Компромис – Kurir.mk

Џонсон: Да се принуди Украина на „лош“ компромис со Русија би било „одвратно“

Тале Кристо — Thu, 09 Jun 2022 16:32:59 +0000

Британскиот премиер Борис Џонсон денеска нагласи дека Западот не треба да ја охрабрува Украина да се согласи на „лош“ компромис со Русија, бидејќи тоа би било „морално одвратно“. „Поттикнување на лоши мир во Украина значи да се охрабри рускиот претседател Владимир Путин и сите оние во светот кои мислат дека агресијата се исплати“, рече Џонсон во говорот во Блекпул, северозападна Англија. „Тоа би било грешка и би ја отворило вратата за повеќе конфликти, повеќе нестабилност, поголема несигурност во светот и повеќе економски тешкотии“, додаде тој. „Знам дека некои, не во оваа земја, туку на други места, веруваат дека цената на поддршката за Украинците сега е превисока и дека треба да се охрабрат да се согласат со она што го бара Путин“, рече тој. „Да се напуштат Украинците би било морално одвратно“, нагласи тој. Путин „никогаш нема да може да ја потчини Украина и колку побрзо го сфати тоа, толку подобро, но не смее да му се дозволи да постигне делумен успех со голтање дел од земјата како што правеше претходно и прогласување прекин на огнот“.

Полска: Ако не најдеме компромис со ЕУ, можни се предверемени избори

Тале Кристо — Wed, 09 Dec 2020 12:40:42 +0000

Доколку Полска не се согласи на компромис со Европската Унија за буџетот, тоа би можеле да доведе до привремени избори, изјави денеска заменик премиерот Јарослав Говин. Полска и Унгарија блокираат 1,8 билиони евра од буџетот бидејќи се спротивставуваат на идејата владеењето на правото да услов за пристап до парите од европскиот буџет и планот за обова ако не се сменат основните документи на ЕУ. – Ги оставам на страна правото на избор, ветото… Алтернатива за Обединетата десница се предвремени избори, кои не би и донеле ништо добро на Полска за време на пандемијата, истакна шефот на владејачката коалициска партија Договор, Говин.

Заев и Пендаровски одат против историчарите и бараат компромис за Гоце Делчев

Тале Кристо — Fri, 23 Oct 2020 12:42:29 +0000

Љубчо Георгиевски во интервју за бугарски „Бгнес“ ги пофали премиерот Зоран Заев и претседателот на државата Стево Пендаровски за, како што вели, храбрите изјави во врска со Гоце Делчев. -Јас можам да кажам дека Заев и Пендаровски навистина како политичари даваат храбри изјави во поглед на зближувањето со Бугарија, меѓутоа вие гледате дека од друга страна некои 40 професори се потпишуваат и кажуваат веднаш да прекинат преговорите со Бугарија, Гоце Делчев е само Македонец и не смее да се дозволи никаква конотација дека Гоце Делчев е на Бугарија, вели во интервјуто Георгиевски. За Заев, Гоце Делчев е мост меѓу Македонија и Бугарија, кој ако го немало, требало да биде измислен. На овој начин премиерот најавува компромисно решение со Бугарија по однос на Делчев. -Постои голема доза на оптимизам за решавање на проблемот со потеклото на Гоце Делчев од двете страни. Бугарскиот народ е позитивен кон македонскиот народ и обратно. Верувам дека Борисов сака да се најде решение, сака добро за земјите од Западен Балкан и за Северна Македонија. Јас сум вечен оптимист. Да го немаше Гоце, требаше да го измислиме за да биде мост помеѓу двете земји. Треба да изнаоѓаме заеднички решенија, за да си помагаме заедно напред, изјави неодамна Заев. И претседателот Пендаровски денеска вели дека Делчев е историска фигура, која ги надминува регионалните граници. Тој додаде и дека, поради тоа, не е спорно која било држава да ги слави и чествува ликот и делото на револуционерот. -Она што навидум не дели, треба да не спојува. Јас мислам дека тој е македонски револуционер, кој е еден од најзаслужните за македонската држава која стана вистина, која се оствари по 1944 година. Меѓутоа тоа што тие тврдат дека тој е Бугарин, се борел за бугарската кауза, е за мене неспорно. Секој има право тоа да го брани. Зошто тоа би било проблем, не во однос на евроинтеграциите, генерално како народи, како граѓани, не гледам проблем ако ти го сметаш некого за јунак да го чествуваш и ти, и тоа не мора да биде исклучиво, вели Пендаровски. Ваквите изјави на македонскиот политички врв се противни на исте изјави на историчарите кои се децидни дека Гоце Делчев бил Македонец. Во февруари годинава проф.д-р Михајло Миновски истакнува дека Гоце Делчев е само Македонец, а нашето историско минато било и е само македонско. Универзитетскиот професор Далибор Јовановски, во телевизиско гостување пред неколку дена посочи дека Делчев се борел за создавање на македонската држава. -За мене Гоце Делчев е македонски херој кој се борел за автономна Македонија. Биле свесни дека прво треба да се бара автономија, па независност. Гоце Делчев е македонски херој кој се борел за создавање македонска држава, нагласи тој. За Гоце Делчев има 300 аргументи дека нема врска со Бугарија, вели Ефтим Клетников од „Македонски Манифест“. -И уште еден податок многу важен, со Гоце одел во четата најголемиот бугарски поет Пејо Јаворов, а тој единствено од Бугарите бил заљубен во македонизмот, кои денешните Бугари сакаат да го ништат. И тој одел во четата на Гоце и водел дневник за Гоце Делчев. И на едно место во тој дневник тој го цитира Гоце каде што вели – „Ќе огрее и над Македонија сонце, но нема да биде бугарско“. Само тоа доволно е да им се каже на Бугарите“, вели Клетников.

Вучиќ – Лајчак: Србија ќе разговара за компромис за Косово, а не за ултиматум

Тале Кристо — Sun, 11 Oct 2020 11:40:33 +0000

Српскиот претседател, Александар Вучиќ, денеска изјави дека не мора да каже каков е одговорот на Србија ако некој мисли дека пораката до Белград треба да биде „признајте го Косово и нема да добиете ништо, а вашиот народ ќе биде изложен на погром како на 17 март 2004 година“. Како што јави дописникот на МИА од Белград, Вучиќ со ова ја искоментира изјавата на специјалниот пратеник на ЕУ за дијалог меѓу Белград и Приштина, Мирослав Лајчак, кој кажа дека од него очекува „далекусежна“ одлука за косовското прашање, и дека Вучиќ со право се прашува „дали ЕУ за возврат нуди европска перспектива и колку од оваа европска перспектива ќе добиеме“. „Србија секогаш е подготвена да разговара за различни компромисни решенија, но тоа мора да биде компромис, а не ултиматум“, оцени Вучиќ. -Се надевам дека ЕУ ќе разбере дека не може некој да го потпише договорот во Брисел под покровителство на ЕУ и потоа да донесе резолуција со која ќе ја негира Заедницата на српски општини (ЗСО) и ќе каже дека никогаш нема да го прифати тоа или бара од Србија да ја признае независноста и потоа да формира ЗСО, кажа Вучиќ. Тој оцени дека позицијата на специјалниот претставник на ЕУ за дијалог „не е лесна“ кога, ќе добие порака од Приштина дека нема ниту да разговараат за она што го потпишаа пред седум години во Брисел. -Суштината е во тоа што Албанците очекуваат дека некој ќе изврши притисок врз Србија. Очекувам дека големите земји, а не Лајчак, ќе ни кажат во иднина ако го прифатите ова и тоа, ние ќе ве тапкаме по глава и ќе ви кажеме дека сте малку поголем демократ или ако не прифатите, ќе кажеме дека сте автократ, изјави Вучиќ. Лајчак за австрискиот Виенер Цајтунг, на прашањето дали за договор има недостиг на мотивација, бидејќи земјите од ЕУ не се заинтересирани за прием на нови членки со години, што беше критикувано и од Александар Вучиќ, оцени дека српскиот претседател „поставува легитимно прашање“. Лајчак оцени дека најтешко било „да се започне дијалогот воопшто“ и повтори дека целта е обврзувачки сеопфатен договор. -Во моментов разговараме за многу сложени теми, вклучително и за финансиските побарувања и правата на сопственост, кажа Лајчак. Тој го посочи прашањето за ЗСО, кое е договорено во 2013 и 2015 година и кое не е спроведено. -Ова е многу чувствителна тема за која се огласи и Уставниот суд на Косово – ова мислење мора да се земе предвид. Но, ги прашувам оние што велат дека сега не е време за тоа: ‘Кога, ако не сега? Па, вие сами го потпишавте договорот, кажа Лајчак. Според него, за време на претходната ЕК, политичката визија била изгубена, доминирале технички детали, а тоа се почувствувало и во земјите од Западен Балкан. -Но, преговорите со Северна Македонија и Албанија наскоро треба да започнат, воведена е нова методологија во разговорите за проширување. Политичката визија е повторно тука, додаде Лајчак.

Црвенковски: Компромисот со Грција задира во нашиот идентитет

Тале Кристо — Mon, 02 Mar 2020 20:59:43 +0000