комисиски седници – Kurir.mk

Седници на три собраниски седници

Ивона Петрова — Thu, 29 Jun 2023 05:24:46 +0000

Во Собранието денеска седници ќе одржат комисиите за политички систем и односи меѓу заедниците, за земјоделство, шумарство и водостопанство и за прашања за изборите и именувањата. На дневен ред на Комисијата за политички систем и односи меѓу заедниците е разгледување на Заклучокот на Собранието по предлогот на Законот за изменување и дополнување на Изборниот законик, поднесен од пратениците Павле Трајанов, Димитар Апасиев, Боби Мојсоски, Љупчо Балкоски, Панчо Минов, Моника Зајкова, Борислав Крмов и Маја Морачанин. Комисијата за земјоделство, шумарство и водостопанство ќе го разгледува Предлог законот за измени на Законот за виното, по скратена постапка. На Комисијата за прашања на изборите и именувањата продолжува расправата за избор на член на Советот за јавни обвинители.

Предлог одлуката за продолжување на кризна состојба на собраниска комисија

Ивона Петрова — Wed, 21 Sep 2022 05:24:09 +0000

Во Собрание за денеска се предвидени седници на Комисиите за образование и спорт, за здравство и за одбрана и безбедност и на Законодавно-правната Комисија. На дневениот ред на седниците на Комсијата за одбрана и безбедност и на Законодавно-правната комисија се Предлог-одлуката за одобрување на продолжување на рокот за постоење на кризна состојба на целата територија на Република Северна Македонија, заради недостиг на електрична енергија и состојбите на пазарите на електрична енергија, како и Предлог-одлука за одобрување на продолжување на рокот за постоење на кризна состојба на подрачјето на Град Скопје, заради недостиг на топлинска енергија, можноста за користење на алтернативно гориво и состојбите на пазарот на топлинска енергија. Предлогот на закон за изменување на Законот за основање на Национална агенција за европски образовни програми и мобилност, Предлог на закон за изменување на Законот за отворените граѓански универзитети за доживотно учење ќе бидат дел од предвидениот дневен ред на 17 седница на Комисијата за образование и спорт на дневен ред. На дневениот ред на трите седници на Комисијата за здравство се повеќе законски решенија од сферата на задрвствената заштита, меѓу кои и предлог-законите за изменување на законот за континуирано стручно усовршување на докторите на медицина и за прекинување на бременост.

Две седници на собраниската Комисија за европски прашања

Ивона Петрова — Wed, 30 Mar 2022 05:42:27 +0000

Собраниската Комисијата за европски прашања денеска ќе ги одржи 29-та и 32-та седница. На дневен ред на 29-та седница се предлог законот за финансиска стабилност и предлог на закон за изменување и дополнување на Законот за репродуктивен материјал од шумски видови дрвја и двата во прво читање. На дневен ред на 32-та седница се Предлогот на закон за изменување на Законот за вршење на работи за застапување во царинските постапки, по скратена постапка, во второ читање, Предлогот на закон за инспекциски надзор во животната средина, во второ читање и Предлогот на закон за граѓанска одговорност за навреда и клевета, во прво читање.

Седници на четири собраниски комисии

Ивона Петрова — Mon, 07 Feb 2022 06:38:45 +0000

Во Собранието денеска седници ќе одржат Комисијата за економски прашања, Комисијата за финансирање и буџет, Комисијата за одбрана и безбедност и Законодавно-правната комисија. Законодавно-правната комисија ќе одржи три седници, на кои ќе бидат разгледани повеќе закони со европско знаменце, меѓу кои и Предлог на закон за граѓанска одговорност за навреда и клевета, во прво читање. На дневен ред на седницата на Комисијата за економски прашања се Предлогот на закон за изменување и дополнување на Законот за установите во прво читање како и предлог финансиски план на Регулаторната комисија за енергетика и водни услуги за 2022 година. Членовите на Комисијата за финансирање и буџет ќе ги разгледуваат предлог на законот за изменување и дополнување на Законот за данокот на додадена вредност, по скратена постапка во второ читање, предлог на закон за изменување и дополнување на Законот за игрите на среќа и за забавните игри во прво читање, како и финансискиот план на Агенцијата за супервизија на осигурување за 2022 година. На дневен ред на Комисијата за одбрана и безбедност е Статутот на Воената академија „Генерал Михаило Апостолски“ – Скопје, во прва фаза.

Измените на Законот за државјанството по скратена постапка повторно пред пратениците

Ивона Петрова — Mon, 26 Jul 2021 05:16:45 +0000

Во Собранието денеска ќе заседвааат комисиите за европски прашања, за политички систем и односи меѓу заедниците, како и за прашања на изборите и именувањата. Пред Комисијата за европски прашања е Предлог-законот за изменување и дополнување на Законот за државјанството на Република Македонија, по скратена постапка во второ читање. Комисијата за политички систем ќе одржи две седници. На дневен ред на првата е Предлог законот за изменување и дополнување на Законот за лична карта во второ читање, а на вотрата Предлог-законот за изменување и дополнување на Законот за Собранието на Република Македонија, по скратена постапка во второ читање, поднесен од Талат Џафери, Јован Митрески, Арбер Адеми, Кастриот Реџепи, Сурија Рашиди и Никола Мицевски. На седницата на Комисијата за прашања на изборите и именувањата ќе се одржи јавна расправа за утврдување предлог кандидат за избор на член на Комисијата за спречување и заштита од дискриминација.

Седници на четири собраниски комисии

Ивона Петрова — Fri, 09 Jul 2021 05:31:11 +0000

Во Собранието денеска седници ќе одржат комисиите за транспорт, врски и екологија, за европски прашања, за финансирање и буџет и Законодавно-правната комисија. Членовите на Комисијата за транспорт, врски и екологија треба да ги разгледаат Предлог- законот за изменување и дополнување на Законот за постапување со бесправно изградени објекти, во второ читање и Предлог-законот за изменување на Законот за сигурност во железничкиот систем, по скратена постапка. На предложениот дневен ред на Комисијата за европски прашања се Предлог-закон за изменување и дополнување на Законот за јавните набавки во областа на одбраната и безбедноста, во второ читање и повеќе предлог-закони од областа животна средина. Се работи за: Предлог-законот за управување со отпадот, Предлог-законот за управување со батерии и акумулатори и отпадни батерии и акумулатори, Предлог-законот за управување со дополнителни текови на отпад…, сите во второ читање. На дневен ред на седницата е и Предлог-законот за изменување и дополнување на Законот за воведување на систем за управување со квалитетот и заедничката рамка за процена на работењето и давањето на услуги во државната служба, во прво читање. Предлогот за изменување и дополнување на Буџетот на Република Северна Македонија за 2021 година, во второ читање е единствена точка на дневниот ред на Комисијата за финансирање и буџет. Законодавно-правната комисија ќе одржи три седници, 66-та, 74-та и 75-та седница.

Продолженија на пет собраниски седници

Ивона Петрова — Tue, 01 Jun 2021 05:25:02 +0000

Собранието денеска треба да ги одржи продолженијата на 29-тата, 30-тата, 34-тата, 39-тата и 41-вата седница на чиј дневен ред се повеќе законски решенија. На дневен ред на 29-тата седница се предлог-законите за изменување и дополнување на Законот за лична карта и на Законот за прекршоци, двата по скратена постапка. На продолжението на 30-тата седница, на дневен ред се останати уште три точки, Предлог на закон за отпис на камати и репрограмирање долгови и трошоци на јавни претпријатија, по скратена постапка и два предлог-закона за изменување и дополнување на Законот за земјоделско земјиште и Законот за животна средина, двата во прво читање. Во рамки на 34-тата седница, пред претаниците на дневен ред се повеќе предлог-закони, како и Информацијата за нацрт-концепција за основно образование. На дневен ред на 39-тата седница, се Предлог-законот за задолжување со заем кај Меѓународната банка за обнова и развој со цел дополнително финансирање на Проектот за поврзување на локалните патишта, во скратена постапка, како и Предлог на закон за гаранција на Република Северна Македонија на обврските по Финансискиот договор КОВИД-19 одговор на Северна Македонија – Развојната банка на Северна Македонија АД Скопје, наменет за финансирање мали и средни претпријатија и средно пазарно капитализирани претпријатија, кој ќе се склучи меѓу Европската инвестициска банка и Развојната банка на Северна Македонија АД Скопје, исто така, по скратена постапка. На продолжението на 41-та седница, на дневен ред се повеќе предлог-закони, во второ читање, меѓу кои Законот за комплементарна и алтернативна медицина, Законот за лековите и медицинските средства и Законот за заштита на правата на пациентите. Во Собранието денеска седница треба да одржи и Комисијата за труд и социјална политика, на чиј дневен ред е Предлог на закон за изменување и дополнување на Законот за работните односи, во второ читање.

Најавено продолжение на три собраниски седници

Ивона Петрова — Wed, 05 May 2021 06:42:22 +0000

Во Собранието на Република Северна Македонија денеска треба да се одржат продолженија на три собраниски седници – 30-та, 34-та и 39-та. За дел од точките на дневниот ред на седниците е завршена расправата така што се очекува денеска пратениците да гласаат за околу четириресетина закони. На дневен ред на 30-та седница се предлог на закон за изменување на Законот за употреба на знаковниот јазик, измените и дополнувањат на Законот за задолжително капитално финансирано пензиско осигурување, на Законот за доброволно капитално финансирано пензиско осигурување,на Законот за заштита од вознемирување на работно место, измени на Законот за практиканство, измени и дополнувања на Законот за волонтерството, на Законот за исплата на пензии и пензиски надоместоци од капитално финансирано пензиско осигурување, измени на Законот за вработување на инвалидни лица, измени и дополнувања на Законот за вработувањето и осигурување во случај на невработеност, сите по скратена постапка, како и Предлог на закон за отпис на камати и репрограмирање на долгови и трошоци на јавни претпријатија и Предлог на закон за дополнување на Законот за трговија, по скратена постапка. Исто така на оваа седница се и измени и дополнувања на Законот за аудиовизуелните добра, на Законот за музеите, на Законот за меморијалните споменици и спомен обележјата и на Законот за издавачката дејност, сите по скратена постапка. На дневен ред на 34. седница се измените и дополнувањата на Законот за прекршоците, на Законот за постапување со бесправно изградени објекти, на Законот за финансирање на единиците на локалната самоуправа, сите во прво читање, финансиските планови на МРТ, автентични толкувања и други. Предлог на закон за ратификација на Договорот меѓу страните на Северноатлантскиот Договор за безбедност на информации, како и повеќе други точки се на дневен ред на 39. седница. На оваа седница на дневен ред се и одлуки за именување член на Регулаторната комисија за енергетика и водни услуги, за распишување јавен оглас за избор на здруженија од областа на човековите права, полициското право и правосудството, за објавување јавен конкурс за именување на членови на Советот на Агенцијата за аудио и аудиовизуелни медиумски услуги, на јавен конкурс за именување на членови на Програмскиот совет на Македонската радио-телевизија, за јавен оглас за именување на член на Државната комисија за жалби по јавни набавки, јавен оглас за именување член на Комисијата на Агенцијата за електронски комуникации, јавен оглас за избор на членови на Државниот совет за превенција на детско престапништво, јавен оглас за избор на член на Комисијата за спречување и заштита од дискриминација и за објавување јавен оглас за назначување на претседател и членови на Советот за граѓански надзор. Пратениците на оваа седница треба да се изјаснат и за Предлог на закон за задолжување на Република Северна Македонија со заем кај Меѓународната банка за обнова и развој – Светска банка по Договорот за заем за дополнително финансирање на Проектот за поврзување на локални патишта, по скратена постапка, како и за Предлог на закон за гаранција на Република Северна Македонија на обврските по Финансискиот договор КОВИД-19 одговор на Северна Македонија – Развојната банка на Северна Македонија АД Скопје, наменет за финансирање на мали и средни претпријатија и средно пазарно капитализирани претпријатија, кој ќе се склучи меѓу Европската инвестициона банка и Развојната банка на Северна Македонија АД Скопје и за Предлог на закон за изменување и дополнување на Законот за финансиска поддршка за намалување на последиците предизвикани од Корона вирусот COVID -19 врз производството, откупот на грозје и винската индустрија, двата по скратена постапка. На дневен ред се и други закони.

Седници на три собраниски комисии

Ивона Петрова — Tue, 09 Mar 2021 06:50:57 +0000

Во Собранието денеска седници ќе одржат комисиите за надзор над спроведување на мерките за следење на комуникациите, за политички систем и односи меѓу заедниците и Законодавно – правната комисија. Годишниот извештај за работата на Оперативно-техничка агенција Скопје за 2020 година и Годишниот Финансиски план за 2021 година на Оперативно-техничката агенција за средствата од надоместоците од Агенција за електронски комуникации, се на дневниот ред на Комисијата за надзор над спроведување на мерките за следење на комуникациите. Комисијата за политички систем и односи меѓу заедниците, како што е најавено, ќе одржи две седници, на кои ќе расправа по Предлог-законот за измени и дополнување на Законот за прекршоци, по скратена постапка, во второ читање, како и за Посебниот извештај на Државната комисија за спречување на корупцијата за утврдените злоупотреби во финансирањето на изборната кампања Предвремени избори за пратеници во Собранието на Република Северна Македонија – 2020. На агендата на Законодавно-правната комисија се предлог-законите за изменување и дополнување на Законот за здравствената заштита, на Законот за здравственото осигурување и на Закон за изменување и дополнување на Законот за личната карта, сите по скратена постапка.

Седници на шест собраниски комисии и Буџетскиот совет

Ивона Петрова — Mon, 15 Feb 2021 06:30:54 +0000

Во законодавниот дом денеска ќе заседаваат Буџетскиот совет и шест собраниски комисии. Буџетскиот совет на Собранието треба да расправа за Предлог-одлуката за утврдување на вредноста на бодот за пресметување на платите на собраниските службеници за 2021 година. На дневен ред е и Предлог-одлуката за начинот на утврдување на платите на вработените во Службата на Собранието кои вршат помошно-технички работи и немаат статус на административни службеници. Спроведувањето на Кодексот за етичко однесување на пратениците во Собранието и препораките на ГРЕКО во однос на Упатството за примена на Кодексот, се на дневен ред на Комисијата за деловнички и манадтно-имунитетни прашања. Членовите на Комсијата за одбрана и безбедност треба да расправаат за предлозите за изменување на законите за оружје, за прекршоците против јавниот ред и за безбедноста на сообраќајот на патиштата. Комисијата за финансирање и буџет ќе го разгледува Предлог законот за дополнување на Законот за финансирање на единиците на локалната самоуправа, по скратена постапка, предложен од група пратеници. Комисијата за транспорт, врски и екологија ќе расправа за Финансискиот план за изменување на Финансискиот план на ЈРП Македонска Радио Телевизија за 2020 година, за Предлог – законот за изменување и дополнување на Законот за внатрешната пловидба и за предлог измените на Законот за јавна чистота. На дневен ред на Комисијата за економски прашања, пак, се Предлог финансискиот план на Регулаторната комисија за енергетика и водни услуги на за 2021 година и Предлог-одлуката за утврдување на процентот на зафаќање од вкупниот годишен приход, за финансирање на нејзиното работење. Во Собранието за денеска се закажани и две седници на Законодавно-правната комисија на кои треба да бидат разгледани десеттина предлози за изменување и доплнувања на закони.