, како и на Тања Васиќ Бозаџиева која работи во Министерството за правда како државен советник за граѓанско законодавство, предложени, како и Скендер, од владејачките партии, но и на универзитетските професори Саво Климовски и Родна Живковска, судијата во пензија Бранко Секуловски, обвинителот Тодор Витларов, судијката од Управниот суд Весна Јовановска и јавниот обвинител Војислав Димовски од Основното јавно обвинителство во Охрид, предложени од ВМРО-ДПМНЕ. Уставниот суд во моментов, од предвидените девет, работи без четворица судии на кои им истече мандатот. Во нецелосен состав е околу една година откако кон крајот на мај лани им истекоа мандатите на тројца судии – Сали Мурати, Елена Гошева и Никола Ивановски. Кон средината на јануари годинава, пак, му заврши мандатот и на судијата Јован Јосифовски. Собраниската Комисија за прашања на изборите и именувањата, по речиси една година откако Уставниот суд работи со намален број судии, на 13 мај ја почна процедурата за избор на нови уставни судии. Предложени се девет кандидати

Седници на две собраниски комисии

Ивона Петрова — Wed, 12 May 2021 05:34:58 +0000

Во Собранието денеска седници ќе одржат Комисијата за образование, наука и спорт и Законодавно-правната комисија. На дневен ред на двете комисии се Предлог-измените на Законот за наставници и стручни соработници во основните и средните училишта и на Законот за Бирото за развој на образованието, двата во прво читање.

Седници на две собраниски комисии

Ивона Петрова — Wed, 28 Apr 2021 05:18:56 +0000

Во Собранието денеска седници ќе одржат Комисијата за земјоделство, шумарство и водостопанство и Законодавно-правната комисија. Предлог – законите за изменување и дополнување на законите за семенски и саден материјал за земјоделски растенија, за консолидација на земјоделско земјиште, за вршење на земјоделска дејност, за селекционерски права, за пасиштата и за сточарството, сите во второ читање, се на дневниот ред на Комисијата за земјоделство. Пратениците ќе расправаат и по Предлог-измените на Законот за финансиска поддршка за намалување на последиците предизвикани од коронавирусот врз производството, откупот на грозје и винската индустрија, по скратена постапка. Најавена е и расправа по Предлогот на закон за дополнување на Законот за земјоделство и рурален развој, по скратена постапка. Законодавно-правната комисија на седницата ќе расправа по Предлогот на закон за преиспитување на факти и докази користени во судска постапка, во прво читање, како и по Предлогот на закон за изменување и дополнување на Законот за управна инспекција, по скратена постапка. На агендата стои и Предлогот на закон за изменување и дополнување на Законот за патните исправи на државјаните на Република Северна Македонија, во второ читање. Членовите на Законодавно-правната комисија треба да дискутираат и по Предлогот на закон за лобирање, во второ читање. Меѓу точките на дневниот ред се и Предлог – закон за изменување на Законот за приватизација и закуп на градежно земјиште во државна сопственост, Предлог – закон за изменување на Законот за експропријација, како и Предлог – закон за изменување и дополнување на Законот за сметководството за буџетите и буџетските корисници, сите во второ читање. На седницата на Законодавно-правната комисија, најавена е и дискусија по Предлог-законот за изменување и дополнување на Законот за финансиска поддршка за намалување на последиците предизвикани од коронавирусот врз производството, откупот на грозје и винската индустрија, по скратена постапка.

Седници на три собраниски комисии

Ивона Петрова — Tue, 13 Apr 2021 05:27:44 +0000

Во Собранието денеска седници треба да одржат комисиите за здравсто, за европски прашања и Законодавно-правната комисија. Пред членовите на Комисијата за здравство се предлог – измените на Законот за евиденциите во областа на здравството, на Законот за ментално здравје, на Законот за заштита од јонизирачко зрачење и радијациона сигурност, на Законот за забрана на развивање, производство, складирање и употреба на хемиски оружја, на Законот за доброволно здравствено осигурување, на Законот за континуирано стручно усовршување на докторите на медицина, на Законот за безбедност во снабдувањето со крв, на Законот за прекинување на бременоста и на Законот за биомедицинско потпомогнато оплодување, сите во второ читање. Единствена точна за разгледување на Комисијата за европски прашања е Предлог законот за изменување и дополнување на Законот за вршење на сметководствени работи во второ читање, додека пак членовите на Законодавно-правната комисија треба да расправаат по 17 точки од дневниот ред.

Седници на четири собраниски комисии

Ивона Петрова — Fri, 12 Feb 2021 06:17:20 +0000

Во Собранието денеска седници ќе одржат комисиите за политички систем и односи меѓу заедниците, за финансирање и буџет, за локална самоуправа и Законодавно-правната комисија. На дневен ред на седницата на Комисијата за политички систем и односи меѓу заедниците е Предлог на законот за изменување и дополнување на Законот за личната карта, по скратена постапка, во второ читање поднесен од Бастри Бајрами, Кастриот Реџепи, Биљал Касами, Фадил Зендели, Сурија Рашиди, Илире Даути, Артина Ќазими, Зиадин Села, Халил Снопче, Абдула Салиу, Сафије Садики Шаини. Членовите на Комисијата за локална самоуправа, пак, ќе расправаат по Предлог на стратегија за регионален развој на Република Северна Македонија 2020 – 2030. На Комисијата за финасирање и буџет има повеќе од дваесет точки од финансиската сфера. На седницата на оваа Комисија, меѓу другите, ќе се расправа по Финансиски план на Агенцијата за супервизија на осигурување за 2021 година. Предлог – закон за изменување на Законот за финансиската инспекција во јавниот сектор, Предлог – закон за изменување и дополнување на Законот за вршење на работи на застапување во царинските постапки, Предлог – закон за изменување и дополнување на Законот за даноците на имот, Предлог – закон за изменување на Законот за експропријација, Предлог-закон за изменување и дополнување на Законот за банките, Предлог – закон за изменување и дополнување на Законот за државната ревизија, Предлог – закон за изменување и дополнување на Законот за девизното работење, сите во прво читање. Во Собранието денеска три седници ќе одржи и Законодавно правната комисија.

Седници на две собраниски комисии

Ивона Петрова — Mon, 08 Feb 2021 06:16:21 +0000

Собраниската Комисија за политички систем и односи меѓу заедниците и Законодавно-правната комисија ќе одржат седници со повеќе точки на дневен ред. Пратениците од Комисијата за политички систем ќе расправаат за повеќе годишни извештаи, меѓу кои, за степенот на обезбедувањето почитување, унапредување и заштита на човековите слободи и права за 2019 година, за работата на Државната комисија за спречување на корупцијата за 2019, за работата на Судскиот совет на Република Северна Македонија за 2019 година… Членовите на Законодавно правната комисија треба да го разгледаат Предлог на законот за задолжување на Република Северна Македонија со заем кај Меѓународната банка за обнова и развој – Светска банка по Договорот за заем за финансирање на Проектот за унапредување на основното образование, по скратена постапка. На истата седница меѓу другото треба да биде разгледан и предлог законот за задолжување на Република Северна Македонија со заем кај Европската банка за обнова и развој по Договорот за заем за финансирање на проектот „Воведување на брз автобуски превоз во Град Скопје“ исто така по скратена постапка.

Две собраниски комисии ќе одржат седници

Ивона Петрова — Wed, 03 Feb 2021 06:29:17 +0000

Во Собранието на Република Северна Македонија денеска седници треба да одржат Комисијата за политички систем и односи меѓу заедниците и Комисијата за култура. Комисијата за политички систем и односи меѓу заедниците ќе расправа по Предлог законот за изменување и дополнување на Законот за основање државна комисија за одлучување во управна постапка и постапка од работен однос во втор сепен во второ читање. На дневен ред на седницата на Комисијата за култура се Предлог-закон за изменување и дополнување на Законот за аудиовизуелните добра, по скратена постапка, Предлог – закон за изменување и дополнување на Законот за музеите, Предлог-закон за изменување и дополнување на Законот за меморијалните споменици и спомен обележјата и Предлог-закон за изменување и дополнување на Законот за издавачката дејност, по скратена постапка во второ читање.

Седници на четири собраниски комисии

Ивона Петрова — Tue, 02 Feb 2021 06:20:09 +0000

Во Собранието денеска седници ќе одржат комисиите за надворешна политика, за финансирање и буџет, и за образование, наука и спорт, како и Законодавно-правната комисија. Пред членовите на Комисијата за надворешна политика, осум новоименувани амбасадори ќе ги претстават своите платформи за дипломатските активности пред заминувањето во дипломатските мисии. За нов вонреден и ополномоштен амбасадор во Грција е предложена Лидија Бошковска, а Васко Грков е номиниран за амбасадор во Србија. За Чешка е именуван Сашко Тодоровски, а за Jапонија – Горан Цеков. Амбасадор и наш постојан претставник при Советот на Европа во Стразбур ќе биде Светлана Гелева, Билјана Стефановска Сековска во Канбера, Комонвелт Австралија, во Кралството Холандија ќе не претставува амбасадорката Бети Јачева и во Естонија – Драган Јордановски. На претходните продолженија на седницата пред Комисијата, своите приоритети како амбасадори ги претставија Шпреса Јусуфи, амбасадор во Косово, Марија Ефремова амбасадор при Светата Столица, амбасадорите на Северна Македонија во Албанија, Данчо Марковски и во Казахстан Сали Лимани, Дане Талески новиот амбасадор кој ќе ја претставува земјата во Мисијата во НАТО во Брисел, како и амбасадорите во Данска, Фатон Бејта и во Катар – Шабан Јашари. Законодавно-правната комисија ќе дебатира за два предлог – закона за задолжување на Република Северна Македонија со заем кај Меѓународната банка за обнова и развој – Светска банка по Договорот за заем за финансирање на Проектот за енергетска ефикасност во јавниот сектор, и по договорот за заем за финансирање на Проектот за модернизација на земјоделството, двата по скратена постапка. Измените на Законот за задолжница и на Законот за вршење на услуги брз трансфер на пари и дополнувањата на Законот за јавните набавки, пак, се на дневен ред на Комисијата за финансирање и буџет. Комисијата за образование, наука и спорт треба да се изјасни по Предлог – законот за изменување на Законот за спречување на насилството и недостојното однесување на спортските натпревари и по Предлог законот за дополнување на Законот за научно-истражувачката дејност, поднесен од пратеници.

Седница на собраниската Комисија за труд и социјална политика

Ивона Петрова — Fri, 25 Dec 2020 06:54:35 +0000

Во Собранието на Република Северна Македонија денеска седница ќе одржи Комисијата за труд и социјална политика. Предлог-законот за изменување и дополнување на Законот за работни односи, во второ читање е единствената точка на дневниот ред на седницата на Комисијата.