компјутерски криминал – Kurir.mk

Скопјанец измамил Германци: Купувал производи па ги повлекол платените пари

Предраг Кукиќ — Fri, 21 Jun 2019 16:01:39 +0000

Министерството за внатрешни работи информираше Секторот за Компјутерски криминал и дигитална форензика при МВР поднесе кривична пријава против Д.Ф.(34) од Скопје поради постоење основи на сомнение за сторено кривично дело „компјутерска измама“. Пријавениотнаправил нарачка од една веб страна и откако ги добил производите успеал со измама да го повлече плаќањето и на тој начин да го оштети продавачот од Германија.

Македонец осуден на 90 месеци затвор во САД за компјутерски криминал

Предраг Кукиќ — Fri, 19 Apr 2019 14:33:34 +0000

Во сојузниот суд во Бруклин, македонскиот државјанин Џеваир Аметовски е осуден на 90 месеци затвор, откако претходно се изјасни за виновен за кражби на идентитет. Овие злосторства биле поврзани со работата на Аметовски на „Codeshop“, веб-сајт кој тој го создаде со единствена цел да продава украдени податоци за кредитни и дебитни картички, акредитиви за банкарски сметки и лични информации за идентификација. Судијата му нареди на обвинетиот да врати 250.000 американски долари и да плати надомест во износ што треба да го утврди Судот подоцна. Аметовски беше уапсен во Љубљана, Словенија, во јануари 2014 година и беше екстрадиран во САД во мај 2016 година. -Аметовски користеше мрежа на онлајн разменувачи на пари и анонимни дигитални валути, вклучувајќи го и Биткоин, а со веб-страницата „Codeshop“ успеа да ги скрие сите идентитети на учесниците, вклучувајќи го и неговиот. Преку шемата, Аметовски тргуваше и продаде податоци за кредитни и дебитни картички од повеќе од 1,3 милиони картички, велат од Одделот за правда на САД.

Употреба на исправа со невистинита содржина донесе кривична пријава за 4 лица: Како сакале да ги прелажат министерството?

Ивана Ефремовски — Sun, 24 Mar 2019 13:34:36 +0000

Секторот за внатрешни работи Скопје - Единица за економски и компјутерски криминал, до надлежното Основно јавно обвинителство во Скопје, поднесе кривична пријава против Ѓ.М.(50), М.К.(33), С.Т.(47) и З.Ј.(57), сите од Скопје, поради постоење основи на сомнение дека сториле по едно кривично дело „Употреба на исправа со невистинита содржина“, казниво по член 380, а во врска со член 22 од Кривичниот законик. Пријавените, по претходен меѓусебен договор, во текот на декември 2018 направиле два документи со невистинита содржина, како да се изготвени и издадени од Министерството за финансии , кои претставуваат одговор на барање, насловени до третопријавениот С.Т., со кои се известува дека од страна на Министерството за правда , до Секторот за трезор при Министерството за финансии е доставена наводно склучена спогодба помеѓу третопријавениот С.Т. и Министерството за правда за исплата на износ од 3.450.000,оо денари. Овие документи пријавените ги искористиле во два наврати како да се вистинити. На 31.12.2018, еден од актите, четвртопријавениот З.Ј., во име на првопријавениот Ѓ.М., го приложил кон барање доставено до Министерството за финансии во кое биле доставени податоци за трансакциска сметка на првопријавениот, како и Договор за отстапување на побарување, склучен на ден 25.12.2018 одина, помеѓу третопријавениот С.Т. и првопријавениот Ѓ.М.. Во договорот било наведено дека третопријавениот С.Т., своето побарување од Министерството за правда, во целост му го пренесува на првопријавениот Ѓ.М. и се согласува целосниот износ да биде префлен на банкарската сметка на примачот. Исто така, на 20.02.2019, вториот акт, второпријавената М.К., го приложила кон барање на свое име, доставено до Министерството за финансии, во кое доставила своја трансакциска сметка, како и Договор за отстапување на побарување, склучен на 05.02.2019, помеѓу третопријавениот С.Т. и второпријавената М.К., во кој било наведено дека третопријавениот своето побарување од Министерството за правда во износ од 3.450.000,оо денари, во целост и го пренесува на второпријавената М.К. и се согласува целосниот износ да биде префлен на банкарската сметка на примачот. Со овие дејствија пријавените се обиделе да се стекнат со противправна имотна корист од 6.900.000,оо денари.

Оштетил компанија од Македонија за речиси 50 илјади евра: Кривична пријава за лице од Екваторска Гвинеја за електронска измама

Предраг Кукиќ — Wed, 06 Feb 2019 15:06:38 +0000

Секторот за компјутерски криминал и дигитална форензика при Министерството за внатрешни работи, до Основното јавно обвинителство Скопје, поднесе кривична пријава против К.А.Р.О.(26) од Екваторска Гвинеја, со живеалиште во Шпанија, поради постоење основи на сомнение за сторено кривично дело „измама“, казниво по член 247 став 1 и став 3 од Кривичниот законик на Република Македонија. Како што денеска информира МВР, пријавениот во мај и јуни 2018 година пресретнал електронска комуникација на компанија од Македонија и компанија од Италија и со лажно прикажување и прикривање на факти испратил невалидна фактура со своја банкарска сметка во Шпанија, со што на компанијата од Македонија и нанел штета во износ од 47.953 евра. Тој, со лажна емаил адреса, во име на директорот на фирмата од Македонија стапил во контакт со италијанската компанија и ја сменил фактурата за наплата, по што испратил и своја банкарска сметка во Шпанија. По преземени мерки и соработка со службите во Италија и Шпанија било утврдено дека на домеинот на фирмата од Македонија било пристапувано од три различни ИП адреси, сопственост на телекомуникациски оператори од САД. Исто така, со заеднички активности било утврдено дека сопственик на сметката во Шпанија е пријавениот К.А.Р.О..