компромитирачки фотографии – Kurir.mk

Од лажен профил објавил компромитирачки фотографии од девојка што ја уценувал- кривична за маж од Виница

Катерина Бојаџиева — Tue, 14 Mar 2023 15:23:12 +0000

Надворешната канцеларија за криминалистички работи Кочани поднесе кривична пријава против К.С.(22) од Виница, поради постоење основи на сомнение за сторени кривични дела „уцена“ и „злоупотреба на лични податоци“. Во периодот од 05.12.2022 до 27.01.2023, пријавениот уценувал женско лице дека преку социјалните мрежи ќе објави компромитирачки фотографии од неа. Потоа, пријавениот на лажен профил објавил две компромитирачки фотографии.

Млад скопјанец барал 3.000 евра од 22. годишна девојка за да не објави нејзини компромитирачки фотографии, лицето приведено

Магдалена Андонова — Thu, 23 Dec 2021 18:11:14 +0000

Денеска (23.12.2021) во трговски центар во Скопје полициски службеници од Единицата за насилен криминал при СВР Скопје го приведоа А.Е. (24) од Скопје поради основано сомнение за сторено кривично дело уцена. Имено, А.Е. побарал 3000 евра од 22-годишна девојка од Скопје за да не објави компромитирачки фотографии. Девојката го пријавила делото во СВР Скопје, по што веднаш се преземени соодветни мерки и активности и и се дадени кримтехнички обработени пари, кои таа му ги дала на А.Е. на претходно договорена средба во трговски центар во Скопје. Веднаш откако ги земал парите, А.Е. е лишен од слобода,а по документирање на случајот ќе биде поднесена соодветна кривична пријава.

Уценувал момче со компромитирачки фотографии, полицијата го уапсила и пронашла дрога

Ивона Петрова — Wed, 20 Oct 2021 09:39:05 +0000

На 19.10.2021 околу 16.40 часот на ул.„Борис Кидрич“ во Тетово, полициски службеници на СВР Тетово го лишиле од слобода 26-годишниот тетовец Б.Ш., поради сомнение дека во повеќе наврати го уценувал 23-годишниот Д.Ш., исто така, од Тетово, дека ќе објави компромитирачки информации и фотографии, за што подолго време барал и добивал парични средства од Д.Ш, информира МВР. При лишувањето, на Б.Ш. му била пронајдена и марихуана. Тој е задржан во Полициската станица Тетово за целосно расчистување и документирањена случајот, по што против него ќе бидат изготвени соодветни поднесоци.

Кривична за момче од Куманово кој на Фејсбук објавувал компромитирачки слики од поранешната девојка

Катерина Бојаџиева — Wed, 16 Oct 2019 13:10:05 +0000

Седумнаестгодишен кумановец по прекинувањето на љубовна врска со 15 годишно девојче, креирал лажен профил на Фејсбук и објавувал фотографии со компромитирачка содржина од малолетничката. -СВР Куманово поднесе кривична пријава против Д.С.(17) од Куманово поради постоење основи на сомнение дека сторил кривично дело „производство и дистрибуција на детска порнографија“. Пријавениот, по прекината љубовна врска со 15 годишна малолетничка, креирал лажен профил на социјалната мрежа Фејсбук и објавувал фотографии со компромитирачка содржина од малолетничката, се наведува во соопштението на СВР Куманово.

Објавувал компромитирачки фотографии од екс девојката на ФБ и Инстаграм, заработи кривична

Ивона Петрова — Tue, 01 Oct 2019 08:18:30 +0000

СВР Тетово поднесе кривична пријава против И.Ј.(23) од с.Шипковица поради постоење основи на сомнение за сторено кривично дело „злоупотреба на лични податоци“. -Во текот на јули 2019 пријавениот, на социјалните мрежи „Facebook“ и „Instagram“, од негови профили објавил заеднички компромитирачки фотографии со девојка од тетовско село, со која претходно бил во љубовна врска, информираат од МВР.

Момче од Гостивар ја уценувало поранешната девојка: Ако не ми дадеш пари и златен накит ќе објавам компромитирачки фотографии

Катерина Бојаџиева — Tue, 26 Feb 2019 14:55:35 +0000

Во Полициската станица Гостивар, 22-годишна жителка на гостиварско село, вчера околу 12.20 часот пријавила дека нејзиното поранешно момче Б.Д. (22) од Гостивар во повеќе наврати и барало пари, уценувајќи ја дека ако не му даде пари и златен накит на социјалните мрежи ќе објавел нејзини фотографии со компромитирачка содржина. Б.Д. бил лишен од слобода и задржан во Полициската станица Гостивар. По целосно расчистување на случајот, против него ќе биде поднесен соодветен поднесок.