комити скопје – Kurir.mk

НЕ ПОСТОИ УТЕХА КОЈА МОЖЕ ДА ЈА СМИРИ БОЛКАТА – Комити Скопје се простија од Дарко Смоковски – Смок, остануваат сеќавањата на него! (ФОТО)

Дарко Андоновски — Tue, 20 Dec 2022 19:06:17 +0000

Комити Скопје преку статус на Фејсбук пишуваат дека нивен член денеска починал. Станува збор за Дарко Смоковски - Смок. „Го известуваме целокупното членство, како и сите навивачи и симпатизери на клубот, дека денес животот го загуби нашиот член Дарко Смоковски - Смок. Не постои утеха која може да ја смири болката која во овој момент сите ние ја чувствуваме. Останува сеќавањето, остануваат многуте заеднички приказни на Запад запишани, и останува твојата насмевка по која беше препознатлив. Насмевка која ниту смртта не може да ја победи! Упатуваме сочувство до семејството и до најблиските. Дополнително ќе ги соопштиме информациите поврзани со погребот. Дарко Смоковски - Смок (4.1.1999 - 20.12.2022) Засекогаш дел од нас! 🔴⚫️“, стои во нивниот пост на Фејсбук.

„Комити“ со јасна порака до управата!

Бошко Тасиќ — Sat, 27 Nov 2021 18:23:36 +0000

Во доста тензично дерби од втората фудбалска лига (запад), Вардар загуби од Воска СПОРТ со 2:1. Очигледно дека ова е уште едно разочарување за „комитите“, кои по поразот испратија јасна порака до клубот. „Р Е К О Н С Т Р У К Ц И Ј А“ „Ова НЕ Е тој ВАРДАР заради кој што дојдовме и покрај сите забрани“, гласи пораката на навивачката група „Комити“. За Вардар и денеска не изостана големата поддршка од навивачите, но мораа да се задоволат со пораз во Охрид.

Комитите бараат спас за ФК Вардар: Ако Вардар биде запрен, Скопје ќе биде поплавено

Ивона Петрова — Fri, 25 Dec 2020 07:17:31 +0000

Навивачката група Комити изминатиов период активно апелира дека фудбалскиот клуб Вардар треба да се спаси од финансискиот колапс во кој се наоѓа што може да резултира со негово згаснување доколку нешто итно не се превземе. Комитите порачуваат дека доколку институциите не го решат овој проблем ќе организираат протести или блокади. -На повеќе локации низ градот денес беа поставени пароли во врска со ситуацијата во која се наоѓа нашиот ФК Вардар. Пред се односот на луѓето задолжени за безбедноста на објектите од јавен карактер (Собрание на град Скопје, ПУИГ, Влада на Р.Македонија), беше коректен и професионален. Нашата цел не беше ниту ќе биде нив да ги ставаме во непријатни ситуации, туку едноставно да го актуелизираме прашањето за ФК Вардар, кое веќе неколку години виси во воздухот и сеуште нема црвста гаранција дека ситуацијата ќе се среди. Наидовме на разбирање, и повикавме на средби со јавните функционери на кои ќе добиеме цврсти гаранции дека ситуацијата со ФК Вардар ќе се реши и клубот ќе може стабилизиран да ја дочека пролетната полусезона, каде ќе биде конкурентен за Европа и титулата. Прозвани и дирекно повикани во ситуацијава се пред се Сергеј Самсоненко, Град Скопје и ПУИГ. Очекуваме до крај на годината да добиеме повратен одговор со конкретна агенда и временска рамка од сите страни кои се прозвани, и со заеднички сили и со наша директна инволвираност дојдеме до решение. Вардар е клуб основан од Град Скопје, во сопственост на граѓаните, Советот на Град Скопје и ПУИГ, а во времено владение на Сергеј Самсоненко. Очекуваме пред се Самсоненко да го подмири долгот до рокот предвиден за тоа (20 Јануари 2021г). Истовремено очекуваме дека Град Скопје и ПУИГ ќе се однесуваат кон клубот како негови татковци и одговорно ќе го превземат назад, и го предадат на следна страна која ќе пројави интерес за преземање на клубот, или доколку нема таква, да го одржат достоинствено во живот додека се појави. Ние во 2010/11 година го поклонивме управувачкиот пакет до Град Скопје и ПУИГ, и тогаш добивме ветување и уверување дека клубот е во вистински раце. Ние не сме група која е инволвирана во политика, туку сме навивачка група која е посветена на ФК Вардар, и ние се договараме со институции а не со партии. Институциите имаат континуитет во работењето, и дали тогаш бил Коце Трајановски а сега Шилегов, или дали бил тогаш Бавчовановски а сега Трајковски не ни менува заради нашата аполитичност. Веруваме во нивната љубов кон ФК Вардар, но веќе е дојдено време за дела а не за зборови. Следни наши чекори доколку не наидат на разбирање нашите легитимни барања, ќе бидат протести или блокади. Логично е - ДОКОЛКУ ВАРДАР БИДЕ ЗАПРЕН СКОПЈЕ ЌЕ БИДЕ ПОПЛАВЕНО, порачуваат од навивачката група Комити.

ВИДЕО: Комити потсетија – Ова е настанот што ја одбележа 2019 година

Ивона Петрова — Tue, 31 Dec 2019 09:25:49 +0000

Навивачката група Комити преку социјалните мрежи јасно кажа кој е настанот на годината за нив. Победата на РК Вардар во финалето на Лигата на шампионите на ЕХФ и враќањето дома на ракометарите со втора титула од ова натпреварување е настанот на годината.

Комитите се сеќаваат на Никола Саздо: Ќе наздравиме за твое име, виното повторно ќе го има горчливиот вкус

Ивона Петрова — Wed, 18 Dec 2019 10:20:47 +0000

Навивачката група Комити Скопје денес преку социјалните мрежи повторно се сети и му одаде почит на Никола Саздовски - Саздо. -Јунаците имаат само датум на раѓање, а денес е твојот ! Ќе наздравиме повторно во твоја чест, за твоето име и во твоја слава, на Свети Никола. И виното повторно ќе го има горчливиот вкус. Почивај во мир Саздо, брату наш..., напишаа Комитите.