комити – Kurir.mk

„Комити“ имаат амбициозен план за спас на Вардар: Сакаме да собереме 500 илјади евра

Ристе Здравков — Wed, 05 Jul 2023 16:54:14 +0000

По отворањето на новата акција за спас на Вардар преку купување на сезонски билети, „Комитите“ денеска со тројца првотимци одработија прес-конференција, на која главниот збор го имаше Милорад Миленковски. Главниот претставник на најпозната навивачка група се обиде да објасни како стојат работите во овој момент, но претстави и оптимистички план според кој Вардар би инкасирал околу 500 илјади евра со продажбата на билетите, а со тоа би се овозможило нормално функционирање во Првата лига. Вардар преку баражот со Скопје се врати онаму кадешто припаѓа, но јасно е дека борбата не завршува тука, бидејќи истата трае од 2018-та година и заминувањето на Сергеј Самсоненко. – Ние сме инволвирани во битката за спас на Вардар веќе три години. Вардар е „клуб на народот“ и народот има право да знае што се случува во Вардар. Во првата акција која ја имавме пред две години, тогаш продадовме 33.381 билет и тоа беше најуспешната акција со која успеавме Вардар да го оставиме во живот. Сметката на клубот е блокирана од 2018-та година, а сега започнавме нова акција за спас и потребна ни е поддршка од народот. – Зад Вардар застанаа 12 општини и Градот Скопје, а оваа акција која ја спроведуваме е своевидно продолжение на онаа од пред две години. Сега имаме десетпати поголем и поважен таргет, сакаме да покажеме дека Скопје го сака Вардар. Веруваме дека ќе бидат продадени многу сезонски билети и дека ќе инкасираме 500 илјади евра. Ние сме на потег, треба да покажеме колку се сака „клубот на народот“, – изјави Миленковски.

ВИДЕО: 3.000 Комити во еден глас ја пеат „Бисер балкански“, ова мора да го погледне секој МАКЕДОНЕЦ

Ристе Здравков — Mon, 22 May 2023 12:19:06 +0000

Со „Бисер балкански“ Вардарци го прославија враќањето во Прва лига, а видеото кое кружи по социјалните мрежи прави да се наежи секој Македонец. Вардар по две години се врати во Првата лига по победата со 3-0 против Скопје во баражот, како круна за една незаборавна и исклучително тешка година со многу проблеми, но со преголем жар и енергија за да се успее, најмногу поради сплотеноста на играчите и најверните навивачи Комитите. Повеќе од 3.000 вардарови навивачи на трибините, заедно со фудбалерите и стручниот штаб ја пееја „Бисер балкански“, а истата песна може да ја погледнете во продолжение.

Комити со акција: Донирајте за Вардар – веднаш!

Ивона Петрова — Fri, 12 May 2023 20:09:53 +0000

Најверните навивачи на Вардар, „Комити“ организираат акција за спас на најтрофејниот македонски фудбалски клуб. Тие преку фејсбук ги повикаа фановите на „црвено-црните“ да донираат пари кои ќе бидат наменети за потребите на клубот. За поранешниот македонски шампион може да се донира и од Македонија и од странство, а најважно од сè е тоа што секој ќе може да ја увиди точната сума на донирани средства за „црвено-црните“. „Дојде време за најважната акција. Ние сме на потег. Навивачите, симпатизерите, обичниот народ, на кого му е преку глава од малверзациите, матните игри и злоупотребата на клубот. Ве повикуваме сите вас, вљубеници во црвено - црната боја, да се приклучите, и на прикажаниот линк, да донорате согласно вашите можности. Сите собрани средства, ќе бидат наменети исклучиво за потребите на клубот. Дозволено е донирање, како од Македонија, така и од странство. И најважно, за целата акција да протече фер и транспарентно, секој, во било кое време, ќе може да ја увиди точната сума на сопствената донација, како и сумите на сите останати кои донирале. Воедно, и сите во било кој момент, на линкот ќе можат и да ја следат тековната промена на сумата. Се ќе биде потполно транспарентно. Го правиме ова, со цел да ги спречиме можностите за било каква нерегуларност. ВАЖНО ИНФО: Целата акција ја реализираме преку апликацијата Gofundme. Непрофитабилна апликација, но која со секое донирање дава опција, вие, како донатор, со дел од парите кои ги донирате, финансиски ја подржите. За да сите средства кои ги донирате бидат наменети исклучиво за клубот, потребно е да на предлогот од самата Апликација, која ви нуди да ја подржите, отидете на НУЛА. Така сите средства, ќе бидат наменети за клубот! Објаснување, во коментар! Не е важно од каде и колку, туку зошто. За нашиот Вардар, за нашата гордост. За славното минато, и за уште посветлата иднина, за која сите заедно ќе се избориме. Ти си Вардар, нема никој друг. Затоа, донирај, и биди дел од возобновата на најголемата македонска фудбалска гордост - ФК ВАРДАР“, објавија „Комити“. За Вардар може да се донира ТУКА.

Фудбалерите на Вардар останале без плата, Комитите финансиски ќе им помогнат пред Велигден

Ивана Ефремовски — Sat, 15 Apr 2023 13:44:15 +0000

Навивачката група Комити денеска преку соопштение извести дека ќе им даде финансиска помош на фудбалерите на Вардар, бидејќи клубот и покрај ветувањата, не им ги исплатил платите. -По натпреварот против Гостивар, дознавме дека „директорот” на клубот, Слободан Крстевски – Цобе, на фудбалерите не им ги исплатил ветените мининални финансии. Човекот кој во секој сегмент ја изневери нашата и довербата на фудбалерите, нема да го коментираме. Не е достоен за коментар! Би сакале само да ја информираме јавноста, дека како група одлучивме, во пресрет на најголемиот христијански празник Велигден, на сите фудбалери, и на стручниот штаб, да им подариме симболична финансиска помош. Знаеме дека тоа не е доволно, дека заслужуваат повеќе, но е искрен гест, со кој јасно порачуваме дека нивната болка е и наша болка. Приходот од продадените билети, решивме да ги искористиме на овој начин, велат од навивачката група. Тие додаваат дека континуирано помагааат во секој сегмент за клубот, од купување медикаменти, преку обезбедување терени за тренинзи, за сите категории фудбалери, до целосна организација на сите тековни натпревари. -Сето ова, го правиме со цел, нашите фудбалери – херои, да имаат достојни услови за играње! За крај, благодарност до илјадниците навивачи, кои ја препознаа нашата борба, кои вчера беа на стадионот во Маџари и околу него. Борбата за Вардар е борба за Македонија. Вардар е клуб на народот, бил и ќе остане. Затоа не може да се уништи!, порачуваат Комити.

Уапсените Чкембари добија храна и превоз до Битола – од Комити!

Ристе Здравков — Mon, 27 Mar 2023 07:58:19 +0000

По големото ракометно дерби меѓу Вардар и Пелистер кое го одбележаа и големи инциденти, полицијата уапси дваесетина Чкембари, кои за време на притворот, а и потоа најголемата, ако не и единствена помош ја добија од своите најголеми ривали - Комити. Вардаровите навивачи покажаа голема доблест придржувајќи се на навивачки кодекс дека војната и ривалството се само за на трибина, а дека по завршувањето на мечот се заборава сѐ и дека во тие моменти најважно е да се биде човек. Тие им доставиле храна додека „Чкембари“ биле во полициската станица, за потоа да им организираат превоз на своите конкуренти да се вратат назад во Битола откако биле ослободени од полицијата. Дербито меѓу Вардар и Пелистер (31-24) го одбележа големиот инцидент, кој го започнаа Чкембари кога фрлаа факли по обичните навивачи, што ги предизвика Комитите да влезат во терен. Битолчани по крајот од мечот изедоа и ќотек од полицијата, која се обиде да дојде до некој од гостинските навивачи по што настана голема мешаница. За време на средбата се водеше и голема „војна“ со навивачки песни и со меѓусебно пецкање со провокативни пароли.

ВИДЕО: Факели летаат на сите страни, снимки од инцидентот во СЦ „Јане Сандански“

Ивона Петрова — Sun, 26 Mar 2023 18:12:45 +0000

Актуелниот македонски ракометен шампион Вардар 1961 славеше во големото дерби против Еурофарм Пелистер со 31:24, кое попладнево беше во прекин половина час поради навивачки инциденти. Дерби натпреварот во „Јане Сандански“ во Скопје беше прекинат во 17-тата минута при резултат 6-6 кога во салата влегоа навивачите на битолскиот прволигаш и со пиротехнички средства почнаа да фрлаат кон домашната публика. Десетина навивачи на Вардар потоа влегоа на теренот и возвратија во делот кон гостинските навивачи со пластични шишиња и тврди предмети по што судиите го прекинаа натпреварот, а двете екипи се повлекоа во соблекувалните. По пауза од триесетина минута големото македонско ракометно дерби продолжи.

Навивачки спектакл на Комити, 10 километри долга бакљада

Ристе Здравков — Sun, 05 Jun 2022 07:16:36 +0000

Неколку убави причини имаа навивачите на Вардар за голема прослава во саботата вечер. Се славеше 35-годишнина од основање на групата Комити, 75-ти роденден на Вардар, 15-та титула во ракометното првенство и 5-години од најголемиот успех во историјата на ова спортско друштво - правата европска шампионска титула во ракомет. Со неверојатна фешта, досега невидена од навивачки аспект во земјава, Комити направија долг шпалир од скопската населба „Хром“ до мостот „Близнак“ кај Ново Лисиче. Голем број возила во една црвено-црна колона паралелно возеше од едната до другата населба и со сирени ги потсетија Скопјани на убавиот јубилеј од најголемиот успех на еден спортски колектив во земјава. Централниот настан беше пред сала „Јане Сандански“ во Аеродром каде блестеше пиротехника, музика и добра забава.

Комити останаа без една навивачка икона, почина Марјан Георгиев – Црни

Ивона Петрова — Sat, 02 Apr 2022 16:47:13 +0000

Навивачката група Комити објави дека денеска останале без уште еден член кој бил и еден од предводниците на групата. -Ненадејно не напушти една навивачка супер ѕвезда, човек кој Западната трибината го памети уште од основањето на групата. Комити останаа без една навивачка икона, кој своевремено беше еден од оние кои ја основаа а потоа и предводеа групата, од времето на Сокол, заедно со него но и по него. Природен лидер, кој влеваше стравопочит кај оние кои само малку го познаваа. Оние кои го запознаа вистински, во него видоа голем другар, доследен на принципите, со Вардар во срцето до последниот ден од својот живот... Градскиот асфалт го памети како еден силен човек, кој во својот животен век проживеа повеќе животи, култна личност кој остави трага која не може да биде избришана. Карпош загуби една голема легенда и човек со срце планина. Ја победи смртта многу пати претходно, а замина онака како што живееше, онака како што судбината сакаше да биде... Загина, но името твое нема да загине ! Загина, но нема да сме мирни додека душата твоја не биде слободна ! Комитски небесен копу, примете го со највисоки почести МАЦ - ЦРНИ, стои во објавата на Комити. Погребот ќе биде одржан во вторник на градските гробишта во Бутел со почеток во 12:30 часот.

Провокации на трибините: Судир на „Комитите“ и „Чкембарите“ (ВИДЕО)

Ивана Ефремовски — Sat, 26 Mar 2022 16:46:04 +0000

Навивачите на Вардар и на Е. Пелистер, „Комитите“ и „Чекмбарите“ се обидоа физички да се пресметаат веднаш по влегувањето на гостинските фанови во СЦ „Јане Сандански“ за време на големото ракометно дерби, пренесе Слободен печат. Веднаш по влегувањето на гостинските навивачи започнаа провокациите помеѓу двете навивачки групи, а потоа дојде до обид за тепачка помеѓу “Комитите“ и „Чкембарите“. ВИДЕА од инцидентот можете да погледнете на СЛОБОДЕН ПЕЧАТ

ФОТО: „Комити“ во свој стил со порака до „Чкембари“

Ристе Здравков — Wed, 15 Dec 2021 19:55:51 +0000

Интересно беше во Битола на ракометното мега – дерби на кое Е. Пелистер и Вардар одиграа без победник, 27:27. Интересно беше и на трибините во салата во Битола каде во самиот финиш на првиот дел, беа пуштени и гостинските фанови, „Комитите“. Гостите од Скопје во неколку наврати истакнаа трансперанти со што ги “боцнаа“ домашните. На едниот пишуваше: „Слика која не се гледа често, Вардар ги собра Битолчани на едно место“! Додека во вториот се спомнаа и сестрите на битолчани, по традиција… „Смислете нешто оригинално што ќе не допре. И приберете ги сестрите, ви ги помина цело Скопје“